اا آنا عبدالعزيز المحميد واليوم نقابل الأستاذ بدر بورسلي في منزله الكائن في
منطقة اا مشرف اا اليوم التاريخ، خنشوف التاريخ- اليوم التاريخ سبعة ديسمبر ألفين وواحد وعشرين والساعة حاليا تقريبا عشر إلا ست دقايق، ااا أستاذ بس بالبداية نقدر ناخذ منك اا إذن شفهي بالتسجيل حق المقابلة؟إيي طبيعي اا لو ما هذا جان ما ما خ- قلت لك ما أبي.
[المحميد يضحك] يعطيك العافية-
يا هلا إي-
اا احنا بس عندنا أسئلة روتينية من يعني اا حق التسجيل اا ممكن تقول لنا اسمك الكامل؟
بدر ناصر أحمد بورسلي.
والنعم.
...
وهذا بعد سؤال روتيني الجنسية؟
مم؟
الجنسية.
كويتي.
إي، والنعم، وو ممكن تقول لنا مكان وتاريخ الميلاد؟
شرق، سنة ألف وتسعمية وثلاثة وأربعين، ماني قايل التا- باجي التاريخ.
ليش؟ [يضحك].
نحيس [يضحك].
[المحميد يضحك] إي، ااا أستاذي يعني كانت طفولتك في منطقة شرق؟
آنا اا
00:01:00اا وُلدت بشرق، وطلعنا من شرق وآنا تقريبا عمري خمس سنوات كما قيل لي، وانتقلت إلى المرقاب قعدت فيها إلى س- إلى إلى إلى، اا يعني عمري كان يمكن عشر سنين، وبعدها انتقلت لجبلة و أ- وإستمرت الحياة اا بجبلة إلين، اا، يعني لي إلى ال اا المراهقة وما فوق المراهقة ش الشباب و وانتقلنا بعدها للشامية، وكملت في الشامية مدرسة الشامية أتذكر، اا مع مجموعة عزيزة من الإخوان، بعدين انتقلت ث، اا د اا في الدراسة وبيتنا ب ب ب اا اا بالشامية رحت ااه، اا الكلية الصناعية، ودرست في الكلية الصناعية اا، ااا أربع سنوات، خلصت منها ورحت أمريكا.إي.
إي.
اا أستاذي قبل لا ندخل في هذي المراحل المتقدمة-
إيه هذي ال هذي ال ااه-
إيي-
اا السرد عشان ترد له على كيفك.
يعطيك العافية اا تذكر شي من اا منطقة شرق لما كنتوا عايشين فيها؟
البحر.
إي.
البحر، أذكر السكة، في عندنا باب جانبي، يطلعوني منه أشوف البحر، ما كنت أعي يعني،
اا جمال البحر ولا جمال شرق في ذاك الوقت، ولكن ااه، هذا مسقط الرأس على ما يقولون، ف ب يعني كل اللي بذهني البحر وو بيتنا بيتنا جبير في جزء الديوانية، في تطل عالبحر وجزء للأسرة وو وحوشنا الثالث للمطبخ وما أعرف شنو في سوالف اا اا يعني، جذي أشوفها جذي م اا مغبشة س و اا وو، وبعدين بيت، خالي اا خالد راشد بورسلي، آنا ربيت ببيت جدي.اا يعني هذا-
يعني وُلدت ببيت جذي.
إي-
اللي بيت الأسرة الرئيسي.
يعني هذا البيت في منطقة شرق كان بيت جدك؟
بشرق إي.
إيي.
مكا- اا تدري وين مكانه الحين؟ ت- تعرف المرسم الحر؟ اللي بشرق اللي يم المستشفى؟
إهني في- بيتنا حنّا، بس ما كان في المرينا هذي اللي موجودة، كان البحر أقرب، ما كان في شارع- سكيكة يعني تفصل البحر عناا، عن اا عن البيوت.اا تذكر منو كان عايش في هذا البيت؟
إيي، خوالي كلهم وخالاتي، ما شفت ااا أبوي راشد ما شفته، وو كان ااا، يدتي فيه، وو
وأبوي وأمي، وآنا كنت اا أول واحد يعني أو- اا اا أول اااا مولود اا في ذاك الف- في ذيج الفترة، فما كان في أطفال يعني أو صبيان صغار، ما كان فيه، اا والله أتذكرها زين جني أشوفها الحين، جني أشوفها الحين.عجيب، اا طيب اا تتذكر مثلا حياتكم اليومية في هذا البيت؟
الحوش أكو ليوان يقعدون فيه، بس العجيب [صوت القداحة] يعني ال ال ال ال ال ه، بيتنا
نموذج لب- كل البيوت يعني بيوت الكويت كلها جذي، العجيب إنك تشوف التعاون اللي بين اا الخالات والعمات وال ااا وز- زوجات العيال وو في البيت، ب ما تحس إنهم يعني هذي مثلا زوجة فلان تحسهم ك ج كلهم خوات يشتغلون يميع ويطبخون يميع ويسوون شغلهم يميع، كانت هذي يمكن من ميز هذاك العصر الجميل، اا بس هذا المكان اللي نلعب فيه يعني ماكو شي حتى اا ال البحر ما و- ما كنت أروح البحر وانا صغير، ما يودوني البحر، اا تالي طحت عالبحر بعد اا لما رحنا جبلة طحت عالبحر.إي، اا لما تقول إن يكون في تعاون بين أفراد الأسرة يعني في هذا البيت-
عجيبة-
إي-
اا عجيبة يعني حنا أو- اا المفهوم السائد الآن للأسف الشديد إن الخالة ما تحب زوجة
اا الولد وال اا يصير شد بينهم، هذا ما كان موجود للأس- يعني شي جميل، يا ليت يعودون على هال اا اللحمة الجميلة هذي، يعني ما تدري منهي خالتك يعني كلهم خالاتك.اا طيب تتذكر الجيران اللي كانوا ساكنين يمكم في شرق؟
[صمت طويل] أظن أظن بالسكة، مو أكيد آنا بس أظن بيت تيفوني... أظن بيت تيفوني بس
انا ماعرفهم يعني آنا ماعرفهم بس أسمع ف ف في البيت، آنا ماعرف منهو الييران ذاك- في ذاك السن يعني، بس أسمع يقولون بيت تيفوني، أكيد أكو ناس وايد بس آنا في ذاك السن ماني واعي حق يارك ما يارك مادري شنو.اا تتذكر ال حي اللي كان فيه البيت؟
إي إي حنّا ب بيتنا بالعاقول، ااه خالي فهد الله يرحمه اا يقول انا فهد من هل
العاقول والقلب ساكن فريجٍ ثاني، إي اا اا بيتنا في العاقول بشرق يم المستشفى الأميري، أكو كان في ااا هذي بعدين آنا شفتها يعني أكو كان اا اا اا اا اا الدوار أكو هني اااه، برجة اا اا يروون منهااا كرمك الله الحمارة عشان يودون الماي للبيوت، هذا اللي أتذكر ب اا السوالف هذي.فيي في ذكريات ثانية عندك اا ف اا في منطقة شرق قبل لا انتقلتوا ح إي-
لأ لأ بس عقبها انتقلت انا اا اا اا للمرقاب، في المرقاب عشنا ف اا فبيت واحد بعدين
طلعنا، وأبوي وأمي وو خواتي ثنتين، وأجر بيت يم بيت العائلة، احنا سكنا في البيت لي يمكن اا سنة أو أكثر أو سنتين وبعدين انتقلنا للبيت هذا الأجار بسكة سد.س-
آنا واعي لها هذي سكة ست-
سكة ست؟
إي بظهر بظهر بيت ظهرنا بيت العوضي، و اا وييرانا بيت اا بيت ذكير، ييرانا، وو وو
ويار- ااا بيتنا قريب يم المسيل، منطقة ااا بسوق يعني، يمه، اا ال بعدين صارت ااا دائرة ااه، الأمن، دائرة الأمن، اا إهني ااا اا عشت عدال بيتنا ييرانا اللي عدالنا بيت رشيد، عبدالعزيز وخالد الرشيد، و ااه، ف، جدام براحة العبيدي فيها دكان حق عبدالعزيز العبيدي، فريج جميل كان قريّب يم اا السوق.هذا كان فيي-
في المرقاب-
في المرقاب-
هذي في المرقاب في المرقاب-
إي جم سنة قعدتوا في المرقاب؟
والله م ماني متأكد جم سنة، بس آنا وعيت، على اا لما توفى اااه، منو من الشيوخ؟
[صمت طويل] والله ما ذاكرتي خانتني، خل- يمكن أذكر أتذكر، سنة الخمسين، إيه توفى الشيخ أحمد اليابر رحمة الله عليه، أتذكرها هذي، عقبها بسنتين احنا يمكن طلعنا أو ثلاث سنين طلعنا رحنا جبلة، يعني ما استمرينا في المرقاب رحنا جبلة.اا طيب في منطقة المرقاب قلت لي منو كان ساكن في هذا البيت؟
منهم؟
ااا إي-
في المرقاب؟
إي إي.
أهلي بس ااا خوالي وو كان خالي حسين وخالي فهد وخالي يوسف وخالي مساعد و وخالاتي
كلهم الحريم وأمي وأبوي، في ااه- وانتقلنا نفس المجموعة ما عدا خالي فهد، احنا رحنا كلنا رحنا اا جبلة اا خالي فهد قال ما أطلع انا من ال من المرقاب، قعد ببيت المرقاب، وإحنا انتقلنا اا إلى جبلة.إي اا طيب اا تقدر توصف لي بيتكم في المرقاب؟
ها؟
تقدر توصف لي بيتكم في المرقاب؟
بيت اا يعني عادي بيت بيت بيت كل الكويتيين اللي أهو الليوان والدور دار مدار البيت
وحوش، بس ما كان في ااا برجة مثل ااا بيتنا اللي ب اا جبلة، برجة في الب- اا في الحوش الثاني اا يصير أكو حوش حق ال اا اا الغنم وال اا جان عندك بقر دياي ما دياي ومطبخ، هذا البيت.كان عندكم غنم ودياي؟
إي كان عندنا ااا حوش ال الغنم يسمونه.
إي.
والدياي ومادري شنهو كله أكل طبيعي شزينه.
إي.
حليب طبيعي و.
اا تذكر اا إن يعني مثلا كنت اا تتعامل مع الحيوانات اللي موجودة عندكم؟
لا لا ما أتعامل معاهم-
إي-
لا ما أتعامل، ما تعاملت معاهم- أشوفهم بس ما تعاملت معاهم.
مم.
ما تعاملت معاهم انتقلنا ب بعدين إلى جبلة،
00:02:00في جبلة اهني بدت بديت انا يعني اا ااا أعرف كل شي وألاحظ كل شي... اا يعني بديت أعرف ب فريجنا كان بيتنا، يمنا بيت عمي عبدالله بورسلي، يم بيت عمي عبدالله اا ال اا اعدال المسيد اا البدر، اا بيت اا بودي، يمه بيت جعفر بيت اا ماما أنيسة، هذا، و اا يمه بيت العلبان راشد العلبان رحمة الله عليه، ويم بيت العلبان، مدرسة عايشة موجودة مدرسة عايشة ليما الحين، بس باجي البيوت هذي كلها راحت ومقابيلهم بيت البدر مسيد البدر بعدين أكو كي- سكيكة صغيرة جذي سد فيها بيت اليعقوب، وو وفي العاير عدال اا عاير بيت عمي اا بيت سعود الراشد الفنان الجبير رحمة الله عليه، وكنت انا أروح وأرد عليهم يعني، وو اا، اا في سكة ثانية بظهر بيت اااا، اا عمي عبدالله وظهر بيت اااه اا وظهر مدرسة عايشة هذي سكة يسمونها سكة الرشايدة فيها رشايدة فيها سعدون اا الرشيدي رحمة الله عليه وعياله، اا فيهاا بيت الياسين، اا والله وايد فيها، بيت الحساوي، والله أتذكرهم زين، أتذكرهم زين، اهناك بديت انا أعرف كل شي وأروح البحر، اا يمنا ااا البحر يمنا نروح له مشي اا انروح عدال اا المستشفى الأميري- اا الأمريكي المستشفى الأمريكي الحين موجود صار متحف، في الوطية انتسبح فيها قريبة يم بوابة اا اا القصاصيب، دروازة القصاصيب، فريج الفوادرة، بيوت شيرين، ال اللي الحين موجودين ليما الحين بيوت شيرين.شيرين؟
إيه يم الكنيسة اا إذا تدل الكنيسة اللي يم الشيراتون إهني أكو بيوت الحين لو تروح
تشوف انت موجودين، هذيل يسمونهم بيوت شيرين.اا بيوت شنو هذي؟
هذي بيوت مسوين شيرين عائلة شيرين اللي هم أظن بهبهاني أظن إذا ماني غلطان، وو اا
ناس ساكنين فيهم أجانب يعني اا أجانب، اا، مدرسة طارق مالت اا الأطفال هذي- آنا ما دخلتها لأن كنت جبير عليها، بعد والله، لا جبلة حافظها، حافظها حافظ الربع [incomp] الربع، اا تالي ااا ال اا قبل لا ننتقل حنّا من هني عقب ما باعوا البيت، اا انتقلنا الشامية قبل لا ننتقل الشامية آنا في ذاك الوقت أدرس بقتيبة أروح مشي من جبلة لي المرقاب وأرجع، اا اا، بس واحنا بجبلة فتحوا مدرسة الشامية هذي ال، كانت أجمل من جذي وايد ملاعب و سكن مدرسين حوض سباحة و، و و اا سكن للمدرسين ااا موجود، فكانوا يودونا بال باص.هذا وانتو ساكنين في جبلة؟
واحنا بجبلة إي،
00:03:00انتقلنا تالي عاد اا إلىى ااا الشامية وصادف بيتنا يم مدرسة الشامية يعني ماكو بيننا وبينها شارع، عبرة شارع ااه بيتنا بالشامية إذا اا إذا تروح الحين جمعية الشامية، أكو مدرسة هني اا، كان اسمها مدرسة المأمون، مادري الحين شاسمها- يعني خو أحنا كل سنة يا الله من فضلك نغير أسامي المدارس-[المحميد يضحك]-
نونس روحنا.
[المحميد يضحك].
اا اسمها مدرسة المأمون، أحنا بيتنا بالزاوية مقابل الجمعية، إهني بديت آنا أفهم كل
شي هني بديت واعي لكل شي واعي لكل شي أسويه وو، واستقريت يعني حتى نفسيا استقريت- تعرف التنقل وايد يصيبك ب بالهزة هذي مالت توك مرافج ناس مستانس وياهم ااا ت تنتقل تروح م اا تدور لك ربع ثانيين، وماكو عندك سيارة مثلا تقول والله كله واحد أسكن هناك وأمر على الربع وأروح وأرد عليهم، ما كان في ااا لا السن ولا الإمكانية اللي تخلي الواحد ي اا يفكر في ااه، في اا اا يرج- يرجع مرة ثانية مثلا المرقاب أو يروح شرق أو أو أو أو أو، بس اللذيذ إن ال اللي بشرق يسموني شرقاوي أهل شرق واللي بالمرقاب يسموني مرقابي واللي بجبلة يسموني جبلاوي يعني هي-[المحميد يضحك].
