Transcript
Toggle Index/Transcript View Switch.
Index

Search this Index
X
00:00:35 - ولادته في البصرة

Play segment

Partial Transcript: - Goodممتاز. اوكي. احنا اليوم تاريخ 5 نوفمبر 2017. متواجدين في كلية العمارة بجامعة الكويت مع المهندس فريد عبدال. اول شي تعطيني اسمك بالكامل ويوم ميلادك و مكان ميلادك.

- اوكي اوكي .انا اسمي فريد محمد أمين علي عبدال تاريخ ميلادي 11 سبتمبر 57. انولدت ببيت يدي بالبصرة لان والدتي راحت هناك ورسميا انا مولود بالكويت...


- ممم...

- شنو بعد؟


- اا تكلمنا عن اول ذكرى عندك؟

- اول ذكرى؟


- اول ذكرى.

- اول ذكرى عندي بيتنا بالدسمة

00:01:00 - طفولته في منطقة الدسمة

Play segment

Partial Transcript: واحنا صغار، اانلعب مع... انا واخوي مفيد صغاروعيال عمي يوسف وعلي. احنا بيتين عمي وابوي كنا ساكنين يم بعض واذكر نلعب عندنا قفاصة طيور ودياي وحمام وكان عندنا شاب مهري مربيينه معانا واتذكر منظر ان اول ما بدت الكويت اليديدة بيوتالاسمنت كنا نلعب بهوز الماي وعندنا حوض صغير عمتي العودة طلعت علينا بملفعها تصرخ تقول قاعد يكتون الماي قاعديوزعون... مخترعة لان احنا جيل صغير وما يعي قيمة الماي بالنسبة للجيل الأولي عندنا بداية التكنولوجيا والتلفزيون الاسود والابيض وكهربا وماي والى آخره في البيت فاتذكر عمتي العودة أمينة لمن طلعت لنا بالملفع تصرخ تشوفنا نضحك و نشقشق قاظبين الهوز ونطامر. تصرخ و تقول قاعدين... مخترعة. وطبعا اتذكرهم فيه حقبة لطيفة وعجيبة نهاية حقبة في بيت عمي اللي يمنا

00:02:10 - أكل الجراد

Play segment

Partial Transcript: في بيت عمي اللي يمنا عمي مصطفى كان فيه سدرة و يحطون جدر عود ويييبون اليراد بالخياش ويقطونه بالماي المغلي ويطامر واحنا صبيان صغار نراكض بدشاديشنا و نصيد اليراد.


- ممم...

- هاي ذاكرة اتكلم عن عمري سبع سنين ست سنين. اتذكر بيت يدي بالبصرة متروس عنب وموز وعرزالات وايد. و اتذكر كنا نروح اول ويك اند جيلنا صغارالكويتيين يروحون هناك... مو شاليهات كانوا يروحون البصرة و يردون يييبون بك... بقصم وقيمر جاموس وطراشي و...كان هذا حركة الويك اند.

00:02:40 - ذهاب الكويتيين للبصرة في نهاية الأسبوع

Play segment

Partial Transcript: و اتذكر كنا نروح اول ويك اند جيلنا صغارالكويتيين يروحون هناك... مو شاليهات كانوا يروحون البصرة و يردون يييبون بك... بقصم وقيمر جاموس وطراشي و...كان هذا حركة الويك اند.


- ممم...

- واتذكر مناص مناظر جميلة آلاف آلاف النخل وأشجار البرتقال وعقاريب وسلاحف في ابو الخصيب واتذكر ال... كنا نأجرشي يسمونه طراد نهري.


- ممم...

- والعراق كانت ذاك الوقت فيها وايد تماثيل عالبوليفارد، ااا الكويت حلوة وشوارعها سيارات وفهد السالم اتذكر نروح محلات الجميل بشارع فهد السالممع امي كان الكويتيين يتكشخون بفهد السالمIt’s a big deal . This is basically some of the old memories

- و تكلمني عن عايلتك وانت صغير مثلا اخوانك وخواتك عندك اخوان؟ امك و ابوك.

- اااا...

00:03:47 - عمل والده في التجارة

Play segment

Partial Transcript: - شنو كانو يشتغلون؟

- ابوي تاجر يشتغل بتجارة عامة ومقاولات ويشتغل بالأراضي وكان مصنفين كبار المقاولين وزارة الأشغال تاجر بالحصو وتاجربال... بالعقار وكان عندنا اراضي كثيرة الوالد يبيع ويشتري ويبني بيوت وايد بنايات مختلفة وسوى اعمال ومشاريع اخرى تاجر بالزيوت المحركات يعني كتاجر وكالات الى آخره. والدتي من البصرة درست في مدرسة راهبات فرنسية وبعدين ودوها مدرسة راهبات بريطانية ااا والدي تعرف عليها عن طريق المقاولات والدها كان مقاول...


- ممم...

- رجل اعمال في المقاولات الصحية وتمديدات المياه ولمن يابوها الكويت كانت تتكلم انجليزي وفرنسي ولبست عباة وبوشية (يضحك) تأقلمت وايد. صارت كويتية وعندها بدليات بصراوية (يضحك) احيانا نتغشمر عليها بس هذا الحجي من زمان ا

00:04:55 - سكنهم بجانب فريج شيوخ ومن ثم الدسمة

Play segment

Partial Transcript: احنا كنا نسكن... اسرتنا كلها بيت عبدال يعيشون في فريج الفريَ وفريج الجناعات يم فريج الشيوخ. سوق الأوراق المالية كان يضم بيوت كويتية كثيرة منها بيت يدي. وبيت عمي حسين... عمامي الكبار عاشوابالصوابر فترة لما لما طلع النفط وصار land acquisition وتنظيم الأراضي وتثمينات اسرتنا... كل تقريبا الاسرالكويتية تحركت شمالا باتجاه الشعاعية مالت الشوارع الى مناطق مشابهة لمنطقتها الأولانية فأهل الوسطى معظمهم راحوا اول مرة المنصورية والدسمة وووو عبدالله السالم اطلعت متأخر. أهل جبلة راحوا الشويخ والشامية وأهل شرق راحوا بنيد القار و شرق الدسمة ف basically احنا اتحركنا سيده. بيتنا كان بمنطقة واو في الدسمة وكانوا جيراننا بيت الشواف وبيت الجندل وبيت المزيدي ومجاميع من نفس الأسر. مجموعة من الأسر جناعات الأيوب معانا احمد. و بعدين صارت نقلات ثانية داخل الكويت ومراحل أخرى

00:06:20 - سكنهم بين البدو في عام 1963 في الفنطاس

Play segment

Partial Transcript: ما ادري شقولج عن... عندي طفولة أخرى، هاذي وايد خاصة. والدي قرر انه يعيش بالسالمية فبا فراح شرى أرض، أثناء تجارته بالأراضي، بغى يبني فيلتين كبار بالسالمية بعد الدسمة. كان عندنا شاليه وأرض عودة في المهبولة وابو حليفة فرحنا قعدنا صيف عشان نرجع وبعد القعدة هاذي ما ردينا فصرنا حضر تبادوا أو حضر عاشوا بين القرويه والبدو. دخلنا المدرسة سنة 63 في مدارس مشتركة، ابتدائية و متوسطة، وكنا نيي مع السايق. يقولون "جو الحضر جو الحضر." والفنطاس والمهبولة كانت جميلة بشكل لا يصدق. يقول ابوي تذكرنا بالكويت القديمة و فيلجا. كانت متروسة مزارع واحنا كنا... طبعا الكويت كان المد العمراني قاعد يشتغل فيها بسرعة وابوي كان يروح كل يوم ينزل الديرة و يرجع، حتى الشارع ما كان مبلط. وكأنا حبينا القعدة هناك، كنا الوحيدين الحضر مع عوائل قليلة، كان الشيخ صالح الصباح كان عسكري جبير موجود هناك، الشيخ يابر العبدالله مع زوجته خالتي هدى النقيب ساكنين جدامنا، كان محافظ الأحمدي. الشيخ محمد وجم أسرة صغيرة ااااا... بيت خزام كانوا ب عقيلة يعني حضر قليلين. مجموعة من أسر الحميضي ياو فترة قعدوا وردوا بس ما قعدوا قعدوا يعني ما كانوا ييونا المدارس بالحضر اللي كنا نروح المدارس مجموعة قليلة باقيهم قريوية وبدو يعني اهل فنطاس وابو حليفة يسمونهم قريوية واللي برا غربي بعيد عن البحر كانوا يسمونهم اخواننا البدو اللي توهم متوطنين في مناطق موجودة معروفه، صيهد العوازم وعقيلة اللي يسموها هاذي كانت يعني villages بس more nomad style اللي عالبحر كانوا لأ، يصيدون سمك وحظور ويزرعون was a beautiful thing

00:08:15 - صيادي السمك بالفنطاس

Play segment

Partial Transcript: وعندي ذاكرة جدا جميلة مثلا ان اهل الفنطاس الأصليين كانوا قبل ما عيالهم يكبرون والعيال اللي معانا بالمدرسة يروحون الجيش والشرطة أول فوج منهم كانوا معظمهم صيادين سمج يشتغلون بمزارع يملكونها كويتيين او بعضها مزارعهم الخاصة صغيرة فكانوا ييبون السمج يربطونه بالساسمال المدرسة ومدرستنا كانت مالت الفنطاس داشة البحر فييون الأساتذة يشترون الهامور حي مربوط مثل الخروف بالشيرة... بالماي يعني يطلون ويشترون سمجهم مربوط جنه خرفان، كان منظر ما أنساه

00:08:52 - مزرعة شيخان الفارسي للسدر ومزرعتهم الخاصة والخيول

Play segment

Partial Transcript: و ااا كانت المزارع دار مدار المدرسة ونسمع ماكينة الصبح تطقطق والسدر كثير. كان أكو مزرعة جميلة اسمها مزرعة شيخان الفارسي، أسرة بالكويت مشهورة. كان فيها سدر وايد جميل وكنا صبيان يروحون الشياطين ييبون... من يلقطون من تحت السدر ويييبونه المدرسة ونصيرهيصه بيصه طلاب المدرسة:اووه يايبين كنار من مزرعة شيخان اووه يهال يعني مستانسين والسمج تحت ال... مناظر عجيبة والربيع كان وايد جميل، تطق أمطار وايد ويصير سيول والبر يصير خضر خضر وابوي يضحك و يقول: هذا خضار انت تستانس عليه مو مثل اول كان اكثر خضار bushes كانت كبار ان طقيتي عصا بالعرفيط يركضون منها سحال سحالي ومخلوقات صغيرة وايد وطيور كنا excited واحنا صغار. لمن عشنا هناك كان عادي واحنا قاعدين بالحوش العود... بيتنا كان نظام الاحمدي، عود، مثل bungalows الاحمدي. نطالع التلفزيون وجدامنا تركض العقربة فوق الزوالي ونضحك. او الصبي قاعد يسقي الماي ويصيد له حية. كانت قنفذة وعيالها تحت ال corner مال بيتنا نشوفها كل يوم تطلع مع عيالها وترجع. انا اتكلم عن سنة 63، 64. مناظر ما تنشاف اليوم أبدا ما تنشاف. وبعدين كبرنا شويه صرنا بال middle school وأبوي ياب خيول لان كان عندنا مزرعة ثانية صار عندنا 6، 4 و بعدين صاروا 6 خيول عربية. كنا نركب ونطامر بين المزارع ويا ربعنا. بيت الدبوس كان عندهم خيول واحنا وبيت هاشم الرفاعي كان عندهم خيول وبعدين مروان العيسى كان عندهم مزرعة وصرنا مجاميع نطلع نراكض بين المزارع بالبران أيام الربيع ومرات لما يقبل الصيف ننزل خيولنا بالبحر نشيل سروجها وننزلها البحر ونسبح معاها ونغوص تحتها و school of fish يركضون ورا ال dungs مالت الخيول لان الخيول يسبحون و يستانسون بالبراد.

- ممم...


- فكانت مناظر ما... اقول وين هاذي المناظر عيالنا ما يشوفونها. اااا وحداق وتقمبر وشطانة بحر وحظور وما حظور بس يقول ابوي هذي ال luxury مو موجودة داخل الديرة، فعلا ما كانت موجودة داخل الديرة ابوي كان يقول: اهل الكويت يروحون شاليهات او بره يشوفونها بس انتو عشتوا بين قريتين حقيقيتين ما انتهوا يعني بعدهم. بعدين صار تثمين ويات شوارع واحنا كان الفنطاس جزء من بيوتها طين واسمنت مخلوط...

- ممم...


- ومحاطة بمزارع ولها مدرسة بنين وبنات مشتركة عالبحر وووو بس كل دار مدارها كان مزارع وبيوت قروية ومسيد. يقول ابوي جنها فيلجا أو... وسوت لي نوع من التغذية الروحية يعني حتى بالأفكار الجمالية عن الصحراء الحين لمنwhen I want to paint ولا I draw عندي ذاكرة وايد ثرية انه كنت مثلا اطلع مع ربعي، مروان وهاشم الرفاعي و اااا جاسم الدبوس ومجاميع من ربعنا اللي كان نطلع ونشوف ال bushes مالت الصحرا وايده وهم جذي ونقول دوس دوس نمر على ال bush يطلع منها ورل يركض ولا... نذكررعيان الغنم، كان فيه رعيان وايد. ذاك الوقت كانوا حضارمة ويمنيين مو بنغالية ووو كان عندهم سلوكيات لطيفة بالصحرا، شلون يقعد يغطي روحه بالبشت أو أي غطاء ويسوون جرونمن صخر. فيه ذاكرة عندي وايد جميلة عن عن بر الكويت وبحر الكويت اللي القروي أو الصحراوي اللي بعده ما داسته السيارة ولا ياته المدنية و... يعني هم كنا نطلع البر مع الوالد جنوبا أو شمالا نشوف البر اللي بعده بكر ويقول اهو يقول لأ كان أكثر وفعلا لمن معهد الأبحاث سكر بعض الأماكن وسمم وطلعت المحمية الصحراوية، يعني شكرا لجهود اخواننا في معهد الأبحاث، دكتورة سميرة عمر وبعدين مجاميع أخرى لحقتهم اا طلع بر فعلا جميل...

- ممم...


- بس كون انه ما ينداس بالسيارات ولا... مناظر رحنا لها بالمحميات تذكرني وأكثر يعني تذكرني باللي يقول عنه أبوي ورسمات الفنان أيوب حسين، فعلا ان المحمية قامت تسوي المناظر اللي كان يرسمها جيل ابوي و أيوب حسين و يقول لي أبوي: لا هاذي ترى مو البر اللي انتوا مستمتعين فيه... مستانسين، ف... ماتروح عن ذاكرتي واحنا ويا ربعنا نسبح بالبحر مع الخيول ونغوص تحتهم ونشوف السمك بين اا إلى لآخره. والدي كان ينزل يحدق مرات وعندنا كانوا German shepherds مهدينا اياهم عم زكريا الأنصاري، اللي لهم الطرف الأغر، كانوا يلحقونا، ينحاشون من البيت ويلحقونا في البحر واحنا بالطراد نلقى اثنين جلاب قاعدين... داشين البحر نركبهم الطراد يقول ابوي: طالع طالع .

- (تضحك)


- ف ذاكرة جميلة كانت ووو هذي الطفولة يعني ما بين الدسمة بالديرة واحنا صغار تونا الجيل الكويتي اللي داروسيارات و كهربا الى ان انتقلنا ورحنا قرية وكنا نيي نزور اهلنا بالديرة وهم اذا ياو يزورونا يعدون روحهم رايحين كشته، بعضهم يقول حق امه او اخوانه وبعضهم ابوه: تكفى تكفى، بروح بيت عمي بنقعد عندهم الاسبوع يعني عطلة الاسبوع واحنا نصير ال ال ال عيال عمهم الحضر المتباديين ونعلمهم البران والبحر. (يضحك)

00:14:45 - هواياته الرياضة والفن ونشاطات المدرسة

Play segment

Partial Transcript: - Ya,ya, انا كنت من الشباب اللي يحبون الرياضة والفن في آن واحد.

- ممم...


- ف احنا بالمدرسة كان أيام تعليمنا كانت جميلة ترى تعليمنا مناهج تعليمنا كانت وايد ثرية مع انه شوفي مع ان احنا كنا بالفنطاسناهيك عن الديرة، انا رحت روضة الفرات بالدسمة وكانت هم ايام جميلة وايد، اتذكر ال flower gardens و ال plants gardens كنا نعزف موسيقى للمدرسة، كنا نقول شعر اسبوع مرة بالمدرسة ... نقرا شعر يعني القاء شعر وأداء شعر وخطابة والى اخره. كان عندنا مادة الرسم والزراعة وكان عندنا تمثيل يعني بعض الأشياء اللي احنا نشوفها في زمننا صارت من المحرمات الممنوعات شي يعني وووو (يضحك).

- ممم...


- زين؟

- هم شعبنا كان أخلاقي متدين ذاك الوقت ما فرق معاه بس الحين أنا استهجن الأشياء اللي قاعد تصير بكثرة، احنا بالستينيات ما كنا جذي، بالسبعينيات. اااا I played music, I did artwork كنت مشهور اني ارسم زين، هذا شي... كنت ما... يعني الولد الصغير المتكتك كل شي يسويه وهم بالمدا بالمدارس كانت فيه ظاهرة لطيفة، اذا انت مو رياضي يسمونك bookwarmيأذونك فكنت أشوى انا كنت من الرياضيين، لعبت رياضة وايد حق الج المدرسة بس هم ااا كون والدي عنده مزرعتين اخريتين وربينا خيول كنت أطلع تقريبا ثلاثة ايام يومين بالأسبوع وانا صغير من عمر 11، 12 بالبر بالخيول، بالويك اند القى ربعنا اللي بالديرة بس بدون الويك اند انا عندي two days ويا عيال عمي و بعض أصدقائي من المنطقة اللي هم كانوا الدبوس، قلة يطلعون لانهم أبعد هم شويه انا كان حدودي لآخر المنقف ولأول الفنطاسdon’t do, I don’t go beyond Iفكنا overlap مراتبس بالويك اند نلتقي مجموعة I used to ride horses a lot ووو بالصيف اذا مو مسافرين البحر يعني هذا صبح ظهر ليل اذا كانت الماي رايحه قاعدين نقمبر و ندور اشياء بالليل اذا كانت المايه يايه قاعد نسبح. اذا ليل قعدة مرات نسوي عشا مع ربعنا بالعطله ونتعشى عالبحر والقمرة طالعه ونسمر ونغني ونسولف ونضحك ونشيطن يتطاققون بالرقي الى آخره ويلعبون الى آخره. ااا ننطر بالروزنامة الايام الماي السجي العالية والطفوح اللي هو الايام اللي رايحه، يالله هالوقت ونعرف جم حظرة، حظور كانت موزعة بعضها للشيوخ وبعضها للل اتذكر الله يرحمه كان صار وزير التربية فترة، كان عنده حظرة. احنا شياطين صغار ااا نروح نطل بالحظور و نطالع، شفنا مرات يعني شفنا سلاحف عملاقة مصيودة بالحظرة وبعدين ما تنوكل يطلعونها وشفنا لخم كبار يعني احنا صغار كنا، تتكلمين عن before teenagers . بعدين الثانوية صار موضوع ثاني بس الذاكرة مدهشة حق صغار انا الحين اقول كل... طبعا عيالنا وجيل ابهاتنا اللي كانوا يعيشون بالطبيعة اكثر وطبيعة الكويت كانت بعدها بكر و مصانة وووو ااا كان فيه جمالية خاصة للصحرا والبحر ما اشوف ان ايامنا الان جيل طلابنا أبدا يشوفونها الا يتعنون يروحون المحمية بس هذي كانت متوفرة بين القرى الكويتية وبراري الكويت وحواف المدينة يعني تلقين pockets وايدة.

00:18:31 - قانون المحميات ودور معهد الأبحاث

Play segment

Partial Transcript: - ممم...


- والحين انا كنت بفترة صرت ناشط اتذكر الشيخ يابر الله يرحمه لمن طلع قانون التخضير واحنا في البلدية احتفلنا احتفال كبير بين المعماريين جيلنا ان... انه وطبعا طلعت فكرة ان دكتورة سميرة السيد عمر الله يذكرها بالخير واعطيها كل الاجلال والتقدير مع فريق معهد الابحاث اللي نادوا نادوا نادوا نادوا بالمحميات لين صارت واقع والآن مازال ال wetlandsاللي عندنا بالشمال تحتاج لها الcare نفسه من بوبيان الى مواني الصليبخات كلها. هذي extremely valuable wetland فيها طيور و فيها مفارخ سمجوفيها حياة نباتية خاصة.

- ممم...


- و فيها حياة بحرية خاصة. لمانقرب منها أتحسف لما اشم ريحة ال اا التلوث موماخذة نصيبها من الميزانية ومن ال care وبالنهايه صراع ميزانيات تفسير ميزانيات يعني، وين احط بيزات التنمية بس extremely valuable land, extremely precious land اتمنى انه بحياتنا ان نركز على ان هذا مصدر حيوي جدا جدا جدا مهم. ينقي المياه وينقي التربة ومرضه راح يسوي لنا امراض كثيرة وصحته راح تسوي لنا... ناهيك عن جمالياته اللي احنا ابدا ما عندنا touch معاها.

- ممم...


- نعتقد ان سواحل الجنوب جميلة لانها بحرية للسباحة هذي حقيقة بس مو معناها ان سواحل الشمال اللي هي ال wetlands ماهي لها جماليات. ادري انا لما كنا بالجيش نخدم فترة التجنيد انها مناطق فيها طيور غير ال flamingo انا اشتغلت بمعهد الابحاث و شفت وايد flamingo بس كل ما تروحين شمال تشوفين بط وغربان ومخلوقات ما تنشاف صوب مدينة الكويت حتى بط بري موجود. أنواع من الطيور كثيرة. بالنسبة لبوبيان mystery جميلة جدا بس مجتمعنا ما... زين ان ما احد يروح لها الآن لاني اخاف ان يأذون ... يخربطونها وايد بس يبيلها a lot of care والتنمية... موازنة التنمية ما بين اني ابني من مواني حديثة واسوي trenching عشان الماي بين خور عبدالله وو بس هم المكان مليء بالحيوية يحتاج وايد sensitive care .

- ممم...


- ما ادري شلون طلعنا من الطفولة بس كلها حول الطبيعة انا وايد اعشق الطبيعة وايد.

- نرجع للطفولة مو مشكلة.


- ما له..

- (تضحك)

-
- بس مع عمري هذا تذوقي الحسي للطبيعة قاعد يكبر مع الزمن أكثر بكثير، كان عفوي وانا صغير الحين علمي وانا عود.

- ممم...


- يعني مازلت احبها بس احب الطبيعة بمعرفة اكثر، أول كنت ااا اغرق فيها واستانس فيها.كنا نصير سمر، يسموني المهري بالصيف كثر ما نصير سمر وشعرنا يصير أشقر لأن الشمس تحرقه فشعرنا الأسود ينقلب محروق يعني يقولون ياو المهارة ياو المهارة.

- (تضحك)


- نتذكر واحنا صغار شكثر... الحين لا الحين لازقين بالتليفون لازقين بال... ما يعني التكنولوجيا هاذي شي رائع بس اتذكر تقول حق الطلبة ارسم النخلة يبطل التليفون يطالع يبي يرسم نخلة...

- ممم...


- قوية... وايد قوية. اتمنى اني غطيت شي يسوى.

- انت ذكرت ان ايام الثانوية غير...

- اي.

- ليش غير؟

- لما رحنا الثانوية ثانويتنا بعيدة عن البحر ف هم ترى ظلينا احنا ردينا قبل الغزو بسنة او سنتين الديرة يعني والدي رد مو احنا انا رديت لما ان كبرت وتزوجت بس والدي ظل بالمنطقة فترة طويلة هناك

00:22:12 - الفحيحيل وبوحليفة والمنقف

Play segment

Partial Transcript: الفحيحيل town أكبر من القرى الثلاثة اللي هم الفنطاس وابو حليفة و المنقف. هذي كلها قرى زراعية. الفنطاس بالذات زراعية وصيد سمج بس ابو حليفة والمنقف كانوا زراعيين ماهم صيد سمج. فالفحيحيل كانت town أكبر و مهمة بال scale فيها اسوقة أكبر و فيها community أكبر ولها دور تاريخي هم أكبر، هاذولاك satellite لها وهي تمثل الويه البحري والاجتماعي الحقيقي لمينا الأحمدي.

- ممم...

- يعني الأحمدي صارت ااا هم والدي يوم صغير اشتغل في الأحمدي فترة ففيه تطور بجنوب الكويت ومناطق هجرات السكان إلى التنقيب عن النفط وثقافة النفط اللي الأحمدي كانت المغذي الأساسي، جالية كويتية كبيرة راحت عاشت في الأحمدي.

- ممم...


- بيت عماتي اشتغلوا يعني ازواجهم بالأحمدي. والدي من المؤسسين أيام الله يرحمه الاستاذ عبد الرحمن العتيجي والاستاذ الهارون،مجموعة أولى راحوا حتى بخيام يقول ابوي ماكان فيه مباني ولا فيه شي والعقارب تدش علينا بالخيام واحنا مع الإنجليز والهنود والى آخره. المهم انه في فيه ثقافة جبيرة صارت في الأحمدي بس أهل المناطق اللي عالبحر ال coast هاذوله القرى القديمة كويتيه اااا السحنة أو اللون الاجتماعي مالها بين القرويين والإخوان البدو والقرويين الكويتيين البدو الكويتيين بعدين صارت هجرات أخرى لأعمال النفط من العالم و بعدين فيه combination من جالية هندية جبيرة بال KOC وجالية عربية كبيرة بال KOC وكان هم لما تقول الاحمدي هذي قصة ثانيه حنا كنا صرنا نعيش بهذاك القطاع أن culture الاحمدي الفحيحيل والقرى البحرية اللي على ال ...كان لون ثاني.

- ممم...

- يعني نرد الديرة ننسجم مع تاريخنا القديم مع أسرنا وجيراننا الأوليين بس لما نروح هناك كان فيه another .another set of ideas اااطبعا اخوان وايد فيه أسر قروية من المناطق هاي كانت بالديرة يعني بيت الحقان كانوا بشرق معروفين من أول. مثلنا يعني راحوا قبلنا ال.. القرى...


- ممم...

- بيت الدبوس هم لهم وجود بالديرة القديمة و راحوا فحيحيل وموجودين نص ونص هني وهناك. احنا وصلنا وايد متأخرين يعني رحنا وراهم فيه بعضهم أسر يعني حتى الشيوخ الكويتيين اللي رايحين حتى يعني بعض الأسر الكويتية وبعض الأسر الكويتية صارت أحمدي. يعني هما كويتيين من الديرة بس فعلا صاروا أهل الأحمدي... اهل الاحمدي يعني صارت حياتهم الاحمدي.

- ممم...

-full cycle لين يموت الأبو ويصيرون وعيالهم يييي يدشون في دائرة حياة الأحمدي و دائرة النفط أو تجارة النفط أو استثمارات النفط صاروا... صارت ثقافة بحد ذاتها الاحمدي. الحين انا أدرك هذا لما لن كبرت اول وأنا صغير كان عندي كله يعني داش في بعضه بعض. الفحيحيل كانت غير المدرسة كانت بعيدة عن ال... عن البحر و التجمع مالها صار وايد غريب بالنسبة لنا حتى احنا اللي يايين... حضر رايحين الفنطاس.

00:25:00 - مرحلة الثانوية والطبقات المجتمعية المختلفة

Play segment

Partial Transcript: حتى احنا اللي يايين... حضر رايحين الفنطاس.

- ممم...

- صار الحضر ويا القروية يروحون حق مدرسة أكبر والمدرسة الأكبر فيها جالية من الشعيبة وجالية من الاحمدي و جالية من...فصارت هذي the bigger thing و فعلا.the kids of the oil sector

- ممم...

- كويتيين وغير كويتيين ييون الفحيحيل this is very funny يعني فيه kids كويتيين من ال oil sector

- أي.

- هذا شي يديد كان بالنسبة لي أنا كطفل أو توني teenager كويتيين من ال oil sector وفلسطينيين وعرب من ال oil sector ييون المدرسة احنا كويتيين من الديرة مع قريوية ربعنا يايين هناك. بعدين فيه refinery sector الشعيبة كويتيين وبدو وهم عرب ييون من صوب مينا سعود ونلتقي كل ابونا فحيحيل.

-ممم...

- وكان strange ... strange compo وعيال الفحيحيل أسر الفحيحيل القديمة بيت الدبوس والمعضادي والعدواني عداوين يعني مجاميع أسر ممم وايدين يعني هم هم وهم ألوان كويتية لأنهم فعلا كويتيين يعني بس الكويتيين القريوية غير الحين شويه دشينا في بعض وايد ااا مثلا انا كنت استمتع ب بشكل غير عادي ربعنا أهل الفنطاس مازالوا حبايبنا كل ما تيي مناسبة سووا لهم سامري... سامري وعرضه.

- ممم...

- تخرج ولا ما ادري ياهم ولد عفوي ابوي كله يقول لي يقول يبا enjoy هذي مثل كويت أول.

-(تضحك)

- مثل كويت أول يقول: يبا ترى العصر اليوم مسويين المغرب بيت فلان عندهم سامري بيت الحمدان أو كذا كذا ولدهم تزوج أو تخرَج أو تخرَج بالجيش والشرطة بعد ما كان جامعات.

- اممم اممم...

- راح خذا دورة البحرية و وحرس السواحل و واستانسوا وسووا لهم طقطقه حفلة وإلى آخره بعدين يصير هم بين فترة وفترة ربعنا اخواننا البدو يسوون عرضات وعروس بدوية وننعزم ونستانس يعني فيه culture فيه لون وشطانة الشطانة الشطانة الشطانة.

-ممم...

- هوشات المدارس كانت culture مثل sport.

-(تضحك)

- لا صج هاذي هاي culture ثانية وأبوي يقول: نفس الشي الكويت أول نفس الشي بس على أكثر يعني يعني الشطانة الشطانة المرحة

00:27:15 - قصص وشغب في المدارس

Play segment

Partial Transcript: الشطانة المرحة مع ااا يعني ييبون ظبان يهدونها بال class ييبون أرانب برية يهدونها بالمدرسة اااا حيايا تطلع...

- (تضحك)

- يطفرون الأساتذة بعدين الهوشات القبلية بس جذي as for sport مو عداوة يعني كلهم متناسبين.

- ممم...

- بس أسرة تشد تشد هوشة مع أسرة سيمسترين أو ثلاث وقبيلة مع تحالفاتها والناظر يقول لا تدشون من هالباب دشوا من الباب ذاك وهذول يدشون بس من هالباب وهذول يدشون من هالباب.

- والله؟

- اي نلعب مباريات بالمدارس واللي يغلب يتكسر الباص ماله.

- ممم...

يعني بس كنا هم نضحك يعني نتهاوش ونتفلع و ونتصالح ما ادري شلون مجتمعاتنا اليوم بس ما كان فيه هاذا ال... العداوة المستشرية يعني فعلا كان مرات نتهاوش مدرسة مع مدرسة نلعب معاهم يغلبونا ونغلبهم فجأة تصير cultureتخانقوا (يضحك).

- ممم...


- زين؟ اتذكر مرة بططوا باصنا وكسروا الجامات لأننا غلبناهم مدرسة المعري.


- اااا غلبتوهم بشنو؟

- كرة قدم (يضحك)

- كرة قدم. اي.

- الله يذكره بالخير اخوي وليد الحقان سجل هدف بعد التعادل وكان لاعب صغير وجده بشركة النفط كان وايد ممتاز وكنا متعادلين وبعدين قط عليهم قول وبعدين ما ماسلمنا بس خلصنا ركبنا الباص الا باصنا مدشدش ومبططين التواير. بين ضحك وبين هوشة وبين غشمرة وبين متفلعين وبين غالبين ومغلوبين. اااا كان نوع من ال... يعني نقول مرات المجتمع يصير أكثرعنيف ما احنا مادري كنا عنيفين ولا.


- (تضحك)

- عنف على شطانة على ها ونتصالح ونتهاوش وبعدين نتفاخر على بعض غلبناكم ذيك السنة وغلبتونا هالسنة وتذكرون يوم طقيناكم (يضحك) ما... مادري شلون ال culture هاذي كانت فيها العفوية هاذي والجمال هذا (يضحك) ya الحين ااا التسامح بالشارع بالسواقة مافي تسامح.

- ممم...

- الشد ولعن الزحمةوالى آخره واقول يارب شلون احنا كنا نتهاوش بالمدارس والحين بالشوارع ما يتسامحون يعني ما كان فيها ما فيها ثارات يتهاوشون.

- ممم...

- يتهاوشون ويعايرون بعض ويروحون حق اهاليهم يضحكون عليهم اهاليهم ويقولون يلا تصالحوا وبعد يتهاوشون مرة ثانية.

- تذكر سالفة معينة؟


- اي لا كانت المشهورة عندنا أن فترة فترة قام يصير مسلسل الهوشات بين الع العداوين والدبابيس لدرجة أنه قالوا لهم انتوا تدشون من هالباب وتدشون من ذاك الباب يعني وهم متناسبين و...

- اي اي.

- ها مثل قصص ال شيكسبير.

- ممم (تضحك)

- ايه ااا يعني هاذي كانت مشهورة و... بس كانت روح مرحة وشبابنا شبابنا حلوين يعني
س اااا بس تغيرات حياة تصير يعني هاي الأشياء بس تحب ان الروح العفوية اتظل قوية في المجتمع... الروح العفوية والتواصل مع الطبيعة يظل وايد اااا يعني عيال الفنطاس كانوا بعضهم ذاك الوقت مافي طراريد كان يسوون شي يسمونه تناكة أهل الكويت يعرفونه...

- تناقة؟

- تناك.

- تناك.

- ييبون تتك مال ال...

- اي.

- يطقطقونه ويسوون لهم طراد صغير وأتذكر الله يرحمهم اثنين صغار اتوفوا ما استأذنوا امهم وابوهم ايام السرايات وثلاثة من عيال المتوسطة ركبوا تناك ويات يات عاصفة ولقوهم متوفيين بمينا سعود غرقانين يعني كانت حياة حياة عفوية فهمتي قصدي؟

- ممم...

- انه مجتمع عفوي ووو يسوي سامري ويسوي عرضة ويروح المدرسة ويتهاوشون ويدشون البحر ونيمع كنار ونصيد طيور ييي نروح المدرسة كان يطقون بالمدرسة.

00:31:00 - الأساتذة في المدارس والعقاب

Play segment

Partial Transcript: - ممم...

- يعني ذاك الوقت هم وكانوا أساتذتنا فاضلين صراحة اتذكرهم حامد مرتجى الله يرحمه الاستاذ المدهون نوعية من الأساتذة نادرة كانوا مربيين فاضلين ولمن حتى يطق تحسينه يطقمن محبة مو من لوم وما نزعل منه وكان كان يدرسونا دروس خصوصية حق الضعاف ما كنت ضعيف بس ينادينا الاستاذ يقول ترى انا الساعة ستالصبح موجود بال class حق اللي يبي.

- ممم...

- دروس ماكو دروس في البيت يعطي بفلوس اللي يبي ااا يي الصبح قبل الطابور وانا بال class اعطيه math مثلا فكانت وحتى عيالهم اشتغلوا معاي لما كان عندي مكتب الاستشاري كان رئيس مهندسيني واحد من ولد أساتذتي بعدين صار، هم يعني نوع من المجتمع اللي كان ااا مصقول و disciplined yet عفوي ووو يحب الطبيعة والخ الخ الخ الخ

00:31:55 - سوق السمك في الفحيحيل والنباتات البرية والطبيعة

Play segment

Partial Transcript: سوق السمج كان وايد جميل بالفحيحيل واحنا صغار(يضحك) تيي اسماك مو عادية وايدة يعني. البر كنا نتعلم ابوي كان يعلمنا اسماء اسامي اسامي النباتات البرية طيور الربيع كنا نعرفها ااا اسماك الكويت نعرفها الحين... ذيك اليوم اقول حق الطلاب اقول لهم تعرفون شنو الزبوط؟ يقولون لا ما نعرف شنو زبوط، احنا نسمع يقولون زبوط النقعة بس ما نعرف شنو زبوط. يعني لا الزبوط ولا القبوط الظاهر يعرفون (يضحك)

00:33:26 - إبتعاثه لدراسة العمارة في أمريكا في عام 1975

Play segment

Partial Transcript:
- ها بعدها بعدها 75 خذت بعثة امريكا يعني آي آي كنت من الاوائل من يوم صغير.

- ممم...

- وو golden boy على قولتهم رياضة وفحصلت بعثة أمي كانت تبيني اروح طب لانه كان معدلي عالي بعدين ما شفت روحي طبيب كنت احب ال math و ال ال geometry و ال forms والدي كان مقاول واتذكر معماري جد جميل أثر فيني وايد حبيته راح هاجر كندا اسمه شوقي مكرم كان مصري قبطي يشتغل مع ابوي حبيت آدابه و شفت رسوماته في المكتب وو شفت روحي انا هناك أكثر وكنت العب Lego وايد وانا صغير وايد كان عندي collection of Lego .

- ممم...

- و ارسم وايد واحپ ال math و ال geometry فكنت... ما شفت روحي طبيب حبيت I was ok in biology وهذا بس ماشفت روحي لابس روب ابيض وامشي بين ناس يأنون وووI didn’t see myself there.

- ممم...

- ف اااا لمن سجلنا ذاك الوقت ما كان فيه شي اسمه architecture كان architecture engineering بس كنت محظوظ لاني لما رحت ال college قال لي ال advisor فيه فرق بينهم وعلمني الفرق بينهم فعرفت هم كذلك ان انا I'm not going for architecture engineering في السبعينيات ف ااا ركزت على اني ادش ب architecture وهذا اللي حصل. والدي هم كان عنده شي غريب كان يقول لما تروحون امريكا ما ادري من سائل يمكن شوقي مكرم وآخرين اللي اخواننا المعماريين أو المهندسين العرب او اخواننا العرب اللي كانوا قبل والدي كان عنده بعثة يروح القاهره يدرس محاماة بس قعد بالكويت. جيل خالد خلف المحامي و المجموعة هاذي (رنين هاتف) بالمباركية وهو حتي جيل جيل الله يحفظه الشيخ صباح كانوا بالمباركية (رنين هاتف). ف ااا لما ان رحنا قال يبا روحوا جامعات ال east coastأو ال mid west.

- ممم...

- فلمن يتنا السفارة كنا كشخه تاخدنا السف السفارة ب limozines واحنا طلبة ال 75 بعدين يودونا يسووا لنا orientation يقولون لنا انتوا ترى سفرا للبلد ووو be very good وانتوا احسن من اولادنا وبناتنا كنا أكثرية اولاد وأقلية بنات ووو نبيكم كذا كذا كذا كانوا وليد زاينين يعطونا تشريفات ويعطونا غدا عود مع السفير أو القنصل بعدين يقولون لنا وين بتروحون؟ ف احنا كنا يعني مطيعين للوالد أنه يبا احنا نبي ال east coast ولا ال mid west كان عندنا عيال عم ب Ann Arbor و Michigan و Wisconsin قبل ف انتهينا في Wisconsin وفي Wisconsin طبعا كان options نروح Minnesota أو Wisconsin أو University of Illinois بس هم جذي جانب قبلي أن اخوانك عيال عمك في Wisconsin وهذا فكان school of architectureفيWisconsin زينة و قوية مع اني قدمت على... وهم حصلت قبول في Minnesota و undergrad اا Champaign, Urbana بس اذا شلنا التقارب وانت في بعد فتقول لا landscape school كانت في Madison Wisconsin جزء من كليتنا تخيلي بمدينة ثانيه ال landscape department بس I was Ok , I was Ok و هاذي هي يعني وبعدين دشينا على موضوع امريكا.

- ممم...

- (يضحك) ف حضري عايش بين القروية والبداوة ننتهي بال Mid west, America.

- (تضحك)

Ya , combinationحلوة مرات I reflect on it, it's....

- و شلون كانت ال transition يعني؟

- طبعا كل ابونا (يضحك) صابنا صدمة حضارية.

- ممم...

- هم لما ردينا بعثات اا لقينا كويتيين وايد من كل الأطياف بعض الأسر نعرفهم من قديم يعني ااا من الديرة وهم جذي نوعية حضر ولمن تروح أو على طول تقول حق اهلك منو معاك في البعثة فيقول اووه هاذول كانوا رفيج فلان وهاذول رفيج علان وكنا نعرف هاذول نعرف عم هاذول وخال هاذول،هاذول مناسبينا هاذول ما ادري منو، بعضهم ما نعرفهم...كان المضحك أن فيه واحد من عيال عمنا اتعرفت عليه بامريكا كان فيه زعل عائلي بميراث تفرقوا وبعدين هم اتوفى الله يرحمه صار دكتور بالعلوم الزراعية والاقتصاد الزراعي دكتور مهدي، صار بعدين تقا تقابلنا بامريكا.

- ممم...

- وولد عمنا لزم يعني، عم من عمامنا الكبار، حفيد ولد عمنا. ف ااا هم جذي اتيمعنا مرة ثانية ووو هم لون آخر من الكويتيين اااا حضر ومتنوعين واخوان بدو إلى آخره وكذا كذا ووو نيي ب talents مختلفة مهارات مختلفة بعضنا درس engineering بعضنا عمارة بعضنا علوم أخرى meteorology و science و إلى آخره، و بعدين ليش انا رحنا في الغربة مع بعض.

- ممم...

- اللي يطلع فينا موسيقي نعرفه اللي اللي عنده مهارات خاصة نعرفه، كان عندنا واحد من أصدقائنا بالبعثة اللي سكنا مع بعض اسمه سامي الحنيان كان كان عمه أو خاله الفنان الجبير اااا السيد... عبد الحميد السيد مغني جبير كويتي فنان عود سلمي كان يعزف عود وايد جميل. احنا نحب الموسيقى فقمنا نسوي سمرات (يضحك).

- ممم...

- و عدنانيات وإلى آخره أوقات الفراغ وكان شي (يضحك) وجميل وبعدين يطلعون مهارة الطباخين بيننا اللي يعرف يطبخ واللي أمه مترسة جنطتة spices من الكويت.

- (تضحك)

- يعني كان ااا واحد من ربعنا الله يحفظ والدته كانت اا مطرشة معاه جنطه كل ساعة يقطها علينا نشيلهامعاه غير جناط الهدوم نسميها البلد،كل شي فيها حتى خريط وصخر مال البحر حك ريول.

- (تضحك)

- اااا يعني خابره ال نتغشمر معاه نقول له هذا مثل الفراعنة لما ان يموتون يحطون معاهم كل شي.

- (تضحك)

- (يضحك) انت الظاهر الوالدة كل شي منقصته حقك حطته لك بالجنطة وفعلا كل ما تتت تنقصنا شي بالكويت بطل الجنطة.

- (تضحك)

- فكانت الجنطة علة كان مرات سامي يتعب ويقول تكفون شيلوها معاي مربطة بعد funny حتى اتشار حاطتله بالجنطة (يضحك)

- (تضحك)

- كانت أيام لطيفة. بعدين نعرف بعض يعني مثلا دكتور عزيز العمر هني معانا بالجامعة كانbrilliantمافي genius كان مو عادي شي مو عادي كنا شطار كل ابونا بس هو شي مو عادي في الرياضيات.

- ممم...

Beyond-beyond عادي تطلع talents هذا يعرف جذي وهذا يعرف جذي وهذا... كان عندنا واحد من عيال العصيمي كان يحب يفجج كل شي ويركب كل شي وكان يحب الأسلحة صار وكيل وزارة (يضحك)

- (تضحك)

- كان عندنا هم جذي شباب طبعا طبوا امريكا وأحلامهم بالسيارات السريعة اللي يحبون الميكانيكا احمد خليفه هم واحد من الشباب اللي درس ميكانيال engineeringنيي ندش عليه بالشقة مطلع ماكينة السيارة وحح حاط عليها حاط جرايد وقاعد يفجج فيها ويتعبث فيها يعني تطلع talents غريبة عجيبة من شبابنا وكان عندنا صديق سعودي الله يذكره بالخير اسمه رياض بو حديقة راح خذا license يطير طيارات في Oshkosh B’Gosh , Wisconsin .

- ممم...

- نادي جميل هم طالب من طلابي قاعد يسوي مطار وقلت له روح شوف ال case study مالتك، استانس وايد. ابوه كان معانا نبيل العريفان الحين عزيز العريفان طالب عندنا ابوه كان senior اكبر من عندنا فالزمن يدور تشوفين وايد ناس عندهم talents يعني واحد قاعد ياخذ كورسات طيارات وواحد يفجج سيايير داخل البيت عندنا شباب يتفاخرون شلون يطبخون احسن من بعض (يضحك) ورياييل يعني ااا أهل مجابيس و اهل اا picnics وو اللي يعزفون موسيقى هذا يعزف يعرف عود وهذا يايب مرواسه معاه وهذا ما ادري يايب معاه وكذا كذا كذا. فلان وفلان وفلان يرسمون زين إذا تبون شي ولا ها؟

- ممم...

- انا مرات كنت اقص شعر ربعي طابور بيوفرون ما ادري شلون جذي صارت جذي قريبة من العمارة نوع من النحت.

- (تضحك)

- ف اااا (يكح) أشياء لطيفة، كان عندنا مجموعة يحبون الحداق وايد يروحون بحيرات يلعبون ويصيدون سمج they balance their lifestyle مال الكويت.

- ممم...

- فتشوفين ألوان من هم ثقافتنا تطلع مرة ثانية.

- انت درست بكلية العمارة هناك ولا landscape؟

- لا لا architecture.


Architecture -

Ya , ya -


-جم سنة تقريباً؟

- سنتين .. أربعة undergrad واثنين احنا نظامنا أربعة واثنين.