المجد كله.
[المحميد يضحك] طيب أستاذي في منطقة جبلة تذكر من أي سنة لي أي سنة قعدتوا فيها؟
إيي لاا طولنا طولنا طولنا، طولنا إليين وين، وايد سنين والله ما أتذكر جم سنة-
إي.
بس وايد سنين ها كبرت وصرت يعني فاهم وو عارف الدنيا وعارف كل شي-
طيب إذا ما تذكر السنين تذكر اا يعني ك كان عم- يعني من أي عمر لي أي عمر؟
يعني يمكن آنا اا طلعت رحت ال اا شامية عمري يمكن اا اا خمستعش سنة أو خمستعش سنة
اا جذي بهالحدود، اا ف اا يعني اا، لا مفتح زين يعني في ال اا في جبلة مفتح زين، هذا يارنا العزيز يحب هالسالفة [صوت محرك سيارة].إي أوكي.
شاب.
إي إي.
[صوت القداحة].
اا أستاذي واضح من وصفك حق اا الأحياء في منطقة جبلة إن انت م اا يعني تذكرها اا
تتذكر شنو كان- شنو أنشطة كنت تسوي يعني مثلا ف-؟ما- اا
00:04:00أنشطة اا اا اا اب جبلة، لعبت هول.هو- شنو الهول؟
اا شلون عاد أشرح لك الهول الحين، ناس ك كل ناس بعاير ومايشلون مايشلون أشرح-
أشرحها لك، اا تحاول تلمس ال ال ال اا اا ال اا انت العاير مالهم بدون أحد يلمسك فإذا ألمسك انت باطل ويبتدي الهجوم مرة ثانية، اا لعبت ااا دواميم، اا الدوامة تعرفها ولا ما تعرفها إي؟إي.
الد- الدوامة د د اا أكو الدوامة وأكو المقور وأكو الونانة يعني ه- هم أشكال يعني
مو ها؟إي.
موو مو شي سهل، ااه حبلت حبال رحت حبال ورحت هذا، يعني وايد نشاطات سويتها، ااه،
لعبت كرة تالي اس، يعني مو لاعب زين يعني بس ما مع مع هالصبيان يركضون أركض وياهم، يعني ما في مم ماكو ت تميز في السالفة يعني بس هذي ألعابنا أول لأن ماكو ماكو مولات، ولا أكو آيباد ولا أكو غراندايزر ولا أكو هذا- بس كنا سعيدين أسعد من ااا الموجودين الحين، يمكن أسعد منكم بعد.إي.
لأن كنا على طبيعتنا وعلى سجيتنا وعلىى شاسمه، ح- كنا نحب السينما، [يسعل] يعني
البيت الوحيد اللي يشغل سينما كان بيت اا جعفر ماما أنيسة و، الله يذكرها بالخير ويطول عمرها، هذا بيتهم يشغلون أفلام، ونسة، يخلونا ندخل يعني، بعض البيوت ما يدخلونك بس بيت جعفر سمحين يعني يشوفون اا أعمارنا يعني اا ما ورانا أذى فيخلونا ندخل اا نشوف الأفلام كل أسبوع يشغلون فلم يعني، كان اللي أجر أفلام، ااا خالد وسعد الشريعان، عندهم دكان شارع اليهرا، اا وين حديقة البلدية؟ اعدالها الحين اعدالها، كان عندهم دكان هناك ي ي اا يأجرون أفلام، فكنا نشوف الأفلام اا ونسة الأفلام، مر وقت الواح- الواحد منا من كثر ما شاف فلم عنتر وعبلة حفظه.[المحميد يضحك].
بس ما كان ممل يعني تشوفه كذا مرة بس ما كان ممل، يونس.
إي اا طيب تتذكر اا أول مرة رحت فيها اا السينما في بيت اا ماما أنيسة الله يحفظها
اا شنو كان شعورك شنو كان انطباعك؟لا كان شعوري شعور واحد م- شايلته الدنيا، إنك تشوف هذيله يتحركون جدامك ويغنون و
يي يرقصون أول أفلام فريد الأطرش كله رقص خو كله من يف- يف- يفتح الفلم لي ينتهي وهم يرقصون، هم وناسة، و و حالي حال اا ب- كل أغلب الشباب كنا معجبين بش- ب ب بفلم اا عنتر وعبلة، ندوره من مكان لي مكان مع العلم إن شايفينه ها، ما أدري ليش لأن فيه سيوف وبطولة وهذا، بس كانوا سمحين بي- بيت جعفر يزاهم الله خير، فيعني وايد سمحين، تمر سنين وأشتغل في مكان أشاهد فيه ماما أنيسة على الطبيعة كل اا كل ما أروح التلفزيون، ااه شي عجيب، شي عجيب إنك انت في يوم من الأيام تروح بيتهم وتشوف فلم والحين تشوف ماما أنيسة اا، ال أيقونة الكويت هذي تشوفها جدامك يعني عجيب، ومشت الحياة بهالسالفة إلى ال مثل ما قلت لك، ورحت أمريكا.اا طيب تتذ- انت قلت لي إن كانوا اا يأجرون الأفلام، تذكر الأفلام كانت يعني على شنو-؟
إيي، سحارة جذي ارتفاعها، يحطون فيها بكرات بكرات ال يأجر بس البكرات بعض ال البيوت
اللي عندهم آلة سينما أظن بيت جعفر عندهم آلة سينما أظن [يسعل]، وبعضهم يأجر السينما اا مكينة والأفلام، فالفترة اللي خ- لما تخلص البكرة جنك اا قاعد باستراحة ماكو استراحة؟ جذي، ااه، بس كان لها طعم يا أخي غريب، الحين هالس- دور السينما فخامة وو وجمال- وانت قاعد بالقاع ها؟ وخرجة محطوطة ب على الطوفة، وانت قاعد بالقاع مدري هذا، بس تحس ب ب ب ب بنشوة وانت تطالع اا الفلم الحين بقاعة وو كل شي نظيف ها؟ اا إلا إنك ما ما تتمتع فيها أكو ناس يتمتعون أكيد بس آنا شخصيا يمكن ما رحت السينما لأني ما أعرف أقعد بالسينما، اا أطالع فلم اا ما يمي واحد من الربع، أعلق ويعلق والهذا، وعنتر لي ر- الهذا صرخنا وياه وليه-[المحميد يضحك].
انتفاعل يعني انتفاعل، نتفاعل وياه.
إي طيب تتذكر اا الناس اللي كانوا يتيمعون في بيت جعفر على شان يشوفون الأفلام؟
عيال فريجنا عيال فريجنا لأن محد إيي إلا عيال الفريج، فعيال فريجنا، وأهم اا يعني
سمحين، يعني ح يحبون الناس، لذلك أعتقد ااا ماما أنيسة ن نجحت، في إن ااا اتخلي كل الكويت تحبها، يعني ماكو أحد بالكويت تقول له ماما أنيسة يقول لك شي، أبدا ما في يعني تدور الكويت كلها إذا لقيت لك أحد يقول عن ماما أنيسة إلا يا حلوها، وو يدعي لها وهذا، فأهم عايلة جذي اا م عايلة طيبة يعني، ف كانوا يع- يحتوون عيال الفريج وحتى الحريم يدخلون حتى الحريم، يعني مو بس صبيان يدخلون الحريم اللي إيي يدخل.اا هل كان في توزيعة معينة حق الناس اللي يحضرون-؟
لا الحريم يقعدون بروحهم طبيعة-
إي-
الأشياء صا- كانت، إن مكان فيه حريم انت ما تروح له ش اا تروح له شش اا، مو شغلك
تروح اا شاسمه انت ياي تطالع الفلم كل همك تشوف فلم، يعني ماكو شي مسبّق بذهنك والله، اا تخطط له ولا- لا لا كل همك انت تشوف الفلم وهالأيواد دخلوك بيتهم، ف اا ف، الكويت غير كانت، بكل شي كانت غير، كويت جميلة ولا تزال جميلة، بس أول جمالها غير، الحين حطوا في مكياج، بس كان جميل ذاك الوقت في، اااا جماله و، وناسه و، اا وايد شغلات افتقدناها بسس بس لا تزال الوطن دايم جميل.اا طيب أستاذي اا ق بخصوص الأفلام اللي كنتوا تشوفونها قلت لي [يسعل] عفوا اا كنتوا
تشوفون فلم عنتر وعبلة؟ اا-إي وآخر كذبة.
آنا كنت أبي أسئلك إذا شنو أفلام ثانية تتذكرها؟
إي آخر كذ- فلم آخر كذبة حق اا فريد الأطرش وو اااا عنتر وعبلة و اا ال الفارس
الأسود، وايد أفلام وايد أول أول وايد أفلام، كلها انقطعت الحين ما تشوف شي منها الحين، ااا و ااه وكنا ن- ااا نتعب على الفلم اللي فيه اا حرب والسيوف وهذي اا والحصن، إذا حصل بعد اا هذا مسكّت، وأفلام فريد الأطرش كانت منتشرة، تقريبا كل أفلامه، اا أفلام م ماكو قصة واحد يحب له وحدة وبعدين يتم يغني وهي ترقص وو هذا، بس العالم مستانسين، الناس مرتاحة نفسيا ماكو شي يعني يزعجها، اا بس الإقبال دائما ع ع قول فلم عنتر وعبلة شرق اللي بجبلة يروحون يروحون يعني ما فيها يعني شاسمه، تالي عاد اطلعت السينما الشرقية و، وو اا بدينا عاد ال إلين وصلنا إلى ما وصلنا له.اا طيب أستاذي بخصوص منطقة جبلة قلت لي إن في منطقة جبلة انت وعيت على البحر، اا
عندك ذكريات معينة حوالين البحر؟الظهر، الظهر، أغافل أهلي وأروح أتسبح، شمس تشيل ريل وتحط ريل لا خو لاكو نعال
ولاكو سلامة عمرك [يسعل] ولو وصلت الرمل تشب ضو بس هم نروح، هم نروح- بحر حلو، البحر، د اا ب ب بالنسبة لأهل الكويت أو أهل الخليج ك- عموما يعني مو بس الكويت جزء من حياتهم، يعني حنا اا ب ب بالكويت مثلا، اا نعيش ع اا ف ف على البحر كانوا أهل- أهالينا الأوليين يعيشون على البحر سواءً صيادة سمج ولا اا غوص ولا سفر، يعني ناكل من البحر من خيرات البحر علينا، ونشرب من البحر، يعني ماينا أكلنا، اا كله من البحر، ياكلون لحم صح من الب- صحرا الكويت، الكويتيين العايشين بالصحرا إييبون خيراتهم، بس البحر اا يعني جزء رئيسي اا من حياتنا اا أستشهد بفهد بورسلي مرة ثانية اا يقول اا عن البحر البحر منا وفينا- ش ي اا البحر منا وفينا يعني، نتسبح يغسلون الهدوم الحريم، اا يك- ش- يابوا الكنديشة هذي ما- اللي تكرر الماي وقمنا نشرب منه، اا سمج ناكل تجارة موجودة كله بهالبحر يعني حتى البر إيون يدخلون البحر، لأنه الرزق فالبحر يمكن الحين ااا اا بسنك وشباب ما يحسون فيه، بس الأوليين يحسون فيه ويعرفون ش- شمعناته، سواءً من اللي بالبادية ولا من الحاضرة، يحسون في شنهو البحر، فأحنا بذاك الوقت آنا وربعي ونستنا نروح نتسبح هناك ونعرف امّتى الماية طفوح وامّتى الماية سجي وامّتى- الحين قمنا ب اا نخر ما ندري امّتى ما ندري شي-[المحميد يضحك] اا شلون كنتوا تعرفون؟
ها؟
شلون كنتوا تعرفون؟
يحسبون يحسبون الشهر العربي.
مم.
يحسبون الشهر العربي، يعرفون امّت- متى ماية النص ومتى اا هذا وكل شي، الحين لأ
الحين ااا يعني، غير صار الدنيا غير.مم.
بعد شنحجي عنه الحين؟
إي آنا ما زلت ودي أسئلك أكثر عنن منطقة اا جبلة.
إي.
اا في ف اا ف في هذي المرحلة يعني من حياتك من طفولتك تذكر ال والد شنو كان يشتغل؟
آنا والدي كان اا ب- ش شغله بسيط من أهل البحر، اللي اشتغلوا في شركة النفط أول ما
صارت، وبعدين استمرض وقعد في البيت، ف كان بسيط جدا، وأخذنا منه يمكن بفضل الله البساطة هذي، اا، ما كنت أتذكره ااا أشوفه يشتغل كثر ما أشوفه بفراشه يعني مريض، اا، بس وو يعني سوى عملية وو ولما افتحوا المستشفى هذا، والله أخذ أمانته يعني توفى الله يرحمه.الله يرحمه.
وتمينا حنا في رعاية اا والدتي رحمة الله عليها و وخالي وخوالي حولنا وهذا، ف اا ما
كنت يعني اا، يعني من ناحية الوالد إني آنا مرفه ولا هذا لا لا لا بالعكس، بس الحمد لله ربك ما يضيّع خوالي وهذا لا ربونا إنشالله أحسن تربية، بس في ذيج الفترة لما كنا بجبلة وآنا بمدرسة ال ااااا الشامية، إلين يمكن قبل لا اا، أدش الكلية الصناعية في الفترة هذي اللي بالوسط كان سعود الراشد، إيونه فنانين، وكانت انا عيني- 00:05:00بدا قلبي ينشغل بهالسالفة، شلون يعني شلون أو- أبي أصير بس مادري شلون فكنت جريب يمكن الفترة هذي فترة ال ال اا محاولات مني آنا، إني أدخل هالمجتمع هذا مال الفن والغنا والطرب ومادري شنهو بسكات، اللي كنته طالب بالمدرسة يعني مو مسموح لك السوالف هذي ف في أسرتك في عائلتك [يسعل] لأنك انت طالب يعني مو مو إن يعني لأ ما يصير لأ لأن طالب ف، ف ب يعني آنا بعد وفاة والدي رحمة الله عليه تميت في كنف خالي صالح الله يرحمه كذلك، إلييين، لا عاد إلين عاد صرت ريال، رحت أمريكا ورجعت وكل شي في كنف هذا الرجل جزاه الله عني وعن إخواني ألف خير لأنه احتوانا وكانت عندي اا أم، اا تخاف علينا خوف اا تبينا نصير أحسن الناس تبينا تبينا تبينا، تحاول اا لا درست ولا عندها شهادات ولا عندها دكتوراه ولا عندها شي، ولكن عندها حس الأمومة وحس الهذا، ف اا يمكن من، لدرجة إن ما حسيت إن يعني ف ف في اليتم، لأن الكل كان حولي آنا واخواني، فما حسيت في اليتم، ااا آنا وإخواني وو ووالدتي كان حولنا خوالي، و اا يربون فينا ويعد- يعدلون علينا وهذا، في الشامية بديت أ أ أ اا أفتح عدل إني أبي هالشغلة يعني... فكانت التجربة اللي شفتها بجبلة، دائما حاضرة جدامي، فنانين يدقون عود، يغنون طلعت الغناية الكويتية فيها موسيقى ما موسيقى و مادري شنهو وهذا.انت يعني كنت تحضر بيتهم وو-
ها؟
كنت تحضر بيتهم وو تسمع الفنانين مثلا-؟
ييرانا بيت اا سعود الراشد، وآنا كنت أعيش وياهم أروح اا آكل عندهم و اا أهلي يعني
صار، فكانوا إيون هالفنانين، وآنا عيني عليهم وأسمعهم، وأبي أصير يعني أبي أصير، واستمرت هذي معاي إلين رحنا الشامية يعني، أراقب كل شي... رحت أمريكا أدرس عقبها لما رجعت هم تمت براسي القصة يعني والشي المضحك إن آنا رايح أمريكا أدرس هندسة، رايح أدرس هندسة فشلت ما قدرت، انزين ما يصير أرد اا إيد ورا وإيد جدام، فط- احنا اا أول كل سنتين إي- إييبونك مرة وحدة الكويت فعندك سنة يصير في إجازة فتنتقل فيها بين هالولايات وهذا تركب الباص يودونك مكان لي مكان، وصادف إن رحنا ي آنا ومشاري العيسى، والخطيب عبداللطيف، رحنا كلفورنيا، فشفت مكان يدرسون فيه إخراج وو، قلت هذي قريبة يم السالفة اللي أحبها آنا ها؟ [يضحك]، وو اا، كتبت لل المكتب في واشنطن وانتقلت ودرست إخراج عاد لما درست إخراج تش- قبلها، كاتب غناية آنا، مضحكة السالفة، بسنة أربعة وستين، خمسة وستين أربعة وستين خمسة وستين يعني قبل لا أروح، كان في سعود الراشد الله يرحمه ااه، قال لي هذي بيت ش شعر اكتب عليه، رحت كتبت انا عليه وعجبته، وغناها فك- في الإذاعة كتبوا بدر ناصر بورسلي سمع خالي، قال تعال انت وين رايح انت؟[المحميد يضحك].
والدراسة؟
هذا قبل لا تروح أمريكا؟
إي- والدراسة شتسوي؟ أي، قال يبا روح ادرس صير آدمي تعلم وعقبها كيفك سو اللي تبي،
ترد بشهادة سو اللي تبي، احنا ما نبيك الح- من الحين ااا غناوي وبعد تهد- وتهد د دروسك شوف الأوليين على بساطتهم وو حبهم للتعليم والتعلم، ما فرح فيني وصفق قال لي شاطر لأ، اا عنفني عشان درس، اا لي آنا، ولأولادي، في القادم من الأيام، إن التعليم أهم من الهواية... رحت آنا قلت لهم لا تكت- تكتبون بدر بورسلي، بس كتبوا بدر ناصر، وعرف إن آنا يعني واسمه بس ع- ما كررتها، حظي زين يت البعثة ورحت، ومثل ما ذكرت لك ااه، اا فشلت في الهندسة واتجهت للإعلام.اا تذكر جم كان عمرك لما كتبت اا هذي الأغنية اللي قلت لي عنها توه؟
إيي عمري يمكن سبعتعش اا سنة ستعش سنة سبعتعش سنة، بس وما كررتها اا ال اا أكو ااا
ثواب وعقاب يعني في في في البيت، يعني مو ح- مثل الحين تقول ت- يقولون حق الولد شي يقول انزين ويسويها وو على أبو إن- لأ، أحنا اا تحسب لها ألف حساب، إن هذا قال لك لأ يعني لأ، فرحت آنا هناك، ولما رجعت عاد بديت أشتغل الشغلة هذي.اا طيب أستاذ تتذكر اا شي من الأغنية و اا منو غناها-؟
إيي إي إي سعود الراشد غناها-
إي.
اا أولها يقول يا رسول الزين علمني الخبر، واكشف المكنون عن قلبٍ حزين، ما بقى بي
حال أضناني السهر، لي متى يا زين قلبك ما يلين؟ شوف ذاك السن ها؟إي.
خيال خيال خيال شاب يعني-
إي-
ذاك الوقت إي، هذي أول وحدة.
إي.
واللي غناها سعود الراشد، بس بهالسن هذا يعني.
وهذي أُذيعت في الإذاعة؟
أُذيعت الإذاعة إي.
إي.
إي [صوت قداحة].
طيب أستاذي في اا هذي الم- هذا هني انتو كنتوا ساكنين في جبلة لما كتبت هذي الأغنية؟
لأ بالشامية.
بالشامية، بس مي- ميخالف نرجع- أو اا عموما يعني في هذي المرحلة الطفولة كلها يعني
من شرق والمرقاب وجبلة والشامية-اشلون؟
في مرحلة الطفولة هذي كلها، يعني في شرق وو مرقاب وجبلة والشامية اا تذكر شنو كانت
طبيعة علاقتك اا ويا الوالد الله يرحمه قبل لا يرحمه قبل لا يتوفى والوالدة الله يرحمها-؟اش- اشلون اشلون ب-؟
اا ط ط طبيعة العلاقة بينك وبين اا الوالد والوالدة؟
لأ شوف ال ال ال ال اا، دائما الملاذ في البيت الأم، انت ياهل يعني اا تشيطن اا اا
س اا تسوي لك حركة مهي مقبولة تسوي هذا أكو من يعاقبك اللي هو والدك، اا أو خالك أو عمك، وأكو من يحميك أمك، فآنا حالي حال كل ااا يهال الكويت يعني أتشيطن أنطق، أروح أبجي ألقى من يقول لي لأ ما عليه ما عليه وهد، ويمكن تحاجي أبوي و، لأن الأوليين ما فيهم مرا أو ريال يعاتب زوجته أو يي أمام الأولاد، من أدبهم وأخلاقهم، إذا بيعاتب زوجته أو الزوجة بتعاتب زوجها بمكان آخر مو أمام الأولاد لتبقى صورة الأب كما هي وصورة الأم كما هي، بس انت لي اا انطقيت أو أحد اا عال عليك اتروح حق الملاذ، لذلك قال ااه الرسول أمك ثم أمك ثم أمك- الأم إي، فكنت يعني أي ش- اا اا آنا حالي حال كل اليهال يعني أغلط و ااه وألقى من يغسلني وهذا حتى أذ- أتذكر على طاري يغسلني هذي، آنا بديت أشرب زقاير وانا صغير.جم كان عمرك؟
ما أدري بس اا ما- ش- مادري جم عمري بس فكنت مرة والله العظيم ما أنساها هذي، قاعد
في ااا السينما الشرقية وكانت السينما الشرقية وين الأميري الجديد؟ اهني، وقاعد أشرب زقارة يعل شافني خالي الصغير، مو العود، راح قال حق خالي العود ل ترا شفت بدر يشرب زقاير، وعينك ما تشوف إلا النور، ما تعرف طقاقك منو بهالبيت-[المحميد يضحك].
إيي، يعني في هذي اللحظة يمكن حتى والدتك صارت ضدك لأنك شلون تشرب زقاير ب- بهالسن
هذا يعني شلون تشرب زقاير؟ عيب، فما تعرف طقاقك منهو، والله أتذكرها.اا تتذكر شنو اللي خ-
مردغوني بهالحوش.
إي.
إي والله، كل من إيي يمر ويطق-
[المحميد يضحك]-
أي واحد يمر.
اا تت- تتذكر شاللي خلاك ودك إن تجرب اا تشرب زقاير وانت صغير؟
ما أدري أشوف الكبار بالفريج كل واحد بيده زقارة، فبصير مثلهم.
مم.
تحسفت حسافة نصها كافي الحين.
إي.
يعني لو يعود الزمن، ما أقرب الزقارة.
اا طيب تذكر شلون كنتوا تحصلون على الزقاير؟
إييه انت ييت على الجرح.
[المحميد يضحك].
انت ييت على الجرح، شوف أول، اللي يشربون زقاير كبار اا انت قاعد بالش- بالسكة يمر
واحد بيده زقارة يشرب زقارة وأهو ماشي، تلحقه، لي قط الزقارة وداسها وراح اتشيلها انت تشيل القطف اا بكبرها هذي جذي، وتخزن ثلاثة أربعة خمسة، وتطلع التتن تلفه بقرطاس، تسويه زقارة، شياطين محنا سهلين ها؟ [يضحك].[المحميد يضحك].
إي فنيمع القطوف ونسوي منهم زقاير، لأن ما عندك إمكانية تشتري زقاير أصلا، وبعض
الرياييل بعض الرياييل لما يشوفون واحد مثلا سنه صغير ويركض وراه من سكة لي سكة يعرف إنه ياي عشان الزقارة فشيسوي؟ يحطها بالقاع ويفركها يفركها يفركها يفركها ليما يسويها كلش ويمشي إتيي تلقى ماكو زقارة، ما ما تلقى قطف.مم.
فها- هكذا كنا نتعامل مع الزقاير [يضحك].
[المحميد يضحك] اا طيب تتذكر نوع الزقاير اللي-
ها؟
تتذكر نوع الزقاير اللي كان موجود؟
ما أدري خلطة م اا انت خو ما تدري شقاعد يشرب الريال [يضحك].
[المحميد يضحك].
انت بس تمشي وراه.
إي [يضحك].
بس اللي كان شايع ااا اا في ااه الكويت بلايرز، و اا سقاير عراقية غازي وتركي وما
تبي أساميهم، هذي اللي شايعين، بلايرز هذا ما يشربه إلا ذاك من ذاك، [يسعل]، هذا اللي كان شايع وانت تشرب الخلطة هذي ماكو [يضحك]-[المحميد يضحك]-
اللي تلقاها بالسكة [يضحك] تشربها فتشرب هذا على هذا على هذا، ومرت الحياة.
إي، اا طيب أستاذ في اا هذي المرحلة مرحلة الطفولة اا تكلمني عن اا قلت لي إن كان
عندك اا إخوة تكلمني اا أول شي-إي آنا كان اا آنا
00:06:00ااا عندي أربع خوات، وأخ، أحنا كنا ستة... أخوي توفى الصغير- ال اصغير، قبل ااا عقب الغزو الله لا يعيد الشر بقى عندي أربع خوات ااه، كلنا متعلمين وو وعندنا شهاداتنا عندي إختي دكتورة في الجامعة تقاعدت الآن كانت عميدة ال ااه دراسات العليا، و جامعة الكويت وبعدين تقاعدت والبقية يحملون شهاداتهم كل وحدة تحمل شهادة في علم معين، لا نزال اا ولا قط افترقنا يعني من، متواصلين لأن مهم إنك تتواصل مع أهلك مهم اتّواصل مع ااا خواتك، ااه آنا فخور فيهم اا فخر له أول ما له تالي، كل وحدة عند زوجها وعند اا، وعيالها وتشوف اعيالها صاروا دكاترة ولا تشوف ااه، ف الحمد لله يعني.الحمدالله.
يعني ق قدر قدرت ذيج الأم الصبور وو خالي رحمة الله عليه لأن والدي توفى واحنا صغار
إن يربونا صح، يعني نشكرهم على هذي النعمة يعني اللي أنعموا علينا فيها.اا أستاذي ممكن تقول لي اا ترتيبكم كإخوة؟
آنا الجبير، ااا عندي الدكتورة موضي اللي من تحتي، سلمى، نعيمة، راشد رحمة الله
عليه وسعاد، فآنا كبيرهم.اا تذكر شنو كانت اا طبيعة العلاقة بينكم كأطفال اا-؟
ولا تغيرت، انحب بعض نسأل عن بعض نخاف على بعض، هكذا علمونا، ما لك إلا اختك وما لك
إلا أخوك وو وو وو هذيلا ااه احزامك، ما نختلف ولا قط اختلفنا أصلا ولا عمرنا زعلنا على بعض يعني شوف هالسنين هذي كلها ما عمرنا واحدنا رفع صوته على الثاني، ما عمرنا اااه، اا تحاربنا، أبد ما أذكر يوم إن احنا ت تحاربنا ولا تهاوشنا ولا- أبد، وو شي عجيب يعني بين الإخوان يصير مداحر يعني عمر ما صارت بيناتنا هذي، إلى يومنا هذا، هذا احنا انتواصل يعني يومية تلقانا على الواتساب وهذا، يفرحون لما يشوفوني سويت شي زين أفرح لما أشوف مسو- شو- سووا شي زين، هذي طبيعة العايلة الكويتية على فكرة يعني مو احنا مو خارج السرب، إحنا بداخل هالسرب الكويتي الجميل، عوايل الكويت اا أغلبهم جذي ثلاث أرباعهم جذي- لا والله أكثر من ثلاث الأرباع، إن المحبة في اا لأن أهلنا علمونا جذي، أهلنا علمونا إنك حب أخوك حب اختك، اا اا إذا اا الله اا عطاك شي لا تنسى اختك لا ت- تنسى أخوك، إحنا أسرة جذي، اا آنا واخواني، اا دائما دايما بسؤال عن بعض، آنا وحدة من خواتي تسكن معاي ببيتي، جميل جميل اا تنزل تقعد وهذا اتفرح قلبي يعني لما أشوفها اا الد- الدنيا جذي احنا جذي والحمد لله يعني على هذي يعني إن ما في اختلاف ولا عمرنا اختلفنا على شي كلش، كلش كلش كلش ماكو شي، ولا غرنا من أحد واحدنا يغار من الثاني لا أبدا، أبد والله ما أتذكر يوم من الأيام آنا زعلت على خواتي، ولا أتذكر يوم هم زعلوا علي، حتى أخوي رحمة الله عليه ما أتذكر يوم إن آنا زعلت عليه، أو هو زعل علي، وكل واحد عارف حدوده يعني و، تفضل.دام فضلك اا أستاذي ممكن تكلمني عن دراستك في المدرسة انت كذا مرة يبت طاري المدرسة
وو حاب إن تكلمني أكثر عن-[بورسلي يسعل]
00:07:00آنا أكون-إي-
ما كنت طالب بارز يعني ولا كنت طالب اا يعني من ذيلا اللي لي سأل الأستاذ يرفعون
صبعهم، انا كنت طالب عادي كلش عادي، ماكو شي يميزني عن الآخرين أبد ولا بشي، يعني حتى في الرياضة ما الرياضة اا ما ما كنت مميز في شي يعني كله بالاحتياط، اا بس أحيانا اا، إذا حبيت الشغلة، آنا ما كنت من محبين الدراسة يعني ما- أجذب عليك إذا قلت لك آنا أتهافت على الكتاب وو، اا اا اا بس إذا بني آدم حب شغلة يبدع فيها أكيد، آنا ااا ف ف ف في الدراسة بس ب بخلص عشان أشتغل، إلين الله اا وصلني إني اا ألقى اا اا الشغلة هذي اللي آنا أحبها اللي هي في اا أمور الإعلام، وحاولت إني أبدع فيها بس في الدراسة لا كنت طالب عاادي أقل من عادي بعد ما انتو اا ما عندكم جذي الحين، اا أول في المدرسة، ذيلا الش- الشطار يقعدون جدام.[المحميد يضحك].
عشان ما يطوفهم شي-
إي-
قلبهم عود.
[المحميد يضحك].