-ممم...

Master -أربعة واثنين.

-و بعدها اتخرجت؟

-اتخرجت.

-و رجعت الكويت ولا؟

-اتخرجت undergradييت الكويت وبعدين رديت كملت.master
-ممم...

-بنفس الجامعة.

-اوكي..

Ya-

-رجعت الكويت ااا لمدة سنة ولا؟

-اي سنة ورديت.

00:42:25 - عمله في معهد الأبحاث والبلدية

Play segment

Partial Transcript: اي سنة ورديت.

-اوكي.

-رحت معهد الأبحاث وبعدين عطوني بعثة حتى عطوني PhD بعثة هم والبلدية عطونيPhDبعثة بس ما ما كنت اشوف روحي راح انقلب اكاديمي بسرعة ووالدي كان يشجعني يقول لي دش السوق.

-ممم...

-اشتغلت بمعهد الأبحاث وبعدين صرت مستشار وزير البلدية ااااا في شئون التخطيط والعمارة الجهاز الفني مال وزير البلدية كانت انتقالة، مرات يصير المجلس البلدي مرات يصير وزير البلدية كانت انتقالة وقمت اعرف شنو معناتها انا الآن لما ان كبرت او حتى في ذاك الوقت بعدين عرفت معناها فصرنا جهاز استشاري حق وزير البلدية كان الله يذكره بالخير الاستاذ عبد الرحمن الغنيم بعدين صار الاستاذ الرفاعي وبعدين اا بعدها بفترة انا اشتغلت يمكن اربع اربع خمس لا والله ها ست سنوات سنتين منهم متقطع قضيتها بالجيش لانه كان عندنا تجنيد.

-ممم...

-فودونا أشهر في الجيش يحجزونا وبعدين يحولونا إلى قوات خاصة لها علاقة باختصاصك فكان the corps of engineers اللي هو إدارة الإنشاءات أو ال corps of engineers مالت سلاح الهندسة فبعضنا فرزونا المهندسين المعماريين إلى سلاح الهندسة وبعضنا فرزونا حق المنشآت العسكرية أنا رحت سلاح الهندسة كملنا سنتين دورات هم ضباط ورديت البلدية

00:43:49 - عمله في مكتب إستشاري معماري وصعوبات المهنة

Play segment

Partial Transcript: في خلال هذي السنوات دشيت فتحت مكتب استشاري قدمت لمكتب استشاري ومارست المهنة خمستعش سنة بعدين ما ما استانست وايد.

-ممم...

-المهنة جميلة بس ال تتعب من ال تأخير ال طبيعة ال يعني تبني تبني بيوت وتسوي بنايات وتسوي بس بعدين تأهيلك ان تشوف ان بالمالية اللي موجوده والامكانية الموجودة the decision making process وايد بطيء وطبيعي انه بطيء لانه مو single decision making

- ممم..

- وكان جيلنا ذاك الوقت معماريين قليلين ف ااا ما ماكنا محظوظين لانه يصير في المكانات المفتاحية الأساسية الكبرى معماريين كبار كلنا نصير اخواننا ال engineers والمعماريين كلهم ينزلون السوق.

- ممم...

- معظم المعماريين الكويتيين الكبار ما صاروا موظفين دولة على مناصب كبرى إلا ابراهيم ماجد شاهين صار وزير ورد القطاع الخاص. ف شيصير؟ يصير ال decision وهم عددنا قليل بالمجتمع عددنا وايد قليلarchitectsو urban designers و landscapers وإلى آخره فقرارات تطلع بطيئة نعم كنا سريعين في ال infrastructure الكويت سوت infrastructure وايد سريع وممتاز يونا urban planners ساعدونا على وضع خطة أولى وهذا وايد زين بس مازال مف مفهوم تفسير ال urban development وايد بطيء ووايد فيه درجات احتقانات وايدة لانه collective decision making process

- ممم...

- ف ااا نروح القطاع الخاص نسوي بنايات بس عندنا احتقان انه ما قاعد تصير الأمور بشكل عام كما نقدر نتخيل كمتدربين أو ممارسين يصير عندناfrustrationمعظمنا المعماريين اللي مارسوا actually مارسوا يعني مو انه ضمن مكتب و ياب أجانب يشتغلون فيه وو...

- ممم...

- لا، اللي مارسوا، سووا عمليات بنى صمم وبنى وأشرف وإلى آخره(يكح) كان يقول لي الله يرحمه غازي وسامي البدر والاستاذ احمد زكريا الانصاري good if you hang around for 10 years انه you practice بدون ما تضمن المكتب وتقول ما علي خللي ييبون لي فلوس وإلى آخره. فعلا انا سحبت خمستعش سنة بس. زوجتي هم معمارية هم متمكنة وقوية واثنينا بس اا المهنة جميلة بس ممارستها وايد متعبة مؤذية ووو حتى لو تييب فلوس مو مو هذا يكفي ما... ما يكفي انه انت تشتغل بس علشان الفلوس.


- ال appreciation والقدرة على أن بس... سوينا، يعني كل جيل ورا جيل سوى شي، أثر، أثر بس الإنسان خياله ي يكون وايد سريع...

- ممم...

- قدرتة الخيالية وايد سريعية الواقع الاجتماعي ال collective وايد أبطئ من القدرة على الخيال هذي تعطيfrustration حق المبدع. ولقينا فجوة حتى أنا وزوجتي أنه بالart تعطينا متنفس creative انه I don't need to يعني تسافر يغيرون ال details مالت الدرايش.

- ممم...

- المالك يي ويقص عليه المقاول وبناية عودة شغال عليها تعبان على تفاصيلها واختياراتها تنقلب بقدرة قادر تنمسخ لانه كل كل ال thicknesses و الواجهات تتغير ويصير عندك زعل ويقول ليش؟ مو مسألة فلوس جان كلمتني وووو صارت وايد وزملاء متعلمين يعني ما تتكلمين عن ناس مو متعلمين تتكلمين عن ناس متعلمين. من حقهم الحرية لكن بنفس الوقت يعني... وبعدين أيقنت أنه ما يكون احنا عندنا أثر معماري إن لم يكن الموضوع تكاملي.

- ممم...

- لان العمارة ما تشتغل في المجتمع اذا ما كان فيه احترام للفن وللحرف ولل هي ثقافة، بنية كاملة مش انا والله نودي عيالنا يدرسون بالخارج ويصيرون مهندسين ومعماريين وأطباء وبعدين everything is nice and dandy هذا ما يصير.

- ممم...

- لازم يصير عندك بنية تكاملية كاملة من ال. و احترام حقيقي وعميق في ال. اا قيم العمل وال وماعندك انفصاميات الادب والفن و الذو... اول مجتمعنا كان ما عنده الانفصامية هاذي.
- ممم...

- بس انا اعتقد... هذا شي تاريخي أقوله مجتمعنا بعد ال... الحين I can reflect بعمري انا .. at 60 I can reflect ان مجتمعنا كان يظن ان ااا لما ان العالم العربي والإسلامي انهزم بسقوط العثمانية كانت هزيمته تكنولوجية واذا راح تعلم العلوم الحديثة وياب أسلحة وصار عنده engineers و nuclear physicistوكلهم left brainers we're gonna catch upانا اعتقد الصدمة الكبرى انه كانت هزيمتنا حضارية مو ح هزيمة تكنولوجية إنه ما ما وماصار فيه reflection مناسب يمكن قلة من علماءنا ومفكرينا وفلاسفتنا they reflected بس أكثريتنا they didn't, they don't wanna believe it كان عندهم denial انه يلا خلاص ما يخالف احنا الحين نطرش عيالنا وبناتنا يروحون يدرسون science وengineeringويعرفون الأسلحة الحديثة المتقدمة ونييب طيارات ودبابات ونعرف نسوي... ها؟ وندش سباق العلوم والتسلح and we catch up , no we don't اا اليوم في 2017 ندري انه اا عوامل اا مابي اقول تأخرنا، احتقاننا.

- ممم...

- توتراتنا له علاقة بالحاجة لإعادة نظر عميقة في البنية الحضارية مالتنا وال... مو انها مو زينه بس تحديثها تحديثها بحا بطريقة أصيلة وو عمل نهضة أصيلة مش نهضة شكلية لا لا لا لا هم غلبونا بالأسلحة وهم ما عندهم أخلاق ولا... مو صحيح،العالم العالم الأول لما سوى renaissanceونهضة نخل نفسه نخلة من الأسس إحنا اللي كنا القرن الخمستعش يعني كاشخين عليهم قالوا ليش احنا متخلفين وسألوا أنفس نفسهم نفسهم اسئلة عميقة بالصميم وحطوا نفسهم أمام المرآة وو صار عندهم تغييرات حقيقية في تفسيراتهم للحياة ومعانيها وعقايدهم وإلى آخره إصلاحات عميقة دفعوا عليها أثمان عالية تخانقوا تذابحوا سووا حروب أهلية عشان ييون إلى نوع من الوعي والقناعات اللي هما صاروا عليها اا مسيرة بشرية مش يعني استثناءات احنا مجتمعنا مازال قاعد عالحفة يقول لا لا لا ماضينا وايد مقدس ووو ميخالف مقدس نحترمه بس مو مو بالقداسة اللي نراها الآن لدرجة الجمود و التحني.ط

- ممم...

- مم نحتاج نسأل اسئلة عميقة نعم يمكننا عفويا العفوية لها جمالية بس انت علشان تصير في مصاف الشعوب العالمية ووو تنسجم في روح العصر ووو تحديات العصر وتكون حقيقي بتأكيد ذاتك ومجتمعك تحتاج انه تسأل أسئلة عميقة وو تكون صادق في إجاباتها و (يضحك) تساؤلات. ف موضوع العمارة ف موضوع العمارة العمارة مربوطة بالحضارة ومربوطة بالثقافة وبال culture إلى آخره هذا الجانب ال frustrating في المهنة اللي خلاني ااا افكر بالتدريس.

00:51:00 - مجال التدريس

Play segment

Partial Transcript: اللي خلاني ااا افكر بالتدريس.

- ممم...

- كانت تجربة بعد حتى مو اني والله بروح ادرس يعني قلت خلني أجرب سنتين بالتدريس وشفت اني مستانس لانه كون اني ااا تجارب هاذي الطفولة مع الهجرات مع مع ه هجرات المدينة إلى القرية وهجرة القرية إلى أمريكا و ال ال من أكاديمي إلى مهني ومن مهني إلى قطاع خاص جيش وإلى آخره قلت يمكن في العقود الأخيرة من عمري لما ان اتكلم مع الطلبة I can share with them that مو بس المادة ال الصقل والتحديات اللي انت تمر فيها والتفسيرات حتى...

- ممم...

-تفسيرات التجربة ااا وصار عندي نوع من الرضى، الرضى العالي في اني ادرس واشوف بعض طلابنا عيونهم opened up بالطريقة بعد سنة ثالثة something يكون عندهم إدراكهم مش المعرفة بقدر ما الإدراك في أشياء أخرى. وفعلا يمكن العشر سنوات الأخيرة كانت وايد أسعد من ممارسة المهنة بالكويت مع ان المهنة نفسها حلوة.

-ممم...

- كنت سعيد وانا في البلدية.

00:52:10 - عمله في البلدية في الثمانينات مع العديد من المعماريين الكويتيين

Play segment

Partial Transcript: - هاذي اي سنة عفوا؟

- هاذي بالثمانينيات لأنه هم حسيت وانا اخدم الخدمة العامة غير الخاصة الخاصة انت لازم تدفع ايجاراتك وتدفع ستافكوال bid bond مال البنك وتلاحق دفعات فلوسك وإلى آخره وانت you trying to do something creative وبعدين ينفشه لك احد يخربط الدنيا وتتضايق يعني مم طز في الفلوس اللي انا قاعد أسويها الموضوع ما يا بال... أي واحد يقدر يسوي له طوفة يبني له بناية بس it's not architecture .

- ممم...

- هذا ياب لي ياب لي زعل وحتى سوى توترات مع زوجتي لأن اثنينا كنا زينين كنا نجوم الكلية يعني يسمونا ذاك الوقت متخرجين و honor students وإلى آخره. بس بالبلدية لا، بالبلدية لما ان يينا البلدية من الأبحاث اا وكان رؤساءنا المباشرين الاستاذ عبد الرحمن ومجموعة اللي موجودين دكتور رداد صويلح كان موجود، نزار العنجري كنا مجموعة كويتيين تلاقينا في زمن واحد.

00:53:07 - كتابة الإرشادات للتخطيط الحضري والعمل على المرسوم الأميري

Play segment

Partial Transcript: كنا مجموعة كويتيين تلاقينا في زمن واحد.

- ممم...

- عبد الرضا المتروك، نزار العنجري زميلنا ال عنده مكتب مازال الآن اللي هو القلاف، احمد البحر اااا الصراف مازال موجود موسى الصراف وفيه الصايغ مازال موجود traffic planning تواجدنا في زمن واحد في حقبة واحدة بكم اكبر، هم اتواجدوا قبلنا مجموعة، غازي كان مع احمد زكريا بالأشغال ها كان الاستاذ حامد اا بو حامد، عبدالله قبازرد في الأشغال فيه مباصاة نباصي وهم الكبار ااا الله يرحمه الاستاذ حامد شعيب كان بالمكتب كان رئيس مهندسين بس ترك البلدية صار عنده مكتب يناوب عالبلدية ف يات حقبة زمنية مجموعة من المعماريين الكويتيين والاستاذ احمد زكريا موجود الله يرحمه كان بالأشغال مستشار ونلتقي عنده بديوانيته، احمد بوخمسين، حسين العوضي وايد معماريين ياو وتقاربوا في في حقبة زمنية. ما سوينا بنايات كثر ما سوينا ال guidelines.

- ممم...

- يعني كتبنا وايد guidelines في تنظيم حماية البيئة طلعت وايد مشاريع ااا ال national greenery plan اللي الأمير عطى فيها مرسوم واحنا عيدنا هيصنا اللي طلع منها الهيئة العامة للزراعة بعدين...


- ممم...

- سوينا وايد guide يعني sub interpretations حق اا المرسوم الأميري ااا سوينا وايد في ذيك الحقبة تفسيرات قوية وزينة حق ال master planning .كان فيه إدارة المجموعة اللي كانوا فيها الباصات كانت قوية بين مجموعتنا اللي مكتب وزير البلدية عبدالرحمن الغنيم و urban design department اللي كانت في التنظيم. موضوع ال urban design حتى في Boston و حتى في دول أخرى إذا قووا العقاريين المتمصلحين يقزمون ال urban design.

- ممم...

- اذا مدير عام البلدية اي في دولة كان أو بلد كان أو الحكومة البلدية تكون وايد قوية بمعنى لها حضور يحمي المصالح البيئية والمواطنة وجمال المدينة ال urban design تقوى وتكبر. احنا في أيامنا ال urban design كانت وايد قوية.

- ممم...

- يعني رعاها حامد شعيب وهو مو قبل لا يطلع يا عبد الرحمن الغنيم رعاها ف كان فيها فوج من المعماريين الكويتيين موجودين واحنا كنا في مكتب الاستاذ عبد الرحمن فنؤمن في قوتهم فكان فيه تلاقح قوي نزلنا وايد اا الواجهة البحرية قاعد تتنفذ وأشياء كثيرة، معايير بيئية وايدة، كتبت وايد مؤلفات وقو... مو قوانين guidelines.


- ممم...

- ااا بعدين لما ان لما ان هم اللي راح فينا القطاع الخاص وو معظم المعماريين ما يقعدون بالحكومة وايد يعني قلة منهم يقعد يصيرون ممارسين يصيرون عقاريين يصيرون بنجرجية بعد يعني يصيرون developers ف فجأة كنا صغار كل ابونا تواجدنا سوينا تجارب، احمد البحر دش في عيال... ال business مال عيال البحر لما نشوفه مرات يقول ترى كجا مرحبا على اللي وين ال architecture . It's become a hobby orشخباري،زين؟ ااا نزار لا نزار عنده مكتب دار إلى آخره فتوح العصفور كانت موجودة منى بورسلي موجودة هاذول كنا يعني نشطا غير الجمعية وسوالف الجمعية اللي أكبر منا كانوا هم موجودين ابراهيم ماجد الشاهين ااا بو باسل الله يرحمه المعماري سامي البدر، غازي الله يرحمه موجود، حامد موجود فكان فيه فيه تراص ف فيه اصطفاف وحسينا انه قاعد نخدم بشكل إيجابي بوضع...

- ممم...

- تفسيرات لل master plan وتفس بس دورة الحياة الحقيقية شيصير؟ انه الناس تسوي تنتخب مجالس بلدية ناس تيي البلدية الحين البلدية صار فيها طاقم من المحامين وايد ايامنا كان طاقم قبلنا كانوا مهندسين بعدين دش وجه معماري تحسين فيه البلديةخلطتها تتغير حتى اصداراتها تتغير طلتها عالبلد تتغير يعني هالتخضير مو ايام مو ايامنا احنا...

- ممم...

- اللي هو تفسيرات مال سمو الأمير الله يرحمه ف ااا ليش احنا الحين نتخانق عال parks و . نشحي عال parks لان احنا كنا داريين أن هاذي كانت خناقة وشحقه قاعدين تنطون عليها وتسوون صالة أفراح وتسوونها parking وتحطون عليها McDonald's وتحطون عليها... زين؟ ااا والنقاش كان قوي أيامها انه انتوا شتبون بتسوون حدائق وماعندنا ماي. يا بابا نبي رئة حق المجتمع انت هاذي السيارات تطلع عادمات واول اكسيد... المكيفات والمكاين تبي مايصير فيك... يعني كان ندش في المجلس البلدي احمد البحر، نزار العنجري، انا، رضا المتروك الشله نختضبالمجلس البلدي انه تعالوا ش شتبون بحدايق منو اللي يبي؟ احنا صحرا عندنا حدايق ومزارع الشيخ قال حطوا عندهم انه والله جدام المطار حطوا ما ادري منو تعال يا بابا ترى لازم عندنا park system ، احنا قاعد نفسر المرسوم، النقلة النوعية اتذكر، ونقضب الكلمة نقضب الكلمة بالمجلس البلدي لا لا قال نقلة نوعية. شنو يعني نقلة ؟ يعني قال نقلة نوعية مو نقلة يعني مادية زين؟ الموضوع له aethsthetics واتذكر مرة انا و نزار بره يانا واحد من الكبارية الله يذكرهم بالخير نن نواب أو اللي عندهم مصالح في المجلس البلدي قال يبا ربعكم اللي داخل شعندهم هذا بموضوع العمارة وما... قولوا لي شالعمارة، شسالفة العمارة ولا جان اقول له انا ونزار يطالع يقول لي قول له قول له قلت له زين زين قلت له تعرف ااا الفرق بيننا وبين اخواننا إنه اهمه يعرفون يوقفون بيت الشٓعر احنا نقول بيت الشِعر...

- (تضحك)

- قال يعني انتوا مثل الشعرا؟ قلت له اي. انا ياي من قصيدة معروفة يقول اا المعري يقول والحسن يظهر في بيتين رونقه... بيت من الشِعر أو بيت من الشَعر...

- ممم...

- فكنت اقول له احنا ال احنا احنا نقلب الشِعر هم يعرفون يوقفون ال (يضحك). قال عرفت عرفت عرفت ف نزار يقول لي شيطان انت من وين طلعت القصة ؟ يعني يقول شفيكم يا الله داخل داخل وهذا حاميين بال presentation انه شفيكم تبون شنو هذا تجملون لنا المدن ووو حدايق؟ من عنده ماي؟ لا،عندنا ماي نكلم ربعنا وزارة الكهربا يقول لا احنا عندنا recycled water وعندنا treatment plants موجودة وعندنا ماي نقطه في البحر نرد نقول له قالوا لنا هالكثر اكو غالون موجود كذا كذا شحقه تقول ماكو ماي...

- همم...

- يعني اكو ناس يقولون هذا تبذير ماي اللي هي عمتي أمينة الله يرحمها و احنا صغار.

- اي اي

- جيل مختلف يحسب ان الماي هذا ماي حلو نعم فعلا إذا كان هو subsidized مازال subsidized بس كان عندنا قناعات لمن ان قال سمو الأمير السالفة وو ناقشنا المواضيع هاذي مع اخواننا في يسمونهم ل لجان التنسيق. عندنا ماي؟ قالوا اي عندنا ترى احنا قاعدين نقط ماي وايد من اللي هو treatment plants وما حد يبي ما حد يبي يشربه وإلى آخره يروح البحر وبالتالي صار تخضير اتذكر هم ساره سيد عمر مو سميره سيد عمر كانت بالكهربا.

- ممم...

- صار عندنا تنسيق ع أساس انه ااا تمرير الماه المياه المعالجة إلى سقي ال landscape العام وإلى آخره يعني، مو عبث بس كانوا يعتقدون ان احنا حالمين وان احنا رومانسيين وبنسوي حدايق في الصحرا كنا نجادل يبا دورنا ان احنا نخضر الصحرا مو ان هي الصحرا تغلبنا يعني تعال يبا الصحرا احنا سويناها كنا نجادل نجادل بقوة يقول شلون؟ اقول له ما تشوف آثار السومريين والبابليين فيهم أسود أسود يعني فيه فيه savanna يعني فيه حشائش وفيه ونتكلم عن الفهود ونسمي عيالنا فهد...


- 01:00:40

- - ممم...

- ونسمي سرحان وين يا بابا الأسود ووين السراحين والذيابة؟ راحت لان احنا قشعنا الصحرا مو اهي الي يات احنا اللي جدلية قوية وبعدين ينصدم نقول له ال ال الشاعر الفرزدق يقول عن عن أسد يشرب في الفرات وحمزة بن عبد المطلب والوليد بن يزيد يصيدون الأسود في الجزيرة العربية إذا فيه أسد يعني من وين قاعد ياكل؟ من هالبران هاذي خلت الحين؟ أيام طفولتنا كان بس معناها هم أكثر خضار فنقول له مو دورنا انا نستسلم للصحرا ووو نقول لأ هاي واقع، دورنا انه نحييها مرة ثانية. جدلية قوية ومنين الماي؟ الماي موجود، معالج كذا كذا وووو إلى آخره. فحسينا أيام البلدية انه we did something بس لما تروح الخاص تشوف العالم فيه ماكينه ثانيه، يبي فلوسه ويبي مشروعه وما عليه من الباجي انشالله اا زين؟ فكان دور جميل انه حسينا جيلنا وبعدين كل ابونا هم طلعنا كثرة من كثرة منا اطلعوا، راحوا القطاع الخاص ودشوا بالreal-estate development ودشوا سعود الصقر كان هم معماري معانا راح مع النفيسي اشتغل بالعقار آخرين وآخرين وآخرين. هم هاذي كانت حقبة جميلة... ااا واتمنى اتمنى انه الحين واحنا قاعد نخَرِج اقول حق طلابنا مو كلكم راح تصيرون مصممين ومو كلكم راح تصيرون مدرسين أو أساتذة جامعة بس كونكم تروحون في حياة الاجتماعية وتنظيمات المجتمع definitely راح تأثيركم في النقلة النوعية والجودة الاجتماعية في الحياة يكون وايد أوضح بس انا الحين رسالتي القوية انه don't be on the defense from the desert

- ممم...


- و work on revitalizing the land and work on bringing more vitality to the soil, to the life من انه والله وو وايد ناس عندهم مخيلة أن لأ جونا مو زين هذا عندي انا واحدة من ال ال marks اقول لهم جوكم الذهني مو زين.

- (تضحك)

- صج لانه شلون يدودنا استانسوا عاشوا بال بيوت الطين وو بدون مكيفات... مو معناه انه ماكان... يعني عندهم حياة مثرية كلام... وايد اكو خرافات في المجتمع الكويتي حتى مو بعيدة خرافات قريبة جونا مو زين. جونا مو زين احنا قاعد نسويه مو زين من ص صنع ايدينا ومن صنع سيكولوجيتنا من سلبياتها ومن صناعتنا لعدم حساسيتنا، ا أهلنا ما كان عندهم قار هالكثر وحديد هالكثر وو سيارات أفران قاعدة تشب طول الوقت ومجتمع مهووس بالسيارة واقتناء السيارات ويعاند انه يركب وسائل نقل جماعي أو يس يس يستانس بحديقة وإذا سافر بره يذبح البط مال الأوادم الآخرين ها؟ وبط عندنا متروس ترى بالشمال اشوه انه ماراح يذبحونه يعني... فهمتي قصدي؟ فيه برامج أخرى تحتاج انه تتبرمج وتنزل في مجتمعنا عشان يصير أسعد انا اقول مو أحسن يكون أسعد وأروق وو يستمتع بحياته ما يحتاج يعني نعم السياحة زينة بس انا عندي ذاكرة والله من أجمل ما يكون في الكويت مال طفولتي ما احتاج أروح سياحة.

- ممم...

- يعني بحرنا كان نظيف احنا كنا صغا... وكنا نصيد نصيد نطورف مرات كنا صغار مثل شفتي القطو لما يطالع حمامة من ورا ال من ورا الزجاج؟ والله احنا كنا صغار نشوف أسراب الميد تدش بالطاروف وما نعرف نصيد مرات صخرة تفتح تحت وينحاشون مثل القطو اللي يتحص يتحصرم على الحمامة أو نحكر لنا اثنين سبيطية كبار ينطون من الشبك واحنا نطامر مثل لو واحد خسر كرة بالقدم كن بحرنا كان نظيف لدرجة انه قاعد نطورف ونشوف السبيطي يدش الشبك.

- ممم...

-نشوفه.

-ممم...

-الماي نظيييف في البحر نظيف حيل. تمشين تشوفين كل شي تحت. ناهيك عن انه كنا نسح نسبح مع خيولنا ونسبح مع ربعنا و اااا نكون قاعدين بطراد صغير ونشوف الذيبة تمشي تحتنا وشكبرها يريور الذيبة ونفرزن تقول تقول جذي تصبصب عرق صغار يعني.

-(تضحك)

-ف لأن المايه صافية تشوفينه تحتج قاعد يمشي شكبره اليريور وو صغار وإلى آخره بس الحين نعم موجود لكن مجتمعنا كله يبي يسافركله يبي ينحاش كله ما يبي يتذوق جمالية المدينة والقرية وال البر وإلى آخره واذا والحين لا حاصرناهم بشبك اشوه شويه بس لأ ما تحتاج تروح حتى هناك تبي بال neighborhood مالتك يكون أكو small park you take a walk in it, you bike with your kids و موجودة يعني عند البراكن والممرات انه في أيامنا في البلدية حطينا park systems وحطينا معايير.

- ممم...

- إن ال master plan للمناطق يكون فيها عدد معين متوزع من ال park system وإلى آخره وو

01:05:35 - إقتراحات النقل العام في الثمانينات

Play segment

Partial Transcript: بس وكنا هم ذاك من ذاك الوقت من الثمانينيات عطينا two three proposals وافقوا عليهم انه الكويتيين يبتدون يركبون mass transits حديثة وو ما حليناها ثقافيا لانه مو قرار انك ان تقصصي القائد السياسي انه يقدر يجرعهم اياه لازم يصير تمهيدات اجتماعية كثيرة في برامج التعليم والاعلام وإلى آخره علشان انه تسوي transition بس للحين ست سيارات قدام البيت.

- ممم...

- تشينكو تشينكو تشينكو تشينكو تشينكو فوق ال حتى هاذي ترى اوكيهات طلعت مو من مجموعاتنا يعني احنا كنا نعارض انه... بس هاذي لها حسبة هم من ااا شكثر تخلي سيارات قدام البيت شكثر منهم تحسبهم نسبة البنا داخل المبنى لانه...

- ممم...


- الحين مناطقنا قبيحة من كثر انا اسميه اسطبل السيارات اسطبل سيارات صار.

- ممم...

- هم هاذي تفسيرات وتبيلها تبيلها خطط إعلامية وتعليمية وثق تثقيفية وبعدين انت تعطي البديل انه والله بيركب من محطة الباص لازم يمشي في مناطق مشجرة عشان انه يحس انه ما احترق على ما يروح محطة الباص توزيعاتهم تكون مناسبة في كلها إعادة تفسير لل master planning مختلف ااا هم عندي ايمان إن لما ان عدد أبناءنا وبناتنا لنا اللي قاعد يتخرجون يروحون حق المواقع هاذي راح يلحقون على تفسيراتها و وضعها. بالنهاية كل ابونا يخدم بطريقته، الطبيب والطبيبة تخدم بطريقتها المحاميين والمحاميات كذلك والمعماريين والمعماريات ك والمهندسين والبيئيين والبيئيات يعني نخدم.

- ممم...

- بس ما كان عندنا ال volume الكافي يعني عددنا ك ااا مهنيين مؤثرين كان وايد قليل نوع من ال elites اللي يطالعونا بنظرة no هاذول على راسهم ريشة وو يتحجون من فوق وصارت عندنا نقاشات محتدمة في ال جمعية المهندسين بس اللي اقنعنا فيه زملاءنا الله يرحمه بديوانية احمد زكريا الانصاري لما كنا نقعد كانوا ما يبون يسوون كلية عمارة.

- ممم...

- قلنا لهم قالوا لأ خل يروحون بره لأن يخربون المهنة داخل البلد تعليمها يصير تعبان جذريتنا كانت مو قضية تعليم ولا قضية انه كلهم يصيرون معماريين نحنا نبي حجم معين من السكان ratio معين من السكان يوازن ال ratios الأخرى عشان يسوي الخدمة المناسبة يوازن يعني هذا كان ونجحنا بإقناعهم.

- ممم...

- كان من المعارضين استاذ سامي البدر الله يرحمه ما اقتنع بعدين أقنعناه قلنا له هو مو مسألة يطلعون معماريين مصممين مسألة ratio مثل ما عندي صيادلة وأطباء ومهندسين ومهندسات وكذا وكذا وكذا وفنيين وفنيات وميكانيكيينbla bla bla bla ممرضين ما ممرضين وطبيبين وطبيبات وقضاة وقاضيات ونبي احنا dose من ال population لمن يدش يسوي ال الموازنة انه يوزع قدراته الذهنية والعاطفية وال المهنية عشان يعطي نسيجه أو خيوطه ضمن ال النسيج الاجتماعي هذا واقتنع أشوه الحمدلله اقتنع وبعدين دشينا full force والدج الله يرحمه كان ذاك الوقت وزير.

- ممم...

- وو زرناه وقنعناه وبعدين ناموا باذونه وردينا كتبنا وكلمناه سعادة الوزير كذا كذا انت مع معولين عليك انت بالفلسفة وإلى آخره اتذكر اتذكر هالحجي... ف ونجحنا وبعدين انولدت بذرة القسم انا ذاك الوقت كان عندي مكتبي.

- هذا في أي سنة عفوا؟


- اكثر من خمستعش إلىخمستعش كذا سنة من زمان.


- ممم...

- انا عشر سنين هني لا هم أكثر قبلنا بسنوات سووا بذرة قسم وبغوا يسوونهarchitecture engineeringتحت ال engineering وكتبنا بالصحف.


- ممم...

- انا كتبت الله يرحمه حسين العوضي كان معماري شاب صار حاشه cancer اتوفى صغير ثلاثيني كتب واحمد زكريا الانصاري كتب انه لا يكون هذا ااا تسكيت لنا عشان يصير باجر engineering احنا نتكلم عن كلية عمارة تخطيط مدن و landscape وإلى آخره. طبعا هاذي رسالة وايد مهمة تاريخية إذا تبين تشوفينها.

- هممم...

- هذا احمد زكريا كاتب لي أنا رسالة يقول لي يوصيني انه لا تنسون نحنا كنا اهما جيل ابوي هم جيل الشيخ صباح الآن هاذول المعماريين الأوائل كلش يعني حامد شعيب، احمد زكريا هاذول الأقدم على الإطلاق فهو جيل يدرس بالمباركية مع ابوي ومع الشيخ يابر وو...

- ممم...

-صار معماري ونحات هذا ال الجيل الأول وبعدين جيل ثاني وثالث احنا يمكن الرابع فكنا نروح ديوانيته على اساس ان هم شيوخنا الكبار مالوت المهنةالأكبر على الإطلاق يعني سامي أصغر غازي أصغر من احمد زكريا، احمد زكريا عنده اخوان اثنين طبعاً اا مجموعة رائعة ابوهم درس والدي بال بالمباركية دين وعربي وولده يطلع واحد معماري نحات وولده الثاني عبدالله زكريا أديب وشاعر وعلي زكريا سفير و composer مال music نوعية من الكويتيين (يضحك) نوعية من الكويتيين جميلة جدا يعني بتوازناتهم حتى العقائدية والثقافية ابوه مدرس دين وعربي وما عنده هالمحرمات والعقد ال الثقافية والدينية اللي موجودة شي طبيعي من أسرتهم و والأسر الكويتية اللي قاعد اقول لج انه.

- ممم...

- والله لا يكون أهل الفنطاس ماكانوا متدينين كانوا يهابون الله ويحبون صلواتهم وبرمضان ومن بس عادي والله ولدنا تخرج اليوم عرضة وسمرة وو (يضحك) beautiful يعني ااا مو نفس النوعية فاتذكر انه كان موصينا انه هاذي الكليات التصميم كلها تنولد.

- هممم...

- وهذا رجل كان visionary الله يرحمه وكان اا مدون من الدرجة الأولى يكتب كل شي ويدونه ويصنفه، عنده فايلات رائعة يقال إن المجلس الوطني الآن ااا عند زهره بابا وصلت الفايلات مالوته اتذكر انا وصيت ولد اخوه زكريا الانصاري هم من عمرنا قلت له أوصيك ترى بمدونات عم احمد لا تضيع. كان عنده فايلات مدونة category وييمع newspaper clippings حق تطورات المدينة كلها.

- هممم...


any decision- يطلع مؤثر أو غير مؤثر ويكتب ويدون ما كُتب وما كُتب ضد.

- ممم...

- فاا موسوعة معمارية رائعة كان الله يرحمه احمد الاستاذ احمد. اااا يمكن حديثنا صار أكثر له علاقة بمهنتنا انتي وانا مثلا... ها؟ اي. بس هم انا انا عندي قناعات انه نهضتنا وإعادة النهوض بمجتمعنا وإقليمنا لازم يكون مشروع حضاري حقيقي.


- اممم...

- عميق ويناقش ويسأل اسئلة عميقة نخاف نسألها والتوترات اللي قاعد تصير كلها في منطقتنا الآن، مخاوفنا وقلقنا وتوتراتنا كلها لها علاقة بااا الوصول إلى هويتنا الأصيلة الحقيقية مش الأصالة بالكلام اللي يقولونها أصيلة وما أصيلة في فيه اسئلة عميقة من نكون في ألف ألفين وسبعتعش، من نكون ك كأفراد وأمة وحضارة في سياق حضاري جديد ونقلة العالم للمعلومات ووووو فيه اسئلة وايد جوهرية، عندنا ناس من خوفهم متشبثين بالماضي.

- هممم...

- وفيه عندنا ناس ااااا ير يركضون ورا التقليد الحديث بهوس بس انك تأكد ذاتك بتحضر وبإنسانية وتقول لا أنا مابي انمسخ أو يصير عندي نكوص حضاري وما يصير عندي تعصب حضاري أحمق، مسألة وايد يبيلها انضباطية ويبيلها صقل ويبيلها discipline وانشالله احنا مع زملاءنا اللي مثلنا واللي قبلنا أساتذتنا هاذول كانوا ناس جميلين يعني.

- ممم...

- لآخر رمقنا، مثل والدج الله يرحمه لآخر أنفاسهم في حياتهم عطوا بثبات وووو هدوء وإنسانية وتعقل مو موضوع مو مشروع سهل. المطامر والشهرة والصياح والطنطنة is very easy بس انك انت تثبت ااا تثبت ووو حتى أنا حساس من ظواهر النكوص يعني انا هنا ألاحظ وايد أسميه النكوص الحضاري يتفاخرون لما يعرفون عربي مايبي يتكلمون عربي، العربي صعب مو زين ووو و اشو اشوه أن بعضهم يسمع حتى فنون وبعدين ذوقي اسأل بعض الشباب مرات ااا أتحسس ذوقياتهم بالفن العربي القى بعضهم وايد fine وبعضهم وايد بعيييييد عن what is really art or music زين انه صار عندنا مع مع نقدنا عليه

01:14:10 - حركة الثقافة والمرأة في الكويت

Play segment

Partial Transcript: لما سئلت مرة عن المشروع الثقافي مال احممم اااا مشروع الشيخ جابر الثقافي أو...

- ممم...

- حركة الثقافة مم ب بأخطائها الفنية still علامة وايد مميزة ان اا كسبنا مكسب لصالح الثقافة والثقافة بمعنى الفنون بال بالأحرى لأنه هذا مفصل إذا ما تعاملنا فيه هم مفصلين مفصل انفصاميتنا مع الفن ومفص مفصل انفصاميتنا مع المرأة إذا ما تعاملنا معاه صح we will stay in the ditch..

- ممم...

for a long time-يعني هذي مفاصل يتعذرون فيها وينح مجتمعنا يتعذر فيها وينحاش وينخش ويتملص و يراوغ عساس انه ما يواجهها بس موضوع الإنسانية بشكل عام والمرأة بشكل خاص وموضوع الفن الحضارة بشكل عام والفن بشكل خاص اذا ما نتواجه معاها بأسئلة عميقة نظل مم نظل مغرزين نظل مغرزين يعني بالنهاية مو موضوع يركبون سيارات ولا ما يركبون سيارات تروح مع محرم ولا ما...

- ممم...

- موضوع إنسانية انت انت are you accepting the the feminine shadow of you as you are a human shadow ولا you think is another creature
(يضحك)


- خل يصير عندنا الشجاعة انه نسأل اسئلة عميقة عشان نستعيد إنسانيتنا السوية الصحية وو نسعد عيالنا ومجتمعنا يعيشون بسعادة وبصحة وو آخر أُنس ووو أكو ناس حتى يخافون من الفرح عندنا مجتمعنا شي خطير شيخطير ويرون الجنا الجمال مشكلة.


- ممم...

- شيطان (يضحك) ترى يو ما تقول لي عندنا سنة وشيعة وما ادري بدو وحضر وو عيم وو مادري بياسر ووو this is trivial issues كل امريكا فيها بسويسرا فيها ethnic groupsمن genetic formations حتى اليابان ي يحسبون حتى اليابان فيهم أصول منغوليه وصينية وكورية و الخ الخ الخ الخ nativesف شهالخرافات اللي انت قاعد تطلعونها be a happier society, enjoy life و

- ممم...

- استانسوا بالطبيعة واستانسوا بال art استانسوا بال اااا your life cycle وإذا بغيتوا تروحون روحوا مثل الزرزور اللي على شيرة طاح ومات خلاص no big deal

- (تضحك)

seriously, go with grace, come with grace and leave with grace -

- ممم...

- ربعنا وايد (يصدر صوت عويل) إذا مات واحد فيهم مجتمعنا يسوون له يافطه شكبرها بالجريدة.

- ممم...

- ما حد يقول فلانه وفلان ياتهم مولودة صغيرة سموها ااا ديمه.

- هممم...

- يخافون من العين.

- ممم...

- صج ترى يوم احنا صغار كان هاذي الثقافة موجودة، اخواننا العرب الشماليين كانوا بمجلاتهم اتذكر واحنا المجلات العربية اللي كانت تيينا بالكويت آخر ساعة ومايشنو فلان والمهندس فلان الفلاني وزوجته الصيدلانية رزقا طفلة سماها وهذا يعني لبنان مصر وشويه الكويت بس بعدين لا طغت علينا ثقافات شويه سلبية ااا مو حتى خارجية انا ما اقول خارجية لأن كله ربعنا يتهمونالخارجي.

- ممم...

- أفكار سلبية و negative انهإذا مات واحد حطوا يافطة هالكبرزين؟ واذا انولدت طفلة صغيرة ولا ولد صغير بصحة جيدةوأمه وابوه مستانسين كل ماا ... butيمكن none. ... مفاهيم العين ومفاهيم مادري ... Oh my God.

- (تضحك)

- بس we go on يعني we go on انه احنا فيه مجموعة منا ااا تؤكد على جمال الطبيعة وجمال الحياة ونعمة الكون ونعمة الوجود ووو ااا ال sense حس بالدهشة وال wonder يكون وايد قوي وتشوف الفراشة انا اطالع متى موسم الفراش يصير ومتى موسم بوبشير يطلع.

- ممم...

- و ربعنا الحداقة هم جذي يعرفون يقرون البحر ويعرفون الحين هذا وقت العندق وهذا وقت النويبية، أكو ناس عايشين بهذا المزاج الجميل، المزارع الكويتي كذلك، الحين وقت الباديان والحين وقت الما ادري شنو والحين نحط ااا أكو ناس مهووسة بال بالخوف وبالثقافة الخوف وال والمحرمة اتمنى انه يعني ترى سهلة.

- ممم...

- بر برامج إعلامية تشيل هذا ال مو تعليمية بس م مع الإعلامية انه... احنا صغار كنا في المدرسة والله عندي دفاتر لو تشوفينها تذهلين من الأغانيالأناشيد اللي كنا نغنيها ومازلت أتذكر بعضها.

- ممم...

- يعني كان شصار بالبرمجة التعليمية شصار للموجة الإعلامية أرد على الطفولة عشان تشوفين ال...

- اي.

- اا انا اتذكر اناشيد في كتابي وانا صغير، كتابة اليد "تشقشق الطيور فرحانة بالنور تقول في سرور ما أجمل الضياء." ويوم الخميس نقعد مع ابوي نسمع أم كلثوم.

- همم...

- لا مو احنا نفس البلد ونفس الأوادم ونفس الل كويتيين؟ ها؟ هاي بالفنطاس نقعد يحطون هذا يفرشون بال هذا الحوش أيام اللي يصير الجو زين توه قلب من الصيف ل ل قبل الشتا وبعده المطر ما يا لكن الجو صار بالليل براد هم جذي يحبون يقعدون بره وهذا واذا صار برد داخل يوم الخميس لا يوم الخميس يوم أم كلثوم احنا الكويتيين نشوف بعض الكويتيين مسافرين قاعدين شاريين تذاكر عقال شطفة وعبي قاعدين بال يقول ابوي هذا هذا فلان الفلاني وهذا فلان هذا ما ادري منو الغانم وهذا م رايحين شاريين تذاكر يشوفون أم كلثوم.

- ممم...

- و احنا نقعد يقول لنا لا يبا سمعوا التخت العربي والفن العربي وها يعني وهم يصلون وهم ااا زين؟ ان كان يصلون يصلون وان كان يسمعون موسيقى يسمعون موسيقى إن كان يستانسون بطريقة ها يعني الtransition ما بين ال ال strict وال ال sacred وال وال daily living ما كان فيها وايد حدة.

- ممم...


- ال earthly living وال heavenly living ما فيهم وايد حدة كانااا انا احب هذا النوع من ال كان مجتمعنا يعيش بهالحياة انه تعاملهم مع المولد ومع death كان more more smoothمع music and fun much more smooth اذا اذن راح يصلون واذا طلع فيه مناسبة يعني مو إلا العزا يعني زين يمشي مع الدين بس الو وناسة ما تمشي مع الدينthis is a scary thing

- ممم...

- ف اااا توه هي مسألة توازنات بس انا اشوف انه إعلامياً احنا متأخرين إعلامياً ما ادري ليش. لازم نرضي أهواء ااا هم فكر تفسيري لأن نجاحنا مبني على عودة إلى الماضي المجيد ااا ونصير المحاربين الغزاة blah blah blah blah blah بينما هذا موضوع هو تفسيري تفسيري لمعنى الحياةمالتكyour cosmology, your your life نبؤتك ونهاية حياتك حضارتك ال cycle مالته.

كلها يبيلها إعادة نظر يعني إن كان انت ت نظريتك التأسيسية الأسطورية سواء العقائدية والحضارية يبيلها إعادة نظر ال cosmology مالت معنى تفسير حياتك بتحدياتها بزينها وبشينها، بنهوضها وبسقوطها يبيلها إعادة نظر. نبوءاتك في نهاية الحضارة مالتك والعالم كله يبيله إعادة نظر بعمق يعني، مؤتمرات ي مو كتابة مؤتمرات حقيقية م مو مجاملات.

- ممم...


- تدخل بالأسئلة العميقة، بعدين إعلامياً تظهرعلى انه، انا اشوف انه مشروع مشروع حضاري الكويت كانت ترى رائدة و م ومازالت بس شويه كشت يعني مجلة العربي لما رحنا المغرب كانوا يتفاخرون المغاربة انهم يقتنون مجلة العربي يقولون لنا شكثر يحبونا انه عندهم ما طافت عليهم مجلة العربي ووو مو مرة ولا مرتين، يمكن ثلاث مرات اروح المغرب نجتمع في ناس مثقفين الكل يسوي لي نفس الموضوع طالما انت كويتي بيراويك شكثر هو يحب...


- ممم...