عشان ما يطوفهم شي.
[المحميد يضحك].
آنا من اللي يقعدون ورا.
[المحميد يضحك].
ف ما كنت بارز فيها أبدا ما كنت بارز كطالب أبدا.
اا أستاذ تذكر اا شنو المدرسة اللي رحت لها في المرحلة الابتدائية؟
الابتدائية رحت في المرقاب وبعدين انقلونا عقبها بشهر ودونا قتيبة، مدرسة قتيبة
بالمرقاب، المتوسطة ااا في الشامية.مم.
والثانويات في الكلية الصناعية.
إي، طيب ال- إي-
آنا رايح الكلية الصناعية مو لأن ااا بكون يعني اا اا ااه آنا ظنيت إن الكلية
الصناعية ما فيها دراسة.مم.
طلع فيها دراسة [يضحك].
[المحميد يضحك].
فكنت مت- اا يعني متخصص في المعمار.
إي.
ورحت على أساسه إن، أصير مهندس يعني و ااه، لكن وجدت إن ما أقدر، في نفس الوقت مابي
أرجع الكويت إيد ورا وإيد جدام، فلقيت أقرب شي أحبه هذا، اللي آنا أسويه ليما الحين، واكتشفت، إن في الإعلام بعد مدة من الزمن، إن ألف بي الإعلام اللي تعلمتهم، كافي الباجي عليك كيف، تبدع انت في هذي اا في هذا المكان في في هذا الجو في، لأن هذا الجو الوحيد اللي فيه حسد الدنيا كلها عكس باجي المهن، يعني باجي المهن تكون مهندس انت مهندس تحط لك مكتب هندسي ت محامي تحط لك مكتب محاماة بس هذي ما تقدر تحط لك محطة تلفزيون ولا تحط لك راديو، إلا عندك مواصفات معينة أخرى، فإشكثر اا اكتشفت شكثر انت في هذا الب- في هذا التخصص تبدع، وتحاول وتتعب، حتى توصل ل أقلةً وجودك، ااه، أحيانا تكون محظوظ، ويقولون هذا فلان وأحيانا يمر عليك الوقت وتروح لأنك ما حاولت، زيادة، بلم يكن خيار، يعني آنا ما طلعت من الكويت بصير بروح للإعلام، يمكن انت تطلع تروح الإعلام فإنت براسك شي ثاني براسك إنك مثلا تكون دكتور في الجامعة براسك إنك تدرس طلاب تفيد مجتمعك وفي من خلالهم، بس آنا طلعت من الكويت و وفشلت في الشي اللي آنا رايح له وأبي شي أنجح فيه، وأرجع بيدي ورقة بس، بس لما ترجع بيدك ورقة إذا ما تبدع ورقتك هذي ما تفيدك، يعني آنا أعرف أعرف من شغلي يعني بالش- هذا، آنا مو مو مثل ااا مو أحسن من اا دكتور الإعلام في الجامعة بأي حال من الأحوال، بس يمكن انت تعرفني، لأن عندي ش- نشاط بس ما تعرف دكتور الإعلام اللي عنده العلم، وهذي مصيبة بس هذا اللي موجود.[المحميد يضحك].
عدل؟
مم.
انت تعرف تقول هذا ااا يقدم الأخبار، بس ما تق- ما تعرف منهو اللي درسه يقدم
الأخبار، يطلع من الجامعة امدرسه واحد، وهو اللي سواه جذي يطلع في الإعلام يحجي ويقول الأخبار، بس هذا اللي علم هذا شلون يقول الأخبار محد يعرفه، لذلك هذا ت- تخصص المجتهد المبدع، بس.إي، اا أستاذي بخصوص ال مدارس الابتدائية قلت لي كنت في المرقاب وبعدين انتقلت إلى
مدرسة قتيبة؟إ- إي.
اا تقدر توصف لي المدرستين؟
إيه [يسعل]، المرقاب ما طولت فيها آنا يمكن شهر، وقالوا بنوا مدرسة يديدة ونقلونا
لها ومن حظي طلعت يم بيتنا.مم.
مرقاب أتذكر شي واحد، أق- و وقتيبة أتذكر فيهم شي واحد، وهالشي عجيب، أتذكر إن مدرس
الرياضة اللي يدرسنا في قتيبة، صار وزير التربية، مدرس الرياضة كان الله يرحمه خالد المسعود الفهيد، هو مدرس رياضة، وبعدين صار وزير اا التربية والتعليم في الكويت، شوف ال، اا شاسمه هذي أتذكرها زين- أتذكر زين اا مدرسة اا ال ااه، قتيبة مو المدرسة، يم المدرسة، بيت عبدالله فضالة.مم.
المطرب عبدالله فضالة، هذا أتذكرهم زين، درسنا عادي حتى ت- اا وذيك السنة ذيك السنة
في قتيبة، صارت صيحة، قسموا علينا بنطرونات ملابس بنطرونات بس البنطرونات القصار.هذا كان شي يديد يعني وقتها؟
إيي.
إي.
قال لك هذيلا شيبون ذيلا ملبسينهم ق- اا بنطرونات قصار أكيد بيا- يا- بياخذونهم للجيش.
آه.
شحقه؟ و و شنو البنطرون لي هني؟ ما يصير، متعلم على دشداشة انت تروح دشداشة وتيي
بدشداشة، وبعض الأهالي ضربوا قالوا ما ما ن- ما ن- اا ما نرضى، إن عيالنا يلبسون بنطرونات قصار، وبعضهم لأ وافقوا، فكانت هذي شغلة كانوا يقسمون علينا بنطرونات وقمصان وكرمك الله جوتي إدلاغات- يعطونا كل خير أول.اا تتذكر شنو كان شعور اا أسرتك تجاه البنطرونات اليديدة؟
ها؟
اا تتذكر شنو كان شعور أسرتك تجاه البنطرونات اليديدة؟
هم كان عندهم اا موقف يعني-
إي-
إن يعني ليش البنطرون قصير وليش اا هذا، بس هم عاد تداركوها قسموا بنطرونات طوال.
إي.
إي، بس استمرت الحياة فهذي ال- يعني شغلة في التاريخ.
إي.
صج في التاريخ هذي.
عجيب، اا طيب اا تتذكر اا اا غير اا مدرس الرياضة اللي ذكرت لي ياه تتذكر مدرسين
معينين مثلا كان لهم تأثير عليك يمكن أو-في الشامية؟
إي، هذا في الثنوية؟
لأ في الشامية في المتوسط.
إي إي.
أتذكر أستاذ بيومي مال اللغة العربية.
مم.
وأتذكر أستاذ جواد قدّومي، مال الحساب، الحين قاموا يسمونها الرياضيات، أتذكرهم- كل
واحد أتذكر فيه ليش أتذكر هذا وليش أتذكر هذا، أتذكر أستاذ بيومي كان طيييب، وايد طيب اا، هادييي و، وسيع صدر مدرس اللغة العربية هو، وأتذكر جواد قدومي لأنه يلسبني.[المحميد يضحك].
إذا غلطت في الحساب وهذا يلسبك تحت ااا يلسب ريولك، فذيلا ال اللي أتذكرهم يعني
هذاك لأنه طيب وهذا لأنه يلسب بس-مم-
اا هذي، أتذكر في ااا أول حتى الصبح لما تيي المدرسة أكو طابور الصبااح أكو ن نشيد
أكو يعني أكو شي أكو تعليم.مم.
أكو تعليم يعني آنا لما أشوف أحفادي، أعرف إن ماكو تعليم.
مم.
أول في تعليم، الحين اا عيالنا ما يعرفون يكتبون، ما يعرفون يقرون، أول كان التعليم
تعليم، يعني خصوصا المدرسين، يطقك المدرس إيه، الحين لو المدرس يج- ي ي يجيس له اا طالب يوا أهله كلهم بيطقون المدرس للأسف، أهو ما يطقك لأنه عدوك يطقك مسوي شي، آنا ما قط طقوني م ااا وآنا قاعد جذي ساكت يا طقني لأ، لازم مسوي شي غلط آنا عشان يطقني، وفي الشامية بعد أتذكر م مدرس ثالث بعد اا أستاذ رامز، مال ر- مال التصوير.كان عندكم مادة تصوير؟
ماد- إيي.
يعني تصوير فوتوغرافي؟
فوتو- س إيي-
إي-
وت- وو وتحمض وو والدار ظلما وليت حمر وسوالف.
إي.
ف، كل شي صار غير الحين، الحين ماكو هالمادة هذي ماكو اا يعني، ب اا يعلمونك حتى اا
الذوق في التصوير يعلمونك درس الرسم كان مهم، الحين ماكو دروس رسم، وايد شغلات وايد شغلات أتذكرها- بس هذيل ااا ال المدرسين باقين بذهني لأن لهم ذكرى وياي آنا.كان في ذكرى معينة حق مدرس ال تصوير؟
إيي لأنه أو- و أول ما أشاع السالفة هذي في المدرسة بالشامية ما ندري شنهي، ف اا اا
اا احنا مشتركين مو لأن نحب التصوير بلاغة شف-[المحميد يضحك]-
بنعرف شكو؟ شعنده هذا؟ تكتشف إن ف- عالم غير إنك تشوف الصورة شلون تطلع وشلون
يحمضها وشلون وهذا شلون، فكان درس لطيف يعني، يعني الحين آنا لما أشوف شباب بعض الساعات يحطونهم في التلفزيون ولا في هذا إنستغرام اا مصورين شباب يصورون شي عظيم، ذاك الوقت كانوا يدرسونا ياه الحين ما يدرسونه.اا هل كانت مادة إلزامية؟
ها؟
هل كانت مادة إلزامية؟
لا لا مو مادة إلزامية بس يشجعونك على إنك تشوف مثل الكشافة مثله مثله ماكو شي إلزامي-
إي-
بس ي- يشجعونك إنك تروح تكتشف شي.
اا تذكر شنو كان شعورك اا أول مرة شفت الصور وو شلون تتحمض-؟
آنا أول ما صدقت لأن ظلما وليت حمر ها وين تطلع الصور وين شاسمه؟ بس لما قام اا
يغطسها في المحاليل وتشوف الصورة وتشوف هذا، اا شغلة مبهرة بالنسبة لي ذاك الوقت، وو ما خسرت شي، ولا صابني مرض ولا صابني شي ولا شيات، أبدا انت داش ت- أثره داش اتّعلم انت انت ياي اتشوف شي ما تعرفه، وكأنك تكتشف شي، فكان التدريس عموما [يسعل] في الكويت في أيامنا في أحسن حالاته، والمدرس كان يتعامل مع الطالب مثل اا الوالد يعني حقيقة- إي يطقك إي إذا تشيطنت، اا لي كسلت لي ما سويت واجبك، دائما أكو سبب، يعني ما إيي مني إيي من بيتهم ويطقك جذي بس السلام عليكم ويطقك لأ لازم أكو شي مسبب لهذا، أهلنا ما كانوا ااا يروحون المدرسة يتهاوشون، إذا راح قال له لك اللحم ولنا العظام، هذا ولدك، يقضي وقت وياك أكثر مما يقضيه بالبيت، فكانوا متفهمين، وو وو يي يخافون عليك أهلك وكل شي بس يرون إنك انت بإيد أمينة، هذا مدرس مو عدو، أحنا الحين لأ الحين أي واحد يسمع يي يا ويله يا سواد ليله، تطق تطق ولدي؟تسلم.
ف هذي هذي ال ال.
تسلم إيدك.
هذي الأمور ااا بالنسبة لنا احنا كانت اا، ماهي ما ماهي مخيفة ماهي عقاب كثر ماهي تأديب.
طيب أستاذ قلت لي إن اا يعني-
ها؟
قلت لي إن مدرس الحساب كان اا-
يلسبني-
تتذكره لأنه كان إي-
يلسبني لأن آنا-
إي هل هل كنت طالب مشاغب-؟
ضعيف، لا ضعيف في الحساب.
آه.
يعني ما ما أسوي الواجب.
إي.
يعني شتبي يحبني على راسي؟
[المحميد يضحك].
لأ الريال بيمشي ما، انت منت أحسن من اللي قاعدين.
إي.
فما كان في هذي الطبقية، الحين ولد التاجر يطوف بسلامة سلام، حتى لو هو ما يفتهم.
مم.
أول ماكو هالطبقية هذي الناس ياية اتّعلم.
مم.
وياية تعلم، ياية تعلم، فكانت اا حالة ال ال اا، حالة البلاد كلها جذي، يعني حالة
البلاد كانت كلها جذي، ل اا، آنا على فكرة نسيت لا أقول لك آنا درست ف ف مدرسة أهلية.إي.
إي درست اا عند ملا.
آه هذا قبل الابتدائي؟
اا- في العطلة.
آه.
في العطلة لما يصير عطلة-
إي.
يدخلونك أهلك ال اا اا شاسمه- عشان ما تهيت بالسكيك.
آه، تقدر تكلمني عن هالتجربة؟
إي تجربة لذيذة.
إي.
إي، في المرقاب در- درست [صوت قداحة]، درست في ااا مدرسة ملا مرشد، ملا مرشد خرّج
رجالات الكويت، ش شي عجيب، شي عجيب.اا شنو كنتوا تدرسون عنده؟
ها؟ قرآن حساب عربي، اا مدرس زين، والناس إيون بشهوة ورغبة يعني ما إيون غصبن عليهم.
وو وين كان يدرس في بيته؟
ببيته إي، أو ما أدري هو بيته ولا بيت حاط له للت- للتدريس ما أدري، بس فبيت عادي
والقعدة بالقاع، تتربع شزينك، ويح- تحف- يحفظك القرآن يحفظك ال ااه، يحجي في الدين يحجي في السنة يحجي في المذاهب يحجي في كل شي، جامعة خرجت رجال الك- الكويت رجال رجال الكويت، اللي الآن أسماءهم تلقاها في الشوارع وفي كل مكان يستاهلونه، اا اا طلعوا من تحت إيد هذا ااا الرجل رحمة الله عليه، فحنا كنا في المعية لي صار العطلة بدال ما تهيت تهايل يودونك تستفيد، شوف نظرة الأوليين وهم لا عندهم شهادات ولا عندهم شي، ما يبون يضيعون وقت من غير إنك تستفيد.وو-
هذي-
وهذا كان في الإجازات الصيفية اا-
إي إي في الصيف إي إي-
اا في في أي مرحلة لما كنت في الابتدائي ولا امتدت يعني-؟
من الابتدائي-
إي إي.
إي من الابتدائي لأن عنده فصول يعني هو بعد، و أكو أكو ناس متقدمين ما يقعدون وياك.
إي.
مم.
اا طيب هل كان اللي أهوا يدرسه اا يختلف عن المناهج اللي تدرسونها في المدرسة ولا
شي يكمل؟لا لا لا أهو- لأ نفس الشي-
إي.
ترا اا القرآن قرآن.
مم.
والدين دين يعني ما يتغير، الحساب حساب.
مم.