- اصدارات مجلة العربي وعالم المعرفة ووو وبعضهم كان هم مهووس بجمع المسرحيات الكويتية، أسود وأبيض إلى آخر شي. أطيافهم كلهم حتى بدون استثناء ياخذ أحسن مسرحياتنا ما عندنا قليل قليل كان مسرحيات سيئة مو يعني ذاك الزود بس معظم الحقبة الحركة المسرحية الكويتية جبارة بنصوصها وبأفكارها وبنقدها الذاتي وإلى آخره. وكان نقدها حتى عربي على مستوى عربي عام. ف ما... اتمنى انه نمسك مشروع النهضة، مو كبر البلد بالحجم الجغرافي يعني اخواننا اللبنانيين حلوين، انا اشوف احنا واللبنانيين والتوانسة عندنا شيمشترك ثلاثتنا على بحار اا مهمة، ثلاثتنا أحجامنا صغيرة ثلاثتنا عندنا ثقافة سياس اجتماعية ثقافية مم متقدمة شويه بحكم انه بنعوض صغر الحجم. يعني نبي ريادة وو يمكن مجتمعاتنا انوجدت في سياقها التاريخي لأنها استثنائية يعني ما راحت مع بقرب اي ظروف نعرفها تاريخية وسياسية واستعمارية وتقسيمية blah blah blah بس أكو ووو سجية ثقافية خاصة في لبنان وتونس والكويت وو بعدين هم أخرى يعني ثقافياً الأردن وعُمان والمغرب نتحرك في فلك تقريباً مشابه بس انا اتكلم عن الحجم الجغرافي لنكون buzz وصغار وسريعين الحركة وعندنا... فمشروعنا الثقافي وايد مهم أنه ما ما مانن ما ننبلع بأكثرية اااا وكلهم اخوننا وعيال عمنا الأكثرية بس احنا يمكن يينا على زوايا في البحار أو مدن معينة من هجرات عساس انه نأكد تفسير آخر ل لنظرة أخرى ووو ما يمنع اا الأصلح نمشي مع الأصلح بما أنه حقيقة أصلح بما أن مشروع الثقافي ماله أصلح مش مشروعه الإنساني حقيقة حقيقة أصلح مش مش اااا عضلات و فرض ااا مشروعه الإنساني وحده أصلح. ووو اخواننا اللبنانيين أروق في تفسيراتهم للحياة يعني بالعالم العربي المنظومة الجمهورية هما بصراعاتهم و بآلامهم ووو بمراحل نضوجهم منظومتهم أقل الأقل ديكتاتورية. احنا إمارة دستورية ااا أميرية دستورية أو ملكية أميرية دستورية، النظام الأميري الدستوري هم بآلامنا وأفراحنا وأتراحنا وهزائمنا وحواراتنا هم الأروق مازلنا فيمكن ف فاهمة قصدي. تونس دشت في حدة وبعدين مجتمعها ما قبلها يعني مسكهم نظام بوليسي فترة وبعدين انفجروا مرة ثانية ان احنا احنا التوانسة ما we cannot tolerate this ف ااا الكويت تجربتها خاصة وايد.


- ممم...


- يعني أقول حق وايد اخواننا اقول لهم إذا ارتضينا بأن نظامنا نظام أميري دستوري خلنا نgo all the way بالمعنى الحديث. وايد إمارات أوروبية دستورية وملكيات أوروبية دستورية ااا تنعم باستقرار وتنعم بتقدم وتنعم ب يعني تتكلمين عن منو السويد؟


- ممم...

- هولندا بريطانيا اليابان بال far east ما يعني ما يعني شكل اسم النظام شنو بس أكو اتفاقيات ثقافية وحضارية واجتماعية داخلية هي اللي تسوي المزيج هذا ال الحوار وال ولا يعني انه الجمهوريات معناها متقدمة أكو دكتاتوريات شنيعة ومروعة وو إلى آخرهفأنا مع اتجاه انه نعزز الروح الإنسانية والثقافية و الدروس التاريخية والكويت ت تسحب نفسها يعني ااا التجربة الدستورية مو غشمرة.


- ممم...


- وكثير من جيراننا ما يحبونها وما يحبذونها بس دشينا فيها بكل صراعاتها وبكل آلامها وبكل مسخرتها وبكل اا درامتها الدراما مالتها، ليكن ليكن بس بالنهاية ان تصير ديوانية راقية (يضحك) يعني...


- ااا ذكرت ااا دشيت الحين بالسياسة و ال...


- ما يهم.


- بس تتذكر أيام الانتخابات أو؟


- اي.


- لانك كنت مع المجلس...


- اي.



- المجلس الاول، ذكرت المجلس البلدي.


- اي انا مو مع المجلس البلدي انا كنت مع مكتب الوزير بس احنا المجلس البلدي موجود معانا يسمونه المجلس البلدي والمجلس الوطني يتغيرون حسب الدورات بس انا الل يعني ليا المفهوم الانتخابي سواء جمعية تعاونية ولا مجلس بلدي ولا مجلس أمة هي كلها يسمونها اللي هي ال الآليات الانتخابية.


- همم...


- اي.

01:27:21 - الإنتخابات والتجربة البرلمانية تاريخيا

Play segment

Partial Transcript: - تذكر اا يعني شلون كانت الأوضاع في هالأيام؟


- شوفي ت تجربتي انا بهذا الموضوع ااا طبعاً هذا الكلام مو شعبي وايد عندي قناعات الآن في عمري انه اذا مجتمعنا الكويتي أو العربي إذا ما يتصنف على أساس إنتاجي و خدمي.


- ممم...

- التجربة البرما البرلمانية تطلع ممم فيها ثغرات وايدة وعرية اااا نرجع على موضوع انه تعال انت تنتخب على constituents اااا قبلية وطائفية وعرقية باستثناء يعني شويه ممم إذا إذا وحتى كذلك مصر حتى الدول اللي قاعد تنتخب مجتمعنا ااا كلمة ديموقراطية و ويهجون فيها حفلة احنا نحتاج إذا صرنا مثل واقول لهم مثل الكويت قبل يعني اول اول احنا كنا guilds.


- ممم...

- تجار وعمال و guilds م مجتمع عادي بسيط هاذا الإنسانية جذي من أيام أفلاطون يعني ناس حرفيين ناس تجار، وسطاء بين ال الأطراف يديرون الأموال يسوون صفقات مالية بين الأطراف وفيه عمال مهاراتهم مخ تختلف من عامل غير ماهر إلى عامل ماهر وحرفي و ال guilds يصيرون هم الصناعيين والحرفيين الصناعيين وهذا لهم spectrum جبير لي الصناعة.


- ممم...


- أول الكويت كان الشيخ يحاجيهم فعلا هكذا، يروح يكلم شيوخ كبارية العمال بدواوينهم مع انهم عمال بس يفهم منهم اللي قاعد يصير معاهم عمال بسطاء يعني مو عمال وافدين، كويتيين عمال، طبقات عمالية وفيه لا كويتيين حرفيين صاغة وحاكة وحدادة وقلاليف وها؟ وبعدين يروح تجار، تجار جملة وتجار مفرق تجار ااا مالت بعاد البحار وتجار بعارين، بري، تجارة برية وتجارة بحرية، يحاجيهم في دواوينهم، ياخد منهم ال ال ideas يطلع بعض المراسيم انه ندافع ماكانت وايد شي الدواوين يدشون بعضهم على بعض لين المؤسس شيخ مبارك يعني كان كشكه بالسوق مرات يروح الدواوين ومرات يروحون عنده بالقصر ييي يفجون قضاياهم وعنده جم قاضي العدساني و معروفين.


- ممم...

- جم أسرة وإلى آخره. زين لما انتقلنا إلى إلى مجتمع برلماني مفه مفهوم الإنتاجية والخدميةانقلب صاروا طوايف وقبايل.

- ممم...

This is regressive not progressive- سوينا شي progressive بس سوينا شي ثاني regressiveاحنا مثلا نقول لامم وبعض الناس يخافون ان احنا نتحزب اقول لهم لا تتحزبون دينياً وقبلياً، نت نتحزب اقتصادياً بمعنى انت تقول أنا انتمي الى الطيف الإنتاجي هذا، اتحاد المعلمين مثلاً.

- ممم...

- اتحاد الطيران، اتحاد الأطباء ووو احنا هاذول كلهم يصيرون مهن والمهن لها مصالح تختلف عن العمال ولها مصالح تختلف عن التجار أو المستثمرين أو البنجرجية بالنهاية اا ندرّس negotiative process انعلم ثقافة تفاوض وليست ثقافة امجادح ومهاوش اصول. التفاوض له فنونه وله أصوله العلمية وال الفنية وعادة رب العمل عنده مصلحة تختلف مع العامل، العامل يبي أكبر أجر بأقل عدد ساعات ويبي راحة أكثر ورب العمل يبي أكثر إنتاجية بأقل أجر.

- ممم...

- من نواميس السنن الع البشرية، إذن اللي يصير بيننا negotiation انت سويت شي يأثر في مصلحتي انت سويت شي واوصل معاك وو مم اللي ننتخبهم يمثلون أطيافنا الاجتماعية اللي هي إنتاجية واقتصادية مثل يعني ال اللي هي ال bi bi party اثنين، هم هاذي مسرحية بس اثنين.

- ممم...

- لا اهمه يصيرون m multi party فيه فيه تفسيرات ااا يمين ويسار ووسط وو ااا أطياف بس كلها تروح على إتفاقية بأن الوطنية والولاء والأخلاق مافي مافي خلاف عليها. الخلاف في أو الخلاف الخلاف التفاوضي التفاوضي ووو ال التعارضي.

- ممم...


- و والتدافعي يصير على تفجيج وموازنة مصالحنا وحقوقنا اللل حياتية هاذي نتداعك فيهابالبرلمانات سواء البلدية أو ال مجلس الأمة أو ال جمعية هاذي بس انه ينقلب النقاش إلى لونك وفصلك وقبيلتك وطائفتك this is a waste of time ومو بالضرورة يصير ثنائي يعني يمين ويسار يعني يا هذا وهذا، لأ ممكن يصير يعني الدول المتقدمة حتى الملكيات الدستورية المتقدمة تصير فيها أطياف حتى الحين أمريكا اتعودوا الناس بس حزبين هم مو بالضرورة حزبين اكو أطياف بينهم بس المباديء الأساسية لا اختلاف عالأخلاق لا اختلاف على الولاء ومصلحة الوطن المشتركة لا اختلاففي هذا ممم اختلافاتنا في تفسير مصالحنا بناء على ضرايب وبناء على cost of living.

- ممم...


- وبناء على interest rates وبناء على grants لنا احنا ضرايب بنزين وبريكاتinterest rates ترفع ال cost of living وتنزل ال cost of living فيه مؤشرات اقتصادية لمن يصير فيها تحركات احنا نكلم ال constituents مالوتنا و يروحون يتداعكون يتداعكون يتطاحنون تفاوضياً في برلمانات سواء بلدية أو أو

01:32:28 - تجربته بالبلدية

Play segment

Partial Transcript: هاي تجربتي اللي انا لما كنا في البلدية انه نحاول لما نفج النزاع ااا البلدية مصالح اشوه يعني مش سياسة وايد، هي مصالح ص صريحة يبي أرضه يبي يفرزها، احنا لما ان كنا ندش بال بالبلدية وناسه كان انت تفاوضه على انه شلون اعطيك اللي تبيه بس بدون ما تأذي البيئة مالتنا، شلون اعطيك اللي تبيه بدون ما يصير تكلفة أخرى سلبية عالمجتمع ااا بعضنا يقنع وبعضنا ما بس كان كانت اسهل علينا احنا من انه تكون مسي مسيسة يعني، رضا المتروك أو نزار العنجري أو أحمد البحر، أي واحد فينا لمن ينادونه اااا عشان يسوي presentation حق اللجنة الفنية ولا شي، يتكلم بموضوع فني على علاقة بفرز الأراضي وو قانون البلدية والبيئة الإقناع فيها كان وايد أسهل.

- ممم...

- انه يقول له: ما يخالف انا بعطيك ك كذا بس انا ابيك تسوي parking زيادة،انا بسوي بسوي كذا ابيك تزرع شيرة شيرة زيادة مثلا الحين ال مشروع ال اللي هو الكوت اللي بالفحيحيل سووه المرزوق.

- ممم...

- مطورين عقاريين مبين يعني أنا أقول حق ناس وايد انه الخط البحري اللي انزرع هذا جزء من صفقة POT هو عطاها لنفسه عساس يجمل الساحل مقابل أخذ أراضي بكذا سنوات، هذا النوع من ال dealing حلو بس بالسياسة يصير صفقات أحيانا مو بس بالكويت ترى بالعالم الإنساني كله، يعني ما انت ما ما تبي تفاوض على انك انت تنقض مباديء سياسية أو اجتماعية ولائية م أساسية، مافي تفاوض في هذا الموضوع. تفاوض انه شلون انا ااا انت تحملت cost of living أوتحملت كذا كذا، شلون اعوضك إياه بدال grant معين أوtax deduction معين أو منح معينة يعني ال الساسة عندهم ال maneuvers المناسبة بس ما تدش في مهاترات انه فكرك خطر عالبلد مثل أيام ما ما كان فيه لما صار هر خوف الأمريكان من الاشتراكية مثلا، لا الاشتراكية جنة وخطأ ولا الرأسمالية. االانظمة لها عيوبها ولها محاسنها بس ما يصير عندك هوس و witch hunt لأن فلان يتكلم بمفهوم معين وو تعسكر المجتمع بشرطة witch hunt على مثل ما أحرقوا الكيميائيات بتهمة السحر وهذا، ما ندش بال ثقافة التخريع و ال ال الخزعبلات والشعوذة لا يبه، هذا الإنسان لما تعرف مصلحته والله إذا هو من guild معين ولا من صناعيين معينين معناه ان صناعته مأذيه، ياييب بضايع...

- ممم...

- قاعد تضريه بسوق الكويت حط عليها taxes خله هو ي يعيش، المستورد حط عليه ضوابط، الحين انت مثلا من موضوع ال taxes اللي طلع نعم إذا زقاير وما زقاير طق عليها taxes مجتمعنا قاعد يتحمل مو أروح اقظبلي مستشار قانوني مصري قاعد امشم امشوط فيه، عايش 40 سنة خارج الكويت اقول له تعال ارفع ارفع ضرايب، ارفع ضرايب عالزقاير يعني فيه فيه checks , checks and balances one can.

- ممم...

- احنا ايامنا كانت ااا أروق شويهوأفاوضك على zoning مال أرض وكذا وكذا. طبعا أكو ناس يطقون تحت الطاولة يلعبون تحت الطاولة هذا بك بشيكاغو ولا بطوكيو ولا بنيويورك مو انا اتكلم عن الللل الحين مجتمعاتنا إذا كلها كلها كلها العربية انتقلت إلى مو والله حتى انتخابات مصر هييييه وهيصة وبيصة وو احزاب وشعارات طنانة لا نقول هذا طيف الاقتصادي ماله هو يبي تفسير اجتماعي لطيف اقتصادي معين مو بالضرورة يروح extreme حق الشيوعية ولا ext حتى هاذي انتهت.

- ممم...

- بس بالنهاية لما ان احنا نقول هاذي عضلات إنتاجية وخدمية في المجتمع والعضلة هاذي تحس انه ما قاعد ييها دم (يضحك) أو قاعد آخذ منها ما اعطيها.

- ممم...

- أسمع لها اقول إن العضلة هاذي الإنتاجية أو الخدمية إن كانت هي حتى لو تجار يمكن التجار يوم من الأيام ينظلمون ويصير انه ين ينظلمون التجار في زمن من الأزمنة في مو معناه ترى وايد مننا في المجتمع يقولون لا تجار، لا يبه مو ت انت ااا حلل صح افهم اقتصاد قبل لا تفهم سياسة يعني وايد احنا مجتمعاتنا الحين يتفلسفون بالدين وبالسياسة بس ما يهمهم الاقتصاد.

- ممم...

- ولا إنتاجية ولا خدمية ولا صناعة ولا زراعة ينط على طول ياخذ ااا جهازين، الدين وال السياسة وبيسوي عليهم أحكام يعمم على المجتمع وهذا مو صحيح يعني احنا مجتمعات على قولة يوم احنا غواويص وبسطاء شيخنا يحاجي guilds وهذا والحين يوم صرنا متعلمين جام يتحجى بلغة ال التفسيرات الخاصة الدينية والتفسيرات ال الف السياسية الشخصية وبسوي انا من هاذي ال fusion حكم سياسي this is a joke مو ولا مو joke.

- ممم...

- (يضحك)


- اوكي، انا ودي...

- طولنا؟


- لا، ما طول احنا ما طولنا، ودي نكمل...


- اي.


- لانه للحين ما دشينا باااا بالفن.


- انتي مخليتني على راحتي.


- اي، مخليتك على راحتك فا انا...


- للتاريخ.


- انا اليوم اقول.


- ثانيا فن.


- انا اي انا اقول اليوم اااا نختم.


- مقدمة (يضحك)


- مقدمة حلوة.


- (يضحك)


- بعد مقدمة بسيطة، صح؟ انت قلت لنا وايد اشياء مهمة.


- لا الفن الفن مفصل.


- اي ف ااا لونقدر.

we will, we will, we wil-


- نقعد مرة ثانية.


- الفن الفن مفصل.


- اي.


- مفصل مفصل.


- فاليوم نقول إن إهي مقدمة.


- اي اي ما يخالف لا ، phase 1, phase 2

Phase 1-.


- (يضحك)


- ااا فإذا عندك أي شي ثاني تبي.


- لا لا لا لا لا.


- تقوله، تزيد على ال ذكريات الحلوة.


- لا لا طالما هو تاريخ وسألتيني ااا I reflect مرات وايد مو انه، ماني nostalgic about ال past بس مرات تبين مجتمعنا اااا الحين انا هوسي ممم مو كثر أي معماري شاب انه يبي يبني كثر ما هوسي بان ااا احقق بيئة طبيعية أقوى.


- ممم...


- يعني وانا صغير كان هوسي انه نبني لأني صغير على قولتهم يتعلم انه بس بتروحين في مهنتي، الآن لا ااا تأسيس على جيل ااا وعيه أكثر مو بالضرورة علماً لأن العلم موجود صار متوفر أكثر وعيه أكثر وبعدين ااا conservation حق الطبيعة وايد.


- ممم...


- يعني أقول اوكي البنا قاعد يمشي بروحه بس اا كل يوم أطالع ااا عندي حس قوي بال بالأشجار وبالنباتات وبالطبيعة مالتنا اااا وايد قوي وو هاي يمكن الرسالة اللي في العقود الز whatever الجم الجم سنة واحد موجود.


- ممم...


- انه انه ال nature context مالنا يكون extremely healthy و وايد قوي. انه قاعد نمد ويعني عندي جم طالب وطالبة قاعد يشتغلون على wetlands مثلا في الصليبخات وانفتحت لي الذاكرة مرة ثانية أنه هذي الأماكن احمم مشيولة من الوعي والذاكرة الاجتماعية لانه مو سواحل ينسبح فيها بس هي سواحل حيوية مهمة وايد.


- ممم...

- وايد وايد وايد.


- ممم...


- انشالله ننن نسوي شي.


- انشالله. اوكي شكرا.


- حياج الله.


- و نلتقي مرة ثانية انشالله.


- انشالله انشالله.


- خلاص، يعطيك العافية.


- ال artسالفة.


- لا اي يبيلها قعدة.



- مسرحية.


- (تضحك)


1:40:00

(دقائق مفقودة من بداية تسجيل الجزء الثاني من المقابلة)

- على الجهة الغربية من المدرسة وجزء منها على البحر. مدرستنا كانت جداً جميلة لأنه كانت طوفتها داخل البحر وو اا ذاكرتي وانا صغير انه صيادين السمج لان أهل الفنطاس كانوا قرويين أو قريوية يسمونهم يي بعضهم يصيدون سمج وبعضهم يشتغلون في مزارعهم الخاصة أو للغير كان ي ي يصيدون السمج يربطون الهامور بطوفة المدرسة بالبحر وهو حي والأساتذة ييون يشترون الهامور من البحر وهو حي وو اا ذاك الوقت الفنطاس كانت قرية اا ابوي الله يرحمه يقول تشبه الكويت القديمة أهلها بسطاء وحميمين ومازلت ازورهم وو اتواصل مع اصدقائي مالوت الطفولة ااا وكانوا عفويين وو كان فيه هم جزء من مدرسة الفنطاس من اخواننا البدو من صوب عقيلة وصيهد العوازم اا ثقافتهم تختلف شويه عن القريوية أو أهل الفنطاس هاذولا مزارعين وصيادين سمج من أصل هم بادية بس استقروا و صاروا قرويين وبعضهم هم يايين من الديرة يعني عندهم علاقات نسب وقرابة مع أهل الديرة اللي داخل السور قبل. اااا المدرسة كان فيها وايد أساتذة مو كويتيين معظمهم كانوا فلسطينيين يكاد يكون معظمهم فلسطينيين وقلة مصريين واثنين يمكن كويتيين اتذكر منهم ملا ناصر من عيال الحنيف من أهل الفنطاس مدرس عربي ودين. واتذكر انه احنا لما كنا نيي المدرسة كنا متعودين على الديرة نلبس شورتات وشعرنا ممشط يقولون: جو الحضر جو الحضر. هذا خاصة اخواننا البدو وطبعاً أسر جميلة وكان عندهم عفوية وايد حلوة مرات ااا العصر أو بالليل يسوون احتفالات حتى عرضات وسامري يقولون يتسولفون انه الليلة عندنا سامري والليلة عندنا عرضة فلان بالجيش تخرج أو ها. ااا وكانت أيام جداً جميلة، الفنطاس كانت وايد خضرا ا أهل الديرة انا ابوي كان عنده مجموعة أراضي هناك بس أهل الديرة معظمهم كان عندهم أراضي هناك ييونها بال weekends واحنا كنا نسوي جذي قبل بس سكنا في المكان ف فيها أشجار وايده الفنطاس أتذكر فيه كميات كبيرة من السدر كبار يسمونها سدر شيخان اللي هما بيت شيخان الفارسي بالديرة وكانت الأضحوكة ان ال اليهال ي اخذون كنار من السدر اللي بره السور وييبون مخابيهم متروسة وقصص جميلة يعني كان تدريسنا حلو بس اللي أتذكر ما مازال بعض دفاتري موجودة لأن امي خشتهم. منهج كان جميل يعني أنا عندي منهج مدارسنا يوم احنا بالابتدائي، اناشيدنا وايد حلوة ااا تتحجى عن الطبيعة وتتحجى عن يدتج وتتحجى عن جمال النور والبحر وبا بب وما عندنا مفاهيم استهلاكية مثل ما شفت كتب لاحقة، الجمعية وما جمعية، بعدين كان عندنا مسرح في المدرسة مع ان احنا في قرية مش يعني بالديرة كان عندنا يوم بالمسرح كان عندنا يوم شعر كان يحطون طاولة مرة بالاسبوع يوقف ال الطفل ويقول أشعار الصبح، نسمع قرآن الصبح وبعدين بعد القرآن نسمع عبد الوهاب، موسيقة عبد الوهاب، صحيح، معظمها أغاني وطنية و أغ أو أناشيد اا تمجد ثقافتنا وشعبنا وأمتنا والى آخره، حقبة مختلفة تماماً. أساتذتنا كانوا حنونين وطيبين وأشداء بمعنى أشداء شدة أبوة، أتذكر استاذي ولده صار رئيس مهندسين عندي في مكتبي إسمه الاستاذ حامد مرتجى كان يعطي دروس خاصة ببلاش، ساعة قبل الطابور الصبح، للرياضيات، ويرفض انه يدرس خصوصي. أب فاضل يعني الله يرحمه اتوفى، نوعية مختلفة ااا أساتذة فلسطينيين كانوا يا يايين من من يعني ما بعد فلسطين سقوط فلسطين وعندهم حمية على العروبة ويبون يي يبنون شعب عربي قوي و وكانوا مخلصين جداً مع انهم كانوا أشداء ومحبين في نفس الوقت. حتى اخواننا أساتذتنا المصريين أتذكر مجموعة منهم كانوا شخصيات مختلفة تماماً عن اليوم ال الطابع مال المدارس اللي صارت استهلاكية وتجارية ووو إلى آخره. مع أن فيها زين يعني. ااام اي، و القرب من البحر كان جميل يعني شرق المدرسة كان البحر مباشرة يم الطوفة، غربها كان مزارع وبيوت وتشوف وايد سدر و و أثل و وكنار وخضرة وطماط يعني كان إذا ود يطلعونا عبر الشارع طابور وعندنا مزرعة داخل المدرسة، كنا نزرع داخل، عندنا كان مزرعتين داخل المدرسة أذكرهم تماماً، واحدة جن جنينة كان يديرها اا الله يرحمه شخص فلسطيني كبير السن يلبس بنطلون وغترة وعقال مثل حرس الأسواق القديم بالكويتاا اعتقد اسمه كان أبو باسل اتذكره وهاذي الجنينة كلها ورود وفيها عرزالة بالنص. جمالية هذي ال الحديقة أو البستان. الجزء الثاني شمال المدرسة بين الفصول الأخرى كان عندنا مزرعة خضار كان يعلمونا بدرس العلوم نزرع خضار نزرع ااا فجل ورويد وباجيلا وأتذكر تماماً هذا الشي، أستاذنا كان مصري إسمه حماد الله يذكره بالخير، يودينا ونزرع وبعدين ي يطلع لنا ال اليزر وناكله مع بعض

01:40:35 - حديث عن الفنطاس والتعليم الإبتدائي

Play segment

Partial Transcript: ذاك الوقت الفنطاس كانت قرية اا ابوي الله يرحمه يقول تشبه الكويت القديمة أهلها بسطاء وحميمين ومازلت ازورهم وو اتواصل مع اصدقائي مالوت الطفولة ااا وكانواعفويين وو كان فيه هم جزء من مدرسة الفنطاس من اخواننا البدو من صوب عقيلة وصيهد العوازم اا ثقافتهم تختلف شويه عن القريوية أو أهل الفنطاس هاذولا مزارعين وصيادين سمج من أصل هم بادية بس استقروا و صاروا قرويين وبعضهم هم يايين من الديرة يعني عندهم علاقات نسب وقرابة مع أهل الديرة اللي داخل السور قبل. اااا المدرسة كان فيها وايد أساتذة مو كويتيين معظمهم كانوا فلسطينيين يكاد يكون معظمهم فلسطينيين وقلة مصريين واثنين يمكن كويتيين اتذكر منهم ملا ناصر من عيال الحنيف من أهل الفنطاس مدرس عربي ودين. واتذكر انه احنا لما كنا نيي المدرسة كنا متعودين على الديرة نلبس شورتات وشعرنا ممشط يقولون: جو الحضر جو الحضر. هذا خاصة اخواننا البدو وطبعاً أسر جميلة وكان عندهم عفوية وايد حلوة مرات ااا العصر أو بالليل يسوون احتفالات حتى عرضات وسامري يقولون يتسولفون انه الليلة عندنا سامري والليلة عندنا عرضة فلان بالجيش تخرج أو ها. ااا وكانت أيام جداً جميلة، الفنطاس كانت وايد خضرا ا أهل الديرة انا ابوي كان عنده مجموعة أراضي هناك بس أهل الديرة معظمهم كان عندهم أراضي هناك ييونها بال weekends واحنا كنا نسوي جذي قبل بس سكنا في المكان ف فيها أشجار وايده الفنطاس أتذكر فيه كميات كبيرة من السدر كبار يسمونها سدر شيخان اللي هما بيت شيخان الفارسي بالديرة وكانت الأضحوكة ان ال اليهال ي اخذون كنار من السدر اللي بره السور وييبون مخابيهم متروسة وقصص جميلة يعني كان تدريسنا حلو بس اللي أتذكر ما مازال بعض دفاتري موجودة لأن امي خشتهم. منهج كان جميل يعني أنا عندي منهج مدارسنا يوم احنا بالابتدائي، اناشيدنا وايد حلوة ااا تتحجى عن الطبيعة وتتحجى عن يدتج وتتحجى عن جمال النور والبحر وبا بب وما عندنا مفاهيم استهلاكية مثل ما شفت كتب لاحقة، الجمعية وما جمعية، بعدين كان عندنا مسرح في المدرسة مع ان احنا في قرية مش يعني بالديرة كان عندنا يوم بالمسرح كان عندنا يوم شعر كان يحطون طاولة مرة بالاسبوع يوقف ال الطفل ويقول أشعار الصبح، نسمع قرآن الصبح وبعدين بعد القرآن نسمع عبد الوهاب، موسيقة عبد الوهاب، صحيح، معظمها أغاني وطنية و أغ أو أناشيد اا تمجد ثقافتنا وشعبنا وأمتنا والى آخره، حقبة مختلفة تماماً. أساتذتنا كانوا حنونين وطيبين وأشداء بمعنى أشداء شدة أبوة، أتذكر استاذي ولده صار رئيس مهندسين عندي في مكتبي إسمه الاستاذ حامد مرتجى كان يعطي دروس خاصة ببلاش، ساعة قبل الطابور الصبح، للرياضيات، ويرفض انه يدرس خصوصي. أب فاضل يعني الله يرحمه اتوفى، نوعية مختلفة ااا أساتذة فلسطينيين كانوا يا يايين من من يعني ما بعد فلسطين سقوط فلسطين وعندهم حمية على العروبة ويبون يي يبنون شعب عربي قوي و وكانوا مخلصين جداً مع انهم كانوا أشداء ومحبين في نفس الوقت. حتى اخواننا أساتذتنا المصريين أتذكر مجموعة منهم كانوا شخصيات مختلفة تماماً عن اليوم ال الطابع مال المدارس اللي صارت استهلاكية وتجارية ووو إلى آخره. مع أن فيها زين يعني. ااام اي، و القرب من البحر كان جميل يعني شرق المدرسة كان البحر مباشرة يم الطوفة، غربها كان مزارع وبيوت وتشوف وايد سدر و و أثل و وكنار وخضرة وطماط يعني كان إذا ود يطلعونا عبر الشارع طابور وعندنا مزرعة داخل المدرسة، كنا نزرع داخل، عندنا كان مزرعتين داخل المدرسة أذكرهم تماماً، واحدة جن جنينة كان يديرها اا الله يرحمه شخص فلسطيني كبير السن يلبس بنطلون وغترة وعقال مثل حرس الأسواق القديم بالكويتاا اعتقد اسمه كان أبو باسل اتذكره وهاذي الجنينة كلها ورود وفيها عرزالة بالنص. جمالية هذي ال الحديقة أو البستان. الجزء الثاني شمال المدرسة بين الفصول الأخرى كان عندنا مزرعة خضار كان يعلمونا بدرس العلوم نزرع خضار نزرع ااا فجل ورويد وباجيلا وأتذكر تماماً هذا الشي، أستاذنا كان مصري إسمه حماد الله يذكره بالخير، يودينا ونزرع وبعدين ي يطلع لنا ال اليزر وناكله مع بعض، يغسله لنا واحنا كل ابونا ونلقط ال الفول وناكله ونشوف وروده لما تصير تطلع كان، انا بالنسبة لي كان وقت خاص صراحة و ت ابوي كان يتابعنا وو نقول له عن سوالفنا مع التأقلم مع بس عادي كان، يقول: يبا ترى هاذول مثل الكويت أول يعني الكويت س شويه حضر صايرين ديرة واحنا كنا بالدسمة والمنصورية وعبدالله يعني الضواحي ال يديدة بس قال: بابا لا عادي، ترى هاذول أهل الكويت وجنهم من كويت أول يعني. واستمتعنا أصدقاء عندي ص صداقة حميمة معاهم لي اليوم، اشوفهم بالأفراح والعزوات ومناسبات رمضان وطبعاً افترقنا بعض بعضنا استمرينا بالثانوية وبعضنا ما شفنا بعض من المتوسطة لأنه راحوا الجيش وراحوا الشرطة ويعني راحوا أماكن مختلفة، كليات تطبيقي وتجاري مو كلنا كملنا ثانوية ولا كلنا كملنا أمريكا. وفلان صار جذي وفلان صار جذي، ن يعني نسمع أخبار بعض اا تواصل بس كانت حقبة خاصة بالنسبة لنا يعني ااا وكانوا أهلنا ييونا يزورونا جنهم تا تاركين الكويت يعني ييونا بالويك اند أهلنا من الديرة هاااا رايحين الفنطاس، رايحين المهبولة وو اا وبعدين هم فترة من العمر والدي، انا كنت احب الخيول ف عندنا مزرعة ثانية ااا بدينا ب بخيول يسمونها عربي بلدي، مال البدو، بعدين اقتنينا مجموعة خيول عربية أ أفضل، صار عندنا ست خيول عربية كنا ن نراكض بالبران مع ربعنا عيال الدبوس وعيال الحمدان وييولنا بس بسياكل نركب خيول و ونسبح بالبحر ننزل خيولنا بالبحر نسبح معاهم، ننزل سروجهم كنا كانت عندي ذاكرة جميلة انه لما نخلص امتحانات نتيمع ونقول: يلا خلصنا امتحانات الليلة عشا عالبحر والقمرة طالعة ونتعشى مع بعض ونطق بعض بالرقي.

- (تضحك)

- ونصيد ونشوي ميد وو نشوى سمج صغار، شباب صغار يهال يعني متوسطة بس كان فيها حس بالمغامرة وحس بالمتعة وتواصل قوي مع الطبيعة

01:47:33 - المناطق والقرى المحيطة بالفنطاس (المنقف وبو حليفة)

Play segment

Partial Transcript: حتى بر الفنطاس اللي كان بين الفنطاس وبين الما اليوم ما يسمى بالرقة واللي صارت بنايات كثيرة كان كله عرفيَ وااايد. كان فيه نباتات برية وايد وأتذكر لما انا أطلع مع ربعي سواء فيصل العميري أو حتى هاشم الرفاعي كان يي من الديرة مروان العيسى كان يي من الديرة، عندنا خيول اللي عنده بالبيت واللي عنده بالمزرعة نتيمع، أو اصدقاءنا من الفنطاس يطلعون معانا فيصل الدبوس، مشاري الدبوس، شلة يعني. لما ن نطلع البر نشوف السحليات تراكض بين العرفي نلقى ضبان نلقى ع يرابيع يطامرون يعني was وبعدين مرات نروح صوب البحر مرات نروح صوب مزارع ال المنقف كانت it's a countryside.

- ممم...

- مو متروس وايد اا مباني، كان بس بيوت وقرى. يعني المنقف كانت قرية صغيييرة والباجي كلها مزارع، بو حليفة كانت قرية والباجي كله مزارع ، الفنطاس كانت قرية والباجي كله مزارع إحنا كنا ن نتمشى بين المزارع و الشاطيء البحر. انا عندي ذاكرة جداً جميلة في ك ك ذيك الأوقات جداً جميلة.

01:48:39 - بداية المد العمراني

Play segment

Partial Transcript: بعد ما رحنا أمريكا وردينا بدأ مد عمراني ي يعني تسارع في تعداد سكان الكويت، تسارع كبير واو، كل ما نيي بيوت مدت، بعدين لا مو بيوت، قامت تطلع عماير، المزارع قامت تختفي، البقع ال البقع الصح الصحراوية الخضرا خف يعني راحت دوس دوس السيايير قام ياكل ال، انا اتذكر يعني عادي نشوف ورل يركض كان تحت بيتنا من ورا عايلة قنافذ، يعني قنفذ مع عيالها، عقارب عادي تشوف يعني ما حيايى تشوف عادي ذاك الوقت، اتكلم بالستينيات مع أوائل السبعينيات، بس لا بعد نص السبعينيات لا بدأ د الموضوع يتغير بس انا أتكلم رحنا 64 ,63 لا لا لا، عقبان، البحر متروس سمج، الماي نظيييف أبيض تطالع ريولك جنه جزاز، ها؟ اا الفنطاس رائعة كل هالقرى ال سطرة القرى أنا اسميها القرى، الفنطاس قبلها قبلها عقيلة وابو الحصاني بس هاذولاك مافيهم وايد سكان ناس بدا بالفنطاس بعدين بو حليفة بعدين المنقف بعدين نوصل الفحيحيل، الفحيحيل town ، الفحيحيل أكبر منهم كلهم وبادي الحا امتداد الأحمدي يأثر فيها، ها؟ قاعد يصير فيها شارع تجاري أكبر ووو إلى آخره، بس هم ااا فيه روح فيه روح قروية خارج المدينة مختلفة وجميلة، جداً جميلة. يمكن تشبه فيلجا، بطريقة أخرى أنها مو جزيرة بس قرى، في لها character خاص. وكان فيه هم على الغرب بين الصحرا فيه شوية عشيش، فيه ناس مازالوا يعيشون في وضع عشيش أو بيوت بسيطة البنيان، طابق واحد ويالله سميت ومخلط سميت وطين بقايا أخرى لكن السميت توه بادي وشوية رش ااا بعض إخواننا من كويتيين البادية قاعدين توهم يستقرون على حواف القرى، يعني انتقلوا من خلاص اشتغلوا بالشركات النفط اشتغلوا بالجيش اشتغلوا بالشرطة وتغير نظام الرعوي القديم إلى شبه ا استقراري وقام يعيشون على حواف ال هم من زمان قضية العشيش والخيام موجودة بس لا قاموا يصيرون clusters انا اتذكر زين ذاكرتي يعني كنا لما نفتر بالخيول مالوتنا نروح نشوفcluster من العشيش بعضها خشبي وبعضها اا بعضها كذا وكذا وكذا والغنم يمهم وإلى آخره. ااا ظاهرة ظاهرة ااا وشفت كل هذا يتغير، كله، إذا كان...

- قلت لي الابتدائي كان من أي سنة بالظبط؟ و

- من 64 ، 64

64- .

- اي اي.

- أول ما انتقلت.

- انتقلنا اي اي.


-واسم المدرسة مرة ثانية؟

- الفنطاس المشتركة للبنين، الفنطاس المشتركة للبنين.

- اوكي.

- اليوم صار مكانها القاعدة البحرية.

- ماشالله اي.

- اممم...

- و وقلت عن ان كان فيه فيها شي مميز بالعمارة.

- اي.

- شنو؟

01:51:35 - وصف تصميم المدرسة الإبتدائية "الفنطاس المشتركة للبنين"

Play segment

Partial Transcript: - جنها الشويخ جامعة ثانوية الشويخ بس على مصغر، يعني كان فيها مدخل رئيسي فيه باب قوس، نظام اسمنتي كان مرشوش، هذا نظام ساد بالكويت احمم ااا أول ما انتهى عصر عصر الطين ذاكرتي انه قام يبنون الكويت بطابوق اسمنتي واسمنت و ال ال surface كانت يرشون ماكينة صغيرة يرشون فيها اسمنت.
- ممم...

- على الحيطان وت technique مناسب ورخيص وجيد حق الصحرا انه يسوي pebbles على ال ااا وبعدين يمسحون حواف معينة يعني يسوون لها جماليات معينة ونفس الأسلوب اللي انتشر في بعض المستوصفات في الكويت القديمة ومستشفيات الكويت القديمة طُبق عندنا بالمدرسة، كان لها جناحين كبار ولها بهو و وحسنة التصميم والتوزيع القديمة يعني أنا كمعماري أتذكر وأنا ح حاولت في البلدية انه ما يهدمونها بغيت أدخلها في رصد المباني التاريخية وكلمت المعمارية ايفلين العلي بس ما لحقت لانه سموا عليها الأرض مالة القاعدة البحرية وهم كتبت انه ياريت تظل، يسوون القاعدة البحرية ويحافظون عل ال الجزء القديم مو لأنه nostalgic انا اعتبره، لا أنا صرت معماري واعرف ان هذا المبنى، فيه إضافات سووها بعدين annexes مو شي يعني ذا قيمة معمارية بس الجزء الأول من المدرسة لا، وبالتالي أنا دايما اقول حق اصدقائي اقول لهم مو معقول ترى كان بالستينيات وكان شيخنا ذاك الوقت على الدفاتر أذكر زين الشيخ عبدالله السالم بعدين يا الشيخ صباح السالم وراه، يعني دفاترنا كانت واحنا صغار الشيخ عبدالله وبعدين الشيخ صباح.

- ممم...

- ها؟ دفاتري أنا الأقدم كان الشيخ عبدالله ما لحقنا الشيخ احمد اليابر بس عبدالله كان شيخنا واحنا صغار، دفاترنا القديمة، ثانية أولى ابتدائي، ثانية ابتدائي الشيخ عبدالله، الله يرحمه. اااا منهج كان جميل يعني أنا لما ان أطالع دفاتر، امي تطالعني وحتى بعض الدفاتر حتى الكراسات، كان منهج جميل، منهج قوي. المدارس كانت حسنة البناء، هذا بالفنطاس أنا ما اتكلم عن كيفان، ما اتكلم عن المنصورية أو ضاحية يعني الشامية، الدعية داخل الديرة، أنا أتكلم عن الفنطاس. مدرسة حسنة البناء اااا فيها حدايق

01:53:50 - نظام التعليم

Play segment

Partial Transcript: من مناهجنا كانت انا اعتقد وايد طيبة وقوية ااا فيه ضبط جداً عالي مع انه شديدين لكن ح كانوا حنونين بنفس الوقت يعني، ترى كانوا يطقون، عادي يعني، يطقون و ااا مو طق مبرح لكن يطقون عالإيد يطقون يحيشه، كان فيه يحيشه أكو، بعدين كانوا يراقبون يعطونا يعطونا كان يعطونا اعتقد وجبة غدا.
- ممم...

- كانوا ااا نظام المدرسة يييي يعطونا مراهم للعيون كان يطعمونا، قاعد يعطونا مراهم للعيون اا كان يرشون المدرسة مبيدات حشرية بين فترة وفترة، أتذكر وانا صغير يي واحد ي يرش . كان عندنا تمريض داخل المدرسة وكان عندنا ممرض كويتي، يلبس غترة وبدلة بيضا. وو لده كان تلميذ عندنا بالمدرسة، يعني كان ممرضنا كويتي، ريال كويتي يطقنا الأبر. اااا شي اسمه ابراهيم الله يرحمه اتوفى بس اقدر اطلع الأسامي هاذي كلها. اااا كنا شنو بعد، يعطونا يعطونا وجبات، كانوا يعطونا مراهم للعيون.

- الوجبات...

- كانوا يفتشون لأن عندنا قريوية وبدو يفتشون على أظافيرنا، يتأكدون انه ومرات يشيكون على انه قمل يشيكون يعني كان واو مراقبة urban يعني برنامج تثقيف و ويعطونا اا حجي بالغذاء بال بدرس العلوم وإلى آخره ووو كان عندنا برنامج رياضة وايد زين نلعب كرة ونلعب لعبات متنوعة اااا أتذكر كذلك أتكلم مرة ثانية عن فرقة الموسيقى والمسرح كنا نمثل مسرحيات ونعزف موسيقى بالمد هذا بمنطقة قروية ها؟ وعندي صور هذا يعني مازالت عندي صور أسود وأبيض بهذي المواضيع اااا وكانوا اسا أساتذتنا ونظارنا مهيوبين ومحترمين ومحبوبين بنفس الوقت اااا التيحش هذا حق الشياطين موجود. العقاب طق بالإيد كان موجود، ملا ناصر الله يرحمه كان يطق سلوقه بايده على الراس بسيط، يعني جذي أو يتل الأذون، يقضب الأذون يعصرها بس ما يطق يعني طق اللي اللي اللي يأذي بس عندنا كنا(يضحك) نقول سلوقة ملا ملا ناصر (تضحك) أو ع فَرصة فَرصة الأذن، يفرص الأذن بس كان هم حبيب ورجل محترم ووو ااا ما ادري شقول. ولا من أيام المتوسطة نفس الشي، كان عندنا يصير هوشات مرات، يهال هوشات صب صبيان وإلى آخره بس مو شي ااا يعني زايد عن المألوف، الهوشات بالمنطقة عندنا كانت و اقول حق ابوي يقول يبا هاي ترى رياضة أهل الكويت أول.

- (تضحك)

- يعايرون بعض يس يطقون هوشات، جنه مباراة، طقيناكم وطقيتونا ذيك السنة، يتهاوشون على التوافه ويتصالحون بسرعة ويتهاوشون جنه جنه مباريات.

- اي (تضحك)

- فكان عندنا خلط الرياضة والهوشات مستمر، النحشة طقة الطوفة وروحة البحر هم كانت هذا كانوا يحشونهم، يطقون الطوفة ويروحون يسبحون بالبحر ويصيدونهم.


- ممم...

- (يضحك)، يعني المايه تصير حلوة وهم أهلهم و اب ابهاتهم طراريدهم بره. صارت عندنا قصص حزينة انه فيه عندنا أتذكر اثنين من اليهال ا اطلعوا واتوفوا وأبناهم بالمدرسة انه اطلعوا بالمرب ال شهر أربعة شيصير عندنا ال ال مو مو ااا أكو عندنا رياح يسمونها، نسيت الحين راح عن بالي مو المربعانية يصير يصير عواصف عندنا شهر أربعة. فخذوا تناك صغير وراحوا يحدقون، منحاشين العصر وبعدين يات هويه ووو لقوهم بالحدود السعودية.

-أوف.

- غرقانين ومتوفيين وزعلنا احنا حزنا عليهم بالمدرسة صار كلام انه كان م مفروض يسمعون آباءهم وكذا كذا يعني هاي قصص تصير حوادث اا تلصق في الذاكرة واحد اسمه محمد جاسم وواحد رفيقه الثاني يعقوب أو شي من هالنوع، اطلعوا بتناك صغير يسمونه تناك (يضحك) ها ؟ وووو ياتهم الهوية وصار عاصفة في البحر وبعدين ما تمكنوا يردون وو وقصص ااا الطلاب ييبون ضب المدرسة عود يهدونه على مدرس يعني شطانة الطلبة وو سوالفهم.

- اي، كلمني عن الأصدقاء في الابتدائي وو شنو كنتوا تسوون ب مثلا وقت الفراغ ؟ غير الخيل وال...

01:58:35 - قصص الطفولة وأوقات الفراغ مع الأصدقاء

Play segment

Partial Transcript: - اه، الفراغ، بيه كنا يعني والدي ربى عيال عمي معانا فاحنا كنا صبيان وايد اختي، عندنا أخت واحدة يات متأخر كلش لما...

- اممم...

- لما ان قربنا نروح أمريكا ياتنا أخت واحدة بس كان عندنا عيال عم أربعة وربعنا يزورونا من ال من الفنطاس، يعني ييونا بسياكل بعضهم عندهم سياكل ييون بالسيكل، هذا اللي عنده سيكل صبي بالم بالمدرسة عنده سيكل هذا وين يعني، أتذكره، الله يذكره بالخير اسمه علي الشريدة وفيصل ييون، نلتقي نلعب مقصي نطلع البر، إذا كان ربيع، نطق نحط فخوخ بالبر ندور اا ندور دود تحت الطوفة ونحط فخ مني وفخ مناك و وبعضهم ييون عندهم صجمات بس انا ما كنت احب ارمي طيور وايد امصجمات، شوزن ما، كنا صغار ماكان يعطونا شوازن ااا اللي أكبر شويه ثانوية كان يأخذون شوازن بس امصجمات ما امصجمات هذا بالربيع، إذا بالصيف لا، مو مسافرين، بالبحر بحر يعني طالما الماي إذا المايه طفوح قاعد نسبح إذا المايه رايحة نق نقمبر ونصيد ندور نقلب محار وما محار و ح حويت ونستكشف وإلى آخره، بدشاديشنا وو اللي طاقته فرياله واللي مادري.

- (تضحك)

- وندش حظور مرات، مو مالتنا، حظور نطالع شنو فيها. مرة مجموعة دشينا حظرة كانت حق وزير التربية، هم بالمهبولة والا لخمة عودة فيها وو نشد يوم شفناها احنا صغار كل ابونا شلنا احنا وربعنا اتشلبحنا على البامبو مال ال يعني صغار. كان فيه متعة، فيه excitement انك انت والبحر نظيف يعني ما كان فيه زجاج أو حديد وهذا مع انه ممكن بين فترة وفترة بس نسبيا لليوم اللي انا اشوفه وايد أنظف وايد اا يعني أحس بالمغامرة يهال وكان عندنا هذا magical ترى احنا يعني بين ابتدائية ومتوسطة، كل شي الحين لما اطالعه اقول جنه صغر بس هو يوم عندنا أول كانت السدرة عودة مرة وا رواني واحد كان يقول هاذي السدرة اللي قلت له من صجك جنها اصغرت جان يقول: لا ما اصغرت بس احنا كنا صغار.

- (تضحك)

- وهو صج احنا كنا نشوفها وايد عودة مثلا والى آخره.

02:00:45 - الحيوانات والنباتات في الكويت

Play segment

Partial Transcript: اااا هم مساعة اقول حق الدكتور عدنان اقول له فعلا انا انا شفت حيوانات وايد اتذكر شفت حيات حية ام قرون احنا بالكويت بالفنطاس تلقينها بره بالبر تشوفينها حية ام قرون يسمونها.

- ممم...

- انا شفت حيات بحر شفنا سلاحف كبار، كبر الكرتون هذا يعني يقطها البحر يال معضوضة نلقاها حية و نردها نقلبها و نردها البحر. حا يعني سوق السمج بالفحيحيل كان عامر سوق السمج لليوم قوي بس احنا كنا صغار لما نروح سوق السمج مال الفحيحيل مثلا oh, my Godطافح سمج و excitement يعني وهم ربعنا يقولون ها أنا رحت مع ابوي الحداق وهذا يقول صدنا جذي اللغة مالت والطيور إذا ياو نعرف ونعرف اسامي الطيور ونعرف اسامي الل النباتات البر البرية نعرف اسا ونتشيحط على بعض انت ما تعرف هاذي انت ما تعرف هاذي انا اعرف هاذي شكو ما تعرف هاذي، كل طيور الربيع ييون نعرف اساميهم. النباتات اللي تطلع أصابع العروس ، حمبزان،خبيز ما ادري شنوكله كله نعرفه ونعاير بعض ليش ما تعرف هاذي، هاذ ي رمة وهاذي ما ادري شنو وتعرف تلقى ما ادري يعني كنا في تواصل معقول مع الطبيعة.

- ممم...

- هاذي جزء من ال الشي اللي الذاكرة اللي أتذكرها كنا مرات نغوص جذي نخربط نطلع قماش لأن مغاصات اللولو القديمة صوب ابو حليفة والب الفنطاس نطلع casually يلا خلنا نغوص مني ولا م يقول واحد ابوي يدل، ننزل نغوص نلقى لنا جم محارة نطلعهم يطلع سحاتيت وقماش ونستانس ولا اللي لاقيين يعني دانة، مو دانة ولا شي هي...

-(تضحك)

- بس عندناسوالف من هاذي وو ااا.

- شلون تعلمت هالأشياء يعني هو شي ااا لأنه كنتوا تعيشون في الطبيعة نفسها عدل؟ حتى السباحة مثلا؟

- اي.


- شلون؟

- ابوي علمنا ابوي علمنا ودخلنا بحر كذا مرة وأبوي كان عنده ربع يطلعون حداق.

- ممم...

- وكان عندنا جلاب عطونا اياهم بيت الانصاري الله يذكره بالخير عم عم يحيى الانصاري اللي اهو يصير اخو المعماري احمد زكريا الانصاري زوجته كانت ألمانية وكان ساكن بالبدع، عطونا couple of German مو German Shepherd يسمونهم Belgian Shepherd هو مثل ال German Shepherd بس أقصر جنه ذيب كانوا معانا بكل مكان لما نروح وكانت عندنا هم German Shepherd كنا يعني خيول وجلاب وربعنا وما ادري شنو لانه مو مو ديرة يعني جيرانك يشكون من احد ما عندنا، ماكو جارنا جدامنا الشيخ عبدالله اليابر، يابر العبدالله محافظ الأحمدي across the street من عندنا عالبحر، بعدييين بعد سنين متأخرة يا الشيخ مشعل سواله بيت وسكن...

- أي سنة؟

- هذا هذا بالسبعينيات late late seventies بس ال بداية السكنى لما حنا يينا بالستينيات ماعندنا ييران إلا الشيخ يابر العبدالله محافظ الأحمدي هذا جارنا الوحيد الباجي كلها بيوت وأراضي غير مسكونة إلا بال weekend ييونها أهلها الكويتيين.

- ممم...

- ها...


- اوكي.


- وفضاءات كبيرة مم براحات بينها والبحر مفتوح يعني، كل مكان ااا الشيخ خالد العبدالله سكن فترة، اتوفى اخو الشيخ سعد الله يرحمه، عنده ولد كان اسمه جراح بعيد، فيه شيخ مح الشيخ صالح كان عسكري ساكن نهاية الفنطاس بس بعيد عنا كذايمكن كيلومتر أو أكثر يعني حتى نعرف منو م الحضر اللي ساكنين بيت الحميضي فترة سكنوا وردوا قعدوا عندهم أرض عودة مازالوا ييونها عم يعقوب الحميضي الله يرحمه ووو فيه شيخ محمد كان داخل صوبالفنطاس يعني الحضر اللي من الديرة، الجناعات كان عندهم اراضي وايد بس ما كان ييون ما ماذكرنا ان أحد سكن فيهم.


- ممم...


- بس الشيخ اللي كان فعلاً ساكن وزوجته موجودة وعياله موجودين الشيخ يا يابر العبدالله محافظ الأحمدي ذاك الوقت. ااا


- والطلبة بالمدرسة كانوا ييون من أماكن بعيدة يعني ولا؟


- لا، الفنطاس كان ييون من الآتي، ييون من الفنطاس ومكان يسمونه صيهد العوازم وعقيلة ووو ابو الحصاني. هاذول اللي ييون من عقيلة وابو الحصاني اا أكثرهم من اخوان ال البادية وبعض السكان اللي في بعض اللي يكونون اماراتيه أو يشت يشتغلون في أماكن مزارع عند شيوخ، حالة أو حالتين، واحد منهم كان ملا مسيد ولده يابوه من الامارات

02:05:10 - العوائل التي تسكن في الفنطاس والمناطق المحيطة

Play segment

Partial Transcript: ال ال المدرسة ال core مالها معظمهم قريوية من أهل الفنطاس وعوايلهم معروفين يعني الحقان، الحمدان ااا الشريدة مازلنا نتزاور معاهم وو صداقتنا حميمة قوية معاهم، الردهان مجاميع معروفين بخيت أكو جم عائلة موجودين هناك وكلهم متواصلين ومتقاربين ومتزاوجين مع بعضولهم أهل بالديرة بعد يعني متزاوجين في بالديرة. ااا بو حليفة كان لهم مدرسة بروحهم بو حليفة معظمهم عجمان وبيت الجري كانوا اهمه ال lead figure family هناك وبيت الشيخ المالج وفيه مجموعة بيت الجابر وبيت العصفور من العجمان مو عصفور الديرة لأن عصافير الديرة ثلاثة بعد غير اللي في بو حليفة. هاذول هم كانوا حلوين. اختي راحت مدرسة خاصة في بو حليفة عند الجري، العم خليفة طلال الجري، بنته العودة كانت مديرة المدرسة، راحت مدرسة خاصة مع اخوي الصغير بس ابو حليفة كان عندهم مدارس بروحهم، عندهم مدرسة حكومية وهم حلوة عالبحر ولد عمي يوسف راح لها، بسبب ما تأخر في مادة وبعدين راح لها صيفي أو شي من هالنوع وكانت مدرسة جيدة. ااا المنقف ما كان فيها مدارس، ما اتذكر يمكن مدارس صغار بس ما اتذكر بس بو حليفة كان فيها مدرسة مختلفة. بعدين بعدين يييج الفحيحيل، الفحيحيل لا فيها كل شي، فيها ابت روضة، ابتدائي، متوسط، ثانوي.

02:06:40 - ثانوية الفحيحيل

Play segment

Partial Transcript: احنا كل ابونا بعدين كملنا رحنا ثانوية الفحيحيل. لما تروحين ثانوية الفحيحيل، بنات أو بنين يصير الدائرة أكبر، ييونج بنات وعيال الفح الأحمدي وبنات وأولاد، هالمدارس حق البنات وبنين، ييون عيال شعيبة وبعضهم كويتيين من شركة النفط وبعضهم عرب اا فلسطينيين ولبنانيين من شركة النفط فييونج الكويتيين اللي اي عيال المهندسين والفنيين من شركة نفط الكويت اللي يشتغلون بشعيبة وبالأحمدي وساكنين هناك يطلع نوع يديد من ال هم حضر من الديرة بس already سكنوا الاحمدي، نلتقي بثانوية الفحيحيل مع أهل الفنطاس والعقيلة و وبو حليفة هم كل ابونا نلتقي وبعدين ااا كبرنا عليها بعد سنوات سووا مدارس أخرى ثانوية بس أول ما بدينا الفوج الأول بنات ال المنطقة العاشرة كلهم يروحون ثانوية بنات فحيحيل.

- ممم...

- كل شعيبة والأحمدي بنات والفنطاس وكل وطبعاً بعضهم ما يروحون الثانوية يروحون كلية المعلمات، كلية المعلمين، هذا اللي يروحون ثانوية وبعضهم يروح الجيش بعضهم يروح الشرطة وبعضهم و وووو بس اللي يكملونثانوية كنا وبيننا هم شارع عود ومدرستين كبار بس ال الدائرة تكبر، أهل الفحيحيل نفسهم، شعيبة، الأحمدي، الفنطاس، كلهم بو حليفة يكونون بالثانوية وهاذي كانت ديناميكية هم ثانية (يضحك) تشوفين خلطة غير، خلطة غير.

- نرجع إلى اا المتوسطة قبل لا نروح الثانوية.

- اي.

- اا بس قبل لا نروح المتوسطة، ااا عندك ذكريات مثلاً احتفالات معينة؟ انت ذكرت ااا عن عن احتفالات أعياد ميلاد أو...

02:08:30 - إحتفالات في الطفولة والمسرحيات

Play segment

Partial Transcript: - العيد الوطني كنا نسوي احتفالات.

- العيد الوطني...

- مر مرات نسوي بمناسبات مسرحيات بالهجرة أو العيد المولد النبوي مرات لا purely أدبية يعني عندنا أساتذة كان ياخذ قصة معينة، انا أتذكر كنت امثل دور في المدرسة صياد سمج وفيها أنشودة وعندنا ربع كان ولدك لا والإحراج لما يصير لما يصير واحد بدور بنية.

- (تضحك)

- انا ابوي مر في مشكلة نفسه يقول: يبا بالمباركية نفس الشي يييي إذا مرتك ولا بنتك حاطين ولد ومغطيينه مثلاً، زين؟ It's really funny ها؟ بس كنا نسوي مسرحيات حتى مو بالضرورة دينية يعني مو بالضرورة مناسبة دينية، لا مناسبة وطنية أو مناسبة أدبية أو أو ويحزني اني قمت اشوف شلون ال وكثير من الأماكن سكروا المسارح وسكروا ال كان عندنا مرسم كنا نرسم أتذكر كنا نسوي لوحات جبيرة بالمدرسة ااا كان عندي صديق اسمه مبارك كان هم رسام أكبر مني وكان استاذنا يرعانا بقوة انا كنت محظوظ لانه درسني استاذ مشهور جداً ووو انا صغير ما ادري انه فنان تشكيلي كبير بس اسمه استاذ مح استاذ الحديدي اللي لوحاته على البنك التجاري، هذا كان يدرسني انا ومبارك water coloring واحنا صغار، كان من الاسماعيلية واستاذ جدا قوي بال water color وانا اقتنيت لوحة لوحة من لوحاته قبل سنوات قبل لا يتوفى بدون ما هو يدري ولما شفتها عيوني دمعت قلت حق ال يحيى سويلم بقاعة بوشهري هذا استاذي، قال لي سامع انا قلت له بس كان واحد banker بيبيع اللوحة فأنا شريتها. قلت له اتذكر واحنا صغار كان يعلمنا انا ومبارك water color ااا كان عندنا نخبة من يعني الفن كان يعطونه رعايته، الرياضيات يعطونها رعايتها المسرح كان يعطونه ومرة ثانية أكرر مو مو الديرة ترى كنا في منطقة مخلوطة من قليل جداً يعني نسبة ما توصل 4 بالمية من أهل الديرة، الباقي من أهل القرى كويتيين، قرويين وكويتيين من اخوان البادية بس عندنا مسرح وعندنا يوم، أتذكر الطاولة يحطونها يوم، آخر الأسبوع تحت ملعب السلة قدام الطابور ويطلعون الأولاد اللي يا يحفظ شعر يا يقول شعر يا يايب شعر استاذ العربي قال هذا زين انه نسمعه. فيطلع صبي صغير يركب الطاولة على كرسي ويقعد يسوي إلقاء شعر ونصفق ونستانس وهم أتذكر ادش المدرسة نسمع قرآن الصبح وبعد فترة قرآن معينة نسمع أناشيد حق عبدالوهاب وأحياناً حتى حق أم كلثوم بس مو اناشيد يعني لها علاقة بالتعليم يعني أشعار قوية و أشعار جميلة وإلى آخره.

- مثل؟ عندك أمثال معينة؟

- مثلاً يعني اا اتذكر مم حرب ال 67 أو شي من هالنوع عبدالوهاب يغني وااا لقد جاوز الظالمون المدى فحق الجهاد وحق الفدى، أسمعها الاغنية هذي وايد اااا هم أم كلثوم تغني يا دارنا يا دار اشياء من هالنوع يعني أكو أشياء لها علاقة بالكويت و أو لها اشياء، كان برنامج لطيف انا الحين انا اسمع من مدرسة يمنا وايد اتضايق من برنامجهم الموسيقي الصبح الساعة سبعة ونص تماماً أشوفه وايد متخلف وموسيقى مزعجة اا ومالها أساس يعني أنا متذوق عالي للموسيقى أسمع موسيقى عالمية ومحلية واعرف تاريخ الموسيقى العربية، التخت العربي بس ما ما أشوف اي علاقة باللي قاعد يسمعونه اليهال في المدارس اللي يمنا الصبح واتضاااايق، اقول شنو هذا يعني لا شي يعني شي ممم ااا أقرب للنشاز ويسمونه أقرب للنشاز والتشتيت من انه لبناء والنغمة متكررة يومياً نفسها boring يعني مملة مافي مافيها أي طعم. احنا كنا لا احنا كنا نسمع قرآن شويه الصبح وبعدين نسمع أناشيد وراه على طول قبل ال دقة الجرس مال الطابور، نتمشى ونجهز روحنا وإلى آخره وبس واتذكر انه انا عندي صورة أسود وأبيض أن احنا قاعدين ندق موسيقى مع ربعنا قاعدين فوزي وفيصل وو و وو يعني وهكذا.

- داخل المدرسة؟

- داخل المدرسة داخل المدرسة عندنا عندنا استاذ موسيقى ونسوي تمرينات ااا هذا شيسمونه؟ نشاط.

- اهممم...

- نشاط ويسحبنا تعالوا اليوم العصر انتوا تقعدون قولوا حق اهاليكم الغدا موجود المدرسة تعطيكم غدا وتقعدون تتمرنون وبعدين خل سايقكم ولا الباص يوديكم. نقعد احنا مجموعة نتمرن عشان المسرحية أو نتمرن عشان الsketchالموسيقية أو حتى قاعد قاعد نسوي مشروع انه قاعد نسوي paintings حق حق المدرسة، طوفة كاملة يحطون عليها canvas وياخدون أربع طلاب اللي هم زينين بالرسم الاستاذ يسوي main lines ويقول لك انت سوي هاذي الجزئية وانت سوي هالجزئية وو...

- جميل...
- اي لا لا اااا برامجنا بالستينيات لا لا كانت متفوقة، صج كان برنامج قوي.

- مقارنة إلى المدارس اللي داخل الديرة، تعرف عن أي شي داخل الديرة ولا؟

- لا، اتذكر يعني بعض عيال عماتي راحوا سيف الدولة بالقادسية وما اتذكر يعني أنا ما بس هما ما كانوا هم يقولون مدارسهم مو زينة، كانوا سعيدين في مدارسهم.

- ممم...

- ذاك الجيل بس انا يعني احنا يعني لمن تسألين لا احنا we did not go downgrade يعني لمن احنا طلعنا م الديرة رحنا الفنطاس ما شعرنا احنا were downgraded in the education system نعم فيه اختلاف طفيف لوني، لون ثقافي مختلف ان هم أهلنا كويتيين، أهلنا قريوية وأهلنا بدو من نفس ال الثقافة الكبرى، كويت، بس ما زعمنا انه فيه downgrading في التعليم، أبداً، أبداً، لا بالأساتذة ولا بالمنهج ولا ولا ولا ولا بالمدرسة ولا بالبنيان أصلاً.

- ممم...

- بالعكس، ربما أجمل من الديرة، مدرستنا نصها بالبحر ونشوف الهوامير مربطة بالطوفة وحية واستاذ يعني ظواهر.

- جميلة.

- مو عادية وان والله مم عشرات ال السدر كله كنار ووو الصبيان وكان بقالة صغيرة نروح ينطون الطوفة وييبون منه حلاو وجاكليت وما ادري شنو بس مو ينطون الدكان يروحون ييبون ييبون معاهم كنار من المدر من السدرة اللي طايحة يم المدرسة من المزرعة ومخابيهم "تعال يبنا كنار وما كنار وإلى آخره" يعني مختلف.

- الحين ننتقل إلى مرحلة المتوسطة.

- اي.

- وين؟ حتى بالفنط...

- نفسها، هي ابتدائية مشتركة.

- نفسها.

- اي ونروح الديرة، احنا كنا ابوي ينزل كل يوم الديرة حق مكتبه، ابوي ابوي رجل أعمال عنده مكتب بالديرة ما مو يعني شغل ابوي مسكين ما كان بالفنطاس، ابوي كان مكتبه بالمباركية وسط الديرة، كل يوم يطق الطريج

02:15:21 - الطريق من الفنطاس إلى مدينة الكويت لمكتب والده في المباركية

Play segment

Partial Transcript: وكان الطريج مو مبلط، كان عنده سايق يروح الديرة ويرجع ابوي كان يقول وبعدين شاف انه صار highway يعني كان من طريج كان مد مدكوك مدكوك اتذكر getchطريق ترابي مدكوك getchلما اتوفى الشيخ عبدالله والشيخ صباح انتقل إلى قصره بالمسيلة بدا الشارع هذا يصير قار.

- اممم...

- صار دوار واتذكر حوادث يطبون في الدوار لانه بالليل ييون ناس من السعودية داشين الكويت ويحسب روحه داشالهذا، قصر الشيخ صباح السالم اللي بالمسيلة صار له دوار قدامه فييون يدشون الدوار (يضحك)

- ممم...

- فاااا بس احنا كنا ننزل بالاسبوع مرة نزور ع عماتنا وأهلنا بالديرة وو مرات نطق طابور ونقول حق ابوي بنروح السينما ويستجوبنا.

- (تضحك)

- اي فيلم بتروحون ووين بتروحون؟ اي سينما، ال الحمرا ولا الأندلس وشال مادة الموضوع ويزف اللي مادرسوا ويز ها؟ نطق طابور يعني نطلب من ابوي نروح سينما، بنروح بيت عمتي ولا بيت ما ادري منو وبناخد عيالهم وبنروح معاهم المدرسة ال السينما واتصالات وتليفون واحد وو امك تكلم امهم ومادري منو.

- (تضحك)

- على اساس انها تضبط أنها تطلع مع عيالهم وتروح بس ابوي كان يروح مرة أو مرتين باليوم مكتبه بالديرة ويرجع في المباركية، والمباركية كانت فريجنا يعني فريج يدي كان فريج الفري فريج الشيوخ اللي هو سوق الأوراق المالية، هذا بيت يدي وبيت عمامي فابوي مكتبه هناك، اقول له ليش؟ يقول يبا هذا فريجنا، يعني الكويتيين هم كان مكاتبهم صارت بفرجانهم.

- اممم...

- يروح يروح مرة أو مرتين بال باليوم.

- كنتوا تروحون معاه؟

- أحياناً، بالخميس يودينا المكتب ونروح معاه، كان عنده هم قسايم صناعية بال بشرق ونروح معاه، خصوصاً الكبار يعني أنا وعلي ولد عمي ولده اللي ربى عيال عمي يودينا معاه ومرات يودينا كل ابونا، منها زوارة ومنها نشوف ونطالع وإلى آخره. اا انا الحين اا الحين لمن ما كان فيه زحمة بس الطريج ما كان سهل يعني هو ما كان اليوم مشكلتنا انا الحين سكنت بالمنقف الحين عندي مشكلتي الزحمة مو الطريج، الطريج highway من أحلى ما يمكن ياخذ عشرين دقيقة لانه الناس نائمة الصبح أمر الوالدة بالجابرية بس الحين اقول wow ابوي كان هذا الطريج كان كله محفر و (يضحك) ya ، المتوسطة كانت امتداد لابتدائي بس شوية كبرنا اا بالعكس، قمنا نشيطن أكثر السنوات الأخيرة واحنا أطفال كانت شطانتنا تختلف عن المتوسطة.

- ممم...


- اااا بس نفس الروحية يعني المكان مازال كان حلو ذاك الوقت ووو والمدرسة في نفس سياقها، البحر نفسه. موادنا اختلفت بس ااا اللي انا الحين يعني I miss it واشوفه بالأجيال اللي حصل مم ال الانكماش عن التعبير الفني والرياضي. كان يسوون قليل لانه يقولون لنا بس لا كان يقولون لنا قعدوا وما يوقف النشاط، النشاط الفني، ما يوقف النشاط المسرحي، ما يوقف، النشاط الرياضي ما يوقف. بس كانوا أحياناً يستعيرون

02:18:40 - تغير طبيعة التعليم في الثمانينات

Play segment

Partial Transcript: بس بس في جيل معين أو الثمانينيات حسيت في لما رجعت الكويت أثناء الدراسة وشفت التغيرات ال مو الكويتية الإقليمية، ال attitude الإقليمي حتى، الكويت جزء من من دائرة إقليمية أكبر، انه انكماش عن الفن وو محاربة للفن وتبخيس الرياضة وو اا عودة إلى دائرة ما ما، بالنسبة لي غير محمودة.


- هذا في الثمانينات.

- اي اي اي.

- اخر السبعينات.

- حركات حركات ال الغلو الديني اسميها، مو معناها الدين مو مو زين بس فيه صار غلو وتفسيرات ااا لا إنسانية وتفسيرات أكثر فيها عسكرة اااا الدين صار مادة تجنيد أكثر من مادة روحانية وإنسانية ومروءة وثقافة. كان أنا بنظري ايامنا كانت هذا.

- ممم.

- يعني ملا ملا ناصر أو أساتذة اللغة العربية والدين ماكان يتكلمون عن المواضيع هاذي، كان يركزون على الجوانب الأخلاقية، المروءة، الكرم ااا شنو ال بر الوالدين، النظ يركزون وايد عالنظافة، النظافة الذاتية والنظافة المكانية والنظافة المدرسة وو هاذي هاذي حديقة ال حديقة زهور مدرسة أولاد.

- ممم...

- يعني ترى اي اي حديقة زهور في مدرسة أولاد مو مدرسة بنات ومزرعة نزرع فيها يعني كان فيه ال الرؤية التعليمية كلها كانت مختلفة رؤية تعليمية جداً مختلفة. يعني ااا اكرر انه مدرسة بنين فيها حديقة زهور، فيها عرزالة نقعد فيها ونسولف ونستانس وعندنا مزرعة نزرع فيها خضار. اا لو اقول لج مثلا زهور في روضة ولا في مدرسة بنات تقولي اي بس لا يعني شنو بيسوونا لينين؟ لا، كان فيه رؤية مختلفة انه خلهم عندهم تواصل مع الطبيعة هم يم البحر وراهم، اعتقد واضعين المناهج كانوا مختلفين ورؤاهم وقيمهم كانت مختلفة، صار تشدد وبعدين انقباض وانكماش وو عسكرة في المفهوم الثقافي اا ويمكن قواعدها خوف.

- ممم...

- فقدان ثقة إلى آخره. هذيك كانت أمل ورؤية لانه، حتى قلت حق اصدقاء كبار قلت لهم اول ترى احنا يوم صغار كنا نسمع وايد كلمة نهضة، استقلال، نهضة وايد بعدين قمنا نسمع لما انه نرجع من امريكا يالا السلامة يا معود اااا يعني الأمن والأمان. لا احنا ما ربينا على أمن وأمان مع ان عبد الكريم قاسم تحرش فينا، احنا ربينا على الاستقلال والنهضة. اقول يعني كلمات مفتاحية، مرتكزات. احنا جيل ربينا على كلمتين كأنها ما تطيح من اذونا استقلال ونهضة، استقلال ونهضة. نهضة نهضة نهضة (يضحك) زين؟ هاذي كانت مغروسة بقوة عندنا ترى بس انا كنت أطالعششسالفة؟ يعني احنا ما ربينا على، حتى اخواني، اخواني الصغار يعني God , you guys جيل الأمن والأمان. ف زادت الحروب دار مدارنا زادت التوترات فتغيرت ال tone انا انا مو معاها يعني ما يخالف بس اا اضرب على النهضة اا امسك على انه لا، حرب ولا مو حرب، أمان ولا مو أمان، انت لازم تدفع ال التيار باتجاه نهضة مستمرة.

- ممم...



- مش يعني توقف، نهضة وتحسين دائم ومستمر، احنا ربينا على كلمتين كبار، استقلال ونهضة، واخواني الصغار لا ربوا على نوتة مختلفة ودفاترهم غير، انا اتذكر يعني أنا بيني وبين اخوي منصور عشرين سنة، اخوي الصغير وبيني وبين اخوي نبيل اثنعش سنة وبيني وبين اختي خمستعش سنة ااا دفاترهم غير، التأهيل، المؤثرات ال الزمان مكانية أو الزمكانية تختلف، جداً، جداً. أمن وأمان واست واستقرار، احنا وين احنا نتكلم عن استقلال ونهضة وهاذولا أمن وأمان واستقرار، يعني أنه فيه رجرجة أو توترات في الإقليم.

- بس انت قاعد تتكلم عن مناهج الستينات، السبعينات مناهج الثمانينات؟

- ثمانينيات وتسعينيات.

- تسعينيات.

ya , ya-

- اي.

ya , ya-

- مو بس المناهج.

- طقوس مختلفة.

- مو مناهج حتى اا انا عندي حديث راح اتكلم فيه بشهر احدعش عن كلمة انا اسميها فيروسية، سيئة، جونا ما يسمح. هاذي لها معاني وايييد الناس مو منتبهة عليها. لها معاني وايد، هم قاعد يقطون يقطون الملامة على جونا، جونا ما في ماله شغل بالموضوع، يعني يقصدون جونا الخارجي اللي هو الطبيعي؟ لا ماله شغل بالموضوع . احنا اللي عشنا ب يعد يدودنا بعد لا مكيفات ولا بنكات، احنا عشنا ب يهال، جونا ما كان مشكلة أبداً يوم احنا بالفنطاس، لا صيفه ولا شتاه، ما كان عندنا كلمة انه جونا مو حلو، ننطر موت حر ننطر نخلص امتحانات علشان نلعب بالبحر شعرنا يصير اشقر من ماي يشب من الشمس، نصير جنه مهارة، انا يقولون لي المهري كنا نصير brown وشعرنا الأسود ينقلب أشقر وملح، ما نوقف، عمتي تقول "ما تهيعون انتوا؟ "

- (تضحك)

- يعني ما كو شياسمه حر، احنا ننطر من نلعب ونصيد سمج ونطبش بالبحر، اللي بيسافر يسافر بس اذا طالما احنا موجودين ما كان عندنا بنروح بطراد فلان، بنحدق مع ربعنا الفلانيين وهذا اذا احنا بالكويت بالصيف ونطالع جدول مال المايه اوووه الليلة الليلة طفوح بالليل والقمرة طالعة لنا activity غير، الليلة لا اليوم المايه طفوح ظهر نا يعني نجهز روحنا حق شنو بنسوي طالما احنا بالكويت هذا الصيف، يعني الصيف ما كان عندنا شي نقول "اه جونا مو حلو وما نحبه" موضوع، يهال وبعدين نس نستانس بالطبيعة فما كان عندنا ال نلبس، نغطي روسنا نعرف انه حر ويشوينا اتذكر إذا يشوينا تراب البحر بريولنا بس هذا ما نعبره يعني ما له.

- وبالبيت كان عندكم بنكات مكيفات؟

- عندنا بنكات ومكيفات، عندنا بس همنا ما كان نقعد بالبنكة همنا اننا ننام الظهر بعد الغدا بس اول ما تصير الساعة أربع، بعدها حر احنا طالعين برنامجنا البحر وبرنامجنا ربعنا ووو كرة مع ربعنا وسالفة، إذا احنا بالكويت لابد عندنا سالفة يعني بس اا ماكان عندنا، العفو ما كان حتى ربعنا يتكلمون جونا، يعني أنا الحين اسمعها شنو هذا.

- ممم...


- جونا تغير جونا ما يسمح جونا، ما يخالف زادت المباني بس، صار فيه نوع من المفارقة وال عدم التصالح مع بيئتنا أو مناخنا الطبيعي ولا احنا هامنا بس احنا نتشكى منه. ذاك الوقت ما كان ويمكن بعد هذاك اللي قبلنا بعد لا لا بنكات ولا مكيفات ولا ثلاجات، هالحجي ما يدور .

- صح.

- كان عندهم توافق مع بيئتهم وايد أعلى، وايد أعلى.

- كلمني عن بيتكم وو ا تصميم البيت وغرف النوم.

02:26:03 - وصف البيت الذي ترعرع فيه

Play segment

Partial Transcript: تصميم البيت كان نظام يسمونه ال bungalow مثل الاحمدي، كان بيت مستطيل و ولهpitched roof steel structureكان من مادة اسمنتية، كان مدخلين بهوين أساسيين وبعدين على يمينه كان ديوانية عودة وبعدين أبوي وأمي كانوا في منطقة وسيطة بعدين كان بهو ثاني واحنا الشباب كنا عيال عندنا كل اثنين في غرفة، كان بيتنا مقسم وبعدين فيه فيه غرفة طعام وحدة لل وكانت الديوانية وايد عودة مقسمة تقسيمات بسيطة فيها غرفة طعام اا بطاولة بس احنا كنا نقعد على سفرة في غرفة ثانية، لها مطارح ومساند نظام القديم، ابوي كان يفضلها واحنا كعائلة نتيمع نقعد يحطونها سفرة عالأرض نقعد مع ابوي بغرفة والغرفة تصير multifunction ينشالون السماط ينشال وبعدين تقعد المطارح وتصير قعدة شاي وإلى آخره ونسولف، احنا ابوي دايماً يسألنا شسويتوا بالمد بالمدرسة، شنو صار معاكم دايماً نظام دخلته علينا بالسؤال شنو صار معاكم شسويتوا شنو exciting ومن الحجي يعرف ويحاورنا طول الوقت بس دايماً يدش علينا بسؤال شلون كان يومكم وشنو سويتوا، مرات احنا نسأله ها يبا شنو سويت كذا كذا، احنا نرد عليه بس يحب يسمع لنا ويدش علينا بأسئلة، دايماً يسألنا اسئلة، هاذي فترة الظهر وبعدين هو يروح ينام، العصر يشرب تشاي، مرات نمر عليه ومرات نحنا بروحنا بس يشوفونا شويه احنا يعني اااه إللي إللي موجودين نبي نلعب كرة، بنروح المكان الفلاني بس، وحتى مثلا لما انا كنت اركب خيول مع ربعي كان يقول لي حدودك انك انت توصل بوحليفة، ما تعدي بوحليفة وتوصل الفنطاس ما تعديها، يعني ما تدش، اقول له ليش؟ يقول يبا ما ادري ان صار فيك شي ما ما نبي نعرف عالاقل المسافة، ندري انك انت من هني لهناك بس اذا لا تروح بخيولك انت مع ربعك beyond ال realm هذا خلكم بهالمنطقة، ما كنا نتعدى ال highway اللي صوب الرقة، كنا نظل على البر ل الرقة بس ما كنت ارد اوصل الفحيحيل، يعني ما، كان حدي اني اوصل حدود بوحليفة أو المنقف وارجع وحدود الفنطاس وارجع، بس ما ادش ابو الحصاني وو عقيلة. فكان عندنا حتى يعرفون وينا فيه.

- ممم...

- اذا طلعنا بحر يقولون لنا يبا لا تحيدون بعيد عن مثلا بوحليفة لا تحيدون بعيد عن نبي نعرف وينكم فيه اذا انتوا طالعين، نطلع مرات مع جلابنا مع نقمبر معانا صياختنا ونطلع مجاميع، ما نطلع بروحنا، يعني واحد ما يطلع بروحه.

- كله مجموعات.

- اي، انا كنت اطلع بخيول مرات بروحي عشان القى ربعي اللي عندهم خيول.

- ممم...

- بس كان إذا بغينا نطلع بالبر، وهاي تربية بادية حلوة لأن ربعنا البدو نفس الشي مايطلعون بروحهم، عيالهم لما يطلعون يطلعون أربعة أربعة أو ستة ستة او ثمانية ثمانية، حتى بالليل ما يطلعون بروحهم، عندهم عندنا هذا من من سوء التدبير انك تطلع بروحك وحتى بالغوص الحين ما تطلع بروحك يعني.

-صح.

- فكنا نطلع أربعة أربعة، اثنين اثنين، ثلاثة ثلاثة والخيول نفس الشي، اذا بروحي في منطقة قريبة، بعدين عندي موعد مع ربعي اللي يركبون خيول لان نلتقي في نقطة معينة وبعدين نتحرك.

- ووقت المراهقة، اااا تغيرت فكرتك عن مثلاً اا البيت أو المدرسة أو الوالدين؟

02:29:25 - فترة المراهقة

Play segment

Partial Transcript:
- اي ال المر المراهقة أنواع يعني أكو ناس مراهقتهم شديدة ااا وأكو ناس مراه مراهقتهم أقل هدوء، انا كنت رياضي وكنت احب الفن فااا عنفوان الم المراهقة يطلع بالرياضة.

- ممم...

- يعني أكو اللي ما يلعبون انا وحتى عيالي لما ربيتهم ربيتهم انه مشغولين ب ببرامج رياضية، بناتي وأولادي برامج رياضية وحسيت انا والحين على كبر قمت اعرف الطلبة أو البنات والاولاد اللي ماعندهم برامج موازية تشيل مواهبهم الرياضية والفنية أو حتى الأدبية والعلمية يصير عندهم احتقانات في مراهقتهم لانه طاقتهم بعدها كبيرة وما ما تستنفذ، اللي كنا نلعب رياضة احنا انا كنت برنامج يا رياضة يا art يعني ما، تطلع من هاذي تدش بهاذي سويت نفس الشي مع عيالي، اي يصير عندك اختلاف، يطلع نفر بويهك وصوتك يتغير وبنية ها؟ وتزيد هوشاتنا بالمدرسة نصير سريعين ال temper نتهاوش بسرعة، سواء بالمتوسطة ولا بالثانوية، هذا صار، حصل، معدل هوشاتنا ارتفع بال اتذكر انا زين يعني، يصير يصير ووو نصير كل ابونا، الاولاد والبنات agitated وسريعين الغضب ونبي نثبت روحنا اا بغرورنا الذكوري أو الإناثي انا نتخانق، زادت وتيرة الهوشات بالمدرسة، سواء المتوسطة ولا ثانوية بس مو وايد ااا لانه كل الأولاد يصيرونagitatedنصير مثل ال ال ال الحيوانات المتحمسة.

- (تضحك)

- كله بتتخانق، زين؟ حتى نظارنا كان، يعني مرة انا مرة الناظر الناظر عنفنا كان الله يرحمه الاستاذ العميري بالثانوية، يقول انا ما ادري عنكم انتوا شطار ونفصلكم يغني تتهاوشون، شنو يعني؟ نتهاوش واحنا شطار. يعني ندرس وهذا، كنا ثلاثة شطار ااا ثلاثة، الله يرحمه دكتور الهاجري صار طبيب جراح بعدين، كنا انا ومبارك وصديق لنا ثاني هم عجمي (يضحك) صار طبيب، طبيب أطفال. كنا نشيطن وناخذ الأوائل ونشيطن، يقول انا مادري شلون انا اعطيكم ميداليات ولا افصلكم؟ يصير عمرك انت شطانة ووو شطار وعطونا دياي عقب ما شرحناه رحنا سربناه وديناه المطعم وو المدرس مالنا شكى علينا.

- (تضحك)

- وهكذا، أو هوشات. فهي اهي حقبة وبعدين كان حتى يعني اتذكر كان فيه ديناميكا تضحك ااااا أتذكر ان ااا مانشوف يعني بنات أو نت نتحرش بس اذا اتذكر ديناميكتنا باص بنات مر على باص صبيان كانت ديناميكيات مضحكة يعني تلقى واحد أخته هناك ووو البنات شحلوهم ما ادري شنو هذا ما يدري يقول مثلنا ولا، زين يدري ان أخته بالباص وإلى آخره أو بعد ال بعد المدرسة يروح السايق ياخذهم هو ويا أخته مثلاً، فتصير ديناميكيات شويه مختلفة بس ما ااا ماكان عندنا هذا ال الover over concern حتى هم مرة ثانية أذّكٍر ان احنا كنا مو بالديرة اا ينثارون اليهال ويقولون اي بنية حلوة وشفناها وما ادري شنو بس ما يقولون شي ولا كان هذا الرعب الشديد من انا البس ويشوفوني ولا ما يشوفوني ويتحجون علي وما يتحجون علي، القصص اللي نسمعهاترى هم احنا في مجتمع متحفظ وبادية وإلى آخره بس ندري ان هذا رفيجي أخته بالمدرسة ووو زين؟ اي نستانس، نضحك انهم بنات، اا ففشلة انه اوه بنات حلوين كذا كذا بس ما يكون كلام على واحدة أو مايحصل وقصص ال الرعب اللي ذيابه وما موجودة اااا يصير عنف بين الأولاد مع نفسهم يتحرشون في بعض، يصير عندهم مشاكل انه يت يصير هاي شوية weird و يصير هوشات. اا هاذي احتقانات مجتمعنا مو عارف يعالجها لأنه أول كان يتزوجون مبجر ويصير احتقانات عندهم وهاذي انا اعتقد هاذي مشاكل يبي لها نظر حتى اليوم ما انحلت انه يكبرون وسالفة اختلاط وعدم اختلاط ويتزوجون وما يتزوجون وأو يص يرافجون ولا ما يرافجون هذي مشكلة مجتمعاتنا مو عارفة تفسرها. انا مازلت أشجع أقول لمجتمعاتنا اتزوجوا زواج مبكر لا تييبون عيال، فجوا عن السالفة هاذي خلاص. يعني أنا سألوني وايد في الموضوع هو مجتمعات عندها girlfriend يصاحبون، خلي يصير عندنا عرف انه ال هاذي البنت خط خطبها الولد وزوجناهم وهم صغار لا يتييبون عيال، سوي برامج لا تييبون عيال إذا if you are not mature enough to have children اذا فشل فشل إذا نجح خير وبركة إذا فشل تعلومة حقهم اثنينهم، يبيلنا هذا ال bridge يصير لانه هذي احتقانات مازالت سواء بأيامنا أو مو بأيامنا غير موجودة، بس الضغط الأخلاقي كان عندنا أعلى، أيامنا احنا الضغط الأخلاقي وايد أعلى.

- الضغط الأخلاقي.

- اي.

- اممم.

- كان أعلى.

- مو guilting لانه فيه فيه شهامة وفيه حمية فيه نوع من مثل ما تغار على خواتك لازم تغار على خوات ربعك وبنات الناس فكانت هاي ضغطها أعلى بكثير أيامنا انا شبه اقدر أجزم فيها ممم بس تصير الضغوط بينهم وبين بعض يعني أولاد يتحرشون بأولاد وبنات يتحرشون ب ببنات هذا اعتقد كان موجود، وكانت هاي ظاهرة ييبيلها معالجة واعتقد يمكن اليوم هم موجودة في كل العالم لكن يبيلها معالجة معالجات، النقلة التاريخية القديمة انه كان يتزوجون مبجر اختفت وما صار لها بديل، والبديل بالنسبة لي أنا بسيط، انه يتزوجون مبجر ما ييبون عيال، سلامتج نجح خير وبركة ما نجح a lesson , a lesson . مازلت يعني الطلاب مرات يسألوني وايد هني بال بالجامعة بنات واولاد، استاذ يصير عندنا واحدة كانت تحمل كل semester هني، يعني اذتنا صراحة (يضحك) زين؟ كنت اقول لهم، طلاب يعني اتزوجوا وانتوا صغار شالمشكلة بس لا تيبون عيال يا بابا لا تييبون عيال خاصة بالجامعة، بعدين لين know your partner اتزوجوا know your partner روحوا حق اهل عيشوا عندك، مو لازم تصير انت عندك وظيفة.
they nurture you , both families un till you mature , you mature
هي كلها العلاقةعلاقة نضوج . ف ااا بس هذا الجانب اللي ما مازال غير محلول يعني أيامنا مو محلول، اليوم غير محلول، بس هم كان عندنا انه روايات بسييييطة جداً تكاد تكون واحد في المية انه زوجوا ولد وهو صغير، بالثانوية، هاذي كانت روايات صغييييرة انه ندري بيننا واحد متزوج بالثانوية أو جبير بالسن بعده بالمتوسطة أو بالثانوية جبير، كان عندنا طلاب كبار بالسن.

- يعني جم عمرهم؟

- يعني اهو المفروض يكون بالثانوية تلقينه بالمتوسطة، أو هو يكون المفروض آخر المتوسطة تلقينه بالابتدائي، هذا أيامنا كان موجود. يدخلونهم متأخر بالمدارس، يكون طويل بالمد بالصف والوحيد اللي عمره عود، أو اثنين، داشين علينا كبار، متأخرين. هاذي كانت موجودة وبعدين فجأة تسمعين انه بالثانوية تزوج مثلاً لانه هو أصلاً جبير، بس قليل يعني واحد اثنين في المية ما، بس كان موجود، كان موجود.


- ووو اتكلمت عن النشاطات الفنية.

- ممم...

- في المدرسة.

- اي.

- شلون أثرت عليك وو شنو كانت مثلاً خل نقول بداياتك في الفن؟

- اوكي. انا الحين على كبر قمت أدرك أهميتها أكثر وانا على كبر ودشيت بسلك التعليم بعد ممارسات طويلة بال بالمهنة. الرياضة والفنون بأشكالها اللي قاعد يهملونها ربعنا تسوي شيئين مهمين وايد، الرياضة تسوي مع تسوي تسوي تواصل شديد مع نفسك جسداً، يعني انت مو منفصل عن جسمك، ترفع حسك، شعورك بجسمك لما عشان تصير رياضي أو بنت رياضية لازم يصير عندك وعي بجسمك بقوة، وعندك شجاعة بدنية تصير مش ذهنية بس

02:38:00 - أهمية الرياضة والفن

Play segment

Partial Transcript: ، وعندك تواصل مع كي كيانك كله الجسدي والفنون والآداب اللي هي المسرح وال painting والشعر بتخلي تواصلك عميق مع مشاعرك وعواطفك، الحين إذا أنا منعتها انا بترت الآدمي من جسمه ومن عواطفه، حتى لو كبر هذا يصير انسان مبتور، يعني numb وجزء من كيانه مو مو شغال صح، يعني ماكينته مو شغاله صح، انا الحين على كبر قمت اقول اوووه هذا كلام خطييير، خطير، وفعلاً قمت أنا أعرف الحين بعض الشباب اللي ادرسهم وحتى اخواني اللي... عندي اثنين مناخواني ما كانوا رياضيين، لمن كبروا لمن يخسرون يزعلون بسرعة وبشدة، احنا اللي لعبنا رع رياضات فردية وجماعية وو خ وفزنا وخسرنا وطقينا وانطقينا، كنا نطاقق باللعب يعني مرة مدرسة المعري كسرت باصنا كله لأنا فزنا عليهم بنقطة واحدة.

- (تضحك)

- كسروا باصنا، أتذكر كنت قاعد مع وليد الحقان اقول له، وفيصل العميري، فيصل كان قولجي ووليد كان اا وينغ وانا كنت وينغ ثاني وواحد.