العربي عربي، يُ- يُقال إنه كا- بعد ح بعدين حط زاد فصل إنجليزي آنا ما حضرت
هالسالفة يُقال سمعت جذي، سمعت جذي، بس آنا ما حضرت انا د د خ درست قرآن وو حساب وعربي.مم، طيب أستاذي وو بخصوص ال اا ثانوية اهني انت رحت الشامية صح؟
لأ
00:08:00الشا- الثنوية في الكلية الصناعية-إي الكلية الصناعية إي، اا-
الكلية الصناعية.
تقدر تكلمني عن هالتجربة هذي؟
والله تجربة شزينها، والله تجربة شزينها.
قلت لي انت اخترتها على أساس إن ما في دراسة-؟
إي إن ما فيها ااا دروس يعني كتابة وو هذا، إنك تشتغل بيدك، طلع فيها لا دروس وايد
و فيها سوالف عجيبة، و بس الزين فيها انت تجربتك إنك تس- تشتغل بيدك بعد، ولكن يمكن آنا ما- ما عندي استعداد ل هندسة ما هندسة ما أعرف شنهو، ك- كل اللي أبيه بس هالشهادة، غيري طلعوا مهندسين وايد م من الكلية الصناعية- وعلى فكرة مو بس آنا اللي درست بالص- الكلية الصناعية، محمد السنعوسي كان في الكلية الصناعية... بس تجربة جميلة كان داخلي قسم داخلي.شنو يعني؟
اا يعني اا ما تيي بيتكم إلا الخميس اا اليمعة.
مم.
طول الأسبوع انهاك اا عايش هناك، [يسعل] كل واحد حاطين له دار، انت عايش في ال ااا
في المدرسة، غداك عشاك ريوقك كله هناك، تيي بيتكم الخميس واليمعة واليمعة المغرب ترد، إن كا- ما كان أكو السبت عطلة.إهيا وين كانت؟
ثنوية اللي الحين الجامعة الثنوية اللي بالشويخ، اللي صارت جامعة، مقابيلها، أكو
دوّ- دورة جذي تدش مني عاليمين الثنوية الشمال تدش الكلية الصناعية، شالوها، ولا كانت ممكن تخرج اا اا عمال مهرة وايد، بس، مادري ليش صكوها.اا ت- تتذكر المبنى شلون كان؟
نعم؟
تتذكر المبنى شلون كان مال الكلية الصناعية؟
في فصول، وفي ورش، فصول للدراسة في ورش للتطبيق العملي، يعني ما تدرسه، شفهي اتروح
تطبقه، مدرسين وكان اا مديرها الله يرحمه عبدالباقي النوري زوج ماما أنيسة.مم.
وكانت ماما أنيسة وو عبدالباقي ساكنين هناك في الكلية الصناعية، تالي صار عبدالفتاح
أستاذ عبدالفتاح صار المدير، فهي مدرسة اا نموذجية جدا، وتجربة كانت رائعة جدا لو مستمرين فيها الكويت لكن للأسف ما استمروا فيها مادري ليش.اا طيب اا ت تذكر اا تجربتك في مسألة إن انت ما ما قعد ترجع تنام في البيت قعد تنام
في هذي ال كلية؟إي لا عادي بالعكس عادي ربعك ربع وكل شي و هذا.
مم.
نسمر ونقعد يميع والهذا، اا وترجع يوم من ااا اليمعة.
اا شنو نشاطات كنتوا تسوونها خارج ساعات الدراسة يعني انت وأصدقائك؟
ااا انتيمع نقعد اا نسمر، اا أحيانا ننحاش نروح ال ااا-
[المحميد يضحك]-
اا السينما، اا بس اا تجربة جميلة، وتخلي بينك وبين زملائك الطلاب رابط قوي...
والعجيب إنك الصبح تلقى الكل بمكانه، ما يحط راسه وينام والله محد يدري عني، لا الكل تلقاه بمكانه، وقت الريوق والهذا والدرس وال كل شيي مثل الساعة، كانوا مدرسين رائعين، ك اا كان عبدالباقي النوري الله يرحمه أبو للجميع، يخاف على كل شي يخاف على ك- يراقب كل شي اي، يعني بهم هم وشايله، وفعلا تشوف في في ناس وايد طلعوا من الكلية اا أصبحوا اا ي أعلام أكيد في فشغلهم، والله مجموعة جبيرة.اا هل كل طالب كان عنده غرفة خاصة فيه؟
إي كل طالب عنده-
إي-
غرفة خاصة.
تقدر توصف لي الغرف هذي؟
غرفة صغيرة فيها كبت سرير ومكتب صغيّر، حق المذاكرة، لا شي ااا راقي.
مم.
شي راقي وو نظيف، مكان نظيف يعني مكان نظيف.
اا وو هل كانت وانت بكرامة الحمامات مشتركة؟
في حمامات وايد، يعني مو حمام واحد، تعرف طلاب.
مم.
فلا يقعد الصبح إذا بيتمون على حمام واحد ما يخلصون إلا المغرب.
[المحميد يضحك].
فالكل إيي يغسل ويسبح وهذا وي، وكل شي ب ب ب بالأصول يعني مو مو أي كلام، وأكو ااا
فراش مسؤول عن تنظيف الممرات وتنظيف ال اا، يعني شي حلو، تعتمد على روحك تنظف غرفتك تن- اا ترتب غرفتك.اا تتذكر اا اا الأكل اللي كانوا يقدمونه لكم؟
إييي أكل يا زينه.
مم.
ريوق ريوق، اللي تبيه نفسك، الغدا اا هي سمج هي لحم هي ااه والعشا كذلك وال يعني
ثلاث ويبات ثلاث ويبات.يعني مثلا شنو نوعية الأكلات اللي كانوا يقدمونها؟
والله آنا كنت أستانس من البرياني اللي يسوونه.
إي.
وايد أستانس من بريانيهم، مادري ليش، مادري اللي يطبخونه هنود ما أدري، خو ما نشوف
المطبخ احنا.اام اا ت- تتذكر مثلا مدرسين معينين ااا في الكلية الصناعية؟
لا والله ما أتذكرهم، أتذكر أشكالهم بس ما أتذكرهم، ما أتذكر أساميهم، ما ت- بس
أتذكر المسؤول عن المطعم، الفنان الكبير محمد منيّع... بس كانوا مدرسينا كلهم، من مصر، إلا واحد، اللي هوّا أستاذ ثامر السيار، بس ما كان يدرسني آنا كان مدرس وجود اا كونه كويتي يمكن بارز اا ااا جدامنا... وو ربعي ااه، ناصر الغانم، مشاري العيسى، مشاري السنعوسي، أحمد العامر المونولوجست الله يرحمه، بعد جواد القطان، بعد، وايد والله كنا حمد شويّع الله يرحمه، وو كثيرين عبدالعزيز العدواني الله يرحمه، كلهم توفوا شباب الله يرحمهم، قاعد أحاول أتذكر مدرسين مصريين ماني- ماني ذاكر أساميهم.اا طيب تتذكر المواد الدراسية اللي كنتوا تاخذونها؟
أي مد- اا مواد ااا عادية بس في عند- ااا إضافات اللي هوّا عن التكنلوجيا وعن اا
الرسم الصناعي وعن، ولا الباجي عادي يعني إنجليزي إنجليزي عربي اا كله، كل الد- كل المواد بس يُضاف لهم هالأشياء هذي اللي لها علاقة في الصناعة وأتذكر سنة- اا سنة رابعة ودونا مصر، فعطلة الربيع على شان نشوف المصانع عندهم، أتذكرها هذي الرحلة رحنالها.اا ممكن تكلمني عن هالرحلة؟
والله رحلة اا أول مرة نروح مصر، إي وعلي العطار أشوه إني تذكرته الله يرحمه، إي ر-
رحنا اا والله مجموعة احنا رحنا، سكنونا ففندق اسمه أمية، مادري وين في المنطقة نسيت وي- أي منطقة بس بفندق اسمه أمية بالعاصمة هو أكيد، يودونا المصانع ها- س- غس- اا الصناعات وال اا ال غس- غزل والنسيج ومادري شنو- السوالف هذي اا اندور بس اندور ويشرحون لنا يشرحون لنا، تمينا أظن س- اا أسبوع أو أكثر، أسبوعين وردينا ردونا الكويت هذي أول مرة نروح مصر، بس لو تشوفنا وحنّا ضايعين بمصر محنا عارفين شالسالفة.[المحميد يضحك] هذا كان في أي سنة؟
في الخمسة وستين.
هل هذي كانت أول سفرة تسافرها؟
أول سفرة نسافر نروح مصر أر- آنا شخصيا.
إي.
اا أول مرة أروح مصر، بس مصر غير كانت مو مثل الحين غير وايد.
مم.
أهدا، الناس أقل، الحين ماشالله تبارك الرحمن إمية مليون، فكانت اا اا تجربة عجيبة
يعني إنك تشوف المصانع وتشوف هذا، حنّا ما عندنا مصانع بالكويت، [يسعل] فكانت تجربة عجيبة.اا طيب في هذي المرحلة اللي انت كنت تدرس فيها في ال كلية الصناعية إهني قلت لي
كنتوا ساكنين في منطقة الشامية.بالشامية إي.
إي إي تذكر في أي سنة انتقلتوا إلى منطقة الشامية؟
00:09:00الشامية حنّا أظن رحنالها، أول ما- أول بدايات الشامية، يمكن، سبعة وخمسين ثمانية
وخمسين [يهمس] سبعة وخمسين، بهالحدود، إي بهالحدود، ذيك السنة، الس- اا الشامية دايما آنا أسميها ملاعب الصبا، شحلو فريجنا، أحيانا اا يجي على بالي السالفة وأروح الشامية، أتمشى فيها بس بالسيارة جذي أفتر، أطالع مكان- المكانات اللي كنا نقعد فيها وال، في تغيير صار كثير فيها الحين، بس أول كانت محفوفة صغيرة الحين ما شاء الله، شكبرها صارت، ما كان في خط دائري هذا الدائري، إي ما كان في خط، إي بهالحدود اا ثمانية وخمسين.اا مثلا شنو الأماكن اللي كنتوا تقعدون فيها-؟
[بورسلي يسعل] شلون؟
اا شنو الأماكن اللي كنتوا تقعدون فيها وشنو كنتوا تسوون؟
بالعواير، نقعد بالعاير عند بقالة محمد، لما كنا ندرس بالشامية نقعد هناك، العاير،
تغير حتى العاير تغير لأن البيوت اللي كانت موجودة اا اهدموها وبنوا فلل كانت بيوت عربي جميلين شحلوهم بقى منهم بيوت ال البدر، بيت البدر أظن و حتى اا والله حتى بيت الزيد شالوه وبيت عويّش بقوا هذيلا اا اللي ما ما انجاسوا، على شغلهم الأولي على شغلهم الأولي ولا الباجي كلهم غيروا سووا فلل، تغيرت الشامية مو مثل أول مو مثل أول ما سكناها.هل تذكر بيتكم في منطقة الشامية-؟
ها؟
هل تذكر بيتكم في منطقة الشامية؟
أذكره؟ إيي، عدال الجمعية، يم مدرسة المأمون، حتى الشارع اللي فيه بيتنا اسمه شارع
المأمون مادري غيروه ولا لأ، لأن حنّا خو كل يوم نغير أسا- أسامي الشوارع نسوي على كيفنا، إي والله ماش، بس تغيرت الشامية مو مثل أول مو مثل مو مثل لما كنا فيها.وو هل كنتوا نفس أفراد الأسرة اللي كنتوا ساكنين في جبلة اا بالكامل انتقلتوا إلى
منطقة الشامية؟إيي، انتقلنا للشامية، خالي حسين راح كيفان، خالي يوسف، راح الشعب، خالي فهد تم
بالمرقاب خالي مساعد وخالي صالح تموا يميع في الشامية ويانا.في نفس البيت-؟
م اا إي مع مع يدتي الله يرحمها، بنفس البيت.
اا تقدر توصف لي البيت؟
بيت س اا فيلا صغيرة فيلتين وبعدين خالي يوسف سوى فيلا ثالثة اا حق يدتي اا فيلتين
عبارة عن ااه، اا دور أول فيه صالة و وثلاث غرف، وصالة صغيرة ومطبخ فوق في اا غرفتين، سطح، كنا ننام بالسطح، نفس اا اا فيلتين مثل مثل بس بيت يدتي لأ اا أكبر.اا هل كان عندك غرفة خاصة فيك ولا كنت تشارك الغرفة-؟
لا لا ما عندي لا.
إي اا مع منو كنت تشارك الغرفة؟
كلنا يميع، كنا يميع ما عندنا غرفة خاصة وبعدين النوم بالس- بالصيف كله بالسطح افرش ونام.
هذا حتى في الشامية كنتوا تنامون-
حتى في الشامية إي-
إي.
حتى في الشامية.
إي، تقدر تكلمني عن هالتجربة هذي؟
شتجربته؟
اا النوم على السطح؟
يا وناسة.
إي.
وناسة وتقعد اا العجيب لأ- اا لي صار رطوبة اتّأذى بس تنام الناس، اا بس الصبح تقعد
من الفير لأن الشمس تييك مبجر ماكو شي يغطيك ف ت- اا كلما اا اا ارتفعت الشمس كلما دورت لك مكان فيه اظلال عشان تكمل نومتك، اا، إي الكل كان على السطح ننام- كرافي، تالي صار كرافي أول لأ بالقاع، بس كنا سعيدين والله العظيم، وايد سعيدين يعني شي اا، واحد يت- بعض الساعات يتمنى إنه ينام عالسطح جذي يشوف النيوم بدال هالخنقة هذي مالت مكيفات مكيفات، تشوف النيوم لي خص- اا صارت السما صافية، تشوف الس- نيوم السما، وما تحمل هم شي [صوت القداحة].هل كان في توزيعة معينة لكم لما كنتوا تنامون على السطح؟
إي كل واحد بمكانه، كل واحد بعد واحد مني واحد مناك واحد مني، السطح عود، السطح
عود، بس جميل-إي-
جميل آنا اا يعني كلما تذكرتها أتمنى إن الواحد ينام على السطح بس الحين وين تنام
وهدير هال المكيفات على راسك؟اا طيب تتذكر سبب انتقالكم من جبلة إلى منطقة الشامية؟
لا ماكو سبب، اا انباع البيت وانتقلنا للشامية يعني لأن كان بدت اا الكويت شيسوون
فلل، أول كله بيوت عربي، فالمناطق الحديثة بدت يسوون فلل فأظن هذا الدا- اللي دعاهم يسوون جذي لأن تعرف في ذاك الوقت لا خيار لك في الموضوع يعني شيل أغراضك شيل أغراضك بس، فأعتقد ذي- هذي منطقة يديدة والشامية حلوة، وقريبة كانت يم ال اا الديرة، الحين كل مكان صار قريب يم الديرة مع هالجسور.اا انت أول ما اا تكلمت عن انتقالكم إلى الشامية قلت لي آنا اا إن يعني ذكرت لي إن
كنت تحب الفريج مالكم اا تقدر توصف لي الفريج؟وين؟
اا بالشامية.
إيي.
إي.