- صديق لنا كنا متعادلين واحد واحد وبعدين وليد ياب القول الأخير، طارت البطولعلينا من ال bleachers من المدرجات، طارت البطول آخر اللعب لانه وليد يابه آخر لحظة بعدين دشدشوا باصنا كله كسروه، قام يطلعون من الفرجان، فالرياضة كانت عندنا مو بس رياضة، لما ان نلعب بمدارس ثانية هي كبرياء المدرسة مقابل كبرياء المدرسة الثانية، وفريجهم مقابل فريجنا أو ربعنا وتنقلب (يضحك) تنقلب من لعبة مباراة، لا وانت غالبهم عندهم مو غالبهم عندي، انت غالبهم عندهم اي، فدشدشوا الباص مالنا. نرجع للموضوع، أصلاً انت تعرف ان تعرف الربح والخسارة والفوز والخسارة وو ومو بس جذي ممكن انت مطقوق ببطل وانت قاعد تلعب رياضة يعني pain and winning , joy and pain ، لمن تكبر وتدش في مشاريع فيها ربح وخسارة انت من يوم صغير أصلاً سويت شراكات مع ربعك، دربوك فريق مع بعض، دشيتوا منافسة، خسرتوا أيام، ربحتوا أيام طقيتوا أيام وانطقيتوا أيام. فاخوانا وبناتنا اللي ما سووا هالتجارب سواء رياضة فردية، انا لعبت ping pong فردي ولعبت كرة قدم جماعي، فلما رحت على الحياة، لمن اطق وانطق، افوز واخسر، عندي اياها sport واخوي واختي اللي مثلا او اخت ثاني واخو ثاني اللي ما دش هاي التجربة، عنده تعامله مع صدمة الربح والخسارة مو صحيح، وانا مرة قلت حق واحد من اخواني قلت له أن السبة انك انت ما لعبت رياضة جماعية وفردية يوم صغير فلمن فلمن يخسر أو things go wrong , go wrong for him , he takes it مو sporty وكنت اقول يعني اتكلم عن اصدقاء و اا، كذلك لما ان انت تت تشتغل في مسرحية وانت صغير، تقرا النص ويصير بينك وبين ربعك واستاذك واستاذتك اللي قاعد جدامك، حوار عن النص، ولأ صوتك ارتفع ال body language مو عدلة، مرفوع ايدك جذي وانت ما تدري قاعد تسوي بروفة حق المسرحية قاعد تتعلم body language , emotional expression , crying and laughter استاذك قاعد اللي يعلمك ما مادة اللغة العربية أو مادة اللغة الإنجليزية، لان خذانا مسرحية إنجليزية وخذانا مسرحية عربية، وموسيقى، حتى موسيقى يقول مثلا طق الدمبك لما ان ياي هذا يبي يقتل (يصدر اصوات طبل) سو جذي يعني هذا يبي يقتله مثلاً، انت صغير الحين ااا هو قاعد يعلمك ااا يرتقي في ذاكرتك انك انت لما تطالع تلفزيون ومسرحية تعرف مغازي ومعاني أكثر وتذوق أكثر ويصير عندك تواصل مع مشاعرك ومشاعر الآخرين. لمن نيي نقول لا ممنوع ال المسرح وممنوع التمثيل وو لا تسوون موسيقى، شيلوا مادة الرياضة ااا حطوها حق مادة الحساب oh my God, what are you شقاعد تسوون انتوا؟ من بيعلمهم هذا؟

- صح.

- إذا كان فيه مستويات مجتمعات شعبية والله يطلعون يسوون عرضة وعرس ميخالف بس هاذي هم اختفت فو مازال القصة حتى دينياً اقول لهم يابا يا جماعة قاعد يقول لك القرآن "نحن نقص عليك أحسن القصص" حرام يعني اني امثل قصة هي ولا غيرها، هي حكمة وهي يعني دروس غير مباشرة، فيكون تواصلك بمادة الفن والله استاذك يقول لك هذا الأحمر زايد ولا يقعد يعطيها حرارة اللوحة قاعد يسوي فيها warmth زيادة، احنا نبيها أبرد شويه، انت قاعد تتواصل مع مشاعرك و مع عواطفك ويصير عندك حس أعلى، هم إذا كان يتذوقون الشعر سواء، احنا كان يقرون عندنا طلاب يقول هاذي قصيدة شعر شعبي، إذا كان هو شعر نبطي ولا شعر شعبي ولا شعر بادية ولا ولا شعر قديم متنبي ولا شعر أحمد شوقي قرن القرن العشرين، ما تفرق، انت قاعد تسمعها، سواء على ام كلثوم ولا من ولد قاعد يقراها. ال ذوقك الحسي يكون أرفع، ذكاءك العاطفي يكون أرفع. بس لمن امنع المادتين هاذول، يلا يلا واشيل مادة الزراعة شلت مادة الزراعة، شلت ال picnic شلت الرياضة البدنية، شلت المسرح والموسيقى والفن، بالله شيطلعلي انا هذا، مبرمج شنو؟ مبرمج لغة عربية ورياضيات؟ هو ماكينة؟ شنو؟ ب قاعد تبتر في الآدمي هذا او البنت هاذي. ف انا يعني انفر لما ان اسمع ال، وبعدين الحين أنا عود اسمع المدرسة تحط موسيقى والله ما يسمعها الغبي.

- (تضحك)

- يسمونه cognitive dissonance ، يعني أكو موسيقات انا أفهم شنو حرمة الموسيقى، أي شي أي شيمريض هو موسيقى ولا رياضيات هو مريض، أي مادة كانت فانت لما ان تحط موسيقى خربوطة yes, I agree بس ا شنو الفن؟ الفن شيء ثاني، هم الحين الفن عندهم مو فن والمو فن يصير فن والفنان مو فنان والمو فنان فنان، فصار اااا خلط كبير، دمبكجي يصير فنان؟ مو بالضرورة يعني، الدمبكجي شي، فنان، اللي يعزف percussion شي ثاني، أن واحد والله يتظاهر بالفن شي آخر. ممم الفن والأدب صار مادة كل من يقولها يعني هذا الأديب وهو مو أديب، وهذي الأديبة وهي مو أديبة هذا الشاعر وهو مو شاعر، هذي الفنانة هي مو فنانة وهكذا. والفنان يعني اللي ما يعرف الصقر يشويه.


- (تضحك)

- نفس الشي، اللي ما يعرف الفن يشويه وهكذا. بس احنا أيامنا، ارد مرة ثانية، المنهج العام كان لأ مو جذي، كان مدروس، وأتكلم مرة ثانية، انا ما اتكلم عن مدارس الديرة، أتكلم عن يعني I was impressed انه الحين انا ف ذاكرتي اقول ودفاتر موجودة حية يعني ن نقدر نطالع الدفاتر ونفجها كمادة تاريخية material , there's a material evidenceبطل دفاتري مالت الابتدائي، بطل دفاتري مالت المتوسط، اقرا النصوص اللي فيها.

- ممم...

- اقرا الشعر اللي كنا نقراه واحنا عيال صغار، ها؟ مادة مم tangible مش والله فريد قاعد يرويها الحين عالمكروفون وقاعد يتخيل لا لا، الدفاتر موجودة. ولو واحد يروح على مكتبات الوثائق التاريخية يقول والله انا I wanna look up مناهج، ممكن تسوين مقارنة تقول أنا بطالع samples من مناهج الستينيات، اسحبوا لي إياها كلها واقارنها ب sample مناهج التسعينيات اسحبوا لي إياها كلها . And you're gonna see a big difference , big difference . كنا ن نحتفل بالطبيعة "تشقشق الطيور فرحانة بالنور تقول في سرور ما أجمل الضياء." هذي نشيدة كنا نقولها ف ابتدائي.

- هممم...


- يعني أنا قاعد ترفع حسي انا اسمع الزرازير، وانا اسمع الزرازير لليوم واسمع البلابل بالشارع لاني يوم صغير كنت اقول "تشقشق الطيور فرحانة بالنور تقول في سرور ما أجمل الضياء." وكل يوم الصبح عندي يوم يديد وتشقشق فيه الطيور انغرزت، خلاص انغرزت غرزة.

- ممم...

- بس الحين انا اطالع مدو مدوهك، لا اطالع شيرة ولا اطالع سدرة ولا اطالع طيور ولا اطالع سمج ولا اطالع حويت ولا اطالع، لازق ويهي انا بال بال اا بالكاميرا أو لا لا لا لا، انا ما اقول زمننا احسن بس انا اقول هو الزمن يصير لكن واضعين المناهج اختلفوا.

- صح اكيد.

- واضعين المناهج اختلفوا.

- ممم وفيه اي شخص معين أو مدرس معين أثر عليك؟


- وايدين والله، للأمانة كانوا حلوين ووايدين يعني ااا مثلاً استاذ حامد هذا كان مؤثر قوي بالرياضيات، شوفي الحين الرياضيات اللي انا ما اتكلمت عنها، قلت فن وهذا، ها؟ هذا قال عبارة لليوم صارت بمخي سوتني معماري، كناانا وصديقي اللي قلت لج عنه بالإمارات اسمه عبدالله صالح، صار رئيس في صندوق الإمارات، صديق يعني بيننا تواصلات بعيدة، سوينا حل مرة بال بال بالمدرسة، جان يقول الأستاذ حامد الله يرحمه يقول: "هذا الحل صحيح وهذا الحل صحيح بس هذا الحل أجمل." سمعي الرياضيات يقول هذا الحل أجمل وأبلغ، انا من ذاك الوقت غرس فيني concept انه الرياضيات فيها جماليات، يقول أجمل وأبلغ، عطاني بعد ان الرياضيات فيها art و ال art فيها رياضيات. وكنت اقول له الله يرحمه واقول حق ولده اللي كان رئيس مهندسين في مكتبي، ترى ابوك عطاني هدية مافي مثلها هدية. ابوي كان رجل أعمال وعنده شركة مقاولات وكان عنده استشاري معماري اسمه شوقي مكرم راح هاجر كندا، كان معماري وكنت اتذكر رسوماته بس عيني قامت تلتفت عالجماليات اللي بالرياضيات أكثر، من كلمة من استاذ. مثلاً عندي استاذ كان اسمه يوسف عايش، هذا خلى القواعد عندنا مربوطة بال بالشعر والبلاغة فكنت انا أعرب بعض الجمل حق رابعة متوسط وانا رابعة ابتدائى، لأنه حببنا بالمنهج.

- ممم...

- قام يسرب علينا الشعر يعل ما علمنا ان ال القواعد م مفصولة عن ال عن الشعر، كان يعطينا نغمة الشعر جنها موسيقى وبعدين يقول يلا يا ش واحنا قاعد نستانس على رزماته، ما سوى لنا ابن المقفع ولا لأ، لا كان يعلمنا موسيقى الشعر، زين؟ شوفوا شوفوا شوفوا القاءها شلون كان يركز على إلقاءنا وهذا الولد اللي يوقف على الطاولة الصبح فبعدين بص الإلقاء وانت مستانس من الشعر وهذا الحين شلون نعربها؟


- اممم...

- فيحببك عالإعراب اللي هي مادة تشبه الرياضيات زين؟ وطلع عندنا مفهوم النسق الشعري والنسق الجمالي وال proportion حس النسب وال هذاك يقول الرياضيات فيها جمال وهذا، فهمتي قصدي؟ انا أتذكرهم بالإسم، مثلا الاستاذ استاذ حمادكان محب للزراعة، هذا الاستاذ المصري، حببنا بالتربة وبالماي وبالزراعة يعني حط ايدنا بالطين وقمنا نزرع مع بعض ونستمتع بجني ال الفولة وناكلها مع بعض وهي خضرا، أو يسحب لنا يزرة وناكلها مع بعض، يغسلها ن يوزعهم بيننا وناكلهم، نستانس يعني هذا كان، وأذكرهم تماما الأساتذة ذول، مثلا استاذ عساف كان هم مادة علوم، مرة يابوا لنا عقاب بغوا يحنطونه جان يقول لا حرام هذا عود ما يتحنط، خذيناه البيت عندنا.

- (تضحك)

- عقاب عود لافينه بخيشة راميينه شباب صغار ابهاتهم ومسوية له صدمة بالجناح بس مو مكسور، ما قام يطير، فقال لا هذا حرام ومابي وهو ما يبي ما يبي يقتله، قال شوفوا له شوفه ما نبي هذا وعينه كانت فيها رحمة جان اقول استاذ انا آخذه جان يقول بس لازم تقول حق ابوك انه ااا المهم انه يينا ووو الشباب ال شباب صغار يقول لا لا ابونا ما يبي لانه مو صقر أنه ترى تدربيه ولا، لا لا لا، احنا بس ياييبينه حق المدرسة، المهم احنا خذناه وديناه البيت وحطيناه على وتد جندلة عوده، ابوي دش بالسيارة جان يطالع عقاب جان يقول من ياب، يوبا يوبا، احنا كل ابونا عيال عمي، يوبا يوبا الله يخليك الله يخليك، ها، خله خله خله، قال يوبا هذا ينقف عيونكم هذا، وشرط علينا قال زين زين، بتحطون له خيط يربطه هذا الخادم عندنا وقاعد على جندلة وتعطونه أكل بس يطير تطيرونه. وعود عود يعني، عقاب يعني ش عقاب زين؟ بس احنا excited بالليل ونيي بالليل نطل عليه ونيي بالنهار نطل عليه، بعدين يوم م الأيام قام قام ي hovers يطير يعني ينزل وجان يقول ابوي، ابوي خايف أنه ييي قال يوبا هاذي نقفة عين هذا يشيل تيس صغير هذا. يقول ابوي، يشيل حمل، ي ينقفه ويمشي فيه، وخروا عنه كذا كذا،المهم يوم طاب جان يقول حق الخادم، قال يلا ودوه البر وهدوه. واحنا رايحين نشيل دشاديشنابالشتا.


- (تضحك)

- وبعدين حطيناه وبعدين بوب بوب وهد وطار يعني فتجارب ااا بس الأساتذة هذا عساف استاذ عساف سوى هالشي انه انه أنقذ العقاب والعقاب انتهى عندنا في البيت، استاذ حماد يوكلنا الزرع اللي نزرعه، استاذ حامد يعني وهكذا. كان اتذكر استاذ الله الله يذكره بالخير حي ولا ميت ابو شمالة كان اا مو مظبط، استاذ الرياضة محمد ابراهيم، مصري، كان يكدنا كد بالرياضة، يركضنا كل واحد لسانه يطلع بره وشديد بس نلعب زين ويعني سبحان الله كنا محظوظين، أنا ما أدري ما ماني ما ابي أصير رومانسي أو شاعري عن الماضي لانه مو nostalgic بس كانوا أساتذة جودة، أساتذة فعلا جودة وكانوا مخلصين ويحبون الكويت ويحبون الوطن العربي ككل، يعني عند تحس انه هو رسالي، الأستاذ كان رسالي مش أستاذ اا بو معاش، يعني هذا استاذ حامد اللي يقول والله تعالوا لي الصبح (يضحك)، كلكم اللي يبي، أو ذاك اللي يقعد ما ذاك الوقت بعدها الكويت يعني مو بس هم كانوا أساتذة نوعية رسالية أكثر.

- صح.

- وابوي كان يقول هم نفس الشي أيام مدارسهم القديمة كان عندهم حس رسالي أكثر ان الأساتذة عندهم حس رسالي أو حس وطني أو حس أممي أو عروبي أو إسلامي عام، يحبون الجميع وإلى آخره. اا نظارنا كانوا أشداء وعندهم شخصيات قوية وهم بنفس الوقت حنونين يعني عادي، هم يعاقب، هم يعطي جوائز وهم هم هم هم، يلعبون معانا ping pong ويلعبون معانا، نظارنا كان ييون على اللي يطالعون اللي يلعبوا، فجأة يدش ويشوط الكرة معانا الناظر.

-ممم...

- يعني ما عنده ذيك ال ااا البعد عن حتى الطلاب، مو المدرس، أتذكر ناظر من نظارنا كان يلعب معانا ping pong ناظر من نظارنا كان يحب الكرة، لما يشوفنا نلعب كل ابونا وهو يمر على الساحة يشيك لا تيي الكرة يمه لا دش دو وشوت ورفع الكرة وورد مرة ثانية طلع بس أنه يلا يا شباب خلنا نغلب المدارس الثانية ومادري ش، يعني، ya . حق مدرسة حكومية؟ My God . احنا هاي مدرسة حكومية أنا ما اتكلم عن مدرسة خاصة، مدرسة حكومية.

- اتكلمت عن ااا اختك راحت مدرسة خاصة.

- اي.

- وشنو الفرق؟

- أم القرى، أم القرى في بوحليفة.

- وشنو كان الفرق؟ يعني كان فيه فرق شاسع؟

- أنا ما عشت هذا المرحلة بس اختي هم كانت تقول إنه ااا يمكن بداية حقبة، مدارس خاصة ويركزون على الانجليزي أكثر، ما أدري، وابوي كان عنده تربطه صداقة مع عم خليفة وووو يمكن تواصلهم قال له فتحنا مدرسة يديدة، ليش ما تييبون ال العيال عندنا وإلى آخره، قال له اي ليش لأ؟ ومن هالحجي، بس هم تذكر انه مدرساتها كانت يعني واحدة منهم مديرة بنت، بنت صاحب المدرسة ااا علاقتها قريبه منهم وتعرفهم وللحين ربع يعرفون عيالهم واتزوجوا ويابوا يهال يعرفون بعض وإلى آخره، ااا مم يمكن التعليم ذاك الوقت ما كان هالكثر تجاري ولا كان هو بيروقراطي، ما كان بيروقراطي، أنا أنفر من الظواهر، الحين احنا صار، احنا عندنا صار شوية بيروقراطية زايدة، ها؟ بس هو م ماكان جذي، وووو ما كان ذاك الرسمي كان أكثره رسالي وأكثره حميمي وأكثره اجتماعي، وفيه فيه جدية في التربية، جدية، ومو مو مثقل بأفكار سلبية، هم أرجع اعتقد ان المنظور العام انه نبي نهضة وازده وازدهار واستقلال، هذا كان الخط العريض، نهضة وازدهار واستقلال، نهضة وازدهار واستقلال، هذي الخطوط الكبيرة اللي تقود، الحين على كبر افهمها، انا صغير ذاك الوقت ما ادري. بس لما ان اطالع واتذكر اقول "اووه، انا الحين I can backtrackانا ياهل ذاك الوقت، قاعد استانس"

- ممم...

- قاعد استانس واتهاوش والعب رياضة بس لما ان استرجع الدفاتر واسترجع الذاكرة اقول لأ، واشوف اخواني الصغار وسالفة الأمن والأمان لا لا واحنا لا، نهضة وازدهار واستقلال، لا لا لا لا، rhythm غير، الايقاع غير وال rhythm غير، ya ، اتمنى انه نركز على هذا أكثر.

- انشالله.

- سواء فيه استقرار ما استقرار تحدي ما تحدي، انت لما تبني جيل تبيه يكون متصل مع نفسه ومتصل مع طبيعته ويييي بتباصي له الكرة عشان يكمل مسيرة النهضة والازدهار والحفاظ على الاستقلال وال ووو وشوكة البلد وعنفوانها، ما ماله علاقة أمن ولا مافي أمن، تبي at all time doing that يعني.

- صح.

- ما تنزل ال envelope ترفع ال ترفع الهدف مو تنزل الهدف، والله لأنه لأنه عندنا عدم استقرار معناها يلا سكروا ال مبدأ ال النهضة والازدهار والتفوق والاستقلال؟ لا لا at all time هذا مبدأ أعلى، أصلا ً انا أمني وأماني بهذا، مو بالأمن والأمان بمعنى اني اسكر نفسي، اتقوقع، هذا نوع من التقوقع ونوع من الخوف، انت رحت على سياسة تقوقع وخوف من سياسة ثقة بالنفس وو لا، regardless ، انا اذا أصلاً بدافع بدافع عن هذول، وإذا بحارب بحارب عشان هذول، هالقيم هاذي والمباديء هاذي، الازدهار والاستقلال وال (يضحك) والنهضة.

- صح، الف بالمية.

- وإذا أحد يخون يخون هاذي القيم أو يكون مقصر أو أو معتدي، معتدي على هاذي القيم، وهاذي قيم إنسانياً مشروعة بالعكس، بل على المستوى الإنساني هي قيم حقيقية ومشروعة والسعادة بعد أبي سعادة المجتمع وصحته ونهضتهوازدهاره،أبي أمن وأمان؟ انا نزلت ال envelope ، نزلت ال ااا bar (يضحك) لا...

- الحين نرجع إلى الثانوية.

- ya

- دخلتطقوس مختلفة جدا.ً

- اي.

- كلمني عنهم.

02:57:05 - تجربة المرحلة الثانوية

Play segment

Partial Transcript: الثانوية كانت تجربة مختلفة وقوية يعني هم شوية صادمة لانه أول شي الpopulation كبر، من population أصغر إلى popuوبعدين الموارد اتغيرت يعني المشارب اللي قاعد ييونا منها أولاد ووو زملاء، ياو من خلفيات مختلفة وكل ابونا كويتيين وعرب ومخلطين بس ساعدونا نشوف طاقم يديد ومو من عيال الديرة اللي هم داخل الديرة، لأ، عيال مدن النفط، الشعيبة والأحمدي، هاذول هاذول لون ثاني من الكويتيين، لون الأحمدي ولون الشعيبة، الشعيبة بعد أقل يعني هاذول كانوا وايد قراب م ال refinery اللي يعيشون بالشعيبة كانوا معظمهم عرب وقلة من الكويتيين اللي متدنيين في ال في ال rank ، أكثر أكثر فنيين، بس اللي كان ييونا م الأحمدي لأ، كانوا عيال مساعدين مهندسين ويمكن مهندسين وبعض الطاقم الطبي مال مستشفى الأحمدي، عيالهم، كويتيين وعرب و وثقافة مختلفة، ا تتحدى القروية، لأن هاذول قاعدين مع انجليز، وحتى الفلسطينين اللي كانوا ييون كانوا ييون elite ، دخولهم مختلفة وتعليمهم مختلف وأبهاتهم أطباء وأمهاتهم طبيبات أمهاتهم فنيات مختبر ولا بالكيميا وإلى آخره، يروحون نادي الحبارى، زين؟ فجأة يتصادمون مع ناس بدو وقريوية احنابينهمعيال الديرة اللي نص ريلنا بالديرة ونص ريلنا بينهم هاذول كلهم، وبعدين تشوفين الكويتيين اللي كانوا بالديرة صار أبهاتهم يشتغلون وبعضهم يشتغلون بالمينا ترى حتى مو بالأحمدي، يسكنون في الهذا بس هم شغلهم مينا وتصدير النفط ومينا شعيبة ومحطات التكرير، ااا وبعضهم قباطنة أهاليهم قباطنة السفن سواء tug boats ولا ال boats اللي عالبحر أو يشتغلون بال marine ، شرطة بحرية على المينا، فالطواقم مختلفة ولهجتهم له لهجة حضر بس ثقافتهم أحمدي ويتفاخرون يعني، أحمداوية، زين؟ ولهم نفيسة،يعني يا حليلهم، بس حلوين، زين؟ احنا هم في إطارهم، احنا حضر وعندنا أهل بالأحمدي، إحنا عندنا أهل بالأحمدي، يعني عندنا من أقاربنا عايشين بالأحمدي بس تحسين طاقم الأحمدي غير، دشوا باللعبة وبعدين الفحيحيل الفحيحيل مو كون فيهم بيت الدبوس وهم أصلاً أسرة كويتية من داخل الديرة أصلاً وجزء منهم برة الديرة، فثقافة الفحيحيل مدموجة مابين town و city و village ، أطرافها village بس ال core مالها town ااا town city ، ها؟ ووووو بادية متحضرة أكثر، وبعدين تجار يعني يملكون أراضي وعقارات في الفحيحيل فأكو مجموعة من الأسر اللي هما العدواني والدبوس لا عندهم عندهم دكاكين وعندهم محلات وفي ديناميكية غير وعندهم سيادة أصلا على المنطقة يعني مراتتكون القرى والمدن الحدودية القديمة شيوخنا كان عندهم علاقات مع عوايل الجهرا مجموعة الأمير وال العيار وأسر معروفة اا حتى أصايل من المجموعة هاذي المنتفج والفحيحيل عندنا الدبوس والعدواني ومجاميع اخرى معروفة تاريخياُ يعني فالديناميكية مختلفة وبعدين ييونا مجموعة القريوية والبدو كل ابونا نندمج بالفحيحيل زين؟ الديناميكية غير، هم اساتذتنا زينين بس التحدي وايد أعلى لأن الثانويات صعبة في كل أنحاء العالم يعني هرمونات مرتفعة عند الأولاد شطانتهم أكثر بكثير أولى وثانية monkeys.

-(تضحك)

-سنة أولى وثانية baboons خناق وم مثل مشاحات يصيرون مكابرات والنفر بالويوه والهرمونات صاعدة حدها تقول جبريت بس تقول جذي تهاوشوا كانوا نظارنا يمنعون بعض الأسر يدشون من نفس الباب يعني مجموعة تكوينات قبلية وأسرية يدشون من الباب الشرقي ومجموعة يدشون من الباب الغربي اذا يدشون من باب واحد لازم كل يوم هوشة. والنظار والوكلاء وبعض الاساتذة الأقوياء يكونون عند البوابة دخولاُ وخروجاُ.

-ممم...

-يا..

-وشنو كان شعورك لما انتقلت الى اا...

-ايه أقول النكتة هذه دائما ان ان ااا ما أدري البنات اشلون بس الأولاد لما ان تطلع من من اواخر المتوسطة أول الثانوية في ثقافتنا اذا شافوك bookworm ومو رياضي يدوسون عليك اذا شافوك لا والله يرع وايدك طويلة لا يييييـ تتحدد الterritory مالك أبدتقولقبائل حيوانات يعني baboons وذيابا في hierarchy معين منو who cowers away and who’s a bookworm and who’s an introvert and who’s a واضح لازم تحط مكانك بين المنظومةان لأ هني ااا وهذا جزء هم تربوي خطر ومهم آآآ سابقاً ولاحقاً عيالي راحوا مدارس مختلطة ال الديناميكية تختلف وايد في المدارس المخت ال المشتركة البنين وبنات بس عند الأولاد وما عرف ديناميكية البنات اشلون غير من سماء اختي بس ما عندهم هذا العنف الي الموجود بس الأولاد لا عندنا عنف عندنا عنف عندنا طق سجاجين عندنا طق سلاسل تكسر البطول وعادي عادي وعنف بس اللي يعيش بينهم لازم لازم اذا ما يبي يعني يعني انا اول ما ييت ثلاث اربع هوشات دشيت بالمدرسة توماتيك بس ع اساس انه شنو مو انا ابي هو هو ال هو تلقائي مو انا بس احنا الكبار نستذكر مرات مو بس انت بروحك انت مع اربعة ربعك ضد اربعة ثانيين وما تصيرون حق بعض ها اهما اهما مجموعة آآ baboons واحنا مجموعة baboons ثانية هما ذيابا واحنا ذيابا هم ربع واحنا ربع بعدين يصير touch بينا وبعدين who dominates لازم تأسس وبعدين ما يخليك اذا انت غالبه هالمرة يسوي حراش ثاني معاك ثاني عشان يسوي even وانت اذا هو ما انت هو اذاك انت تعيد عليه الكره مرة ثانية it’s a sport بس بعضنا اعنف من بعضنا وبعضنا اكثر سوءا من بعضنا. بعضنا يروح على fist fighting, pity fist fighting بعضنا لا، يسويها all war ينادي فريجهم وينادي عشيرته وحلفاء حلفاء حلفاءه وينطروهم بالسوق ويصيدونهم بره المدرسة و I wasn’t in that kind of athing احنا كنا جذي pity quarrels شباب انا وربعي جم واحد وهذاك ربعة جم واحد وصارت بينا او طقوا رفيجي ياني قالي ححـ تحرشوا فيه وبعدين احنا نتجمع ونعطيهم ال آآ الكرة مرة ثانية ما تتعدى المدرسة واذا ماصادونا ماصادونا لو صادونا يعاقبونا الquarrel تافه بس اللي أسوأ اللي هذا كان يدش المخفر فيه ان لأ ينطرون بعض ويتصيدونهم بالسوق ويمكن مع أهله this this is too much وتصير يتحبلونهم بالسوق هو وربعه وهذولاك ويا ربعهم وهذولاك يييبون ربع اكبر من اللي اللي معاه عشان يعطون علقة وإلى آخره أنا I didn’t like that هذا كان تاريخ قبيح.

-وبوقت الفراغ آآ يعني على هالوقت شنو كنت تسوي؟

-نفس الشي.

-نفس الشي.

-يعني آ أنا أقول لج هم ما تكلمت ع التلفزيون بس هم برامج التلفزيون اتذكر... اتذكر ان... اتذكر ان مثلاً ليالي الخميس كان... الليالي الي فيها اللي تصير مسرحيات وأم كلثوم ابوي كان يحب انه نقعد كل ابونا ونطالع مسرحية مهمة مسرحيات الكويت أو فيلم مهم أو أم كلثوم احنا كنا ما نقعد واحنا كنا صغار بس كنا ندري ان أبوي والكبار يقعدون يطالعون أمسية من امسيات أم كلثوم كنا نتابع يعني أكو مسلسلات حلوة رمضانية، أكو مسلسلات آآ وأفلام حلوة Black and White كانت very nice وللحين لمن أطالعها أنا أقول wow آآ ذوقها عالي وشغل الcinematography فيها وايد زين الأسود والأبيض كان جودة عالية وتشوفين أسامي مشتركة بين عرب وايطاليين مع بعض مشتغلين وإلى آخره كنا نحب الحقبة هذي مسلسلات الدرامية إجرام مصرية أتذكر واحنا صغار الخط وما خط، نور الدمرداش كان مخرج وممثلين آآ محمود المليجي بأدواره وكنا نتابعها و و ونصوصها كانت زينة وموادها كانت مو رخيصة كمادة أدبية وأفلام نتابعها مسرحيات نتابعها يعني كلها برامج المساء مع الأهل غير اللعب والشطانة والمراكض أكو أوقات ال.. وبعدين يييج الأعياد ب بألوانها الأعياد الدينية والأعياد الوطنية ووفاة وعزاة وعروس يعني هذي كلها تدخل في حياتك تروح مع أبوك تهني جماعة وتروح حق مع ابوك تعزي جماعة (يضحك) يعني الحياة تنترس بأحداثها والصيف صيف والشتا شتا الشتا شوي وبروما بر والصيف شي ثاني والربيع شي ثاني وال وإلى آخره.

-و و ووقت ووو عند التخرج او وقت ال... نهاية الثانوية كان عندك آآآ يعني شي معين...

-نسيت أقول.

- كنت تسويه؟

-كنا نقرأ مجلات.

-أوكي.

03:07:12 - قراءة المجلات والقصص

Play segment

Partial Transcript: ونقرأ قصص أتذكر آآآ تم تم وسمير ووطواط وسوبر مان وال ال ال أكو كانت روايات قصص يسمونها الدار الخضراء أو الجزيرة الخضراء قصص جداُ رائعة كنا نقرأها أدبي أبوي عنده مكتبة عودة وأنا الحين ورثت جزء منها وأختي خذت الجزء الثاني منها. يدي هم كان عند كتب ومكتبة ف...كنا قراء. أبوي عنده مكتبة كنت أنام مرات في مكتبته وأقرأ آآآ اللي تبين من الشعر الجاهلي إلى الكلاسيكي الى الحديث الى أحمد شوقي وما بعد أحمد شوقي وإبراهيم طوقان و و و، وأبوي ماشاء الله عليه كان... أبوي هم يعني مرات أقرأ مكتبته أقراه هو في حقب كان يي أدبي وفي حقب كان صار ديني في حقب كان أكثر تصوف وتشوف الكتب مالوته آآ أتذكر غير الكتب العربية وحبه للأدب للأدب أنا قريت في كتاب التوراة والإنجيل طبعة اكسفورد عنده بالعربي ولما ان كبرت كان فهمي ونقاشي مع زملائي بالجامعة مبني على فهم بالتوراة والإنجيل مو من روايتنا احنا من رواية اكسفورد. لما كنت أكلم اليهود في أمريكا يقولون انت منين الكلام هذا؟ قلت له مو نقلنا هذا، هذا طبعة اكسفورد باللغة العربية من مكتبة أبوي يعني أعطيهم المرجع أن ف... وبعدين لمن رجعت كنت أحب الثقافة الشرقية فكان يطالع أبوي كتب كنفوشية وكتب صينية، يقول يوبا تقراهم؟ قلت أبوي مو"أطلبوا العلم ولو بالصين؟"

-(تضحك)

-انت تخاف الحين اني أقراهم مثلاً؟ عندي كتب طاوية وكنفوشية وهندوسية وإلى آخره مترجمات طبعاً لإنجليزي إلى آخره بس أبوي ما كان يغطي هذا ال... كان عام بشكل عام أدب عربي وبعدين إنجـ whatever English,Edger Ed Edgar ، شسمه؟ آآ

Edgar Allan Poe-

-لا روايات روايات عالمية مترجمة بالعربي وروايات بالإنجليزي عنده أمي تقرأ انجليزي وفرنسي كانت.

-ممم...

-عنده National Geographic من الخمسينيات والستينيات collection فكان عنده مكتبة بالإنجليزي ومكتبة بالعربي و.. آ

-واستمريت بنفس البيت؟

-لأ آآ قبل الغزو بسنة أو سنتين ردوا الوالد الديرة الجابرية.

-يعني آخر الثمانينات.

03:09:37 - التثمين في الكويت

Play segment

Partial Transcript: -هو بيتنا اتثمن على مراحل، الدولة بغت تسوي شارع فكان احنا بيتنا أرضنا كانت أربعتلاف... خمستلاف متر عوده واتثمن على مراحل، خذوا جزء منه عشان يسوون الشارع بعدين الجزء الثاني، بعدين كملوا صار إعادة تنظيم للمنطقة بالكامل صارت سكن استثماري كثافة عالية موقع بيتنا يم "عالية وغالية" للحين موجود صار بناية عوده وبعض أراضينا هم تحولت إلى بنايات اللي كانت مزارع بعضها أبوي قرر يرجع الديرة قال الطريج الطريج طويل وأمي قامت تمل تقول له "لا الطريج طويل إحنا كبرنا خلنا نرجع الديرة مادري شنو." وبعدين ردوا الجابرية قعدوا.

-في الجابرية.

-ايه احنا اساساُ كنا... يدي كان في فريج الشيوخ فريج الفري اللي هو البورصة وبعدين الجيل الأول لما الكويت صارت حديثة آآآ خذوا قسايم بالدسمة منطقة واو اللي جدام المنصورية وأبوي بغى يبني بال بالسالمية وبنى وبعدين باعهم لأسباب اقتصادية ياله مشتري زين وظلينا في المكان اللي فيه وكأنما استحسنه واحنا استحسناه وقعدنا was was a different and anice experience بالنسبة لي أنا.

-فإنت لما لما رجعت الديرة كان... كنت في أي مرحلة من حياتك؟

-ها أنا ذاك الوقت... لا لا لا هما لما رجع... قبل الغزو انا بيه... أنا رحت أمريكا بعثة سنة 75 .

-صح.

-تخرجت 79 وأخذت Maseter بـ 81 فهم بيه... قبل الغزو دشو رجعوا كانوا موجودين كنت أييهم أنا من يعني وأنا بأمريكا واشتغلت وتزوجت وهم بعدهم بالفنطاس وأنا سكنت الديرة بس أبوي لمن فعلاُ طلع من ال... البيت خلاص ثمن وانهدم اطلعوا ردوا الجابرية خذوا بيت بالجابرية هذا قبل الغزو بسنة أو سنتين ومن حسن الحظ انه كانت مازالت المنطقة المنطقة شبه معزولة ذاك الوقت. آآآ لأنه بيتنا ما كان لنا جيران كانت بس بنايات احنا ظلينا احنا والشيخ عبدالله، يابر العبدالله بس بيوت ومالهم جيران غير البنايات اللي شويه قاعد تطلع من ورا فكان ممكن يكون خطر عليهم ان هما لا بالفنطاس احنا بالمهبولة لا بالفنطاس ولا في ال... أبوحليفة يعني ما عندنا تجمع سكاني كويتي دار ما دارنا فالنسبة لنا كانت زين ان... ان يعني (يضحك) اهلنا ردوا الديرة وإلا جان يمكن يتأذون أكثر... يمكن.

-و... تكلمنا عن التثمين؟

-إي.

-تقدر تقولي عن هالمرحلة شوي؟

-إي إي إي إي...

-نتكلم عنها.

-إيه الحين على معرفتي على كبر انه... آآ... وأول أمس أنا رايح عزا حق أصدقائي بالفنطاس، الفنطاس كانت مزارع وبيوت والتثمين ياهم ع أساس الطرق اليديدة وبالتالي... هم صار في الفنطاس... أو القرى هذي مثل ما صار بالديرة القديمة بعض الناس ما كانوا يدرون ان بيوتهم لما تتثمن راح تصير تنظيمات اخرى فثمنوا بقبول انها بيوت ما دروا ان بعدين هذي القسايم تنزل بالسوق وتصير بنايات إلا قلة منهم اللي كان يعرف، بس معرفتهم أحسن من أهل الديرة فتحسين إن ثمنت بيوتهم وعطوهم و...و... في ناس استفادوا، في ناس استفادوا بس تحسين ان في ناس كانوا يعرفون اللعبة أحسن من ناس آخرين بعدين انا صرت معماري تخرجت واشتغلتبالبلدية وقمت اعرفاشياءأكثروأتابع أمور أكثر. ال Land acquisition مو بس بالكويت بالعالم كله سياسة موجودة بس أكو ناس بعاد عنها مايفهمون يعني كلش فطينينفي في الاقتصاد وفي ال business وفي العقار وفي ناس لأ منتبهين وواعيين يعرفون أكثر من الآخرين وبالتالي ينتهزونها أحسن من الآخرين يعني في أسر في الفنطاس ثمنولهم ومازالوا فقراء وما سووا شي جزء منهم لجهلهم المالي ما يعرفون شنو يسوون أو ما يعرفون اشلون يطورون وفي ناس لأ استفادوا ثمنوا بيوتهم سووا بنايات في الفنطاس من بيوتهم وإلى آخره مثل أهل الديرة فتقول أهو له علاقة بذاتك الشخصية لأموالك أو فهمك ومسئوليتك تجاه الـ آآ your assets أصولك المالية الأرض والبنا إلى آخره وفي ناس وايد استفادوا وفي ناس ظلوا بسطاء وما عرفوا يسوون شيلأني لمن اروح اعزيهم اشوفهم وفي ناس على بيوتهم ورثة وما يعرفون شيسوون و... وهكذا ففي الفنطاس والمناطق صارت بيوت وعمارات بعض اهلها ما دروا عنها يعني اشلون صارت ومنوا سواها عندهم هذا نوع من الـmystery
-ممم...

-وفي ناس لأ... وبعدين ناس يتكتمون على ناس بالديوانيات بس أنا كمعماري وقاعد على المخطط الهيكلي أضحك أطالع وأقول wow نفس القصة تنعاد على، أكو ناس ما عندهم اهتمام أصلايعني... ويتكلمون أي ان الحكومة سوت الشارع جنه يعني الحكومة فوق وسوت الشارع بينما احنا لأننا بالمهنة ان هذا موشي يعني ان الحكومة قاعدة في مكان بعيد سوت الشارع هذا شي تروح له وتعرفه و... تتداول معاه وإلى آخره. المزارع بعضها ثمن مزارع وبعدين تحول إلى مجمعات تجارية الناس ما تدري أو اطلعت مجمعات تجارية في مناطق أثناء عدم انعقاد المجلس البلدي ويصير مخامط يعني هذي لعب عقارية تصير في أمريكا مثل ما تصير بالكويت.

-ممم...

-هاه؟ يعني احنا عندنا في Milwaukeeفي مزارع تحولت إلى مولات ل... شيسمونه... حذاقة وشطانة الـ Real Estate Developer ومتى يعرف يدش على المجلس البلدي ومتى تصير انتخابات الـ Governorate مالت الولاية، نفس الشي يسوون بالكويت نفس الحركات وينتهزون الفرص ومرات يخال يخالفون قواعد عامة بس يقننون اللعبة يعني... موشي... موشي مستغرب لكن آآ دارج يعني في مناطق طلعت فيها بالقرين وما قرين أسواق القرين هذي ترى ما ممكن تكون من شغل البلدية ما ممكن بمعنى أن البلدية بـ... بجهازها برؤيتها بمخططاتها الهيكلية قاعدة تتجه هالاتجاه هذا يكون قفزات في وثبات انتخابية.

-ممم...

-يصير في عليها لوبي واللعبة موجودة بكل مكان بالعالم بكوريا تصير وبشيكاغو تصير وبالكويت تصير ببيروت تصير.

-ناخذ دقيقة بس.

Ya-
-نغير البطارية.

Ya-
-ان شاء الله all is well

This is a continuation- نكمل المقابلة...

-أوكي.

-آآآ كنا نتكلم عن التثمين و... الـ.. الـLand acquisitions والسرقات مثل ما تقول.

-Yeah, yeah, yeah أو استغلال الجهالة، استغلال الجهالة، استغلال التغير ال التغير في دورات الانتخابية مالت المجلس البلدي لما ان يصير مافي مجلس بلدي سواءً بالكويت ولا بيروت ولا بشيكاغوا مرات يصير ثغرة قانونية وبعض العقاريين الشطار والشياطين يسوون لوبي ويحصلون موافقات على تغيرات تنظيمية ومرات يسوونها أثناء المجلس البلدي يسوون لوبي معين آآآآ... و الـcases هذي كنا ندرسها وشفناها بالواقع بس بعضها قبيح وبعضها سيء وبعضها أحمق حتى، يعني ما يتناسب مع... بس هو يكون جشع عقاري وطبوا في ليلة ما وسووا لهم ترتيب معين مع مجاميع مع صفقات مخلوطة اقتصادية وسياسية و favours وبعدين دب ولا تطلعلك منطقة تجارية في مكان لا لايسمح ولا يجوز انه يكون تجاري ان نسويه، أو يمكن أسوي حتى هجمات أكبر في مواقع كثيرة بما فيها جامعة الكويت اليديدة يعني كلها.

-ممم...

-مو آآ... مو من مو من عصارة آآآ التنمية الحقيقية اللي قاعد تصير من محترفين ومسئولين كثر ما هي lobbies و... و... جفتات أنا أسميها قلبات بس مو غريبة ولا مستغربة لا الكويت ولا بره الكويت موجودة، أمثلتها كثيرة في Los Angeles في Chicago في كل مكان آآ.. يصير ثغرة وبعض الناس يعرفون التكتيك والتحرك عليها وإلى آخره آآآآ... آآآ ظاهرة تثمينية وايد مو تثمينية بس لأ تطويرية أنا ما أقول تثمينية، ضاحية حصة المبارك كانت ظاهرة قوية تفاوضية قوية انه ورثة كثارلمل لأصول ملاك واحدة والأرض قاعدة سنوات طويلة خذت عشر سنين بالتفاوض It was a good … It was a good workout ع أساس انها تتطور ظلت سنين يعني هذه كانت من الأسئلة الـ Big question mark ، Prime land في الدعية قعدت سنوات طويلة ساكته. لنا صديق بغى يسوي تنظيمات في بنيد القار نفس الشي خذا سبع سنين اللي هو لؤي الصالح معماري يشتغل على ملاك بنيد القار بس ما نجح يعني يـ..يـ.. يقول تعبت سبع سنوات أحاول أسوي إعادة تنظيمات بين الملاك.

-ممم...

-ويطرحها طرح يعني هذه كانت اجتهادات حلوة من لؤي أو من المجموعةالعقارية اللي سووه بس أكو اجتهادات قبيحة وسيئة ضارة صارت في أماكن متنوعة في الكويت آآ... الفحيحيل نموها حلو يعني آآ عندها Vertical Access على البحر ونموها طبيعي وجميل وفي جزء من الفوضوية مدروسة بس All in all المشكلة، مشكلتنا مو بس التثمين، مشكلتنا ال... النسب السكانية اللي عندنا آآآ... آآ... وبعدين عدم عدم... اختلاطنا مع المهاجرين اللي عندنا يعني فجأة المنطقة تنقلب بسكان هنود بالكثرة بكثافة عالية وبعدين الكويتيين يوخرون عنها... الأماكن العامة تكون محطوطة للجميع فجأة تصير هذي حق الفلبينيين وهذي حق الهنود وهذي حق المصريين وهذي حق الكويتيين غير، يعني ظواهر تصير بس احنا المعماريين عندنا هذه الحساسية، بس التثامين لأ

03:20:02 - مخالفات البناء في الكويت

Play segment

Partial Transcript: التثا... وبعدين عندنا سالفة مو بس التثامين مخالفات الأبنية يعني مخالفات البنا للتلشاللي يحفر تحت البيت سرداب للشارع.

-ممم...