اا اعدالنا، اعدال بيتنا، اااه مشاري الحسن البدر، العبيد، السجاري، البرجس يمنا،
عدالنا الجمعية، اا اعدالنا الجمعية إي، ويمنا مسيد وو وو، وورا بيوت البدر مدرسة الشامية، كان في بقالة ااه بيت الصانع بقالة محمد نقعد بالعاير فيها، نقعد بدوانية صغيرة بيت السجاري، كان فريجنا يعني سا- هاي خط كامل عقب بيت السجاري ااه بيت اا العويّش بيت اا سعود الزيد، كان الشارع وراه اا منطقة باء اللي هي الشويخ أول يسمونها منطقة باء، أول أس- الأس- بأسامي المناطق بالأحرف، يعني الدسمة منطقة واو، الشامية منطقة باء، تيي يعني اا ش أظن ب الشامية اسمها منطقة ميم وو اا الشويخ منطقة باء وجذي ب ك كل اا ما كان اسمها الشامية-وهل كانت هذي إهيا الأسماء المتداولة ألف وباء و-؟
ذاك الوقت إي إي-
إي-
ذاك الوقت تالي تحولت شوي شوي إلى شويخ إلى، الشامية م كيفان إلى جذي أول.
مم.
إي.
اا تتذكر إذا كان في مثلا اام علاقات معينة بينكم وبين الجيران زيارات معينة اا
تفاعل اجتماعي-؟إي هاي طبيعية لأ هاي طبيعية هاي طبيعية بين الجيران ااا من عمر الكويتيين يتزاورون
خاصة الحريم يعني، اا خاصة الحريم تلقى فيهم هالسالفة م ب اا الباجين الرج- الرجال في الدواوين يروحون الدواوين بس الحريم هم اللي يتنقلون بين البيوت يقعدون مع بعض يسيرون وجاي الضحى ما جاي الضحى وهذي.اا طيب تتذكر إذا في هذي المرحلة اللي غطيناها-
شنو؟
اا ال المرحلة اللي غطيناها إلى حد الآن تتذكر إذا كان عندك هوايات معينة أشياء
معينة تحب تسويها؟آنا آنا ما ما ق- ما ما قط صار عندي هوايات، آنا الوحيد اللي في الدنيا يتراوى لي
اللي ما عندي هواية.[المحميد يضحك].
إي والله ما عندي هواية- أهب بسالفة إي تلقى أهب بالحبال أهب في اا اا الكتابة أهب
فيي القراءة أهب- اا إنما هواية هواية يعني أسويها وو ومستمر فيها لا لا ما قط صار عندي، ما قط صار عندي يعني هوايات معينة يعني، إنما تلقى س- اا جذي بمزاج اا حبال أروح أحبل مزاج اا آخذ لي فيها شهر شهرين ثلاثة جذي، يعني ما يكون شي ثابت، اا من أصل جذي انا ما، إلى الآن جذي ما عندي شي ثابت يعني يوم تلقاني اا ااا أقرا، أتم أستمر أقرا في على مدى شهرين ثلاثة أقرا، وش- وأبطل عن القراءة وتلقى أتجه إني أكتب اا أتجه إن مثلا أروح اا أتمشى عالبحر اا ش- جذي ما ما عندي شي ثابت ما عندي ثابت آنا متحرك في ت- في هالسوالف هذي [يسعل]-اا طيب اا لما انتقلتوا إلى منطقة الشامية اا هل استمرت علاقتك مع البحر؟
لأ وقفت تالي ارجعت مرة ثانية واستمريت فيها مدة طويلة شريت لي شاليه، وقطع- انقطعت
علاقتي فيه، قلت لك ما ماكو شي ثابت يعني، أكو ناس يثبتون على الشغلة ويكررونها، طول العمر آنا لأ ما عندي هذي، ما عندي هذي، يعني آنا ب اا أسوي شغلة وأتم مستمر فيها سنة سنتين وأنقطع عنها بعدين خلاص، إلا الكتابة هذي اللي آنا باستمرار أكتب، وماهي هواية أصبحت حرفة يعني.اا أستاذي كنت اا تكتب في هذي الفترة؟ انت قلت لي إن كتبت يا رسول الزين لما كان
عمرك سبعتعش سنة؟إي لا اا-
إي-
لا لما رجعت أمريكا بديت أكتب إي و اا-
إي.
أخرج ت- برامجي في التلفزيون وو أقدم برامج في التلفزيون وأقدم برامج في الإذاعة،
وكنت نشط جدا عكس الحين يعني، اا الحين بديت، أدور الراحة، اا ف اا لا أزال أكتب إي لا أزال أكتب ااه و اا ورقتي وقلمي كاهم هني.إي.
لا أزال أكتب.
إي، طيب أستاذ هذا بخصوص مرحلة الطفولة اا وو يعني الشباب المبكر قبل لا انت تسافر
تروح أمريكا للدراسة قبل لا ننتقل حق المرحلة هذي من حياتك في أي شي حاب تضيفه عن هذي المرحلة؟ما أدري بس خلني لو تذكرت شي ااه.
إي.
أقوله لك يعني.
إي إي.
لو تذكرت شي أقوله لك.
إي.
أحاول أتذكر لك الأشياء-
ما في مشكلة إي.
إيه.
اا أستاذي احنا على شان يعني ما نكلف عليك نقدر نوقف التسجيل الحين ونكمل في يوم
ثاني جلسة ثانية إذا-إي إي.
إذا كان يناسبك إذا كان عادي عندك-
إي إي بس مو باجر.
إي، أوكي أظن بدا يسجل اام آنا عبدالعزيز المحميد واليوم التاريخ اليوم يوم الخميس
التاريخ تسعة ديسمبر ألفين وواحد وعشرين والساعة حاليا عشر وخمس صباحا واحنا ي- اا هذي الجلسة الثانية من المقابلة مع الأستاذ بدر بورسلي، اا في منزله الكائن في منطقة مشرف، اا أستاذ تعطينا إذن شفهي بالتسجيل؟إيي تفضل.
دام فضلك اا أستاذي المرة اللي فاتت تكلمنا عن مرحلة الطفولة مالتك وتنقلك بين
المناطق في الكويت اا وو توقفنا قبل ذهابك اا للدراسة في الولايات المتحدة الأمريكية.إي.
اا بس قلت لي انت قبل لا تروح تدرس برا كتبت أغنية إهيا أول أغنية انت كتبتها-
إيي-
اللي اهيا يا رسول الزين-
يا رسول الزين إي.
إهني كان عمرك كأن سبعتعش سنة-
سب- إي بهالحدود يعني م بهالحدود-
إي-
ما أتذكر.
إي، طيب تحدثني عن تجربة الكتابة حق هذي الأغنية كأول تجربة لك في كتابة الأغاني؟
اا آنا
00:10:00أول شي لازم أذكر إن في يو- في ذاك الوقت اا كان بيتنا بالشامية [يسعل] وو اا كنت محظوظ إن خالد سعود الزين الله يرحمه أديب و اا مؤرخ الكويتي الشهير بفريجنا، وو كان اا أديب بكل ما في الكلمة من معنى، اا وله آثار موجودة يعني ااه في المكتبات، فبديت أتعلم على إيده ال ااا العروض عروض الشعر، ما أدري ليش بس حبيت اا أتعلم، لأني مغرم كتابة، وو بدا يعلمنيي شلون ي اا يكتبون مثلا فعولن فعل ش شلون تحط عليها كلام فعولن فاع- فاعلاتن فاعلاتن فاعلون شلون تحط عليها كلام وال اا، وو وبديت وياه في ذا- في ذاك الوقت عُرض علي من قبل ااا رحمة الله عليه سعود الراشد اا إني أكتب أغنية عطاني وزن معين وكتبت عليه يا رسول الزين وكانت يمكن اا البكر ف فرحان فيها توقعت إن العالم كله يسمعني يعني، لأن ذاك الوقت كانت إذاعة الكويت كل يوم قبل الأخبار يحطون أغاني يديدة، أخبار اا ال اا ال الإذاعة، ف ف اا يعني اا ذاك اليوم أتذكر زين ش شلون وانا أسمع، اا الأغنية آنا قاعد في العاير بالشامية بقالة محمد وو، يت فترة الأخبار عنده رادو أهو مثل هذا جذي اللي عندي هني الحين، جبير جذي ف ااه، لما قال اا اسم الأغنية اهني قاعد بالر- مع الربع، آنا بكل اا مادري شلون يعني بس يمكن مادري شسميها يعني [يضحك]، قلت خ- بروح البيت عشان أسمعها بروحي، لما حطوا الأغنية وقالوا كلمات فلان، وألحان فلان وهذا قمت شلت روحي بروح البيت عشان أسمعها، وصلت البيت مخلصة الأغنية يعني فما سمعتها أول مرة، فكانت يا يا رسول الزين هي البداية [يسعل] وقبل لا أسافر بعد كتبت أغنيتين، من عيد إلى عيد غناها اا عبدالحميد السيد وأغنية غابوا عنك الجلاس غناها عبدالحميد الس- السيد، آنا بعد بعد ال ال ااا اا يا رسول الزين تخيلت إن بعد مح- محد يعني محد عنده اعتراض بالدنيا يعني علي، فكتبت ست أغاني وو ر وكان في لجنة في الإذاعة تشرف على ال ال الأغاني هذي، وقدمت ست الأغاني ورفضوهم كلهم الحمد لله، أكيد العيب فيني مو فيهم، إهني وقفت، وقفت اا أبعرف يعني ي ش شاللي س- شالسبب يعني ست أغاني يعني مو وحدة ولا ثنتين، إلى أن يت فترة 00:11:00ااا ذهابي لبعثة في الولايات المتحدة، اا لدراسة اا الهندسة، في الغربة ام، ما كان أكو مجال تكتب- إي في فيه- نفس الفترة هذي اا كتبت س سكيتش اا عن البحر و كتبت الأغنية للأم، اا، و و وسافرت رحت ففي الغربة أكتب بس شلون أطرش السالفة وشلون هذا ما عرفت، بس كنت أكتب يعني، ما وقفت كتابة ما يط- ما طلع لي شي بس ما وقفت كتابة، ف ف فترة ال اااا الدراسة اللغة الإنجليزية بعدين دخلت ال اااااا الجامعة على شان ال الهندسة، أول سنة ما عرفت ما قدرت أمشي، فبديت أفكر في مخرج، اا اا يعني اا شلون شلون ترد الكويت يعني؟ ترد الكويت ما معاك اا ورقة؟ وبعدين أول كانوا متشددين في الكويت إذا ودوك بعثة و و رديت ما كملت تدفع اللي عليك اللي صرفوه عليك أول الحين ما أدري يمكن صارت الأمور غير، ففي عطلة كريسمس رحنا إلى كاليفورنيا، هوليوود ما هوليوود دش- دشينا ال ال ااه، ال اا استوديوهات والهذا يونيفيرسال ما يونيفيرسال ش- شي عجيب مبهر فقلت آنا هذي أقرب شي يمكن أفلح فيه، لأن أقرب شي لشي آنا أحبه، وفعلا كتبت لل ااا للإخوان في واشنطن إني بحول إلى الإخراج والإنتاج التلفزيوني ووافقوا وبدت اا اا الدراسة ولا الدراسة زينة وناسة، ليتات و ش ش شغلات وايد، بالإضافة إلى المواد اللي شاسمه اتّعلمها بص- بالفصل، أكوو محلات ت تسويها عملي يعني عملي تروح ت- ستوديو وتروح تشاهد اا عروض تروح يعني شي اا شي حبيته، وتميت فيها لي كملت ثمانية وستين رجعت الكويت، في الثمانية وستين رجعت الكويت رد الحنين للكتابة.إي، اا أستاذي بس اا آنا حاب إن أرجع على هذي المرحلة ويمكن ناخذها بالتفصيل شوية؟
بس ابتداءً من قبل لا تسافر اا للدراسة في أمريكا اا يوم كتبت اا يا رسول الزين واهي كانت أول أغنية أُذيعت يعني بكلماتك على الراديو اا تذكر شنو كانت اا ردود أفعال الأهل والأصدقاء؟الأهل اا ال اا خالي اا ما رضى، لأني كنت طالب في المتوسط، وو اا وو، وما يبيني
أنشغل في شي ثاني غير الدراسة، وانان والدي متوفي ف خالي صالح رحمة الله عليه هو اللي الأبو ااه، وهو اللي يوجه وأهو، فقال لي أول انت خلص دراستك وبعدين اك- سو اللي تبي الحين دراستك يعني بما معناه، وآنا حاولت أتهرب من الموضوع وغيرت اسمي من بدر بورسلي إلى بدر ناصر وهم كشفني يعني ما س يعني بس كنت سالك جدا، اا ما ما ما ك- ما كان في خبث في السالفة يعني إن تحط لك اسم فني ولا ت- لا لا لا يعني بس شيل اسم اا اسم اا العايلة بس وتخلص السالفة، بس تميت متعلق في السالفة يعني لأن ل اا لأن آنا حبيت الشغلة يعني اا آنا اا، فيني شي داخل يحب هالسالفة ذي، وأبي أصير جذي، و و الحين مو هامني آنا إن يصير عندي شهادة ولا ما عندي شهادة، كان همي إن أكتب غناوي وأك- اا أسمع ال اا أضواء المدينة يسوونن حفلات آنا ويا بدر المشاري البدر نقعد اا بالليل نسهر نسمع ال اا الحفلات وهذا، ف مفتون ماكو واحد اا اا ااا ي ي يي- وأحفظ أحفظ اا أحفظ الأغاني وأحفظ ح- وأكتبهم، مجتهد كنت في السالفة، بس مع اللي كتبتهم اا يا رسول الزين وغابوا عنك الجلاس ومن عيد إلى عيد وسكيتش وأغنية الأم ومادري شنهو، بما كان أحد حاس في وجودي آنا ككاتب يعني وآنا أبي الناس ي يعرفوني، إني آنا كاتب أغاني و، أو شاعر أو، إلين أقول لك رجعت ااا من اا البعثة هذي في الثمانية وستين، وبديت أشتغل في التلفزيون أكون منفذ للبرامج بعدين مخرج بديل حق اللي يروح إجازة، فأتذكر أول برنامج سويته كمخرج ااا زميل لنا الله يرحمه صياح العدواني كان يخرج برنامج اسمه مجالس العرب، الحين مو موجود أو موجود بإسم ثاني ما أدري، و و و وكانت تجربة يديدة بعدين ب اا كلما غاب واحد من المخرجين آنا مكانه بس ما أحط اسمي لأن العرف يقول البرنامج مو مالك، انت بديل مدة شهر مدة خمستعش يوم يعني الإجازة، إلين بديت أسوي برامج خاصة فيني آنا وأكتب اسمي، تنفيذ بدر بورسلي إخراج بدر بورسلي يعني هالسوالف هذي، إهني بدا الإسم ما في اعتراضات من العائلة عليه، لأن واحد قاعد يشتغل يعني حالي حال اللي يشتغل بالشؤون ولا يشتغل بالأشغال ولا بال، بأي وزارة أخرى يعني موظف، يعني خلاص المستقبللل حوفظ عليه انت عندك وظيفة يعني ها؟ اا إلين في الثمانية وستين كتبت أوّ- أغني- أول أغنية بعد العودة، اا اسمها زوار، غناها عبدالكريم عبدالقادر، انجحت بعض الشي بس، وكتبت أغنية ثانية اسمها الله يا الدنيا غناها مصطفى واجحت، في هذا الوقت كنت أخرج أغاني للتلفزيون، فآنا اللي أخرجت الله يا الدنيا، وبديت أخرج لمصطفى أحمد أغانيه وعبدالكريم أغانيه وأحمد عبدالكريم ول كل الفنانين تقريبا [يسعل] اا أخرج أغانيهم، و وذاك الوقت النظام إنك انت تروح تدور، فآنا أتصل بفنانين وهذا صارت علاقتي بالفنانين وايد لصيقة، اا في ذي- لأ في نفس الوقت صار عندي برنامج اا اا اتقدمه أمينة الشراح اسمه سهرة الخميس واهني الاسم بدا يعرفونه الناس لأن أول ماكو في الت- تلفزيونا تلفزيون الكويت، أو تحط لك مشخال فوق وت- اا تطلع البصرة وتطلع ظهران-[المحميد يضحك] مشخال صجي يعني؟
مشخال صجي إي أول-
آه-
إي بالكويت جذي أول، قبل ااا ال اا هذي ال ااه ساتالايت كان ساتالايت بدائي بس-
[المحميد يضحك]-
كان يطلع البصرة.