-والي يسوي له طابقين زيادة وبعدين يصيدونه الحكومة لما ان يبي يبيع يقولوا له تعال اهدم الطابقين بس عندنا ظواهر المخالفات العمرانية كثير... كثيرة وكثيفة... كثيفة، بعض الناس يسوون شكاوي ان واحد يفتح له دكان بين البيوت بدون رخصة مثلاُ وهكذا مو بالديرة المنا... كل ما ابتعدت المناطق كل ما زادت المخالفات بس اطلعت أسواق مخت متنوعة، أسواق شعبية آآ...آآ... بالفحيحيل وبالفنطاس و آآآ...Mushroomedأسميها أسواق العمال يعني هي هي تصنيفها تجاري بس هي رثة ما فيها ما فيها أهل الكويت أو طبيعتها مو أسواق، هي أسواق بضائع مزورة رخيصة صينية وغير صينية يلفون عليها الطبقات العمالية وعوايلهم وحريمهم ويهالهم تصير مثل... مواقعها غريبة يكون يم جمعية مع سلطان يعني مثلاُ في مناطق أشوفها أقول هاي لايمكن تكون سوتها البلدية... لا يمكن هذي كله من الفوضى اللي تصير باللعب العقاري بالليل موقع محدد للجمعية مركز سلطان الموجود سوق شعبي بينهم يذبح هذا... هذا يذبح الجمعية والجمعية تذبح كأنما المفهوم الاقتصادي سيء بينما الفحيحيل فيها انسجاميه يعني الفحاحيل فيها انسجاميه معينة لكن هم الـ Populations قاعد تترس أماكن و تر... راحوا مجموعة من السكان، احنا عندنا الهنود والمصريين أعلى نسبتين موجودة والقارة الهندية بما فيها بنجلادش وباكستان والهند مقابل الاخوان المصريين.

-تتكلم عن... اي منطقة حاليا؟

-ال... منطقتنا هذه الجنوب الفحيحيل وتش...تش...وبعدين تشوفين عمارات قاعد تطلع تطلع وترا مثلها بالفروانية المناطق البعيدة عن الـCore الكويتي، وحتى في Core كويتي هناك لكن يكون Core كويتي صغير الـ Core الكويتي اللي بالجهرا... لأ عود بس لما تروحين الفروانية الـ Core الكويتي يقل الـ.. الـ Core الكويتي بالفحيحيل كذلك لكن لما تشوفين تطلع Mushrooms من البنايات Mushroom, Mushroom, Mushroom في بعضهم كويتيين حديثين الزواج بس هذا قليل، لكن بالنهاية في Mushrooming حق البنايات وبعدين تشوفين باصات تطلع منها...
-ممم...

-من آآ القوى العاملة الأسيوية أوالقوى العاملة العربية ووو يعني في ظواهر أنا أقراها كمعماري مرات افتر بس عشان أقرا، أقرا، أقرا، أقرا. لأ، وتشوفين أهل الفحيحيل قاعدين يتقلصون أمام العمارات اللي قاعد تكبر، أهل الفنطاس يتقلصون أمام العمارات اللي قاعد تكبر لأنه العقار قاعد يتغير والـPopulation قاعد يكبر يعني احنا يوم بالفنطاس على فكرة أنا الحين بعطيج مقارنة. الحقبة اللي أتكلم عنها ابتدائي ومتوسط الكويت بمن فيها كانت يمكن 300000 العرب والكويتيين والأجانب كلهم. اليوم لأ، إحنا قاعد نطق الأربعة مليون كويتيين وعرب وأجانب. وين 300000؟ (يضحك). تتكلمين عن الكثافة السكانية؟ Per Hectare or Kilometer Square لآ.الكثافة السكانية جداً عالية. المناطق اللي كنا نصيد ونركض فيها احنا بخيول مالتنا ونحبل طيور الحين Mushroom كلها بنايات سكن استثماري كثافة عالية.

-وانتوا شفتوا هالشي لما كنتوا تعيشون هناك آخر الزمن؟

-إي إي إي، وبسرعة بسرعة خاطفة، سرعة خاطفة.

-شلون؟

-يعني يبدو ان الجدوى الاقتصادية يعني الناس اللي راحت عندها الأراضي هذي واتنظمت على انها سكن استثماري بكثافة عالية البنوك دفقت لهم أموال سريعة لأن الطلب على السكن عالي. من نسب السكان...
-ممم...
- ارتفاع نسب السكان. اذا احنا احنا الكويتيين صرنا مليون وجدامنا Two ... اثنين قوى عاملة بما فيها المشاريع العمالية اللي تارسة البلد سواء هاوييات أكو عندنا معسكرات عمال الناس ما تشوفها ترى.

-صح.

-يعني صوب الوفرة وورا معسكرات عمال بمد البصر من صينيين ومصريين ذكور يعيشون في Bungalows صغار أو Temporary Houses مع حمامات و... قاعد يشتغلون على هايوييات وشركات نفط وتنقيب و.. You name it Highways لا وبعدين ييون السوق، انزين؟ وصار عندنا تغيرات سكانية الـ مثلاُ... ال الجالية الهندية صار عندنا طبقة مدراء شركات ومدراء Information Systems وقام ييون مع زوجاتهم وبناتهم وتشوفهم في السينما معانا Which is nice, nothing wrong قام ياكلون بالمطاعم ففي حتى Income مختلف للقوى العربية والقوى الأسيوية اللي عندنا حتى الفلبينيين قام يصيرون مدرا مطاعم وييون مع زوجاتهم محاسبين و Computer Analyst فأول كان عندنا عمال عمال لا الحين لا لا عندنا High Professionals وعندنا طبقة صغار مدراء من الآسيويين ومن العرب وتشوفهم everywhere ويترسون المناطق هذي ولهم مزاياهم إذا you consume ,you producand what have you… الظواهر كلها جدا يعني ألوانها مختلفة.

-صح. الحين آآآ... عفواُ خلنا نرجع شوي، انت ذكرت انك رحت أمريكا بالـ75.

-Yeah

-وظليت هناك إلى 81.

-لأ، لـ 79 تخرجت.

-79 و رجعت.
-Undergrad . إي

-وووو...

-اشتغلت بمعهد الأبحاث سنة.

-صح.

-عطوني بعثة Master.

-ماجستير.

-Yeah

-و رجعت أمريكا 81.

-إي.

-وتكلمت إنك تزوجت، أي سنة؟

-آآآ...

-لأنك انت للحين بالفنطاس. صح؟

-إي إي إي ، تزوجت 82.

-82.

-Yeah

-واشلون كانت بداياتك آ... العائلية؟ سكنتوا في الفنطاس ولا...

-يينا فترة شهر...

-ممم...

-أنا وزوجتي قعدنا فترة قصيرة جداً وبعدين طلعت آآآ... أخذت شقة بالسالمية وعشت في شقة إلى ان طلع دوري في القسايم وإلى آخره، وبعدين سكنت عايشة السالم بعد السالمية رحت الجيش ووو... خلصت.

-في أي سنة؟

-86

-86

-خدمت سنتين بس كنت أداوم خدمت اجمالي سنتين بالجيش سلاح الهندسة وبعدين بعدها انتقلت إلى عايشة السالم اشتغلت مستشار في البلدية حق الوزير و 89 قبل الغزو بسنة فتحت مكتب استشاري، متضامن مع الـ KAO كنت أنا وغازي الله يرحمه أنا الأصغر خد غازي كان موجود KAO أنا عطوني مكتب لهم أجرت منهم كنت أسوي Architecture ويسوولي Engineering زوجتي اشتغلت بالـ KAO بالـ Architecture Department بس أنا كان عندي مكتب.

-وزوجتك معمارية كانت؟

-زوجتي معمارية، زميلتي كانت بالـ Grad Program كملت PhD بعدين لما ان عيالي كملوا الدراسة بالجامعة هي سوت PhD.

-ممم... فاشتغلتوا بالكويت بنفس ال...

-اشتغلنا بالـ KAO وبعدين بعد الغزو ردينا اشتغلت بالقطاع الخاص واشتغلت معاي هي في المكتب،مارسنا يمكن عشر سنين أو أكثر وبعدين آآآآ... رحنا أمريكا عشنا أربع سنوات ورجعت الكويت وبعدها أنا قررتاني ما I don’t wanna practice any more. Yeah دا دا دا دا )يضحك) . سامي البدر الله يرحمه قال لي، قال لي إذا بعد 15 سنة اذا بتظل مثلنا على نفس الموقف You’re gonna get fed up. لأن في خط انك انت تصير وايد تجاري وفي خط انك تصيروايد مهني وبعدين لازم تقرر انك انت تصير تجاري ولا تصير مهني وما بغيت أصير تجاري. أبوي قال لي مرة، قال لي يوبا إنت يا تصير يا... يعني يا تغير موقفك وإلا ترى You’re gonna get tired of this. فكنت أقول له ووو كنت اقول له افضل أن أصير عقاري من اني اصير معماري سيئ. فا... بعدين شبعت من السالفة ان I really don’t wanna practice. مو ال، المهنة جميلة بحد ذاتها وراقية وفيها خدمات كثيرة للمجتمع بس أساس ت ت تحافظ على Cash flow معين والتزامات مالية ل Staff ك ومكتبك وناس مراتلازم تسوي تنازلات شوية ومرات التنازلات مو زينة يمكن مالياُ تمشي بس تأذيني نفسياً وتأذيني موقفي وقلت أنا مابي يصير انفصام ما بين What I believe and what I do. ف بمضض ااا وقفت الرخصة ما سك يعني سكرت بس وقفت الرخصة بنظام يسمونه توقف الرخصة وقالوا لي اصدقاء قالوا لي مو معقولة انت ماشي زين قلت لهم لا ماشي زين بس ماني سعيد. يعني I wasn’t in debt. I didn’t have a problem, I was اذا مو ربحان breakingevenبس لكل processمو التصميم والـ Creative Process العملية نفسها استرخاص المهنة مشاكل في المهنة نفسها صرت عضو لجنة مزاولة المهنة في جمعية المهندسين نحل موضوع الخلط في المهنة وسلالمالأجور و وكسر الأسعار اللي يصير لما ان يدخلون علينا م الخارج لانه وايد عندنا وما زال الحين موجود أنا أدري هذا الشي موجود أكو ناس ياخذون الخرائط الحين يصممونها برا بآسيا ومصر بأسعار مختلفة يصير سوق الباطن بالباطن بالباطن بالباطن وبالنه وبالنهاية تصير هي حرق وكسر أسعار أكثر مما هي مهنة فيها احترام لنفسها وفيها ثبات وفيها استقرار وفيها هكذا وهكذا عشان تنافس هذول تطق تحت الحزام لازم تطق تحت الحزام ووتتنازل تتنازل تتنازل وتبيع المشروع من الباطن والناس اللي قاعدين يسوون جذي مالياً ماشيين بس قاعدين يضرون البلد ويضرون أشياء أخرى ما أعتقد أن هما عندهم قيم متشابهة بس هذا موجود يعني. أكو طبيب زين وطبيب مو زين ومحامي زين ومحامي مو زين مو مو وبعضهم زينين ناجحين. أنا ماعرفت أو ما حبيت أستمر في الـ... في الاسلوب آآ... شفت التعليم حلو انه آآ... بدال ما أبني بناية أبني إنسان هم في مردود نفسي عالي.

-ممم...

-الـ... الـ Income لطيف مقابل المخاطر اللي كنا والمشاكل والضغوط النفسية اللي تمر فيها مقابل المكتب يعني بالنهاية ولو انه أقل وأعرف اشلون أنوع دخولي، عندي مهارات أكثر بس... وعندي أصدقاء على اتصال مستمر معاهم من جيلي عندهم مكاتب مرات يقولون احنا ماندري نحسدك ولا ما نحسدك قمت تعلم.

-(تضحك)

-زين؟ لأن يعني على على نفس المشاكل لما ان اسمعهم وأسولف معاهم مهنياً، نفس الشكاوي اللي كانت آآآ... أيامنا... آآآآ... التبخيس والـ... يسمونه آآآ ال إغراق السوق بقوة تحول العملة في ت تسعير المشاريع. أنت ما تبي تصير... يعني مهنياً اختصاصي... تصير محترف انك تسعر ب... باحترافية وتمكن بنفس الوقت ما تكون طماع يعني هذي بعض الناس تكون عندهم التسعير فن وعلم وايد عالي، فيه دراسات عميقة عشان تسوي Proper Project Estimation و Wages وتخطط وقتك وإلى آخره بس عندنا صار موضوع العمولات ثقافة العمولات قوية اللي هو بيع المشاريع م الباطن وأخذ عمولات وتسعيرها خارج البلد لأنها قاعدة تنتج بره بسعر وايد أنزل العشر يعني ما تنـ... قاعد تنافس مكتب قاعد يسعر بالعملة الهندية ولا العملة المصرية You cannot compete. أو صارت لي حالة نافست مكتب بالعملة الكورية الشمالية والله العظيم. دخلت في مشروع كان المنافس مالي، اكتشفت بعدين اللي أخذ مني المشروع قمت أسعًر أسعًر أسعًر جان يقول لي Sorry احنا أخذنا Turn key مع استشاري وشركة مقاولات كورية شمالية قلت مينون، معقولة يعني انت...انت مناديني عشان انا أتنافس مع كوريا الشمالية وحصل كان تنمية منطقة كاملة بره الكويت في السودان وأنا...شكلت فريق كويتي وبريطاني فريق كويتي معماريين فيه كويتيين وplannerمن اليابان كانت تشتغل بالكويت Consultant من بريطانيا كان يشتغل معانا بالكويت حطينا Team وسوينا Proper Pricing وعشان ننجح طقنا Firm كوري شمالي مو جنوبي بعد لأن الdeveloperالكويتييبيرخصلما قابل الكوريين الي هما المقاولين اللي بينفذون قلبوا علينا قالوا ليش تعالى احنا نييب لك فا.it topped it أول لما كنا ننافسننافس ننافس هنود ومصريين بره السوق وبعدين اكتشفنا ان احنا قاعد ننافس حتى كوريين شماليين و صينيين بأسعار مروعة.

-وهذه أي سنة؟ يعني بالـ...تسعينات ولا...

-إي إي أواخر التسعينات.

-أواخر التسعينات.

-إي، كان مشروع بالسودان.

-ممم...

-مشروع جبير أربعة كيلو بأربعة كيلو تنمية كان عندي بالـTeam,Architects و Planners و Traffic Planners شغل شغل يعني شغل شغل بس تسعيرة قصةتنظيم و...

-هذا كان آخر مشروع لك؟

-هذا واحد من آخر المشاريع اللي ولا... كان عندي مشاريع كبار المستشفى الأمريكاني أنا كنت فايز فيه خذاه مني مقاول تشيكوسلوفاكي مع كويتي، انا الفايز الرسمي. المستشفى الأمريكاني، الشيخة حصة كان عندي حديث معاها بعد. (يضحك) الموضوع هذا، بس تشوف ان هي مالها شغل، بالنهاية في ديناميكيات أخرى تصير.

-صح.

-نظام الحكومة أو... الـ آآآ كنت أنا هم قاعد أسعر ترميم قصر السيف دخل علي مقاول كويتي ياب الطاقم ماله من الباطن يصممون نادوني على أساس انه أشتغل على الـTerms الـ Reference مالوته أهو قلت لا ما يصير أنا بعدي ما اشتغلت فتشوف الـظواهر هاي تصير وترى مو بس بالكويت تصيرترى حتى بره.

-صح.

-فقمت أشوف ظواهر المهنة تتطلب وايد ااا صراعات مالية جبيرة وتحالفات مالية وسياسية وايد عودة، انت وانت صغير تسوي ومستانس يعني شبابنا Which is good ما نبي ينصدمون يسوون والله فيلا، آآآ... مطعم، بعدين مطعم ثاني، بعدين ام... Small Mall صغيرة، Clinic بالسالمية،Clinic مادري وين، Ok بناية بالفروانية، بناية بالسالمية Ok بس لما تييي تلعب لعبة الـ Heavy Weights المشاريع الجبيرة راح تشوف انه There is no Jokes. أنا يكاد يكون سويت كل أنواع المشاريع اللي ممكن تصير بالكويت .By typeindustrial Building سويت، محطة كهربا سويت، بيوت سويت، بنايات سكن استثماري سويت، Small Clinics سويت يعني كلهم بس بالنهاية لما تيي تلعب لعبة الـ Heavy Weights مشاريع جبيرة على مستوى أكبر لآ.

-ممم...

-اللعب يصير... التخشن بكون عالي وصـ... وطبيعي مو بس بالكويت، بره الكويت يصير نفس الشي، بلبنان واليابان وشيكاغو ما أقول، بس شنو في... في بلدان المهن يكون عندها مركز قوة أفضل آآ التمكن أكثر وضوح أكثر. احنا الحين ما عرف مجتمعنا اللي قبل خمس سنوات أو أكثر وما زال ما يعرفون المعماريوغيرمعماري شيسوي. للحين ما يدرون يعتبرونهم يعني نوع من اللغز أو أو إلى آخره. و وبعدين ال... ال... ثقافة الطعن يعني ل مازال عندنا علماء ودكاترة ومهندسين بالجامعة يطعنون في المهنة بينما زملائنا بالمهنة الحقيقين اختصاصيين يعرفون حدودهم ففي في تعديلات ثقافية وتعديلات... والكويتيين عندنا يحبون الرخص الشديد. ها؟ ولأن هم ياي من أنا ثقافة ما تقيم الـArts و الـ Value Added لأن اصلا انت منعته انه يسوي Theatre و Music وهو طفل فيكبر ويصير وزير ويصير رجل أعمال وسيدة أعمال بس هو أصلاً مبتورة من ذاك الصوب فما تعرف الـAdded Value وبدليل انهم ما يعرفون يشترون الـ Art مثلاً فشلون هو إذا نظرية القيمة ما يعرفها ما ممكن يعرف القيمة المضافة اللي ممكن يسويها مشروع معماري زين مقابل مشروع بس بعدين هم يتعاملون بالمفهوم كأنه لغز، والله احنا حظنا ما كان زين، اختنا بيتهم حلو وبيتنا مو حلو، بس اهم حظهم، احنا اللي حظنا مو زين. هم ما يدرون انهم تعاملوا مع واحد يعرف هم راحو لبوطقة ليـ...للحين يسولفون ان حظنا مو زين يعني بيت اختنا أحسن منا لأن حظنا مو زين لا لا لا مو حظكم موزين أنت you went to the wrong , wrong professionals وهكذا. فصار النهاية إنه قلت يمكن الجيل اللي ورانا يصير أحسن لأن الزمن يتغير و... أتذكر حتى بالجمعية لما كنا بجمعية مزاولة المهنة لما بيصوتون احنا مان...مان...مانروح نصوت يعني على شي مهني نقول ليش؟ تعال يوبا احنا يالا... قال صفوا صفين قال احنا اثنين، إحنا يلا 6 وانتوا 150 واحد، تبونا نصوت معاكم؟ تاكلونا، ما يصير We discuss it , we hammer it يا تقنعونا يا نقنعكم بس تصويت ما نصوت، يعني هذي خدعة، كنا نقول لهم هذي خدعة ما يصير احنا وايد أقل منكم ما راح نصوت عالموضوع هذا يا تييب لي Facts وتقنعني وقوانين، يا أييب لك Facts وأقنعك بقوانين. يعني هاي لهالدرجة وصلت فينا لجنة مزاولة المهنة ما نصوت.

-ممم...

-لأ، تيمع الـFacts وتييب القوانين المقارنة بالكويت وبره وبريطانيا واليابان وأقنعك وتقنعني بس تصويت لأ، مو علينا هالحركة هذه.

-لأن انتوا الأقلية.

-إي (يضحك)، يعني جم مرة يطقون علينا كرت التصويت لا لا لا لا don’t do thatما راح نصوت. يا تقنعنا بالعقل، احنا كلنا مهندسين ومعماريين وعقلاء، يا تييب لي حقائق، قوانين، دول مقارنة متقدمة وحقائق وهذا، إي غير ها الحكي ما... التصويت هذا مو علينا. يعني شوفي الـTactic خلينا نصوت، لا لا لا لا انتوا... انتم هالكثر مكتب، X مكتب واحنا نمثل أقل من خم... خمس وعشرين أقل من 2.5 منكم، تبون تصوتون على أكل مصالحنا، لا ما راح نصوت.This is how far it went? ما نصوت. فكل هذي الأثقال يعني انت مو مولود والله في اليابان ووو الموضوع أوضح. ولا مو... مولود بهولندا والموضوع أوضح فجـ... اتراكمت علينا مثل ما قال تنبأ سامي وكذلك الله يرحمه غازي قال احنا We enjoy it but it’s not a joy itself بس احنا We don’t enjoy it in the context. اللي احنا فيه، تصيرلك فترات طويلة من الزعل ومن الـ... بس تجمع فلوسك بروحها أذية (يضحك).

-ومتى دخلت مجال الفن؟

03:39:30 - عمله في مجال الفن

Play segment

Partial Transcript: -هذا كان صدفة غريبة، انا كنت أصلاً متربي أحب الفن والأدب بس هذا كان متخمر وأنا أمارس عمارة بس الفن يعني ما كان منقطع يعني أنا أحب الـ Arts وأحب الـ Theatre وأحب السينما وأتابع وإلى آخره بس كوني اني انا أعبر خارج العمارة كان مو موجود، كل ابونا معماريين بنات وأولاد نشخط ونرسم بس أنا يوم صغير... يوم صغير كنت أرسم زين وا أمارس آ آلات موسيقية وغير اني أرسم زين كنت محظوظ ان درسني استاذ اسمه راتب القطامي الله يرحمه توفي، مو قطامين الكويت. قطامي فلسطين وكان خطاط ف محمد الحديدي درسني Art و Water Colour والأستاذ راتب القطامي درسني خط، درسني أساسيات الرقعة والنسخ وعلمني نظرية النسب. هذا يكفي اني لما اصير معماري أعرف باجي القصة كلها، زين؟ فـ... وللحين اتذكره يوقف على السـبورة ويتل الStroke ويراويني حـ... حـ... عدد النقط اللي بالألف مالت النسخ وعدد النقط اللي بالألف الرقعة والبا والباء ويراويني الهذا، وبعدين كبرت و وانا صغير اخطخط اخطخط اخطخط، ابوي خطه جميل. كل ربعه أتذكر رسائلهم اللي درسوا بالمباركية خطوطهم جميلة لأسباب تعليمية، يسمونه الرقعة اللي على نظام السعفة على Diagonal، فرسائل ربعي...ربع أبوي اللي من القاهرة واللي من بومباي لما يتكاتبون يكاد يكون متشابه، مو الخط نفسه، الـGeometry مالته ونظام رص الكلمة فكنت أقول حق أبوي فجان يقول يوبا كانوا يعلمونا انه نكتب على هالطريقة في الـ... تتكلمين عن نظرة التعليم. فكنت معجب بخط أبوي، ابوي كان ييمع ييمع مخطوطات بعد فعيني ربت تطالع إيد... خطوط جميلة ومخطوطات، أبوي كان يدور قرائين قديمة، مدونات قديمة خطوطها يدوية ويمكن مطبوعة مرة واحدة بس هي من أصل من يدوي أو يدوية كلها، وأستاذ راتب كان يدري إن أنا خطي زين فكان كنت اتعلم معاه خط وأتـ... وأتـ... وأحب... ويحطلي اشارات وايد ان خطك جميل وإلى آخره. هذا كله قام يتخمر وأنا ما أدري. يعني اشلون دشيت الفن؟ هذا كان يتخمر وأنا ما أدري وأخذت كورسات Elective بأمريكا … Electives… arts ، Sculpture وما Sculpture و 2D..2D..3D..3Dimentional Design بس مو Architecture ، ويتخمر حتى استاذ من اساتذتي درسني Figure كنا ندرس رسم الـBone وMuscle و , nudes, Human Being,Bone, مع طلبة طب. عمارة وطب وArts ندرس مع بعض ونرسم مع بعض فأستاذي جان يقول ليش ما تيي عندنا كلية الفنون؟ قلت له لا أنا ملتزم ببعثة Architecture جان يقول أنا أكلملك السفارة. ليش ما تحول عندنا فنون؟ هذي قصة يعني ظلت ببالي، قالي إيدك زينة وحسك وايد زين وإلى آخره. قلت له لا أنا ملتزم وأنا سعيد، وعطاني علامات وايد عالية. كنت اأيس الـArts بسهولة بسهولة متناهية، بدون تعب أصلاً. ولما نتكلم عن المشاريع مالتي آآآآ it gets ... عمارة كانت وايد أصعب. فهذا الأستاذ قالي، اسمه، اتذكر للحين اسمه، اسمه Dick Dale أو Richard Dale يقول لي... قال لي أنا بقول لك شيYou’re gonna be a good architect, but you’re gonna be a much happier artist.

-(تضحك)

-وللحين ظلت باذني، مثل استاذ حامد اللي قالي انت راح تكون a good architect بس انا أقولك راح تكون much happier وكلامه كان صحيح مية مية. يوم اللي دخلت بعالم الفن حسيت بسعادة وايد أكبر، كنت زعلان انه ماني قادر أعبر بالـArchitecture اللي أنا أبيه لأن بنـ... بناية سهلة. فالقصة شلون؟ آآ عشان اختصر الوقت، ظل مختمر لين صار عمري خمسة وأربعين وعيالي توهم دشوا الجامعة وأنا عايش فترة في أمريكا في Puerto Ricoزوجتي من هناك فمرة زوجتي قعدت... دخلت الـPhD Program وعيالي داشين University الكبار فكانت تروح الجامعة، قالت فريد شتبي؟ إحنا كان عندنا شركة صغير مسويينها هناك، جان أقولها... ييبي لي غرشة حبر هندي ولا صيني عودة، أي Brush Water Colour بس ييبيهم كبار قدالليما،إيدي تخرخش، إيدي قاعدة تخرخش. قالت شفيك؟ قلت لها ما أدري. بس إيدي قاعد تخرخش، ييبي لي The biggest water colour paper مال Box of water colour paper قالت اشعندك؟ قلت قاعد بكتب شي بس ما أدري شو اللي بكتبه، وعندي سكتشات صغيرة قاعد... بس إيدي تاكلني تاكلني، والله جذي، بدون آ... بصير فنان لا لا It wasn’t like that. المهم آآآ... وكنت انا مسوي بعض الاسكتشات بحروف مالها معنى وقاربت على الحروف المقطعة بالقرآن لأن قمت أفهم اننا عندنا معهد الأبحاث يكتبونه) كسر-KISR ( فكنت أسمي مختزلات فقلت اوه احنا عندنا هم مختزلات حروفية مالها معنى بال بالقرآن أ... عندي قاموس المفهرس للقرآن مال محمد فؤاد عبدالباقي جان أدورهم كلهم طلعتهم، ولا هم 14 حركة صوتية. شفتي البوووووو... طلع؟ جان الـ... الـ... الريشه بوم بوم بوم بوم وحدة ورا الثانية بوم بوم بوم قاموا يطلعون وحدة ورا الثانية. في ذاك الوقت صار September 11.

-ممم...

-بعده، انا كنت مطلع المجموعة هذه، وانا كنت مؤسس مع فري فريق مهاجرين لأني عشت في Puerto Rico أربع سنوات آآآ... جمعية سميناها لجنة رجال الأعمال العرب، رجال الأعمال العرب والمهنيين العرب في Puerto Rico. Chapter سويناه قانوني، طبعاً ما كانوا ملالوة، كانوا مختلطين يعني لبنانيين وفلسطينيين مهاجرين وأنا الخليجي الوحيد اللي بينهم. يعني نادوني بالاسم، يعني قالهم واحد هذا واحد قاعد في بيت بالجبل اعرفه لان هو عنده محل Carpets وأنا ازوره بالـmall وأشتري منه Carpets . قالهم هذا الكويتي قاعد بالجبل وشكله متعلم بس قاعد ما أدري شحقه هناك. دخلوني في المجموعة وأسست معاهم المجموعة. كان بينا واحد مليونير فلسطيني يملك كذا... خمسين صيدلية دارس بـ Yale أسرته كانت عندهم صيدلية صغيرة وبعدين مسك، اسرة متخانقة في Puerto Rico على صيدلياتها قاعد يفرقون أملاكهم فشروا صيدلياتهم كلهم. كان هو الـChairman . صار September 11 وكان معانا واحد مغربي معماري هوايته الموسيقى ويمسك...آ... عنده ساعات بالإذاعة في الجامعة مالت Puerto Rico. فاتيمعنا عقب September 11 واحنا مخلطين ومو ملالي يعني مو... تيارات دينية فينا مسيحيين Dentist وفينا رجال أعمال فلسطينيين ولبنانيين وإلى آخره وواحد مغربي وواحد خليجي. بس واحد مغربي وواحد خليجي، أنا. صارت الطقة جان نقول احنا لازم نسوي برنامج اعلامي لأن التغطية... تفجير September 11، Blab la bla . سوينا خطة إعلامية شنسوي جان يقول انا بحط عالإذاعة، بزيد الساعات وبكرر موسيقى من عمان الى المغرب عبر الخليج ونتكلم عن هذا. اتصلوا فيني يبون مقابلات مع عيالنا وبناتنا، يبي هم... البلد. يبو يعرفون احنا شـ... ها؟ بس أشوه احنا مو المتطرفين يعني. ووو... وبعدين قال لي، اتذكر المعماري صبانة اسمه، جان يقول لي عندك شيArts؟ قلت له اي أنا توني صاقعلي جم... بس ما أدري. جان يقول يلا خلنا نسوي معرض، عندنا بعد واحد هم زميل، الحين يش مهندس جبير في قطر اسمه حسن الصوان اسرة فلسطينية عاشوا بالكويت وفي قطر هم كان ناشط ناشط قوي جداُ. معرض جان ناخذ قاعة في الجامعة. جان أحط أنا الـ25 عمل. وهذا هني 25 عمل ومقابلات مناك وصبانة قاعد يحط على عات وبعدين يبنا شيخ أزهري كان (يضحك) كان موجود، حسن الصوان جان يقول اتصلوا فينا جان يقول كان عندنا حف... آآآ Governor Woman في الجزيرة، حاكمة الجزيرة تمثل الـ senate جان يقول تبي... تييب واحد rabi و واحد bishopمن كنيسة وواحد شيخ دين وبتسوي معاهم مقابلة عالتلفزيون، ولازم كل واحد فيهم يتكلم له كلمة بعد September 11.

-ممم...

-عندنا مهاجرين وايد عرب بال أمريكا الوسطى والجنوبية. يبنا هالأزهري وإلا ريال حباب مصري، ودينا هدومه حق الـDry cleaner ، كشخنا البدلة مالته، الجبة مالته وانجليزيته صغيرة وقعدنا معاه نسويلة Coaching. إنجليزيته بسيطة بس كتبنا الرسالة مالته، يقرا... يتكلم انجليزي ضعيف بس كان ذكي جداً. أنا وحسن رتبنا له الرسالة مالته كتبها بالعربي ترجمناها حقة بالإنجليزي خليناه (يضحك) يقراها سوينا له Coaching ورحنا تقول فداوية مالوته وياه.

-(تضحك)

-احنا بدل آخر هذا ويا...ويا... قحفيته العنابية ولفته البيضة والجبه مالته ورحنا سلمت علينا الـ Governess وقعد جنبة راباي (يضحك)، وأنا وحسن قاعدين وراه وبعدين ألقى كلمته. فالقصد إن الـArt هذا دشيته صدفة. ان انا قاعد اخط، وبعدين لا صارت... ييت الكويت...

-هذا أي سنة؟

-اللي بعد September 11, September ياي، وكانت على سالفة الهجوم على العراق مرة ثانية. هم أذونا.

2003 -
-إي. وأذانا صدام على فكرة وأحد الأسباب اني تركت المهنة ان صدام كان يقرب الجيش في السنة مرتين فمشاريعنا توقف احنا وكو وغيرنا، يقرب الجيش ال العقاريين يوقفون، نأجل المشروع، وقف التنفيذ، وقف الإشراف. متنا، هاي احنا بالاستشارات أكلنا هوا والمقاولين.

-هذا جيل الأمن والسلامة.

-إيه. هذا الأمن والسلامة ايه، لا ذبحنا الملعون. فالقصد، ياي أنا، لأن في عندي ارتباطات بالكويت، عندي ميراث وعندي خرابيط وعندنا شئون وإلى آخره وأتابع وللا ما ادري منو ربطنا جان أشوف لبنى سيد عمر، صديقة قريبة من قلبي وايد وأبوها كان... السنعوسي يبي يحطني معاه في برنامج، عرفت ان أبوها توفى والسنعوسي قايل لي لازم احطك معاه في برنامج جان تقول لي انت شنو مسوي جان أقول لها مسوي جذي كذا كذا وصار عندنا كذا جان تقول لي آآآ، هي وايد Net Working انت مسوي أعمال خط حديث؟ خلني... اقدر أشوف وحدة؟ راويتها بالسيارة فجيتها، أنا...أنا...أنا اعلمك وين تروح. وين؟ عرفتني على، الله يرحمه، الدكتور غنيم الفايز. توفى وزوجته جميلة الإبراهيم، توهم فاتحين Gallery بالسالمية هي رابية مع جميلة مع الدكتور حسن الإبراهيم اللي وزير الـ... ها؟ امش امش امش (يضحك) ، وووب، جان أروح حق هذا الدكتور هني مو موجود. جميلة شافتني جان تقول لي فريد أنا... فرصة سعيدة صرنا الحين أصدقاء الحين الحين أصدقاء عمر وتوفى الله يرحمه غنيم كسر قلوبنا بس احنا صرنا اصدقاء، عيالهم اصدقاءنا وجيرانا صاروا الحين جميلة وجميلة وغنيم جار جيراني. يه غنيم جان يقول لي "معرض" بوم، معرض؟ من صج جذب أنا (يضحك)، زين؟ آآ... العمل طار كله وإيدي افتلتت، قمت... بدون ما اني والله اخطط اني أدش الـArt ولا ما أدش الـ Art وو...مع ان إمكانياتي اني ارسم figurative و Abstract وايد سهلة بس في شي وايد عميق يتكلم عن اللغة وعن تكوين اللغة و... مو لأني بصير حروفي ولا... حتى... أنت بتصير حروفي لا لا بصير حروفي ولا كنت ناوي أصير فنان هو كلام أو مخزون ثقافي ولغوي طلع بها الاسلوب، يمكن يوم من الأيام أسوي شي ثاني ودشيت بمحض الصدفة أو بتراكم اللاوعي دخلت في الموضوع يعني والله ما قمت الصبح اقول أنا اليوم بصير فنان أو بسوي فن I wasn’t, I wasn’t بس فعلا العمارة ساهمت فيه وايد لان كورسات ال design و كورسات الـTheory وكورسات آآآ... كانت تـ...تـ... تثري الأرضية. في مرة خطاط قال لي أنا ما ممكن أدري ان هذا...هذا خط قوي بس ما ممكن مدارس الخط اليوم تقدر تسوي جذي، إنت ياي من مكان ثاني، قلت له أنا ياي من كلية عمارة قال اليرات هذه مو يرات وايدة قلت احنا احنا نطيح طوفة ونقوم طوفة ما نخاف اننكسر Letter أنتوا تخافون بس احنا ما نخاف، احنا.انا اي مرات ارفض طوفة كاملة أقول حق المقاول نزلها، هاي كلها خرابيط، احنا عندنا جرأة تختلف عنكم. فيقول أكو جرأة ما مو موجودة بمدارس الخط المعهودة، قلت له لا هذه ياية من (يضحك)... من ميناء آخر من Sculpture ومن Modeling ومن Architecture ومن Design ومن من من إلى آخره. ففي... آآ... و... ومرة واحد قال لي انت قاعد تكسر قلت له لا لا لا... يابابا لاتقعد أنا أعرف نظرية النسب الفاضلة، احنا بالعمارة نكسرها ونوقفها ونمغطها وانتوا على طمام المرحوم. احنا...لا عندنا هذا موضوع نعرفه زين يعني. نعرفه زين. فإنتوا تخافون احنا ما نخاف وكانوا التقليديين يقولون لنا انت ومجموعة مثلك يعني في مجموعة خطاطين عرب مغاربة و... دشوا الاتجاه هذا من من مدرسة فن ومدرسة عمارة بس هما الخطاطين التقليديين زعلانين، قلت لهم انتوا مو فاهمين القصة اللي دشوا الخط من مدرسة فن وعمارة سواءً مغاربة ولا أتراك ولا إيرانيين ولا هنود يايين من مدرسة فنون جميلة أو نحت وعمارة. انتوا حضراتكم تعلمون يعني... لازم انتوا ترجعون إلى أصول. قال شنو؟ قلت له انتوا... انتوا ضمن مدرسة الفن. يا تدرسون فن، بس اذا ظليتوا خطاطين راح تصيرون حرفيين تقليديين ومقلدين بس انت مادة من مواد كلية الفنون الجميلة أو النحت ذاك الوقت إذا رحت درسته من... زعلان ان الفنان او الفنانةالفنان المغربي أو المغاربية كسرلك الدنيا لأنه هو أصلاً دارس نحت فإنت عنده يعني شنو شحقه زعلان؟ (يضحك) زعلانين يعني انه ترى في مغاربة يخرعون يعني وإيرانيين وأتراك قلت لهم لا انتم موفاهمين، زعلوا قـ... ق... قعدنا قعدة هني بمتحف الخط، شقاعد تسوون؟ ليش جذي؟ يابوا لنا هني مرة بالجامعة، ياباوا لنا من الأزهر، يابوا لنا من... واحد خطاط، يابو من...من مصر حقنا أنا والبلام لان كنا نعطي Class فيه Beginners كانت تستخدم الخط. ليش جذي وماليش... تعال يوبا، انت مو تقول انت نظرية النسب الفاضلة مو احنا مسويينها، موجودة من أيام الفراعنة والآشوريين والـ... والـ... واليونان. ابن مقلة استفاد منها ووظفها في الخط ورشقه وسواه شي وسواه Style، على عيني وعلى راسي، ومازلنا نقول تعلموا الـClassics . مازلنا نقول هذا. مثل الشاعر اللي يتعلم الـ Classics وبعدين يروح يكتب حديث؟ أو مثل ما انت تتأسس في كلية الموسيقى تعرف Bach وBeethoven وScarlatti و Vivaldi وغيره وبعدين تألف موسيقى حديثة شو المشكلة، القواعد الأساسية تتعلمها. بس انت مو معناها انك لازم تظل... وهكذا. فدشيت الفن بمحض بمحض اللاوعي والصدفة. I hope is ههه.

-ممتاز. وصار لك الحين جم سنة تقريباً؟

Goodness-، من 2003 الشهر هذا بييوني 10 Carpets من تركيا Of my work

-ممم...

Carpets- هالمرة.

-ممم...

-سويت Jewelry بالـ Calligraphy والحين قاعد أسوي سجينة وملعقة و... وقفشة Inspired by Calligraphy مشكلتي اني وين القى السكب؟ اليوم كلمني خالد زماني واحد من ربعي اللي عنده... لازم تروحين مصنعه هم أسرة يشتغلون بالذهب والـ Jewelryبس خالد مسك، عنده مصنع صغير. قاعد يدورلي طبعاً هو ما يسوي قاعد يدورلي بالسوق مين يسوي لي سكب.

-اي.

-اذا ما أقدر، لازم أروح مصر ولا تركيا أو الهند أو يابان وكوريا، بس بغيت شي بسيط اني اشوف يعني انت تجرب الآن إن... أوكي أنا أعرف انه بالكويت I can do Jewelry بس أقدر اسوي لي سجينة بالكويت؟ مالت أكل؟ طلع ان أكو ناس يصبونه ألومنيوم بس أنا بسوي Compound من Brass و...Metal . تصير جنه... جنه صفر بس مبويض شوية. انا شفته بكوريا بس حبيت الـComposition ، قال لي خالد أنا أقدر أسويها لك بس لازم ألقى ريال يعطيني جدول. فحتى أبي أجرب بالكويت انه... نسكب حديد.

-ممم...

-وأمس... أمس آآ... ولقينا شاب كويتي يسوي 3D..3D Printing فسويت الـProcess حولته من شمع الى 3D Printing.

-ممم...

-بس لازم ناخذ هذا الحين الـRisen ونسويه علىMode بس قاعد... هم نستكشف شنو بالسوق الكويتي؟ يعني بين الخنابير هذي.

-صح.

- منو يصب حديد؟ من يصب نحاس؟ منو...منو...فـ you فال صار فن و Product Design و.. unIt’s rewarding but it’s really fun ,مو مالياً... كثر ما... بس I’m excited about the carpets

-انشالله.

-ياو اثنين wasزين وبعدين ياو مجموعة آآ...آآ... أنا أحب تفس التفسير الحرفي بس بعض الحرفيين شوية يخورونه (يضحك) فالحين بشوف ان شاء الله العشر اللي بيجون اشلون بيصيرون. ما أبي أطول عليج.

-لا بالعكس.

-اي.

-بالعكس.

Yeah-

-احنا مستمتعين.

-ممم...

-آآ

-وانشالله جيل الصغار ما تييكم احباطاتنا آآآآآ... اب أتذكر مع الله يرحمه سامي البدر كان يقول ليش كلية عمارة وايش بيسوون يترسون السوق؟ قلتله لا مو هذا المطلوب بو باسل قالي شنو؟ كان أحمد زكريا الأنصاري قد والدي، قاعدين بديوانيته هني بالعديلية قلتلهنبياحنا Creative Catalyst (يضحك)، نبي بنات وأولاد يعوضون صغر البلد بالـCreative Power اللي أصلاً موجودة قبل النفط لأن النفط هذا مو... مو باقي. اللي سوى البلد هذا بلد القدرة والسرعة والـ entrepreneurship والـ Creativity مال المجتمع. فاحنه نبي نزيد الجيلة من هاذول لان قاعد تقل (يضحك)، ضحك جان يقول أنا موافق أنا موافق.

-(تضحك)
-قلت له لا لا مولازم يصيرون معماريين أنا أذكره صديق لنا اسمة حسين العوضي اتوفى Lung Cancer كان معماري نشيط قلنا لا... احنا ناقشنا الصغار، مو النقطة ان يصيرون كلهم معماريين ويشتغلون مصممين ويشتغلون كلهم أساتذة ويشتغلون بالأشغال والبلدية. احنا نبي مجموعة كويتيين وكويتيات يكونون قنبلة إبداعية تنشط وتحرك ويشتغلون Bankers يشتغلون Real Estate Developers يصيرون Fashion Designers.. كيفهم... كيفهم. بس هذيال... هذي النسبة اللي سوت الكويت دولة بح. بمعتقدنا احنا المجموعة كنا، ان اللي سوانا من مدينة ساحلية الى دولة بالأمم المتحدة ولها مكانها بالهذا... الروح هذي الإبداعية الم...الم...المغامرة المخاطرة المبادرة ال entrepreneur ، بس لما يه النفط وصارت نعمة عودة صارت نعمة فيها مشاكل احنا صرنا بيروقراطيين وايد مجتمعاتنا تبي تعيش على الأمان الوظيفي والروح هذي مالت النهضة وال... (يضحك) والازدهار والاستقلال المستمر بدت تخبو الى شنو... ياالله الأمن والأمان واقعد على وظيفتي وعلى مكتبي والسلام والأمن. لا لا لا لا رحنا فيها. The whole core of the ignite Kuwait’s gone down. أصلاً الكويت what makes روح بلد، انا اعتقد هاذيج، مو هذي اللي مالت الأمن والأمان. أقعد على الطاولة مرتاح It’s not about that دا..دا..دا..دا.

-اعجبتني القنبلة الإبداعية.

-إي... إي.

-إي.

-هي قنبلة سلام، الله يرحمه غنيم يقول ااا قنبلة محبة، يقول... يقول... يقول... يقول نبي قنبلة محبة إبداعية Giving و Nurturing و Service based ، الجراءة فيها شجاعة، فيها... مو العدوانية، أنا ما أتكلم عن العدوانية أو الوقاحة وقلة الأدب والتبلتع، لأ ، شجاعة متحضرة قوية ثابتة مبادرة...هذا. الله يرحمهم. زينين اللي معانا كانوا.

-الله يرحمهم.

-إي... القنبلة هذه كانت من الغنيم.

-إي.

-قنبلة محبة، وأنا أقول اسميها قنبلة محبة إبداعية.

-آخر سؤال لي.

-يلا.

-آآآم... هل كان في آآ...م... شي كان ودك تسويه بس ما ظبط؟ وليش؟ وإذا في شي ثاني تبي تضيفه.

-آه... كل اللي ابي أسويه قاعد يصير لكنه أبطأ وايد مما أنا أبي، يعني آآ...كان...آآ أنا الحين صرت داش 62

-العمر كله إن شاالله.