إي.
بس لازم يصير رطوبة.
عجيب [يضحك].
إي لا عجيبة السالفة، اا اا إهني بديت ألفت انت- اا أنظار المسؤولين كمخرج، وأتعامل
مع ال اا الفنانين أكتب أغاني استمريت أكتب أغاني، على مدى عشر سنين وانا أكتب أغاني اا هذا و، بس ماكو علّم يعني، اا في بذهن الناس، سنة واحد وسبعين قالوا ل اا وزارة الإعلام تروح مرة ثانية أمريكا تدرس بعد، فرحنا مجموعة آنا اااه، فيصل الضاحي حافظ عبدالرزاق وكلهم مخرجين ذيلا، سعد الفري [الفرج] الممثل الكبير، و وو بعد منو وياه- أحمد البقشي وبدر المضف الله يرحمه، رحنا كلنا وين؟ أمريكا رحنا لوس أنجلوس دخلنا كلية وقعدنا فيها سنتين، اا اا خلصت السنتين ورجعت الكويت، رجعت الكويت اا آنا مخرج أشتغل مخرج، إليي سنة خمسة وسبعين تقريبا وانا ب أشتغل إخراج يعني وإسم معروف كمخرج، في الخمسة وسبعين كتبت غناية، كتبت غناية اسمها غريب، بس ما كانت مثل ما يسمعونها الحين الناس، أو مثل ما اسمعوها من البداية إلى الآن، كانت اا غريب اا في ديرة الحلوين أدور الحلوين ما، جان أروح وأعطيها عبدالكريم عبدالقادر اا الله يذكره بالخير وعبدالرب إدريس الله يذكره بالخير قلت لهم آنا هذي الغناية، راحوا تموا أسبوع أو أسبوعين والله ما أتذكر، وردوا علي بس ملحنين كلمة غريب، [يسعل] قلت لهم وين الباجي؟ الحين أدور الحلوين ما أدور الحلوين [يضحك] الحين، قالوا ااا شاسمه سلامتك [يسعل] نقدر نوقف؟إي حاضر.
إي إذا سمحت بس آخذ.
إن- ردينا نسجل.
فقالوا لي هذا ق- كله قطيناه، اا يعني اا بس غريب أخذوا غنوا غريب و اا غريب غريب
وبعدين؟ قالوا اا ذاك قطيناه سو شي يديد، قلت لهم إنشالله سوينا شي يديد فقعدت اا حتى جمعية الفنانين يمكن نص ساعة جذي كتبت اا المذهب، وعطيتهم إياه المذهب اللي يسمعونه الناس الحين، يمكن يعرفونه ويمكن اسمعوه، وو وبدينا نكمل الشغل، من هالأغنية بدت الناس تعرف إن أكو واحد اسمه بدر بورسلي يكتب غناوي، في هالمكان هذا عرفت آنا شنهو اللي آنا أبيه، وشنهو الخط اللي أمشي فيه، حتى أصل للناس، وهذا يمكن يعني آنا تعلمت اا درس اا ب ب بشكل صعب بس تعلمت الدرس يعني أتمنى اللي يسمعني إن يعني لا ل اا ااه يعني لا تمل اا إذا انت تحب الشي ت- تمسك فيه، توصل يعني توصل، إذا انت عندك الموهبة طبيعي وعندك القدرة، ف، بدا الخط هذا يمشي اا ل اا ل بالنسبة لي كتبت عقبها أعترف لج، وكتبت ااه باختصار كتبت اا وتدرجت ال ال اا الأعمال بهالشكل، في فترة من الفترات يينا نسوي شريط أول الأشرطة ااا ما يقصونهم لأ يشتري الشريط كامل و اا يترسونه غناوي، ف فترة من الفترات يينا آنا ويا ااه الله يذكره بالخير غنام الديكان وسوينا اا جم غناية حق شريط، فبدينا نشتغل في أغنية اسمها عجيبة وو مستانسين منها حنّا، أخذنالنا وقت يعني نشتغل فيها مادري شكثر بس أخذنالنا وقت، وسوينا غناية ثانية، وسلمناهم المنتج ذاك الوقت، يا قال باقي اا دقايق أربع دقايق خمس دقايق اا لازم نسوي تسوون لنا غناية اا يعني صغيرة جذي تمشي و عشان نمشي الشريط، احنا ضامنين الحين إن احنا مسوين عجيبة وتعبانين عليها يعني انا ويا بو خالد الله يذكره بالخير غنام الديكان، وسوينا أغنية اسمها مسموح اا، يمكن أخذنالنا نص ساعة حنّا فيها خلصناها كلها وانتهت و وراح سجلها غنام الديكان و، ونزل الشريط وأتفاجأ آنا ويتفاجأ غنام إن اللي تعبنا عليه ما نجح، بالسرعة أغنية جميلة لا شك وحبوها الناس بعدين بس مسموح اا قام كلمن يغنيها، حتى المطربين قاموا يغنونها ي عالمسرح يغنونها هني يغنونها، إهني ي يمكن آنا بديت أوقف أفكر، إن ذائقة الناس مو إنت يا الكاتب ولا إنت يا الملحن ولا إنت يا المطرب تقدر اتّحكم فيها، هذي الذائقة من الناس إهي اللي اتّحكم فيك، إهي اللي قادرة تقول هذا نبيه وهذا ما نبيه، هذا يونسنا هذا ما يونسنا هذا حلو وهذا مو حلو، هذا موضوعه زين هذا موضوعه اا معربك اا عرفت شلون؟ فكانت اا اا تجربة آنا تعلمت منها إن لا يكون تفكر إنك انت لما تكتب أغنية حاط ال الجمهور بمخباك، ولا يكون تفكر تكتب أغنية خاصة فيك في مشاعرك انت، اشرك مشاعر الناس وياك، اا لا يكون تفكر في إن اا ال ال اا الحجي المدلقم العود هذا اا إييب نتيجة أحيانا البسيط سهل إييب النتيجة اللي ما يقدر إييبها و وال والعكس صحيح أحيانا ااه، ال النصوص الجبيرة توصل للناس، فمريت اا بتجارب وايد ااا والعجيب إن اا، آنا ليما الحين ااا يعني اا أجرب، اا ليما الحين لما أيي أكتب أجرب، أكتب النص مرة مرتين ثلاث مرات، أربع خمس اللي الله يقدرني، بحيث يطلع بالشكل اللي آنا ت- يُهيأ لي أو اا يحسسني إني آنا أو ج- أشركت الناس وياي فيه، ماكو شي ف اا في شغلنا حنّا اا اا ككتاب أو ملحنين أو مطربين شي محطوط بالمخبة يعني إن آنا بسوي هالسالفة وبتمشي، لأ لأ وهذي خطورة ج- خطرة جدا لما تفكر جذي، لما تفكر جذي تقدر تكرر نفسك ليما تموت، ويمكن تقضب لك ااا تقضب لك ااه وزن من الأوزان وتتم ت- والله انجحت مسموح خوش وزن تسوي عليه ثلاثين غناية، لأ الناس اا يمكن رايهم غير، انت ما تمشيهم برايك هم يمشونك برايهم من حيث من حيث ما اا انت ما تحس تجد نفسك أهم قاعدين اا يحركونك من مكان لي مكان وانت ما تدري وين اا وو وانت مو قاصدها يعني مو قاصد إنك اتروح لهم أهم ياخذونك أهم ياخذونك يعني، عجيبة تصير علاقتك مع النص علاقتك مع المتلقي علاقتك مع الملحن علاقتك مع اا اا المطرب يعني كلها هذي ما تقدر تفصلها اا عن بعض، فوصلت إلى مكان إن ماكو شي صعب، بعد هالتجربة الآن يمكن تصير لها خمسة وأربعين خمسين عام، إنك انت، كشاعر كاتب أغنية أو كمطرب أو كملحن انت صنيعة هالناس، تحاول ترتقي بالذوق لا شك، لأنك لازم تحترم عقول الناس عاد يعني ما تاخذ الأمور يعني ب اا مسلم فيها والله لأن آنا اا نجحت في هالغناية إذاً آنا أسوي اللي أبي وأمشي الناس اا- لا لا لا، لازم اا ت تحترم أفكار الآخرين يعني ما تيي ت تقط أي كلام في سبيل إنك اا تلفت نظر، وهذا كله مؤقت يعني ممكن تلفت نظر وو وكل شي والناس يصفقون لك وهذا بس بعد سنة تدور شغلك ما تلقاه، اا وسلامتك.الله يسلمك اا أستاذ انت عطيتني تسلسل زمني جميل حق مسيرتك اا في كتابة الأغاني-
إي-
اا بس يعني خلال هذا التسلسل الزمني آنا ودي إن هم بعد نغطي جوانب ثانية من حياتك-
تفضل.
وو اعذرني إذا أرجع مرة ثانية على قصيدة يا رسول الزين الأغنية اللي كتبتها-
إي.
اا قلت لي إن في هذيك الفترة اا كان الشاعر خالد سعود الزيد يعلمك فن العروض-
إي.
اا انت هل تقصد فن العروض اام يعني الأوزان مالت الشعر العربي الفصيح-؟
إي مال الخليل بن أحمد وو-
إي إي-
الخليل بن أحمد وهذا.
هل هذي الأوزان نفسها تُستخدم في الشعر العامي-؟
اا إي في البداية آنا است- استخدمتها.
إي.
بس تالي، اا بعد غريب بعد ما كتبت غريب اكتشفت إني كل ما أبعدت عن الخليل بن أحمد
آنا زين، ليش؟ مو لأن آنا أحسن من الخليل بن أحمد لأ، لأن بدا ذهني يفرق بين الأغنية والقصيدة، آنا ماني شاعر ديوان، اا آنا شاعر أغنية أو كاتب أغنية ديواني أصوات فنانين هذا ديواني، و و هذا مكاني، فوجدت إن شنهي الغناية يعني؟ سألت روحي آنا بيني وبين نفسي أسئلة شنهي الغناية؟ هل هي أوزان هل هي- حنّا أول ما بدينا كلنا نكتب سامري، يعني ما نعرف إلا هذا، فبديت أس- أسأل روحي يعني اا شنهي الأغنية؟ وليش الناس اتّجاوب مع أغنية وما اتّجاوب مع أغنية، وكلهم اسمهم أغاني، وسبب بسيط اكتشفته بعد بحث، مع نفسي إن الأغنية مشاعر وأحاسيس، وقت ما تحس- اا تحددها في تفاعيل وعروض ومادري شنهو فقدت الحس ال ال، الرومانسي اللي في ح حالة من حالات الحب اللي انت تكتب فيها، فتلقى اا حددت روحك هذي آخرها دهت- اا راء يعني لازم آخرها راء ليما تخلص اا هذي آخرها ما عين لازم عين ليما تخلص، وين تحط مشاعرك؟ وين تحط اا إحساسك؟ ما لك إلا الموسيقى، تكتب وزن موسيقي ماهو عروضي.يعني يظل في استخدام لنوع من الوزن بعد ما انت ابتعدت عن العروض؟
إي إي ابتعدت عن العروض بس ما ابتعدت عن الموسيقىى في الكلمة، أيي أختار اا أحيانا
آنا مثل اااا غريب اا الم- المذهب عبارة عن موال، بس تحت إلى النهاية أكو سوالف، واحد يسولف قصة، واحد قاعد يرجع فلاش باك إل- للماضي ها؟ وي يرسم الصورة اللي اللي هو فيها، آخرها راء آخرها عين آخرها ألف آخرها مالها آخر انت قاعد ترسم الصورة رسم.اا طيب انت شنو تحس إن اختلف في نتاجك اا بعد ما ابتعدت عن ال اا أوزان التقليدية؟
لأ آنا ما ما ما ابتعدت على طول اا أخذت لي فترة طويلة، تفكر في وي- اا إلين اطلعت
غريب، و و و و و وفي غريب بديت أفكر إن أوكي اا خلني آنا أكتب اللي آنا أشعر فيه، و وال والحوار اللي أبيه، اا يوصل للناس، وحتى في الأغنية ال ال ال المقفاة هذي اا السامري ما السامري حاولت اا مثل مسموح اا اا مريت فرجان ودورت أسأل عن اللي تأخر حارت دموعي وتحيرت ولا سئله يتحير سولف قاعد تسولف انت مووو مو قاعد مو قاعد اا تحسسهم إن هذا وزن ولا مو وزن قاعد ت تقول سالفة انت، أكو صورة أكو صورة قاعدة اا اتّحرك جدامك، اا في اا تأخرتي، اا في اا مرني في اا تلقى اا أكو صور أكو صو- اا صور مرسومة لو غمضت تقدر تشوفها، فحبيت الأسلوب هذا، اا حتى في ال في الأغنية الوطنية اللي كتبتها آنا هم جذي، اا أحاول أك- أسوي صورة حق الموضوع اللي، اا اا لل ال اللي ااا اللي قاعد أكتبه في الأغنية الوطنية، الله شكثر يا كويت قلبي خفق يا كويت وشلتك بيوفي وطن، صورة أكو صورة، مو بس سرد حجي، بالسامري حنّا كنا آنا واحد منهم أكو ناس أحسن مني وايد يعني يكتبون السامري وفيه صور مثل عبدالله الدويش رحمة الله عليه مثل فهد بورسلي مثل فهد الخشرم مثل، ذيلا يكتبون يا بس يكتبون صور، آنا في السامري ما قدرت أكتب الصورة، سرد حجي سرد حجي سرد حجي سرد حجي سرد حجي سرد حجي، ف اا أصبحت مفتون في الصورة يعني أكثر من اا اا من اا اا من الحجي اللي ينكتب يعني في في في اا في غريب، أكو مكان حتى وزن ما فيه، حتى وزن ما فيه، اااا فيها شغلة جذي قول أنا أحبك ما فيها وزن، بس ك- تكمل الصورة عندي شسوي بعمري؟اا تقصد هذي قول خل تدير الد- تطير اا-
ها؟
قول خل تطير الدنيا فيني؟
إي إي إي-
و- إي إي-
إي، اللي خل ليالي الشوق تجيني و يا اللي كلمة وحدة منك ترسم الدنيا بعيوني.