-وشفت أصدقاء لي بما فيه والدج الله يرحمه، جيل اشتغل ومرات أحس بـ... بزعل ان كان ممكن نسوي أكثر من جذي ونحقق أكثر من جذي و...و... تقدمنا فيه بطء، يضايقني وايد. هذا الشي الوحيد اللي يضايقني. احمد الله على نعم كثيرة. شفنا وايد وعشنا حياة زينة ودرنا العالم وتعلمنا وتجربتي بالطفولة كانت زينة بتحدياتها آ... أعتقد ان احنا محظوظين آآ... يانا اتوفرت لنا أشياء كثيرة، شفنا أشياء زينة ووو... بما فيها الأشياء... لكن لأ، All in all إحنا جيل محظوظ لكن برغباتنا في تقديم الخدمة I think we are too slow. ، مجتمعنا بطيء. وبطيء على أن هذا الصغير يصير بطيء، يعني المجتمع الصغير لازم يكون سريع. يضايقني فقدان الرذمة اللي... الكويتية. يعني وايد يتكلون كلام سمج معيود مأخوذ خيرة Politically Correct بس يضايقني ان احنا مجتمع...نورما أتذكر زوجتي لما ان درست فترة بالثانوية بالكويت خاصة. كانت تقول لي ااا "فريد، بقولك شي." قالت لي:"ترى وايد بنات وولاد الكويت Creative" مو بتجاملني. يعني هي أم كويتيين بس تقول لى لا لا، مو عشان تستانس، أنا I think ان الgenes اللي هني مجتمع صغير و ايد إبداعي يعني وايد سريع، نبيه بس الوصف هذا واللي بعرفه We are too slow.، وهذا الشي الوحيد اللي كنت أتمنى يكون شوية اسرع ونعرف وايد أشياء. يعني اب أبوي مرة قال لنا سالفة لطيفة. قال لنا يوبا انتوا اللي تروحون بره وديناكم، تيون أفكاركم وايد قدام. ويبيلكمretuningشوية عشان... يعني ما ابي أقول اسم لكن هذي قصة حقيقة قاعد أدور مدونات عليها، شكت علي ناظرة في المدرسة اني زارع عبر الشارع والمدرسة محاطة بسيارات سكراب. فاحنا أجيال تتعايش في نفس الزمن والمكان. يعني احنا كويتيين كل ابونا نتعايش في نفس الزمان المكان، ناس عندها نظرات تخلفية هذي اللي تحط الموسيقى القبيحة الصبح والدكتور عدنان يعرفهم وصار توا، كلام بيننا وبينهم تقول لأ، الوزارة قالت لها. الوزارة تشكين عشان أنا حاط مجموعة أشجار متبرع فيها عبر الشارع؟ ووراج الطوفة الثانية سيارات سكراب أربعة ومطارح مقطوطة بالسكة مع زبالة؟ قدمت رسالة رسمية بإزالة الأشجار المحيطة بالمدرسة. هي مو محيطة، هي موازية لبقعة معينة بالمدرسة. فعندنا ناس بتخاف من الطبيعة، عندها وسواس من الشير. ها؟ وكتبوا بالصحف إن هذا وصخ، وصخ الشير. احنا نعيش في نفس الزمان والمكان. متخيلة معاي؟ (يضحك). فمرات تقول ان ما قعد إحنا We are aging, Life is..physical life is limited. بـ... م... وفطرة لكن You wish you’ve done more. يعني الحين أنا مع الدكتور عجمي والدكتور عدنان مسويين مبادرة للمنطقة ع أساس نسوي... أنا قلت ها بقلب على هالناظرة. إذا مو عاجبك الشيرة، أنا بقدم، وقدمت، للجمعية كلها خارطة عليها كل الأماكن لازم يصير عليها مماشي، اقترحتها لهم كلمت من أعضاء مجلس الإدارة وانا وعدنان والدكتور العجمي وواحد من طلابنا الخريجين السابقين، مرزوق، بنروح حق المحافظ ومدير بلدية الأحمدي عشان نشجر كل مماشي المنطقة.

-(تضحك)

Life is short.- ما راح يمدينا انه نسوي Parks. يعني انا كنت على المخطط هيكل لتخضير الكويت كلها We are behind. و ونسبة الجهل وايد عالية. أتذكر أنا وأحمد البحر ونزار العنجري ورضا المتروك وسليمان بهزاد نلم بعض لما ان طلع قرارالشيخ العود انه نبي ننزل خطة قومية لتخضير الكويت كنا نلم بعض، نبارك حق بعض. يعني Public Space. بتحوله لـ Green إحنا كنا، هم Urban Design وأنا بمكتبالوزيرننبارك حق بعض ونلم بعض يعني د...دموعنا. هذا الحجي متى؟ 6-87. إذا القرار يطلع 87-86 واحنا اليوم اطالع أنا للحين العمال يوقفون على الشجرة يكسرونها بريولهم ويخمون الدبال. أنا راح أسوي محاضرة عنه. ورق الشجر لازم ما يشيلونه م الأرض.

-صح.

-يخلونه ينام عشان يصير دبال. والدبال هو اللي يسوي Top Soil يخمون البلاستيك يودونه المحرقة We’re behind. أنا ال هاي الوحيد اللي يضايقني، اقول Oh my God.

-(تضحك)

-إي، بس عندي محاضرة بسويها بتكوين انشالله عالموضوع هذا.

-جميل.

-إي، بس هم نشوف بالإنستغرام بنات وأولاد Naturalists و Environmentalists.They are tacklingسارة العتيقي They tackle تقول Wow, That’s good, that’s good. بس شويه احنا اللي شويه اتعلمنا على رذمة سريعة ودك تكون هذا ماشية أكثر بس All in all آآ... يعني بقولج من لما آآ... أنا الحين لما تسأليني وأستذكر الفنطاس واتذ أقول Oh my God. We are a lucky generation. . هذا ما أتكلم عنه. ما اتكلمت عن وين رحنا بالعالم، وين درنا بحكم ان عندنا بعثات ودر...ودرنا العالم وشفنا وشفنا وشفنا وشفنا. انا اتكلم عن الكويت هذي اللي مو، يقولون جونا ما يسمح.

-ممم...

-اللي موعاجبهم واللي يستقبحون البلد ويأفأفون منها طول الوقت، لا. You haven’t lived my time. No. والحين ربعنا هم شيقولون؟ شصار؟ لا. جانب بعد انساني إنفقد، التكنولوجيا راحت قدام وايد، البعد الانساني رجع ورا، والبعد البيئي رجع ورا. الحين نبي احنا شويه هذول.

-مو؟

-ممم؟

-(يضحك)

-انشالله نمرر لكم العصاية انتوا.

-انشالله.

-انشالله.

-فيه أي شي ثاني تبي تضيفه؟

-لا لا لا مشكورة وايد. مشكورة.



-أوكي، آ... اسمي ريم العلي، واحنا متواجدين في العديلية في كلية العمارة وتاريخ اليوم 23... 24 اكتوبر 2019 والساعة 10:30 آآ... أستاذ فريد شكراً لموافقتك على اجراء مقابلة إضافية متعلقة في موضوع الغزو. بس اذا تذكر لي خنقول في السنة اللي قبل الغزو أو اا بداية 1990. كنت متواجد بالكويت؟

-طبعاً.

-مع أسرتك؟

-طبعاً.

-جم كان عندك من عيال؟

-كان عندي آآ... طبعاً أمين وعالية ولادي ال الأوائل، أمين انه مولود، وعلياء مولودة، أمارة، الثالثة، انولدت بالغزو. فكان عندي طفلين وزوجتي وكنا موجودين في ذيك المرحلة بالكويت.

-وكنت تشتغل في الكويت؟

-كنت أشتغ آآ... كنت توني منتقل من القطاع العام. كنت مستشار وزير الدولة لشئون البلدية وبعد فترة ست سنوات بالعمل في البلدية فتحت مكتب استشاري. آآ... طلعت رخصة مكتب استشاري و... وسويت Association مع مكتب المهندس الكويتي. اجرت منهم مكتب. كنت أسوي العمارة ويسوولي هم الEngineering Part فكنت في مرحلة انتقالية من القطاع العام للقطاع الخاص وبادي سنة عمل بالقطاع الخاص. Yeah.

-هذا كان في بداية 1990؟

-نعم نعم.

-اااا خنقول في آآآ... في أغسطس...

- اي.

- كنت بالكويت؟

-إيه. كنا تونا راجعين الكويت وندري انه صدام كان عالحدود في أغسطس. احنا كنا في الصيف في عطلة في Puerto Rico بلد زوجتي ووصلتنا الأخبار انه كان صدام يهدد ومحرك قواته على الحدود الكويتية ووكان الت التصور انه أهواا قاعد يكابر على اساس تعويضات مالية أو أموال يحاول يبتز الكويت في أموال، ما كنا نتصور انه راح يتحرك عسكرياً داخل الكويت بس كنا... وواقع عندنا مع أصدقاءنا اللي نكلمهم بالتليفون وأهلنا انه في ضغط شديد على سحب أموال من الخليج بس ما كنا نتوقع ان هذا الضغط يتحول الى غزو مباشر على أراضينا.

-و...

-ومع هذا وبعلمنا، في كنا بـ كنا ب July، وزوجتي نورما كانت والدة بأمارة آآ... حاملة بأمارة بنتي، كانت داشه الشهر السابع فالطبيب قال لها يا تولدين بأمريكا شهر 10 يا تردين قبل التاريخ هذا عشان تولدين بالكويت، فقررنا انه ترجع نورما على أساس ان عيالنا مدارسهم وأنا شغلي وتولد بالكويت. فما قمنا ما قدرنا نقعد أكثر من July، ف بأواخر July احنا ردينا الكويت ووو واغسطس صارت الغزو... صار لنا اسبوع واصلين الكويت بعلم انه صدام حاشد على الحدود.

-وفي اا 2 اغسطس لما سمعت ان الكويت انغزت وين كنت؟

04:10:18 - لحظة الغزو العراقي وسكنه بالقرب من قصر دسمان

Play segment

Partial Transcript: أوه، هذا موضوع هذاموضوع جداً حساس. آآ... احنا كنا ساكنين بشقة كبيرة في الطابق الأرضي بمجمع عايشة السالم في بنيد القار، وهذا بقرب شديد من قصر دسمان وأبراج الكويت مو سمعنا، احنا شفنا معركة قاعد تدور قريبة من عندنا وايد لأن احنا لما سمع... بدينا الفجر ااا بدينا نسمع طلق ناري، طلقات نارية، مو... مو مسدسات، آآ... رشاشات. وانا كن... انا كنت ذاك الوقت وو يعني... داش دورات الجيش وانا ظابط في سلاح الهندسة البري الكويتي.

-في التجنيد.

-في الاحتياطي، قوة الاحتياطي، فأعرف شنو هذا معناته، فبسرعة آآ... كنت أكلم نورما و... قلت لها... كنا نحسب انه شي داخلي... أو، لأ. بعدين من الأخبار قمنا نحس فبدينا مع صحوة الفير. تحسين مجمع الحرس بالمجمع قاعد يراكضون، بعدين صعدنا، أنا صعدت مع الطابق الفوقاني، لا... شفنا كثافة نيران عند دار ما دار قصر دسمان ومدرعات كويتية قاعد تطلع من قصرالشعب على شارع الخليج مدرعاتنا احنا قاعدة تيي على شارع الخليج و... باتجاه سريع جداً مع رشاشاتها صوب دسمان و... صار في حتى تلاقي صوب آآ... أبراج الكويت وكان الموضوع... جداً يعني... مخيف وبسرعة قمت افكر انه شسوي بالعيال و... وأهلي كانوا بالجابرية. بعد فترة قبل لا يصير يعني النهار كشف والشمس طلعت لا قمنا نشوف الطيارات العراقية فوق الحديقة مالتنا بطنها علم العراقي فقلت أوف... الجماعة يعني دشوا. موجودين. و احنا أكـ... هم كانوا يايين directly على دسمان يعني... غير انه راحوا ذاك الاتجاهات. في قوة كانت خاصة ياية على دسمان. آآ... صار تنسيق مع عيالي، قعدناهم من النوم، و ركبنا السيارة ووديناهم الجابرية ويا نورما وبديت أنا نشوف الشوارع انترست القوات العراقية على نقاط تفتيش متنوعة وإلى آخره.

-كان في نقاط تفتيش في الشوارع؟

-مومو تفتيش، بدوا بدوا بدوا يتواجدون.

-سيطرة يعني.

-نقاط سيطرة. بعدهم التفتيش ما بدا بس تشوفين وجودهم بدا يظهر بالشارع ووو ومدرعاتهم تاخذ مواقع معينة على أهبة مقاطع الطرق وإلى آخره، طبعا اجراء وعسكري. واضح انه كل ما ياخذ الأرض يسوي عليها نقاط تثبيت. وياخذ مكانه وياخذ عليه نقاط تثبيت. و بدا الجو ال الاجتماعي والبيئي أو النفسي يصير آآ... متوتر في كل مكان وفوضى الشوارع والناس اللي... وبديت أنا اتحرك ما بين ال الجابرية وال اني اودي أأمن الأسرة وبعدين المجمع الأجانب قام يخافون لأنه مجمعنا فيه تقريباً... اقدر أقول يمكن آآ... مو نصه، تقريباً أقل من نصه فيه أجانب وفيه كويتيين، قلة من أصدقاءنا، الله يرحمة كان فهد الشايع موجود، عبداللطيف... لطفي الملا كان موجود، ما أدري ذاك الوقت الشيخ حمد كان موجود، حمد الناصر حمد الشيخ صباح الأحمد، عنده والملكالمجمع ملك شيوخ عيال صباح الناصر. أنا عملت مستشار لهم. كنت في بعض مشاريعهم. وبدأت فوضى تصير والكل يعني بدا بهدوء آآ... ياخذ آآ... يأمن حياته بطريقة ما... أو يلقى... يلقى مصدر ولأن احنا في منطقة مربع، مربع دسمان. انت تتكلمين عن بنيد القار وو وجمعية المهندسين والمحامين وبعدين يي مربع دسمان على طول يمنا. فالمنطقة كانت وايد متفخخة بال بالحضور العراقي. بدينا... لأ... نترك، ندش صوب ال أهالينا بالمدن الأخرى لأن هم هذي منطقة الـ... قصر الحكم حوالينا، وكان يوم صعب... كان فعلاً يوم صعب يعني.

-و انتقلتوا بنفس اليوم للجابرية؟

-إي... أنا خذيت آآ...نورما وحامل في الشهر السابع بأمارة آآ... وبعدين... آآآآ... رحت أمنتها ببيت الوالد

04:14:42 - الخطر الواقع على الغرب والأجانب في الكويت أثناء الغزو

Play segment

Partial Transcript: وبديت أفكر. أوف، الحين هذا معادي لأمريكا راح يدو يدورون آآ... بطايق اللي يمرون علينا زوجتي تحمل الـ... لأنهم كانوا يخمون القصة بالراديو ان الأجانب وما الأجانب والأمريكان والإنجليز، وكذا كذا، الدعايات اللي تطلع والناس قامت تلزق بالراديو تسمع يومياً. فـ... اشلون نتصرف باللي... وكلنا الكويتيين اللي زوجاتهم اجنبيات سواءً آآ... أسبان أو أمريكان أو طليان أو فرنسيات أو أو إلى آخره. قمنا نتواصل ان اشلون نبتدي نجهز لأن نساءنا يأخذون تواصلهم مع السفارة الأمريكية كانت تتواصل مع رعاياها من قبل وتعطيهم اذا كان في خطر ولا ما خطر وكانوا يقولون انه على أهبة وكلهم على أهبة وإلى آخره. آآ... احنا مو متفاجئين ان... إن في أزمة صارت بس تفاجأنا ان غزو صار احنا كنا متـ... مو متفاجئين ان في أزمة. احنا عش عشنا مرحلة الحرب العراقية الإيرانية. آآ... وو... كنا حتى أيام التدريبات وقبلها، أخوي كان يشـ... يقول بوبيان يشوف الصواريخ تطير من مكانين، فتعودنا وصار عندنا نوع من التعود مع التعايش مع... اضطر الاضطرابات الموجودة بشمال حدودنا. وتعودنا على اضطراب... احنا جيل انا... الحين فتحتي الموضوع. صديق لي يقول لي مرة يقول لي فريد احنا انولدنا جيل حرب قلتلة إيه، قالي احنا مواليد 57 وقبلنا اللي بعشر سنين أكبر اصدقاءنا، مازال عندنا اصدقاءmentorsاكبر منا بعشر سنين. انولدوا 48 - 47. يعني من سالفة فلسطين وانت نازل فقلت حق بدر صديقي: قلت له لا، اذا بتطالع جذي حى أبهاتنا جيل حرب لأنه من 1900 ، أوائل الـ1900 الى اليوم منطقتنا كلها في حالة حرب. زين انه زين انه مجتمعاتنا تبني وتتزوج وتحتفل وتسافر وتستثمر بس احنا قاعد نعيش حالة حرب 100 سنة. تهدى هني تفتح مناك تهدى هني تفتح مناك تهدى هني تف... يعني اقليمنا كله الوطن العربي والإسلامي الدائرة الأبعد صار له مرتاح 100 سنة من بعد الحرب العالمية الثانية... أو حتى الأولى... من الأولى، actually . ما استقر. يعني زين ان فعلا قاعدين نبني عمارات ونسوي مدارس ونحتفل ونزرع وناكل ونتاجر بس واحنا نتغشمر، نقول اللبنانيين، أهل يعني وناسة، يسوون مظاهــ... اليوم هالأيام عندهم مظاهرات. احنا... لبنان مصغر للعالم العربي واحنا مكبر للبنان يعني كل ابونا بالنهاية آآ... رغم تواجد حالة عدم الاستقرار والحرب في منطقتنا العامة كلها، الا ان احنا مجتمع قاعد يحتفل ويزوجون عيالنا ونزوج عيالهم وحفلة عيد ميلاد وفتحنا شركة واستث استثمرنا بالمكان الفلاني وقصينا شريط بالمكان الفلاني... أسسنا المدرسة الفلانية بس يعني آآ... برافو علينا ان احنا في هالحالة وقاعد نعيش ونشتغل.

-آآ...ذكرت في الغزو انه كان في آآ... تواصل بين العوائل المتزوجة من أجنبيات.

-اي اي اي.

-هل صارت لك شخصياً أو سمعت بقصة اا مثلا اشلون تصرفوا مع هالوضع؟

-آآ...

-أو أحد كان عنده مواجهة مع الجنود العراقيين؟

-ما... ماعندي قصص من هالنوع لكن أعرف أن اا السفارة قامت تعطي اشعارات لبعض رعاياها النساء، هم عندهم مثل نظام، مثلا انا زوجتي تنتمي للي يسمونهم...

-نادي مثلاً؟

American Woman’s League- ولهم مسئولات. فالمسئولات تتصل في لستة الـ..American Woman’s League تقول لهم ترى اا إتخذوا الاجراءات الس الأمنية هذي، نسقوا مع فلانة اذا تبون شي، السفارة بصدد ااا ترتيب خروجكم آمن، ويبدوا ان السفارات الأخرى سواء اليابانية أو البريطانية أو الفرنسية عندهم نفس المنظومة هذي. يقولون حق نساءهم اللي حملة الـ... الـ... الهوية ال من بلادهم ومتزوجين امريك كويتيين أو حتى كويتيات متزوجين أجانب، هذي الظاهرة موجودة، انه شلون نطلعكم ونطلع عيالكم فـ we were toured into that وكان همنا انه ما ينصادون نساءنا أو أزواج الكويتيات وبعدين يقول له انت أجنبي انت خائن يودونه مدرسة ويرمونه مثلا أو... أو... يفاوضون عليه أو يبيعون ويشترون فيه، موقف بلده هذا واضح. طبعاً هم سووا بالكويتيين. ما يهمهم يسوون وسووا في مواطنيهم يعني انه ما بي ما احب اقول العراق كثر ما أقول نظام صدام. تاجر في شعبه سواء الأكراد أو الأقليات الأخرى العرقية، الآشوريين وغيرهم

04:19:35 - الأوضاع العامة والسرقات في مناطق الكويت أثناء الغزو

Play segment

Partial Transcript: المسيحيين العراقيين الأقليات ال والتركمان و... و... و... وإلى آخره الى أن انتهى الشيعة ثم السنة يعني خلاص اللي مو معاي أنا أسحك عليه فإحنا تحصيل حاصل، الكويتيين تحصيل حاصل.

-وانتوا كنتوا في الجابرية؟
-اي.

-اا تقدر توصف لي المنطقة الوضع اشلون كان فيها؟

-هم الجابرية كانت متوترة، بس يبدو ان ضواحي الديرة كانت أقل توتر من قلب المدينة يعني احنا كنا على حفة قلب المدينة الـ... طبعا اهمه ال... ما قمنا نشوف لأن ما نبي نفتر كل المحاور التجارية اللي في البلد سواء فهد السالم، أحمد الجابر، السالمية، الفحيحيل، الفروانية، الأخبار وصلت ان قاموا يكسرون الدكاكين وتصير سرقات فإنتي المناطق اللي فيها تجارة، التاجر لما يطلع بضاعته ولا يخشها بمكان ولا ييون يتلون الباب بالليل ويستولون على آآ... سرقات. يعني ظواهر السرقات صارت... وبعدين قمنا نسمع بسرقة سرقة القصور يعني مثلا قصور ال الشيوخ الكبار اللي رموز مو الشيوخ العاديين اللي عندهم فلل بين الأوادم، لأ وقاموا يدورون بيت فاخر، قصر فاخر يلا، حلالي. قمنا نسمع ال الشناعات هذي والقصص سواء هي متاجر، أو مخازن بضائع أو جمعيات ال اخترعت الناس. هبت قامت تروح تركض الجمعيات تشتري أكل وتخزن أكل. الظواهر هذي كانت الهلع والخوف.

-شلون كنتوا تاخذون الحاجات اليومية يعني من الجمعيات، كانت متوفرة ولا؟

04:21:03 - تعاون الناس في الحصول على الحاجات اليومية والأكل

Play segment

Partial Transcript: احنا... يعني...ممم... احنا والدي ماكان... والدي كان شوية يعني عنده إيمانيات كان يروح طبيعي بعدين كان عندنا بعض... عندنا موظفين متنوعين الجنسيات كان عندنا موظفين عرب وعندنا موظف كبير فلسطيني شايب وعندنا موظفين ا أهوازية عرب إيرانيين وإلى آخره فكانوا يييبون لنا اشياء لأن هاذول يتعاملون مع مختلف يتعاملون هنود مثلا عندنا كان عندنا سيك مأجرين عندنا، فالناس هاذول قاموا يتعاونون معانا اللي صارلهم 40 – 30 سنة مأجرين أو يشتغلون عندنا، اا فكانت الوسائل هذي وبعدين الأهالي، هم الجيران كانوا يتعاونون يعني الكويتيين اذا راح جابله شي، طق له ذبيحة طق الباب جان يقول ترى هاي أنا عندي ذبيحة وانت خذ لك ذبيحة أو انا يبت لي ذبيحة خذ نص ذبيحة، هذي ظواهر كانت جميلة. ان اهلنا وجيرانا بالكويت انقلبوا الى حميمية جميلة جدا، في ظواهر طلعت وايد زينة والله رحنا الجمعية يبنا لنا ما ادري شنو طق عليك الباب وقط لك ما ادري شنو رحنا ماندري منو... ويبنا... هذا قام وقمنا إذا سوي. نطق الباصات. يعني جزء منهم على قولتهم الله خيرالناس اللي كانوا عندنا، يشتغلون معانا وعندنا ومأجرين عندنا كانوا يسوون الحركة وجزء، لا جيرانا. جيرانا قام يقطون لنا ونعطيهم وكذا وكذا. بدت بدى سلوكيات جميلة وإيجابية رغم هذا الضغط أو الهلع يتنقصون لك، مسوييين شي مدري شنو، رحنا المخبز وخذينا لنا هالكثر مادري كيس يلا وزعوه على الييران مثلاً.

-و منو كان يشتغل في مثلا مخابز وال....؟

-بدوا شباب كويتيين يتطوعون وبدوا بنات كويتيين يتطوعون ب بأشكال مختلفة عجيبة وجميلة بنفس الوقت موضوع الطبابة. المستشفيات خلت المستشفيات وايد ناس طبعا فلبينيين تركوا خافوا واحنا عندنا بعض الخدام تركوا خافوا او قلنا لكم الاختيار تقعدون ولاتروحون؟

-شلون اطلعوا من الكويت؟ عن طريق الـ..؟

-سفاراتهم، يعني الموظفين بعض العمال والموظفين آسيويين بشكل عام راحوا سفاراتهم وسفاراتهم تواصلت معاهم وخيروهم، إحنا خيرناهم تقعدون تقعدون تروحون تروحون، بعضهم قعد بعضهم راح. ااكان عندنا س سيلانيين وسواق وإلى آخره، اللي راح راح واللي قعد قعد بس فجأة لمن الكويت ااا وكذلك يعني الناس خافوا حتى لو اخواننا، مصريين عرب ولا غيره ي قد يختار يقعد وقد يختار يطلع. الفلسطينيين خذوا موا مواقف مختلفة منهم معانا ومنهم علينا. مع صدام آآ... بعدين فجأة لما صار هذا الفراغ انبروا بنات وأولاد كويتيين متطوعين في كال المجالات وهذا كان شي جميل جدا نرفع لهم القبعة بما فيهم المقاومين والاستشهاديين الكويتيين والكويتيات اللي سمعنا عنهم وو وبعضهم ما سمعنا عنهم لكن طلعت المدونات حطت صورهم وأساميهم بنات وأولاد. هاذول طا راحوا القمة يعني المخاطرة بالنفس وإلى آخره. لأ. أكو كان طبقات اخرى. بالطبابة بالبنا بالصيانة بالكهربا، انبروا بكل مكان يعني بنت ممكن تكون إدارية في وزارة الكهربا نطت على الطوارئ مثلاً مع ربعها.

-شلون كان أوضاع المستشفيات؟ هل زرت المستشفيات؟

04:24:10 - أوضاع المستشفيات أثناء الغزو

Play segment

Partial Transcript: آآآ... أنا ما زرت المستشفيات العامة، زرت المستشفى الخاص مال مستشفى هادي فيالجابرية لأنه كنا descrete ، العسكر العراقيين دشوا مستشفياتنا فل فكان أكو فحص ضروري أسويه حق أم أم العيال فرحنا مستشفى هادي وعندنا صد دكتور صديق من بيت أبولغد مشهور بعدين ترك، وزورنا لها... بدينا بدينا شغل التزوير.

-كلمني عن هالشغلة.

-إي، الكويتيين قاموا يسوون شغلات تزوير طبعاً، ااا موظفين من الداخلية ومن ومن جهات حكومية مختلفة خذوا مكاينهم معاهم وقام يصدرون بطاقات مزورة، سواقة سيارة يعني مثلا نورما سويناها عربية لبنانية أو أرمنية ما أتذكر، بس سوينا لها False Identity لبسناها عباة ع اساس انها يعني كويتية، أو... هي مو كويتية يعني عربية بس انه لو يطالع الـ Identity. قاعدة بعباة لبنانية أو شي من هذا النوع.

-انها ما تبين.

-ما تبين، وبدت اا هويات كويتيين يصيرون مو كويتيين ع أساس اذا حاجوه هو أجنبي وإلى آخره. وهذا هم سويناه أنا بعدين لما ان طلعت مع صديقي عقب ما طلعناهم فراحت إلى... آ... رحنا إلى... وجودهم في المستشفيات الخاصة أقل من وجودهم في المستشفيات العامة لأن المستشفيات العامة أكبر، يعني مبارك،الصباح والمستشفيات الو العودة وجود الحضور العراقي كان واضح. عسكرهم بالخاصة قليل عند الباب بره بس ماكو داخل هناك كان عندهم تواجد أكثر.

-ومنو ال الدكاترة أو الطاقم الطبي؟

-اللي بقى، اللي بقى بعضهم، تعال، شنو قالوا تشتغلون تاخذون معاش ما تاخذون معاش وايد صار لبشة، غيروا العملة. العملة الكويتية للعملة العراقية، لياسن السيارات الكويتية وبعدين الكويتيين عاندوا ماحطوا... يعني وايد مقاومة صارت رمزية ونفسية

-فالناس ما كانت تروح الدوامات؟

-لأ، اللي يروح، لأ اللي قام يروحون...

-كويتيين...

-اللي قام يروحون، اللي قام يروحون من باب المسؤولية ان ما توقف الكهربا. ما يوقف الماي، يعنى الله خير راحوا ع أساس انه مو موضوع ان والله دوام معاش. دروا ان إذا ماراحوا البلد راح توقف هم يعرفون.

-بس مثلا المدارس والوزارات؟

-لا لا، ايش مدارس؟ أي مدارس؟ هم قام يقولون تعالوا مدارس وتعالوا سبوا نظامكم، ما حد راح. طنشوا الدنيا كلها بس اللي قام يروحون طاقم، طاقم ااا أو طواقم ال الكهربا والماي والطبابة، كويتيين وغير كويتيين اللي كانوا يحبون الكويت لا هذول... لا وبعضهم قاموا يروحون معاهم... أنا أعرف من أقارب لي وأصدقاءهم شباب صغار وبنات قاموا يسوقون الاسعاف. هو مو سايق اسعاف. هو متخ متخرج مهندس وهذه متخرجة مثلا شئون مالية. لا لا لا، دشوا في... دشوا في موضوع الاسعاف الضحايا والمقتولين والمقاومين وانترست الكوريدورات بكويتيين من أشكال وأنواع متنوعة. خلاص، هم ربعنا شنو راحوا قلبوا المد...آآ... مداد المال ال... مو بس المال، المال هذا هم كان له operation ثاني هذا operation سياسي ومقاومة، كانوا يدورون أموال بعد، يعني الكويتيين نفسهم كانت هذي جزء من المقاومة يعني على مستوى آخر هذا وايد sophisticated بس أنا أتكلم عن المستوى العادي، ان لا والله المياه والكهربا ظلت ماشية سبحان الله كويتيين ومقاومين قلبوا هذا وبعدين عندج الأكل ومياه الشرب مثلا، هذي لأ هذي هم جذي قعدوا عليها طاقم عود من الكويتيين سواء الخبز ولا التمو ال ال الغذاء وإلى آخره وبعدين قامت تنشل، تنتهي المخازن، وفي م... مخازن تجار انفتحت قامت تروح حق ال... نقاط التوزيع، التجار قام يوزعون.

-ببلاش للـ... آ...

-إي ببلاش، ماكو يعني أو اخذ بسعر الجملة بس خلصني من البضاعة وبعدين انت اتصرف يعني اللي يعطونه بلاش اللي يعطونه بسعر التراب روح اخذ وإلى آخره بين ان ما اللى سبعتشهر، احنا ما قعدنا الـ... أنا ما قعدت سبعتشهر، أنا قعدت شهرين إلا شوية ع اساس اني الحق على ولادة أمارة وبعدين عرفت ان الموضوع ااا اذا قعدنا راح ياخدونا أنا كتدريب بالجيش سابقا أعرف انه احنا صرنا رهائن، الشباب من عمر معين لعمر معين يا يقتلونا يا... يصفونا فقلت حق الوالد بعدين، قلتله يوبا احنا لازم نطلع نلتحق بقواتنا ونلحق على أهالينا بس احنا اذا قعدنا بيتركون الكبار بيتركون الهذا بييون على سن معين من الذكور والإناث ي يصفونهم اذا قدروا، لأن صفوا بشمال العراق الأكراد وصفوا أماكن اخرى فبالنسبة لهم اذا بيسيحون البلد يقضون على الجيل المنتج النساء والأولاد يشتتونهم أو يقتلونهم والباقي ينتهي عمره الجبير والصغير صغير ينغسل دماغه يعني طفل صغير ينغسل دماغه بس من عمر معين راح ييون عليهم يا يصفونهم يا يقتلونهم يعني أو يشردونهم. فعوداً إلى... آآ... كان في على مستويات اخرى عرفنا عنها انها م مقاومة سياسية وعسكرية كانت تدور أموال وأسلحة، هذا كان نوع ثاني بس أنا اتكلم عن الخدمات اليومية للناس ما انقطعت يعني لفترة طويييييلة.

-قبل لا ننتقل حق الخروج من الكويت آآ... تكلمت عن نقاط السيطرة، هل كانت لك مواقف مثلاً؟ وقفوك ال الجنود العراقيين؟

-إي، هذا عادي. هذا بالكويت عادي.

-تذكر شي صار لك؟

-لأ. مو بالكويت. بره الكويت صار لي. لما ان يينا نطلع...

-متى آآ...

-صارت نقاط حرجة.

04:29:35 - محاولة خروج زوجته الحامل (والزوجات الأجانب) وأولاده من الكويت عن طريق السفارة الكندية في بغداد

Play segment

Partial Transcript: -متى كنتوا بتطلعون من الكويت؟

-احنا اللي حصل لا مو... عودا الى مجموعتنا اللي احنا ماخدين الأجنبيات بغينا نطلعهم، عندي صديق بالجامعة اسمه دكتور مالك هم زوجته من نفس بلد زوجتي بورتريكيةمحامية، انا زوجتي معمارية وهو زوجته محامية وكانوا اثنينهم حمل في نفس الوقت وبينا زمالة، يعني زمالة وصداقة وزوجاتنا من نفس البلد فكان بيني وبينه تنسيق ان الطيارة الأمريكان اشلون يطلعونهم جيسيجاكسونياومحمد على كلاي الى أن وصلوا مرحلة انه اسمحوا لزوجات الكويتيين الأمريكان يطلعون بمجموعة عن طريق السفارة الكندية.

-بالطيارة؟

-يطلعون... إي إي يطلعون مرحلة يت يتجمعون في السفارة الكندية، من السفارة الكندية يروحون لبغداد وبعدين يطلعون، واحنا كنا لازقين على الراديو على مدار الساعة نسمع ال شقاعد يصير وطبعاً ال المسئولات في الحركة النسائية الأمريكية اللي بالكويت اللي هم American Woman’s League ي يسوون تنسيق لأنه حتى ما تثق لما ان يقولك، لازم يكون منهم هم. إي، روحوا النقطة الفلانية التجمع مالكم طبعاً كانت لحظات جداً حزينة ومتعبة انه زوجتك وهي بطنها شكبره وعيالك اصغار اثنين تودعهم بيروحون بغداد يعني تدخلهم بالغار مره ثانية وانت على قلبك، لا... بس يعني... تطمينات و... ووصلنا كويتيين كل ابونا نشوف انه احنا كل ابونا نعرف بعضنا المجموعة عند الباصات قاعد نودع أطفالنا ونسائنا عند الباص عشان.

-فقط النساء والأطفال؟

-بس. قاعد نودع نسائنا وأطفالنا عند الباص يروح السفارة الكندية عشان يطيرونهم من المطار يودونهم بغداد واتو اتفقنا... يعني تشوفين بجي وعالم قاعد تودع مع أطفالها وبابا وبابا وماما وماما وإلى آخره علوية بنتي. منظر... يعني منظر. أصدقاء لنا كثار آآ... اركبوا وتوكلنا على الله وايدنا على قلوبنا وقمنا ندعيلهم انشالله يوصلون وأذونا لازقة بالتليفون. وصلوا بغداد وبعدين اا زوجتي تقول لي، أم أمين، تقول لي سووا دقة لما وصلنا كل ابونا قالوا لا ما يطلعون هاذول. يطلعون بدون عيالهم لأن عيالهم رعايا عراقيين. سووا مسرحية ثانية. واليهال يتحجون يسبون آآ...

-في بغداد هذا؟

-إي، العيال يتحجون عربي وانجليزي يتحلطمون على صدام وغزو الكويت فالامهات كلهم هش سكتوا لا تتحجون... كذا كذا، اليهال يسولفون مع بعض، ما يعرفون سياسة. وشنو صار؟ صدام دخل الكويت واحنا وين؟ في بغداد وهذول قاعد واليهال قاعد يتحجون مع بعض فالامهات قاموا يضمون عيالهم ويقولون لهم لاتتحجون احنا ترى في بغداد انتبهوا فااا ردت السفارة الأمريكية والكندية لا احنا ما قلنا جدي يطلعون مع عيالهم قالوا هذا اسمه "أمين فريد عبدال" وهذا اسمه "جاسم علي العلي" هذيك اسمها "ريمكذاالعلي" لا لا لا لا رعايا عراقيين هاذول كويتيين رعايا عراقيين لا لا لا ما يطلعون سووا لهم دقة مو أساميهم بجوزاتهم فردوا السفراء قالوا لا لا احنا اتفقنا ان يطلعون الامهات مع عيالهم وقعدوا 8 ساعات زيادة أو كذا ساعة زيادة عشان اي واحنا على أعصابنا كل ابونا والنساء كلها على أعصابهم ان مو معقول يفرقونهم، ياي بيفرقهم يعني وبيسوي Dealهو بيسوي Dealمع الأمريكان و بيسوي Dealمع الفرنسيين و بيسوي Dealو... غرور، غرور شخصي اني أنا عظيم فعظموني وكلموني و إلى آخره لا بقضب عيالهم هذول كلهم أساميهم عربية وعيال عرب واذا هم عيال كويتيين فهم رعايا عراقيين الآن وهكذا انتوا سارقينهم. تقول لهم يعني... وزميلتها محامية المحامية ماريا لويزا زوجة الدكتور مالك نفس الشي يقول لها "صبروا" هذا قاعد يلعب، قاعد يتفاوض الآن قعدوهم كذا ساعة زيادة وبعدين طلعوهم مع عيالنا وصلوا الأردن وبعدين طاروا اعتقد North Carolina أتوقع ذاكرتي الآن. لما درينا انهم وصلوا عمان إحنا ارتحنا. كل ابونا قمنا نخابر بعض نـ... هذا... سمعت الخبر؟ ايه وصلوا عمان أشوه لأن عمان قاعدة بدور شوية بين بين وقاعدة تلعب بالنص بس عرفنا ان عمان أمان بالنسبة لبغداد وبعدين طاروا North Carolina وهذي المرحلة اللي كانت الـ... آآ... خروجهم،بعدين احنا بدأنا المجاميع الاخرى آآ... حتى أعتقد الدكتور مالك كان قبلي دفعة بالجيش قبل، نعرف يعني... إي وكان مستشار حتى أمن الرادار هو أنا سلاح الهندسة، هذاك مستشار في الأمن بالرادار لأنه Electrical Engineer فقعدنا مع بعض لان احنا نعتبر هم ضباط احتياط. تعال شبيسوون؟ قلت له والله ماكو راح يجون يقضبونا احنا كل أعمارنا بو 18 – 16 اللي حتى مو رايح الجيش الى 45 – 50 هاذول اللي عندهم امكانيات رجال ونساء يـ... يصفونا أو يسوون فينا شي يعني مو مو راح يهدونا لا لأن الكبار يقولك هذول بيموتون والصغار هذول نغسل دماغهم بيصيرون عراقيين إذا بيقعدون بيقعدون في البلد يعني. فإحنا من الأولى ان نخا، نطلع و... نشوف عمرنا هناك نلتحق ب بقواتنا أو منظوماتنا الكويتية اللي بره في مقاومة أشكال أشكال المقاومة المتعددة المالية والثقافية والعسكرية والسياسية إلخ إلخ. نكتب اللي هو بس لازم نطلع لأن... عاد رحت حق ابوي، أبوي ما كان يبي يطلع قلت له يوبا ترى جذي جذي. قلت له أنا أنصح يوبا ان حتى اخواني اللي اللي بعمري ما يقعدون يروحون للسعودية، يروحون أي مكان الإمارات وبعدين نشوف لنا طريقة نرتب لأن ونسوي لنا غرفة إذا عندكم أشياء ثمينة غرفة مثل وايد كويتيين سووها، السرداب غرفة صكوها سميت حتى ما فيها باب. يحطون فيها ثمائنهم ويسكرونها. أنا عندي أخو معوق بغوا ياخدونه... بعدين سمعت، انه أخو معوق بغوا ياخذونه أسير. أبوي طلع لهم قالهم هذا معوق شنو اسير؟ معوق هذا معوق شنو أسير؟ يعني أأ... القصد انه اا قال لي يوبا يوبا اللي تشوفه، أنا أنا ماني طالع وبعض اخوانك مو طالعين، قلت لهم أنا أنصحكم ترى... حتى يوبا انت اطلع قال لا لا أنا ما أطلع. احنا قاعدين. قلت له يوبا اعذروني، أنا أعتقد ان راحهذا يصير، ووو ارجع لكم انشالله اذا الله كاتب لنا الـ... هذا، فخططنا أنا ومالك، الدكتور مالك انه نطلع كل واحد معاه رفيج أو رفيجين.

04:35:55 - محاولات خروجه مع صديقه من الكويت

Play segment

Partial Transcript: -عن طريق البر؟

-إي. طلعنا مرتين صادونا عند الفحيحيل والأحمدي، وردونا لان الكويتيين طلعوا قبل، اللي طلعوا من الجنوب طلعوا وايد.

-ممكن بس توصف لي يعني حتى التفاصيل شنو السيارة اللي اخترتوها؟ شنو أخذتوا معاكم؟

- إي. اول نوبه انا ومالك طلعنا بسيارتهم عادي اعتقد شفر جيب ما أدري شنو طلعنا مع بعض و...

-شنو اخذتوا معاكم مثلا؟

-أول مرة كنا على باب الله مو دارسين الموضوع صح. كان يقولون بعض مخليين الكويتيين يروحون صوب السعودية. طبعاً الفوج الأول طلع بالأسبوع الأول، هذا اللي قب بسرعة من اول، بعض الشخصيات السياسية اللي طلعوا بسرعة طلعوهم، هذول... وفي وراهم جوقة كاملة طلعت وراهم لأن هاذول لولو ينصادون لحظتها ينذبحون فكانوا يخلون الطريق الجنوبي مفتوح On and Off، On and Off، On and Off، مرات يفجونه ومرات ما يفجونه لكن الفوج الأول طلع كميات كبيرة، فلوا. راحوا الإمارات، راحوا السعودية، راحوا البحرين إلى آخره بالسيارات. فإحنا رحنا...آآ...و ب بهوياتنا آآ... ككويتيين بنروح مثل ما طلعت الناس ولا هوب لأ الطريق مصكوك خلاص ماكو...

-هذا كان أي شهر تقريباً؟ آسفة.

-هذا يمكن... الغزو 8-2 ... احنا نتكلم عن آآ...

-أكتوبر؟

-أوائل 9. عقب ما طلعوا، انا ما أتذكر بالظبط. هم فوراً عقب ما طلعوا نسائنا هم بطريق السفارة الكندية بدينا انخطط اننا نطلع احنا وراهم فبحروة أيام أو اسبوع بعد طلعتهم يعني ممكن نعرف الطلعة مالتهم بتاريخ ان الكنديين شلون طلعوا ال هاي لها تاريخ معروف We could research wise , find out. احنا بخلال اسبوع من وراها بدينا نبي نخلص نطلع فسوينا محاولتين جنوباً، لا شفنا السالفة مسكرة، ما في طلعة كويتيين صوب السعودية بعد، انك تطلع السعودية...

-شلون كان الوضع مثلا عالحدود؟

-في نقطة معينة وين رايحين؟ والله بنروح اا بنيدر. شعندكم ببنيدر؟ والله ب بنروح نبي نعبر بالسعودية. لا لا. شنو؟ مافي سعودية خلاص سكرنا ما في ما في طلعة رد، رد، رد، رد. ما في سعودية. احنا كويتيين بنطلع بنروح السعودية. لأ ما في رده. مرتين قلنا لأ ما في أمل هالصوب. سوينا خطة ثانية. عندنا آآ... أصدقاء وعندنا معارف وهم أقارب آآ... من أهل المحمرة بالأهواز يعني احنا احنا عندنا ريال مدير مأجر قراج عندنا بالشويخ من الأهواز احنا ل يعني... آآ بقول لج شي يعني... لأنه تاريخ ما يهم هذا ضروري نثبته احنا بالكويت عندنا وايد إنكار لعلاقتنا حتى العرقية والقبلية مع العراقيين وال أهل المحمرة. إنكار شديد، كل كل ابونا ما بنطالع هالباب، احنا بيتنا ما عندنا هالشي. ااا لنا أصول مو مو قريبة بعيدة وأقارب بالعراق وعندنا أصول وأقارب بالمحمرة وايدين بما فيهم من بيت الشيخ خزعل نسابتنا وأقاربنا فكان عندنا واحد من أقاربنا ياسر خزعل طالعين، عندهم طرادهم، طالعين من الكويت لأن عماتهم وخالاتهم كويتيات واحنا أقاربهم. يعني مثلاً بيت الرفاعي، بيت النقيب، عدي وعدي وروحي بعد بيت الغربللي كل ابونا، حتى شيوخنا عندهم نسابه وقرابة بالمحمرة بزبير وبالبصرة وبالفاو وأراضي بوالخصيب زين؟ فإحنا عندنا connections هناك وعندنا طبعاً هم نسابة بإيران، و... إيران إيران وإيران المحمرة اللي هي إيران العربية أو الخوزستان. فقلت حق مالك تعال خل نظبط...آآ مالك يدته إيرانية من أصفهان. انا جدتي هم تركمانية من أول بس ما عندنا اتصال فيهم، هذاك هو عنده اتصال بس اهنا اهلنا هل بيت عبدال موجودين بالمحمرة وبال وبالكوفة وبالعمارة موجود عندنا يعني بالقبلية عشائرياً أسامي عوايل نعرف بعض مثل ما بيت النقيب مثل ما بيت البدر مثل ما إلى آخره. جان نلقى لهذا اللي مأجر عندنا عندهم حريم بيطلعون من الكويت لانهم... يشتغلون بالكويت

04:39:50 - تزوير الهويات في الغزو

Play segment

Partial Transcript: جان نضبط أسامينا مع أساميهم. الحين شلنا احنا هوياتنا ككويتيين، حطينا أسامي أهوازية مطابقة لهذول جنا عيال عمهم احنا. مواليد الكويت. خوش خطة. زورنا البطايق المـ... خشينا جوازاتنا وسوينا بطايق ومدنية محروقة قلنا لهم سوينا بطايق شنو مالت هوية سواقة سيارة.

-وين كنتوا تزورون الـ؟

-واحد من الداخلية قاعد... هم يزورون حق الكويتيين كلهم اللي بيسوي له صرفة يسوي له صرفة.

-ويصوركم ويـ...

-مو يصورنا، نعطيه صورة ويركب لج ب بطاقة سيارة. اسمك إجازة سواقة...

-ليسن، إي.

-كويتية مية مية زين؟ هذاك اسمة سا، سالم، سالميان الكعبي جاي يطق اسامينا مع هذا و... و... وحتى الأهوازية لما ان صار عليهم سياسة التأرين قام يسمي سالميان، هو اسمه سالم ولا يحط زادة مع الاسم عشان يأرن روحه فدغملنا لنا الأسامي، ومرة عيوز قاعدة معانا جان تصير هاي خالتنا، أنا ومالك واحنا قرابة أنا ومالك مو نفس العائلة بس احنا نتشابه الكويتيين حنطاويين وهذا، والبقت وطلعنا مع هذول أسرة الكعبيين

04:49:15 - قصة ونجاح خروجه مع صديقه ومواجهته مع جندي عراقي عند الحدود

Play segment

Partial Transcript: اللي احنا عندنا هم قرابة مع الخزاعل. خوش، ظبطنا السيارة وطلعنا مع العيوز ومالك أخذ منه زقاير وايد. خذا معاه باكيتات زقاير وايد، قال لي فريد لازم هالمرة نطلع ذيك الصوب ما مشى، هالمرة بنطلع واحنا desparate نبي نطلع يعني. خذا كام باكيت زقاير هذا اشفيه انا ما اعرف هالسوالف قالي لا الجيش العراقي طقه باكيت زقاير يمشيك. زين، والله باكيتات زقاير وبعدين ما... قلنا لا نمثل قال يعني شلون قلت له يعني انا ما اعرف ايراني، مالك يكسر قلنا يوبا... وأشكالنا قال لأ احنا... احنا أهوازية بس مواليد الكويت يعني نتحجى كويتي، يعني... زين؟ خوش. (يضحك) قعدنا مع هالمرة والريال الشايب وسايق ودشينا. دشينا البصرة. هوياتكم ما هوياتكم. هذا قليل. لما تروح هذاك الصوب ما يقولون شي بس لما تروح السعودية لأ بيسكرون عليك. خلونا ندش البصرة. الحين وين المحك اللي هذا؟ في نقطة عليها الأمم المتحدة نبي نوصلها علم الأزرق بعد البصرة تشوفين ان أكو نقط تفتيش وايد تتكثف وفي Zone اللي هو اللي لما وقفوا الحرب العراقية الإيرانية أكو Zone عليه علم الأمم المتحدة إحنا نبي نو... ندش ال Zone هذا ومنه ندش إيران عشان ناخذ طيارة من اي مكان ونروح اوربا أمريكا. نسبق هناك. احنا الحين قلبنا قاعد يراقع. احنا نبي نوصل لهذا العلم الأزرق مال الأمم المتحدة. المهم يينا على آخر نقطة جان يقضبنا ضابط يفر يفردنا أنا ومالك كل واحد صوب ورا الحشـ... ورا الزرع reeds طوال، عبرنا البصرة يايين على منطقة خرمشهر على الحدود العراقية الإيرانية بعد شط العرب جان يفردنا اثنينا. قلت أنا الحين فيها ذبح يعني يا ذابح يا مذبوح، جان يستجوبنا بروحنا منو عندك أقارب؟ جان أقول له بيت الكعبي فلان الفلاني، بعد منو؟ جان اقول له يصيرلي ولد ولد عمتي ياسر خزعل قال اسمه ياسر؟ قلت إي، قال شنو علامة انه مار علينا يصيرلك؟ قلت عندهم طراد.صج ماخذين طراد. طلع كلامي مطابق. جان يقول اشحقه اشحقه تحجي مو عراقي أو مو أهوازي؟ قلت له انا مواليد الكويت وهو يطالعني جنه يقول لي انا ادري انك انت جذاب. وانا قاعد أقول له انا أدري انك تدري. اللي بتسويه سويه. كان منظر غري غريب. منظر غريب. وكأنه يقول... آآ... انا أدري ان هذيa mess احنا في mess ان احنا وايد اقراب، احنا اخوان عرب وهذا بلدينا فيهم علاقة دم وهو يطالعني وانا اطالعة، جذي صارت لحظة صمت. جان يد... جان ينزل راسه، انا استانست انه نزل راسه، جان يقول اتوكلوا على الله امشوا امشوا يعني هو... أنا كنت أقول يا اذبحه يا... يعني يا يشغدني اشغده اسويها أنا ورا هالحشيش هذا الطويل. جان هو ينزل راسه جنه استحى من الفعل اللي سواه وسألني شحقه تتحجى كويتي شحقه يعني تتكلم ما؟ قلت له أنا مواليد الكويت يعني ما جذبت (يضحك) بهالمعنى ااا وفي مفارقات اخرى تاريخية بعدين راح تصيراقول لج عنها إذا ااا سمح الوقت بس كان آآ... وبعدين سألت مالك جان يقول لي نفس الشي قعد ي ي بس مالك بالطريق بالبصرة قعد هم يوزع ااا ز زقاير. يوم وصلنا الـzone اللي فيه العلم الأزرق مال الأمم المتحدة جنه الكرة الأرضية طاحت على ظهورنا. بدت قوات الأمم المتحدة عرفوا ان احنا يايين من ذاك الصوب وبعدين عبرنا على الجانب الإيراني اللي هي في نقطة اخرى. هني استقبلوناقلنا لا احنا كويتيين. وين جوازاتكم؟ هاي جوازاتنا.

-وهل كان آآ... يعني وايد اشخاص يسوون هالرحلة؟

-إي مو وايد كثر الـ... ال... موكثر الفوج الأول اللي طلع صوب السعودية، كانوا فوج... وكنا نعتقد ان مخلطين نفس طريقتنا ان أكو كويتيين قاعدين يزرقون مع جاليات متنوعة وأخرى وإلى آخره بس احنا ظبطت معانا. وقعدنا قعدنا بالأهواز جم يوم هناك.

-وقلت معاكم جوازات كويتية.

-إيه، احنا خاشينها.

-ماكنتم خايفين انه يلاقونها؟

-طبعاً. اذا فتشونا رحنا فيها. جوازاتنا ماخذينها عشان نسافر. اشلون؟ لازم نطلع بجوازاتنا، بس احنا ما يسأل هويتك... ها... يقول لك مثلاً وين جوازك؟ تقول له جوازي انحرق في ال القصة اللي جاوبناها انحرق في الجوازات، مبنى الجوازات. البطاقة المدنية والجواز احترق بمبنى الجوازات ما قدرنا نحصله، احنا قاعد نسوي تجديد معاملة وما عندنا إلا هاذي هم يدرون ترى، اهمه يدرون واحنا ندري ان هذا كله تلفيق. كل الموضوع اللي صار كله تلفيق بتلفيق على مستويات مختلفة نعرف. بس هو كان شنو؟ حتى العسكري العراقي تشعرين ان، غيرالحمقى، أكو عسكر حمقى لؤما نوعية الجلب اللي يقول له سو سو. وفي بالنهاية مواطن عربي يدري ان احنا عيال عمهم عبر الشارع سواء هو عراقي، يعني انتي...أقول حق طلابنا انت الحين تخيل إذا واحد مثلا قبيلي، حتى لو قبيلي عراقي، تخيل شنقول شنو يعني. عنزي ولا ظفيري ولا شمري عراقي. ممكن هذا قبيلي يرفع الرشاش على عنزي وظفيري عراقي، كويتي أو كويتي قبيلي؟ وكذلك الحضري إذا هومن عيال البدر ولا من عيال النقيب من ذاك الصوب ولا من هالصوب، قصة اهي،ولا عبدال من هناك ولا عبدال من هني قاعد يشيل عليه مسدس مثلاُ؟ ولا بيت الحكيم وبيت الحكيم بالكويتيين؟ أو العلي والعلي مثلاً؟ مسرحية مـثل كوريا الشمالية وكوريا الجنوبية، اليمن الجنوبي واليمن الشمالي هذا ولد عمتك وهذا ولد خالك، انت، طقينا في بعض الحين فالربشة هذي كانت مزعجة بنفس... مزعجة لنا ككويتيين ومز مزعجة للمواطن العراقي اللي ما تربى على هذا. من نشأته من آباءه وأجداده، احنا عيال عم واحنا جو دول جوار عربية واحنا لنا نسابة ولنا قرابة ولنا تجارة ولنا زيجات وعماتك وخالاتك وإلى آخره. الزبيري مثلا كذلك نفس الشي يعني، شبتقط، وين تكحلها انت؟

-طيب وصلتوا إيران.

-دشينا إي. دشينا المحمرة عـ...على طريق نقطة إيرانية، سألونا هاي جوازاتنا زين اختمولنا كذا كذا آآ... يعني وكانوا... مو مرحبين بس كانوا يستجوبون يسألون أسئلة يعني انت تمر على استجواب. انت من أي منطقة؟ انت من وين؟ ما، هم ما يبون ان عراقي يدش عندهم بعد. ظابط عراقي استخبارات ياخذ جواز كويتي ويدش عليهم فلازم يستجوبونا. عادي، لهجتنا واسامينا ومناطقنا وكذا كذا وطلعنا بطايقنا المدنية الكويتية اللي مخشوشة وطلعنا جوازاتنا فـ...وبعدين سرحونا روحوا مثل ما تروحون تـ... وين وجهتكم؟ والله احنا ترى رايحين نلحق أهالينا اللي برا، برا الكويت، نا إيران وثبه وبنروح ،اللي بيروح الإمارات يروح واللي بيروح أوربا يروح واللي بيروح السعودية بيروح واللي بيروح البحرين. عرفوا، هم يعرفون. نبي نمشي منه واللي بيقعد بإيران خله يقعد لأن عنده هم أصدقاءه وعلاقاته وقرابته اذا عنده قرابة وعنده مصالح، بعضهم تجار عندهم مصالح يعرفون صاروا يتاجرون مع أوادم وايد.

-ومادياً شلون قدرتوا؟

-كنا... كنا... كان عندنا فلوس كويتية وكان معانا دولارات وصرفنا حتى عراقي عشان نعطيهم بس كان معانا هم دولارات حق الرشوة عشان ترشي العراقي تعطيه دولار أو كويتي.

-من وين أخذتوهم؟

-هم جذي... ما انتي... الصرافين، نفس الشي قاعد اقول لج يعني بضايع اا بالكويت، فجأة صار ديناميكية يديدة ان الصراريف قاموا يوفرون الأموال، البنوك قامت توفر ماتدرين يعني قام يصير تعاون Networking بالكويت موطبيعي وجدا جميل يعني تقول أبي مثلا دولارات، زين احنا نييب لك آآ... تخرد عند رفيجك. تعطيه كويتي يعطيك دولارات، ما، جيرانكم، شوف، مين عنده دولارات؟ قال يابوا لك دولارات، من عنده قف قفة ما... يييبوا لك الكويتيين يعني قمنا نسوي سلوكيات حرب. تعاون شديد و Networking مو عادي، إذا بطايق قاعدين يوفرون. تبي شنو الاسم اللي تبي تكتب يكتبون لك اياه. منو بتصيرين يسوون لج. تخيلي؟ لا، واللي يسوي لج اياه ظابط كويتي هو الحين قام يزور لك الظابط الكويتي مال الداخلية يزور لج البطاقة اللي تبينها. لأنه تبين يبي ينقذج وينقذ غيرج فصار ااا التعاون موجود فطلعنا معانا دولارات ومعانا...

-و من إيران رحتوا؟
-رحنا قعدنا بال بالمحمرة البلدةاللي كان فيها آآ... يسمونها... شادقان شي من شادقان، هي هم أسامي كانت عربية وحولوها إلى اسامي فارسية. شفنا صاحبنا، والله ما قصر، اللي هو سالم الكعبي سوى لنا عزيمة عودة، ااا عرفنا ان كويتيين رايحين بأماكن مختلفة، بيته... بيت ياسر ما لقيناهم خزعل بس ندري ان الخزاعل ردوا وما قعدنا فترة طويلة، ثلاثة أيام عند الكعبي وعند هم صديق حق المرة العيوز اللي ودونا، ضيفونا وهم جذي تشوفين عبي وعقل ويعني، المحمرة تستغربين، ما تشوفين إيرانيين بالمحمرة تشوفين عبي وعقل وعصابات ووو وبشوت وما بشوت. وطقوا لنا عزيمة من هني لهناك خرفان وسمج ودياي و ع ويحطوا الر راس الذبيحة عندك يعني ان احنا كويتيين هم عشائرية وكذا وكذا ويييب الذبايح يحطها جدامنا. يحط راس الذبيحة بالطريقة القبلية باتجاهك واتفضلوا اتفضلوا ويواسونا. يعني، وطق قهوة ما طق قهوة ودواوين وما دواوين شاخويا شابويا، هاذول نفس ال الشسمه، فيبردون شوية علينا الأسى. وإيش اللي تبونه لأن عيالهم يشتغلون عندنا بالكويت، عايشين، فالربع هذا الكعبي قال لهم هذول... يعني أنا أبوي كان عنده قسايم صناعية ميكانيكية يشتغلون فيها قال هذا صاحب المكان اللي نشتغل فيه وكذا كذا الربع وهاذول يصيرون حق بيت فلان ويصيرون حق هذول وو... و قاموا ها وشاللي تبونه وشنو...؟ ماقصروا جزاهم الله خير. وبعدين مالك قال خلنا نروح نتجه إلى طهران ناخذ طيارة من المطار الدولي وقف وقفة صغير بأصفهان شاف اا أقارب من أهل أمه وكانوا هم حلوين، يعني كان أهل اصفهان مضيفين جميلين قعدونا في بيت تقليدي قديم، احنا قعدونا في بيت عربي قديم في المحمرة Arabian Style بحوش وقعدة وديوان وهذا، وبعدين لما رحنا ناكل ع ودونا في بيت فارسي قديم الحمام بعيد بس مو Court Yard هذاك كان court هذا كان نظام م مختلف وهم تشاي ودونا تشاي خانة ودونا مطعم ج... مكان وشربونا تشاي. كله قاعد يواسونا كله قاعد يواسونا إلى ان وصلنا، بعدين كملنا طريقنا رحنا شمالاً بالسيارة الى طهران وحجزنا طيارات الى فرنسا ومن فرنسا طرنا على الـ States.

-وأهلك كانوا في...

-وصلوا Puerto Rico ذال ذاك الوقت.

-أمريكا....
-يعني احنا لما طلعنا إلا هم واصلين Puerto Rico, North Carolina وزوجاتنا اثنينهم هم San Juan Puerto Rico زوجته من San Juan وأنا زوجتي من Ponce de Leon المدينة العاصمة الثانية، فطرنا اثنينا كملنا لفرنسا

04:51:54 - وصوله لسان خوان في بورتوريكو للإنضمام لزوجته وأولاده

Play segment

Partial Transcript: فطرنا اثنينا كملنا لفرنسا ومن فرنسا طرنا ل فلوريدا وبعدين San Juan ووو وصلنا هناك، أنا عاد على طول بعد خلال يومين ومالك سوا نفس الشي أتوقع. احنا عندنا أرقام عسكرية يعني عندنا دفاتر عسكرية وعندنا أرقام عسكرية من أي وحدة وأعتقد كان قوات الرادار والأمن الـ... مال الـ... شيسمونه؟ الجوي والنظام الرادارات، أنا كنت لأ، أنا قوة البرية سلاح الهندسة فاتصلت بالسفارة قلت لهم أنا اسمي الفلان الفلاني رقمي العسكري كذا وكذا، الآمر ال المباشر مالي الأستاذ عبدالرحمن الهدهود، الضابط عبدالرحمن الهدهود، وليد الهدلق ونجيب أعتقد بشارة. هذول القوة المباشرة مالتي أنا. اللي أنا I report to them ترى أنا موجود بالمكان الفلاني،العنوان الفلاني، اي شي تبون هذا الفاكس مال هذا وردوا علي، تبون شي؟ مشكور ما قصرت كذا كذا. احنا بـWashington وانت وين؟ قلت لهم انا ب Puerto Rico, Ponce de Leon وهذا الفاكس مالي وكنا ننتظر، هم جذي بين فترة وفترة كان يسألونا عن اوضاعنا نعبي نماذج اذا تبون مساعدة أو... أنا قمت اركض كل يوم على أساس اني I get in shape اذا ينادوني، ما صار، قال ردوا علينا قالوا أكو احنا اخذنا مترجمين وايد.

-متى وصلت Puerto Rico ؟

-هم جذي خلال آآ... أنا وص... آه أنا وصلت أنا راح اعطيج ال gauge على عيد ميلاد بنتي "أمارة" انولدت 16-10 قبل أيام احنا احتفلنا. انا وصلت يومين أو ثلاثة قبل ميلادها عشان أوصل ميلادها وفعلا الحمدلله كنت أطلب اني اشوفها تنولد فوصلت ولا "نورما" داشه في المخاض الميلاد. وصلت "أمارة" توها مولودة 10-16،محاري 10 يعني من 8-2الغزو. أنا وصلت 10-16 Puerto Rico

-و قعدتوا هناك طول فترة الغزو؟

-قعدت فترة الغزو ورجعت اا مع أول التحرير.

-شلون كانت الأوضاع وانتوا قاعدين هناك؟

-في Puerto Rico ؟

-إي. يعني شنو كنتوا تسوون يومياً؟ شلون تتواصلون مثلا مع أهلكم بالكويت؟

-آآ... مم... مافي تواصل. مافي تواصل. انتهى التواصل بعدين قامت تيينا أخبار طر طراطيش من أصدقاء متنوعين بعدين آآ تواصل بسيط مع السفارة انه إذا تبون شي أو هم يبونا تبون شي. آآ... ي ي ما أتذكر إذا موضوع إعانات ما...

-اشتغلتوا مثلا في...؟

-أنا حاولت... بس كان يقولوا لي "انت Over Qualified" همما عندهم شغل وايد وأنا... أنا استشاري خاص ومستشار وزير فلما يطالع ال Resumeمالتي... مرة واحد قال لي شت يعني وين نحطك؟ نحطك ال Mayor مال البلدة ولا...؟ زين وين نحطك؟ تم أي شي يعني. مالك اشتغل بالجامعة. زوجتي اشتغلت بالجامعة. انا ما قدرت اشتغل وقمت أسوي... وكونك انت pending على قمت...لا كل يوم أركض I babysit my children ،"نورما" قامت تشتغل تدرس وأبوها كان يعطينا بعض الشغلات الهندسية لأنه هو مهندس ومقاول جبير بس كان الـPsyche مالنا متوتر. ودينا عيالنا مدارس، ااا أنا كنت أركض كل يوم الصبح والعصر مرة على أساس بسin case Keep in shape وكان بين انه انت فرحان ان بنتك انولدت وممم بين انك انتabout your country depressed كان مرحلة نفسية جدا جدا صعبة علينا.

-وقعدتوا طول فترة الغزو في ...
-إي ، في Puerto Rico
-آآ... لما سمعتوا عن تحرير الكويت، وين كنتوا؟
-كنا في Puerto Rico

04:55:25 - تحرير الكويت وأخذ الأسرى في هذه الفترة

Play segment

Partial Transcript: كنا في Puerto Rico
-تقدر توصف لي...؟
-آآ... قبل التحرير ياتنا أخبار لأخذ اخواني، اخوي وولد عمي أسرى من صديق ياتني المعلومة.
--في أي شهر؟
-وانهرت، كان بن بنهايات الغزو، قبل نهاية الغزو اللي قلت لج انه بعدين ياتني الخبر أهلي قالوا لي لما رديت الكويت انه دشوا عليهم البيت وعندي اخو معوق أصغر مني أربع سنين توفى قبل ا أعوام. كان المفروض ما يعيش أكثر من سبع سنين، عاش 52 سنة. مولود معوق يعني ااا هو هو عمره الذهني ظل اقل من سنتين بس عمره الجسدي صار 52 سنة. وما يتكلم، يعني كلماته محدودة ووو مثل الطفل العملاق الولد طويل، أطول مني هو، فلمن دشوا ااا أخذوا أخوي لبيد المحامي وياو... و أخوي وليد أخذوه وبعدين... لأسباب ما أدري شنو صار أسامي وهذا اخو ما اخو اا صار غلطة وجان يطلع اخوي بالكويت بدون ما يودونه لي بره وانت يا ولد عمي علي أخذوه وبياخذون هذا المعوق فأمي قامت تصرخ عليهم تقول لهم شتبون؟ هذا معوق تبوا تطالعون البامبر ماله؟ بهال به بهاللهجة ف ال العسكري انبهر. قال هذا واي هو يخاف انه يمثل. يعني يخافون انه يمثل، جان تقول له تبي أرفع لك الدشداشة مالته تشوف البامبر؟ طالع وين هذا معوق. يعني يايين بييرونه يركبونه الـ... هذا معوق. كان منظر يعني... ف ااا لما ان سمعت القصة هذي يعني أنا وايد زعلت وانهرت هناك في Puerto Rico قالوا لي خذوا لبيد وخذوا علي ولد عمك ودوهم البصرة. طبعاً هذا فوج كبير، ااا من حسن حظه ان حرروهم قبل لا ياخذونهم من البصرة الى الشمال يات القوات ال اا التحالف وقطعت طريج العمارة عليهم من فوق واللي ظل بالبصرة بعد اللي راحوا ما ردوا. اللي ظلوا في سجن البصرة ردوا مشياً على الأقدام الى الكويت والصورة هذي موجودة عندنا بالعايلة ان علي ولد عمي مع مجموعة كبيرة من أصدقاءهم الكويتيين وأخوي لبيد ح شايلين على هدومهم على شكلهم كنابل وقاعدين يمشون بالبر وفوقهم غيمة الـ... غيمة ال المطر مع ال النفط يعني منظر مم يعني مسيء. فـ... ويقولون بعدين هم لما كلمناهم يقولون احنا كنا نشرب ماي من الأرض ويقطون علينا خبز يابس مثل الجلاب وهكذا. وتعاونوا الكويتيين وبعضهم قام يسوي سكتشات وقام يأمون بعضهم بالصلاة وقام يتواصلون وو ي يتذاكرون مع بعض ويسو، هم فيه تلا... يقول علي ولد عمي للآن يذكر يقول مشاهد للتلاحم الكويتيين في السجن مع بعض أو في المكان اللي حجزوهم فيه مع بعض ووو هذا شوية أثر فيني وأنا في Puerto Rico وصلني الخبر ان اخواني اخذوهم. علي ولد عمي اعتبره اخوي لأن أبوي مربيه، ف اااا، وطبعاً تسمع ان اللي انقتل انقتل والمعارف و وإلى آخره وصل وصلتنا أ أخبار المقاومات البنات آآ... القبندي وو... أعتقد أسرار أو أبرار وو وقبازرد اللي انقتل قدام بيتهم بالجابرية لأن الجابرية الأخبار قريبة بالجابرية وإلى آخره. وغيرهم... وغيرهم. آآ... ما أدري اش كان سؤالج بعد؟

-متى سمعت بال بتحرير الكويت؟
-الأخبار طبعاً. احنا نطالع الأخبار داخل Puerto Rico بالإنجليزي وبالإسباني ونسمع الراديو بعد. فبدوا ان Bush قام يقول اتوجهت قواتنا على تحرير... التحالف قام يبتدي التحرير. ابو زوجتي هم كان ظابط في الحرب الكورية الأمريكية سابق، فـ... فيه ثقافة تدور بينا ان شنو ممكن يصير وشنو ما ممكن يصير اااا إي الله يذكره بالخ، الله يرحمه أبو زوجتي Don Alfonso كان ااا كان ضابط ااا لاسلكي في الجيش الأمريكي بالحرب الكورية. وأنا... فنتحجى مع بعض ايش بيصير وايش ما بيصير وشصار وشما صار وإلى آخره.

-بس مثلاُ اللحظة اللي عرفت فيها ان الكويت تحررت...

-طبعاً لحظة جداً خاصة وجدا سعيدة جدا جدا سعيدة وو وجنها معجزة ان يعني مم آآ... وسمعت كلمة من بعض الـ... أتذكر الآن لأن انت الحين الذاكرة قاعد تتفتق يعني ان من اقاربي من الخزاعل وهم الكعبيين اللي لقيناهم بالمحمرة كانوا يقولون س اغدروا في الكويت مثل ما اغدروا في المحمرة. يعني وانشالله تعود البلد بسكانت كلمة الغدر بالكويت مثل ما غدروا بالمحمرة ترن بين الدوائر اللي عندنا هناك وو محد كان مصدق انه ممكن نرد لانه كنا نخاف انه مصيرنا يصير مثل فلسطين ومصير المحمرة انه ااا بحركة غدر البلد كله يروح لكن الحمدلله الله الله يسر واستعدنا البلد وو...
- ومتى رجعتوا الكويت؟

05:00:28 - العودة للكويت بعد التحرير ووصف بيئة الكويت

Play segment

Partial Transcript: - هم رجعنا بفترة قريبة، يعني ما طولنا، ااا لمن سمحوا انه الطيارات اللي تيي من العالم الخارجي ترد أول فرصة صارت ردينا فيها.

- في أي شهر تقريبا؟

- اعتقد انا، متى صار التحرير بالظبط، اتذكر كان بالشتا، احنا وراه ب هم جذي3 اسابيع 4 اسابيع، حتى اتذكر مجموعة كويتيين صغار مرينا وطرنا فوق الكويت والدخان بعده فوقها، يعني منظر منظر...

- ممكن توصف لي اياه؟

- اتذكر بالطيارة كنا لما ان يينا قربنا عالمطار نشوف بحيرات النفط اللي بعضها مطفيينها وبعضها مشتعلة مازال وكانت الطيارة تنزل بين دخان، بين غيم ودخان أسود، قاعد ننزل الكويت، بس جنها بلد مجروح ااا دمه قاعد يسيل، الدم هو الدم الأسود النفط،وتشوفين آبار مشتعلة وا وبقع بقع بحيرات سودة مطفيينها وقاع يطلع منها دخان، منظر درامي مم يعني عجيب، وهم جذي لمن نزلنا مشاعرنا كانت ااا...

- شنو أول شي شفتوه؟

- لا المطار، يعني مطارنا قاعد يستعيد عافيته والناس كلها تستقبل أهاليها وتحبب فيهم وتلملم فيهم، كنا مجموعة يعني التقينا اعتقد عبر نيويورك وو هم أهاليهم قاعد ينتظرونهم ووو والبلد في حالة يعني بعدها مكسرة بعدها الشوارع مضربة مو يعني يعني البلد صايرة نظيفة، لأ يينا البلد توها طالعة من ال...

- شنو شفتوا وانتوا طالعين من المطار متوجهين للبيت؟

- هم جذي، يعني شوارعنا مجروحة، مبانينا مجروحة، تحسين الغيم الأسود قام يلون ال الطوف والدخان أخذ اا قام يرسم صورة شاحبة على الشوارع وعلى المباني، بلد دشت في مرحلة جداً صعبة وفيها نوع من الكآبة بس الناس وايد فرحانة جنهم ورود، يعني الناس اللي لمن يستقبلونك تشوفهم بالشوارع ويوهم منبسطة، تنفسوا الصعداء من ال الغم والكابوس اللي نزل على صدورنا هالسبعتشهر، هذا كان موجود فيه وفيه فيه روح إعادة بناء، وكان عندنا مزاجية وفعلا احنا على طول اتذكر مرينا في مرحلة انه اتيمعنا بسرعة وأتذكر أسسنا مجموعة شركات اشتغلناوسوينا، كانت نوع من إعادة المداواة وإلى آخره لكن مثل ما قلت لج انه وأهلنا كانوا وايد سعداء، يبجون، وصلنا البيت أبوي مو مصدق.

- رحتوا من المطار لي الجابرية؟

- اي اي اي، أبوي مو مصدق ااا لمينا بعض، بجينا، أمي مو مصدقة ان احنا ردينا أحياء وكذا كذا. اااا...

- و رحتوا لبيتكم في بنيد القار؟


- هااا اي...

- شلون كان ال؟

05:03:14 - عودته لبيته في بنيد القار بعد التحرير ووصف لمخلفات الجنود

Play segment

Partial Transcript: - أنا رحت اااا شقتي كانت قاعدين فيها ضباط، أول يعني، اطلعوا منها، مسويين سرقات من أغراض ثانية من ال، شقتنا أثناء ما طلعنا، قبل لا نروح اهي أهم شي اتذكر اخذناه فايلاتنا الشخصية، يعني ااا فايلاتنا الشخصية جوازاتنا، تقاريرنا الطبية، عيالنا فايلاتنا اللي مالت الطبي أسا أساسي، الهويات والفايلات الشخصية، القانونية والشخصية. وبعدين أخذنا ا اتذكر ثلاث أو قطع، ثلاث قطع زل أبوي كان مهدينها لهم بزواجنا، لفيناهم وحطيناهم بالسيارة، صفطنا اللي يتصفط ولفينا اللي يتلف، خذنا هوياتنا وخذينا ألبومات صورنا العائلية، احنا يعني هذا بالنسبة لي كان اللي تبجي له، ذكرياتك الخاصة، ذكرياتك وطبعاً الهدوم اللي يبونها، اليهال و أم أمين، جنطة كل واحد، لا وعندنا جناط بعدنا ما فجيناهم، يعني يايين من السفر حاطينهم اسبوع دشوا علينا، بعدنا مو فاجينهم. فشلنا جن جناط هدوم اللي بيسافرون فيهم، جناط هدوم كل بس ال basic ، طق طق طق حطهم على بعض وهوياتك الأساسية والطبية مالتك، ألبوماتنا كانت أهم شي، ألبومات أطفالنا وزواجنا وو مكتبتنا وكل شي كل شي تركناه مثل ما هو، أثاثنا مثل ما هو، الزرع اللي موجود تركناه مثل ما هو...

- وشلون كان لما رديتوا؟

- ها، ال ال كتبنا موجودة ااا جم لوحة خاصة خذناهم مع الزل، كتبنا موجودة، أثاثنا موصخ بس موجود، الزل اللي أساسي مالته مشيوله، مطبخنا باللي فيه موجود، زايدين عليه أغراض مبيوقة وها بس كانوا قاعدين فيه high rank ، قالوا لي أهل العمارة، انا عندي صديقين، اتوفوا الله يرحمهم بعدين، واحد اقرب من الثاني، فهد الشايع كان زوجته سورية قاعد فوق وعبد اللطيف الملا زوجته ااا ش شوق، أشواق ال الغانم، شروق الغانم. ذاك الوقت ماكانوا متزوجين بالمجمع بس ااا عبد ااا لطفي كان عنده شقة هناك فقال لي فهد الشايع انه استجوبوني في شقتك، ولقيت تلفزيون عملاق في شقتي مو مالي، بايقينه من واحد من سكان العمارة حاطينه يطالعون فيه، وكاسرين شاشته بعدين لما ان اطلعوا، ووو وكان أنا عندي على الطوفة أجمع masks ، من ال Caribbean Islands و من Africa ، فعندي مجموعة masks على الطوفة، كانوا خايفين منهم، يقول لي عبد يقول لي الله يذكره بالخير فهد يقول خايفين من الأقنعة مالوتك اللي انت حاطهم عالطوفة، قلت له ليش؟ جان يقول قايلين له هذا صاحبك يعرفvoodoo ؟ (يضحك) يعني هو قايل لهم ان هاذي شقة صد صديقي، ياييبينه يستجوبنه فقايلين له هذا صاحبك يعرفvoodoo؟ وقايلين له ان صاحبك مثق مثقف، يعني عنده مكتبة عودة وعندي مكتبة عودة مو صغيرة، عندي مكتبة بالبيت ومكتبة ابوي ومكتبة في Puerto Rico فهم يقول لي كانوا ترى خايفين م الأقنعة،قلت له زين والله يعني حموكم الأقنعة شوية، فما جاسوا شي من الشقة غير انه أكل أكلوا، وصخوا وصخوا، بس لا كان فيه high rank ، يقول لي كان فيه high rank ، عايشة السالم اقعدوا فيها high ranks ، فيه ناس قاعدين فوق، بالطوابق العليا اللي وين شيخ حمد، وفيه مجموعة اقعدوا في شقتك انت لأنها على زاوية تطالع البحر ااا انا على corner بمجمع عايشة السالم بلوك 9 ، معروف المكان، للحين موجود، فيقول بغوه عشان يطالعون الشارع والبحر وفيه اثنين high ranks اقعدوا فوق، وين شقة حمد المجموعة الأخرى أو مكان من هالنوع، يعني لقوا ال top ولقوا المباشر على ال هذا، ف ااا لقيت أشياء مسروقة في شقتي وأشياء مفقودة من شقتي، بس مو وايد لكن الشقة كانت مو نظيفة وهم جذي المكيفات واقفة والدنيا مغبرة ووو إلى آخره.

- اااا طيب قبل لا ننهي بس أحب نتكلم عن فترة خلنا نقول إعادة إعمار الكويت...

- اي.

- و شلون ردت الحياة طبيعية بعد التحرير؟

05:07:26 - الدمار وإعادة إعمار الكويت بعد التحرير

Play segment

Partial Transcript: - سبحان الله، احنا ك ترى لما ان يصير حرب، وهاذي من سيكولوجيتها، يصير فورة قوية بإعادة الإعمار، مثل ما احنا لما ان البشر يموت عندنا أحد، تلقين عندنا عقب ما ندفنهم يصير عندنا ااا رغبة شديدة بالحياة، عقب ما نبجيهم ونعزيهم يصير عندنا رغبة طبيعية بالحياة ورغبة قوية بالتجديد، وهذا صار، عندنا أصدقاء اتذكر أسسنا مجموعة شركات بسرعة وكنا و و سوينا network ، أسسنا شركة اسمها المزايا وبعدين صارت الحين مزايا العقارية، لجة، سوينا مزايا غذائية، كانت الفكرة انه يوم م الأيام انه نبي نبي وكنا مساهمين وايدين وصلنا، بدينا بدينا سبعة، قعدنا على حمام السباحة بال مجمع عايشة السالم اللي انا سا قاعد فيه. وقلنا يلا خلنا نسوي شركة مساهمة، هذا بعد الغزو، نسوي شركة مساهمة فيها كويتيين من الفنطاس عبر الديرة للجهرة، من أصدقائنا اللي نعرفهم اللي ناس يعني زينين سواء من الجامعة م الثانوية من أمريكا، كان يشوف، فكرة تلاحم، جناعات، شيوخ، سنة، شيعة ماكو، كله، نبي بس الزينين، بنات أولاد مو مهم، كل واحد احنا السبعة أو الستة ييب خمسة من ربعه وبعدين وفعلا سوينا شركة راسمالها مليونين بسرعة (يصدر صوت يمثل السرعة) هذا بعد الغزو، أتخيل الكويت كلها قاعد تسوي جذي، اللي بيعيد البناء بيعيد الدكان ماله وبيتشارك مع ما ادري منو بس كان فيه ميكا، بينت و واستجابات سريعة، اتصل بربعك، اللي بالجيش واللي بالجامعة وال وبعض الشيوخ اصدقاء وعوايل ترى احنا بنسو اي اي بحط معاكم اي واللي عندك بقية اللي اللي وفرته اللي كان عندك في البنك بحسابك حطيت مبلغ، حطينا كل واحد على ألفين وبعدين صارت اا اهي راس المال اللي لازم تكمله، كل واحد يحط له سبعة،بس سوينا بوم وإلا احنا مسويين مليونين ونص، سوينا شركة قمنا نشتغل، ااا تروح اه رحت مكتبي في مال المهندس الكويتي والا مكتبي عليه ااا ال طبعاً مكتب المهندس الكويتي مكتب كبير وتاريخ الكويتي من المكاتب الكبيرة يعني، الله ييي يحفظهم، الله يرحم غازي السلطان اتوفى، اا الاستاذ الدكتور عبدالعزيز سلطان كان مدير المكتب وغازي عنده license بروحه، انا كنت مزامل وهم mentors مالوتي، يعني هم أكبر مني، فرحت سلمنا عليهم وتحمدنا حق بعض بالسلامة والا المكتب مبيوق وبعدين وصاخة، موصخين مابي اقول كلام، يعني براز على الطاولات وبول على الأرضيات ووو بطول خمور مقططة مكسرة بكل مكان، يعني مسويين الهوايل في المكتب، اا بعض الليتات الزينة مسروقة، بعض الخرائط ممزقة، المكتبة مقططة،انا مكتبي دشيته نفس الشي مكتبي مثل معتفس وقاطين فيه وصاخة وبايلين بالأرض ومسويين اا ال funk ، فهم جذي صار إعادة ترتيب.

- شلون كانت الشوارع؟

- لا ، الشوارع فيها فيها خراب ، فيها تكسر ، انا مهندس تشوفين ااا جنازير الدبابات ماكلة القار يعني لما الدبابة تمشي عال على القار ، الجنزير مالها يعلم ، و الجنزير مال الدبابة عابر على ال sidewalk و مكسره ، و داعم أماكن و كاسر أماكن اااا الفوضى مالة السواقة تسوي damage على المرافق العامة ، مرافق عامة مسروقة ، لمبات مكسرة ، محلات اا بس لأ ، الناس راجعة في فورة إعادة البناء و إعادة ال ال المداواة

- شلون كان الأمن في هالفترة؟

- كان عفوي تلقائي، اللي أعرفه انه صارت إجراءات تصفيات يعني كان يلاحقون، قواتنا الكويتية اللي رجعت الكويت سواء من الداخل اللي كانت تراقب أو اللي من بره دشت، سوت إجراءات مسح سريع على اا جيوب مختبئين لأن يسمونهم sleeping cells بالجيش، يتركون وراهم sleeping cells ، كانوا يمشطون يص إذا فيه اا خلايا نائمة أو استخبارات نائمة أو متعاونين أو متواطئين أو خونة، كان يصيدون وو وصارت أشياء انا سمعت عنها بس هاذي ما اعت اعرف انها حقائق لكن هاذي، احنا على فكرة مجتمع لا مازال يعيش، المجتمع العربي واحنا بالذات والمجتمع العربي عموم، نعيش عالم من الآراء الشخصية اللي هي تُصنف أنصاف حقائق وإشاعات. فأنت تعيش واقول حق اهلي، لا ت تطيحون اااا فرائس للإشاعات والآراء الشخصية بس سمعنا انه تصفيات اذبحوا فلسطينيين واذبحوا ما ادري منو، حكروهم في مزرعة مع عق عراقيين وخلوهم يركضون ويرمونهم، فيه اثناء شناعات صارت ااا سمعوا عن فلان وواحد وشى بعلان وقال هذا كان مت، يعني اللي بينتقم من أحد، ولد عمه قط عليه ن ج...

- يعني تصفيات شخصية؟

- تصفيات شخصية حصلت واتهامات هاذي كلها طبيعية من سلوك ما وراء الحرب وبعضها يعني من الأولى انك تاخذه وتتحقق من جرمه بس فيه أشياء صارت ااا عالسريع، عالماشي وواحد بينتقم من واحد قال لا انا شايفه بعيني وراح رماه في البيت يبي يتزوج مرته ما تدرين. راح فهمتي قصدي؟ راح اذبحه، انا اللي شايفه، كان متواطيء وطلع حرته فيه وإلى آخره. طلعت قصيص من هالنوع بس انا مازلت أصنفها كتاريخ لأ اقول هاذي opinions, rumors and تحتاج لها مؤرخين يتحققون منها بس طلعت قصص، كنت اقول لهم ومازلت اقول لهم ال استعادة كتابة تاريخ الكويت سواء الأكبر أو الأصغر أو الأزمات أو الحروب ال التاريخ يكتبه المنتصر ويكتبه الإشاعات، إذا بيصير عندك العقلانية والإنسانية وال العلمية المناسبة، الأمانة العلمية ف you have to verify the facts ووو وتروح وراها واحدة واحدة، الشناعات متبادلة، سلوك الحرب أصلاً بحد ذاته سلوك يعني اضطراري ويكون شنيع، ما يطلع منه شي زين يعني مع اني يعني ظابط بس ما اقول لج ان هذا شي زين، هذا آخر الدواء الكي وآخر الدواء الحرب، مو أول شي تسويه، هذا آخر شي تسويه، إذا صار يكون شي مرير وسيء مو انت مو war monger تبي انك والله اا تعيش على هالسالفة بس انه آخر الدواء الكي اي لكن هي لصارت it's not a good thing , not a good thing

- طيب استاذ، في أي شي تحب تضيفه عن فترة الغزو، ما غطيناه أو عن فترة التحرير؟

- اي، انا مثلا انا انا عندي، مثل ما تفضلتي كان كلامنا مسبق ااا عندي طالبة الآن قاعدة تسوي مشروع تخرج، اا تبي تسوي مبنى له علاقة بالغ بالغزوو مختارة موقع وغريب مختارة موقع كيلومتر الموت اللي صار عليه حرق القوات العراقية اللي رادة، وكانت هي هجمة طيارات قوى التحالف حرقوا المنطقة، فسألت البنية، فاطمة أتذكر، موجودة قلت لها فطومة انتي مو مولودة بالغزو؟ انتي حتى أصغر من بنتي أمارة،شياب السالفة عليج؟ ليش اخترتي هالموضوع؟
عندنا يكتبون phases الكتابة ف ومن كتاباتها عرفت ان فاطمة تعيش وايد rumors وطبعا اصلح لها، آآآ ووو كانت very dramatic ب بوصف الحرب، قلت لها من وين يا الحجي هذا؟ استاذ انا قريت من كتب، ييبي لي الكتب هاذول، لا كتب يعني بسيطة، مرجعياتها مش يعني أكاديمية، اا كتب آراء شخصية، فلان كتب كتاب، وايد بيتاجرون ب بمعركة الكويت و صاروا أبطال وصاروا مقاومين وصاروا مقاومات مو حقيقيين، زين؟ وقام يتاجرون حالهم بأي سالفة يعني يتاجرون في أي مادة . قلت لها ترى هاذي كتب يعني مو أوزان ثقيلة بمعنى انه شلون سويت مدونة الحرب، بعدين إذا بتتكلمين عن اا ال هذا ال و pinning رايها على ال على الكيلومتر هذا، قلت لها ترى لو بتطالعين منطقة الجهرا ومنطقة العبدلي والشارع هذا، هي منطقة لو بتطالعين عدل... من ما قبل الإسلام وأيام الإسلام وللكويت ستجدين وايد مواقع حربية صارت هني، القادسية قد تكون في مكان معركة كاظمة صارت في مكان الرقة، احنا مع ال ال كعبيين سوينا معركة في البحر بنفس الاتجاه، إذا ب اذن هو مو موضوع انه صرخة الكيلومتر هذا، هذا الكيلومتر مو مهم بس هي كأنما في ذاكرة أهلها أو ذاكرة مجتمعها أو أصدقاءها أسطورة صارت، بمعركة عملاقة صارت قلت لها لا ترى تحرير فيلجا كان معركة وايد قوية، أم قصر كانت معركة وايد أقوى، أم قصر نفسها، فيلجا، الحدود الجنوبية، يعني أنا ما ما دشيت معركة التحرير لكن انا كظابط اقدر اراقب واعرف شنو اللي صار، قلت لها فيه مواقع معينة صار عليها معارك، حتى احتدام بيت القرين، المقاومين كانت هاذي قصة لكن هاذي ص طيارات مشت مشت على رتل جيش مرتد ومعروف هذا يعني اطق أوله وآخره واصلخه كله، آخرتها معركة بس البنية راسها متروس من دراما من أبوها من أهلها من أقاربها اااا قلت لها لا وبعدين قامت تتغير كتاباتها شوي شوي وهذا يدل على انه، و بنية شاطرة مش بنية ضعيفة، بنية جداً جداً من من المميزين ودرستها انا بالتأسيس والحين قاعد ادرسها تخرج، يعني أنا درستها من من أربع سنين والحين بخرجها، فقمت اقول أوخ هذي فطومة الشاطرة عندها وايد mythology عن حربنا أو تحرير الكويت mythology , it's really mythology, it's hocus bocus وما تعرف حتى أوزان، ثقل تحرير الكويت من وين يعني، اختارت هال، وبعدين قاعد نوصل لقناعة معاها انه كلمتها عن تجربة هيروشيما، انا رايح هيروشيما نفسها، وزاير متحف هيروشيما، قلت لها الحين اليابانيين الشعب الشرس هذا يوم م الأيام اللي قطع الصينيين وقطع الكوريين، انقلب إلى مجتمع متمدن من رأسه، من قمته إلى قاعدته، من الامبراطور لتحت، هذا الامبراطور ما يقدر يدشون على ظلاله، الحين ينزل على ركبه ويسلم على الناس المنكوبين في اليابان، اول ما يجيس ال مايجيس وزيره، ما يز ما يصير وزيره يجيسه لا اهو ولا الامبراطورة، وبعدين ااا شعب كان يتفاخر بقتل الآخرين قام يسوي متاحف للسلام، و ينادي بمعاداة ال الحرب النووية و ومتحفه مال السلام شي رائع يعني. فقلت لها احنا الآن لما ان يكون اقرباءنا جيرانا سواء ااا قرابتنا مع العراقيين، قرابتنا ونسابتنا مع العراقيين وقرابتنا ونسابتنا مع السعوديين وعندنا نسابة مع الإيرانيين مو عرب... لكن عندنا كويتيين من أصول فارسية ومتزوجين منهم وماخذ ونتاجر معاهم قرون، مو الكويت بعد، اربعتلاف سنة احنا الثقافة العربية مجاورة الثقافة الفارسية من اربعتلاف سنة ونحاربهم ويحاربونا ونغزيهم ويغزونا ونتاجر معاهم ويتاجرون معانا، فقلت لها لازم يصير عندنا مصالحة مع ق قضية الحرب والسلام، مو أركز على ال ال highway ، أركز على علاقة الحرب والسلام في ال ال thesis مالتج، فشوي شوي قمت اطلعها انا والدكتور زميلي من ال trauma مالت الجزئية هاذي، ليش ال م منو مكرر القصة ان هاذي، قلت لها ترى هاذي ولا شي من معركة تحرير الكويت، هاذي مو بس هو كان طريج قلت لها ادري ادري ااا...

- يعني ما في وعي كامل لل...

- مافي مافي وهاذي بنية شاطرة، بنية م متمكنة بس تحسين انه ما في نضوج عاطفي، روائي لبناتنا وأولادنا اللي ما عاشوا المرحلة، يعني لانه ما في رواية حقيقية أو رواية تس يعني لا، خل تكون هاذي ثقافة مفتوحة، عقلانية ااا نأدب فيها أنفسنا ونرتقي ونصير أقوياء وشجعان ونأدب فيها جيراننا واخواننا العرب الجيران وال وال السعوديين والعراقيين، الحين شوفي الزعل، زعل مع قطر، زعل مدري منو، زعل لا...

- وهذا راح يكون هدف من أهداف المشروع...
-بالظبط.
-مشروع توثيق التاريخ انشالله.

- إي بالظبط.

- شكراً استاذ بس نوقف التسجيل الحين.