هذي ما فيها وزن؟
خل هذي، قول أنا أحبك، ما فيها وزن.
مم.
[بورسلي يضحك].
[المحميد يضحك].
ما- ما ما فيها وزن [يضحك].
إي.
ما فيها وزن.
عجيب.
إي لأن، كل الهم إنك توصل الصورة، اا اا اا يعني كل همي كنت أوصل صورة، فبديت أعشق
هذا اللون يعني أعشق ااا الكتابة بهذا الشكل، أحب الكتابة بهذي الشكل، ربما زينة ربما مو زينة بس آنا شخصيا عاجبتني، أشوف رد- اا رد فعل اا الناس على الأغاني اللي بهالشكل، يحسون فيها أقرب لهم، ما ي اا يحسون إن، اا إن اا إن آنا قاعد أوزّن لهم الشغل لأ قاعد أقو- أسولف وياهم، أعترف لج في الليالي في غيابج سهرنّي، ما طرا لي من سوالف هيّضنّي، اا س اا اا الحزن رسّم بعيني وال والقدر بيني وبين- بينج وبيني وانجبرت أعترف لج، شحيلة المجبور؟ ف قفلة ما لها- ما لها علاقة باللي ال الشاسمه-إي.
بس انت بتوصل ص- إنك انت ما ل ما ما ما لا ح- حول لك ولا قوة ااا لأنك مجبور قاعد تحجي.
اا طيب ها- هذي عملية الكتابة بهذي الطريقة إن يعني مثلا مو بالضرورة تلتزم بالوزن
في مواقع معينة من الأغنية، هل هذا كان خارج عن المألوف؟ اا خلال فترة-بالنسبة لي.
إي.
بالنسبة لي يمكن لغيري لأ بس بالنسبة لي آنا كانت خارجة عن المألوف، وحتى الفلاشباك
العودة لل ال ال ل للماضي، اا هم اا ما كان متعارف عليه، يعني إنك تكتب غناية وترجع ورا، ما كان متعارف عليه اا ت- تقول الحالة ل ل اللي جدامك، ما ت- ما ترجع ب ب ب بت- يعني ب بفكرك الماضي ال هذا-اا-
وهذي يربتها في غريب وو ومشت.
إي اا يعني أقصد في نتاج الشعر الغ- اللي كان يُغنى وقتها في هذيك الفترة هذا-
إي لأ ما كان جذي-
ما كان ما كان موجود ها؟ إي.
ما كان موجود، وو اا وو اا وو آنا حاولت يعني اا اا شاسمه اا أرسم خط حق حقي آنا،
حقي آنا أحيانا انا أكتب حجي يعني اا اا جذيه، اا م، بس ما تترك الموسيقى فيه لازم يكون في موسيقى حرف الحرف والكلمة هذيلا فيها موسيقى، و اا وإهي اللي تزين الشغل وتغري الملحن، اا ف فالتجارب وايد سويتها وحتى كان عندي في تويتر قبل لا أسكر تويتر لأن ياخذ وقت ياخذ وقتك، تويتر اا كنت أسوي محاولات، محاولات وأكتب عليهم محاولة و، وأختار الأوزان اا اللي آنا أبيها وأختار ال ال ال اا موسيقى اللي آنا أبيها وأختار- وأكتبها، تجربة، اا وو وهذا مجال ما يوقف، طول ما انت تقرا، طول ما إنك تسمع الناس، وطول ما انت راغب في إنك ت- اا تجدد معلومتك تجدد اا شاسمه- يعني ما تاخذها بالقبول والله آنا كتبت غناية ونجحت إذاً أحط ريل على ريل وأسوي اللي أبي، لأ، اتّم ذاك الطالب اللي بدا من خمسين عام، بهذا الشكل، آنا جذي يعني لا أزال طالب أقرا وأسمع وو وو وأحاول أفهم، ف اا الد- الدرب هذا ال اللي تمشيه، من اا من، سنة ال ال الخمسة وستين، أو الأربعة وستين، إلى الحين اا وانت اتّعلم كل يوم اتّعلم كل يوم اتّعلم وكل يوم اتّعلم وكل يوم اتّعلم، عندك شي ثاني بعد؟إي عندي أسئلة والله اا-
قول-
أستاذ مبين إن انت من فترة مبكرة من حياتك كان عندك وعي وإدراك إن انت اا تبي تعمل
في هذا المجال إن انت تكتب-إي إي-
شعر غنائي، اا تذكر شنو اللي حفز عندك هذي الرغبة اا شنو ممكن يكون أثر عليك إن انت
تتجه في هذا الاتجاه؟ممما أدري شنهو بس اا كنت مفتون في سالفة إني أحب الغناوي، لما يت الأغنية الكويتية
بدت الأغنية الكويتية في الت- في التطو- التطوير، أو التطور، اا حظي كان إن سعود الراشد اللي طور الأغنية الكويتية ياري، يارنا بفريجنا، وهذا كان دافع، إنك تسمع آنا أروح أقعد أسمعهم، تالي تولعت في سالفة اا ال أغاني المصرية كنت أحب مرسي جميل علي- عزيز أستانس منه، أحب كتاباته لأن فيها أفكار، فيها فكرة يعني، وو و وو وأحفظ أحفظ وايد وأقرا وايد، ولي تصعب شي رحت حق خالد سعود الزيد رحمة الله عليه.اا مثلا حق منو كنت تقرا؟
ها؟
اا اا على سبيل المثال حق منو كنت تقرا؟
كل ال اللي يطيح بيدي أول أي شي يطيح بيدي أول أي شي يطيح بيدي أقراه، يعني حتى لو
ااا صفحة بجريدة اا أحب أحب ليما الحين أقرا يعني، بس بذاك الزخم الأولاني، يعني أقرا ح الحين بعد بعد تكنلوجيا فادتنا ح حط الآيباد و و تقرا على كيف كيفك، في كل وقت اا شاسمه، اا وكنت أحب أسمع وايد السمع كان بأكثر، اا أقعد ويا اا الشعرا وايد، أسمع، عندنا شعراد كانوا وايد، اا اتجهوا للأغنية مثلا محمد التنيب الله يرحمه بدر الجاسر الله يرحمه سلطان عبدالله سلطان اا أقعد أسمعهم، ما أحجي بس أسمع، لأن ما عندي شي أقوله يعني انت أمام شعرا كبار تقعد تسمع، واتّعلم، و و و و آنا يعني، مو الوحيد أكيد مثلي ألوف، بس آنا كنت محظوظ، إن تهيأت لي أجواء، إني أسمع وأني أقرا، تالي طحت في اا، اا اااه نزار قباني، ما يطلع ديوان إلا رايحله، وأظن ص- صار له تأثير علي، ووايد ااا وأحفظ، الحين لا ما أحفظ الحين اا آنا اللي أكتبه ماقدر أحفظه الحين-[المحميد يضحك]، اا طيب أستاذ اا أذكر ف- في وحدة من م- مقابلاتك [صوت قداحة] اللي
موجودة على التلفزيون اا قلت إن هم بعد آنا قاعد أرجع ميخالف حق اا الفترة اللي كتبت فيها يا رسول الزين ي- انت عرّفت فيها مرحلة المراهقة إن إهيا المرحلة اللي الشخص يمشي ويحب فيها-إي-
إي اا م-
تحب كل شي.
إي اا هل كانت هذي تجربتك يعني في هذيك الفترة؟
لأ ما كان في لأ كنت مقلد، كنت مقلد لأن، يعني ليش هذا كاتب سامري آنا بكتب سامري،
ليش هذا كاتب مثولث آنا بكتب مثولث- مقلد، بس واضح إني بعيد عن عن من أقلدهم، اا في نوع الكلمة اللي أستعملها آنا، بس كلنا نبتدي مقلدين حق فلان وفلان وفلان وفلان وفلان وفلان، لأن ذيلا اللل ااه، أساطير ال اا الشغلة فإنت، تشوفه شسوى ذي شلون جذي سوى جذي شلون سوى جذي شلون سوى جذي، وذاك السن يا إنت مخك يستوعب كل شي، لما تكون شاب وصغير وهذا وشغوف، يستوعب كل شي، اا أقرا فهد العسكر اا أتدوده أقرا فهد بورسلي أتدوده، أحفظ من هذا أحفظ من ذي أحفظ من ذاك، اا لأن ات- انت أمام مدارس بدون ما أن تشعر ومُتى تعرف إنهم مدارس؟ إذا كبرت تقدم فيك السن وبديت ترجع تنظر لهم مرة ثانية تلقى إنك انت دشيت جامعات اا ااا من شعر ذيلا اا اللي اللي سبقوك جامعات يعني هذا ج- مدرسة وهذا مدرسة وهذا مدرسة وهذا مدرسة وهذا مدرسة، وعقلك اا ص ااه الصغير ذاك الوقت اللي يمتص كل شي، اا مع السن بديت اتشوفهم أكبر من الواقع، تشوفهم أكبر من ااا، الشيء المتعارف عليه يعني، تحس إنهم كبااار يعني جامعات، فما ما ك- ماكو شي اسمه تج- اا اا اا في الأغنية ماكو شي تجربتك تكتبها، إلا الشاعر، شاعر الديوان، إنما كاتب الأغنية ماكو شي اسمه والله حالة يكتبها حالته هو، إذا لم يشرك مشاعر الآخرين وياه في هالحالة ويتصورها فيهم ما توصلهم، لأن الناس شعليهم من ح- أحاسيسك انت بروحك انت والله تحب وحدة كيفك ح- حبك إبليس يعني إذا غير-[المحميد يضحك].
خ خ خ خير يا طير يعني [يضحك ويسعل]، إي ي الناس يبون أهم يحسون، يقول لك هذي
الأغنية والله ااا تصدق والله يحسسني، اا كلمة بسيطة لكن لها معناها آنا بالنسبة لي لما يقول لي جذي- ويبا أحس والله إني كاتب هالاغناية، الله، شوف ال، شوف ال ااا اشكثر كبيرة السالفة مم؟اا طيب أستاذ اا بعد ما خلصت من الكلية الصناعية إذا نرجع يعني شوية نغطي جوانب
ثانية من حياتك اا قررت إنك تدرس اا الهندسة في أمريكا.إي.
اا ممكن تكلمني عن اا شاللي خلاك تتخذ هذا القرار وشلون كانت-
شلون؟
إي شنو اللي خلاك تتخذ هذا القرار إنك تختار الهندسة وو شلون كانت عملية التقديم أو
الحصول على بعثة في ذاك الوقت؟آنا يتراوى لي لما دخ- اا دخلت ال المعمار كنت أشوف الهندسة فن، يعني إنك تبني بيت،
إنك اا ترسم خريطة إنك- أشوفه فن، أكو كهربا وأكو ااا سيارات وأكو لح- لحيم وأكو كل شي في ال في الكلية، بس ماحب هالسالفة آنا لحام و دهن ومايشنهو، حبيت هاي لأن لطيفة، يعني اا تحرك مخك تشغل مخك ما، لكن وجدت تالي إنك انت يعني حنّا لما كنا في الكلية الصناعية مرحلة ألف بي لكن لما تبحر ما تقدر عليها بحر عالي، فقصيت الحق من نفسي ووخرت يعني.إي اا بس قبل لا تروح أمريكا تتذكر اا عملية التقديم والحصول على بعثة في ذاك الوقت؟
لا أول مو مثل الحيين.
إي.
لا لا، اا فقير.
شلون كانت؟
انت فقير.
شلون-
والله فقير انت فقير.
شنو يعني؟
انتو جيلك كله فقارى.
آه أوكي [يضحك].
ذاك الوقت لما تخلص يودونك-
إي-
من غير لا تقدم ولا يقدمون لك-
آآه آه أوكي.
لأن كانوا شوية.
مم.
الحين ما شاء الله تبارك الرحمن الثنويات تخرج بالألوف، فبدت تصعب السالفة، ولا أول
ماكو تخلص الثنوية تروح بعثة، وحنّا كان أول البعثة للكلية الصناعية بس لمصر، إلين ااا رحمة الله عليه خالد المسعود الفهيد، صار وزير التربية وفتح باب أمريكا.هذا كان في أي سنة؟
في الخمسة وستين-
إي.
بدا فتحها في الخمسة وستين، أكيد القرار ب- اا طالع قبل، ففتح ال ااا البعثات إلى
اا إنجلترا وإلىىى مصر وإلى أمريكا، فصار نصيبنا حنّا إن نروح هناك أكو بعض الربع قالوا لأ نبي نروح مصر، ااه.بس أهوا تلقائيا يعني يبُتعث- يبتعثونكم-؟
إي تلقائيا تلقائيا س إي إي وين بتروح-
بس يعني م-
انت اا تدلل إي.
اا بس ما ما ما تحتاج انت تروح مثلا وتقول لهم آنا أبي أروح ال أُبتعث إلى الدولة الفلانية-؟
يسئلونك هو وين تبي تروح؟
إي إي.
اتقول لهم والله ويا- وأمريكا ويا الربع بيروحون أمريكا بروح وياهم-
إي.
أو بروح مصر أو بروح إنجلترا، لأن كانت الأمور سهلة، يعني مو مثل الحين يعني الحين
ما شاء الله يعني الثنويات، ث- تخرج اا من بنين وبنات ااا كميات هائلة، فأصبحت في صعوبة، إن والله اا ال اا ال ااه اا شيسمونه لازم تييب هالكثر في المية ولازم تييب ماعرف شنهو ولازم، تروح تل- اا التعليم العالي ما كان عندنا تعليم عالي وزارة تربية والتعليم، فكانت الأمور سهلة يعني كلش، ال- كانت الكويت كل شي فيها سهل، كل شي.اا طيب أستاذ انت المرة الفاتت قلت لي إن على شان توصل أمريكا أول شي رحتوا إنجلترا
بعدين أخذتوا-إي إي رحنا اا بالساوث هامبتون حطونا بباخرة ورحنا.
إي ممكن تكلمني عن هذي التجربة؟
تجربة وناسة أصوات.
إي.
لي وصلنا مه [يضحك] شاسمه-
[المحميد يضحك].
إلين وصلنا نيو يورك، من الكويت رحنا بطيارة، ومن إنجلترا من ساوث هامبتون إلين نيو
يورك بالباخرة أخذنالنا يمكن أسبوع أو أكثر بعد، بس كانت باخرة كلها طلاب من جميع أنحاء العالم، فأتذكر لما وصلنا نيو يورك، كان في استقبالنا الله يذكره بالخير فيصل القطامي وكطالب هناك متقدم يعني، وو والدكتور سيف عباس رحمة الله عليه هم طالب ومتقدم استقبلونا ووو ومرتبين كل شي، حتى أتذكر لما رح- حطو- حطونا بالباص قالوا شوفوا كل واحد يطلع جوازه ويكتب اسمه من الجواز يعني لا تألفون أسامي على كيفكم لأن ما كنا نعرف يعني لا عندنا اا في اللغة ولا عندنا في هذا ماكو شي، وحو- وقسمونا اااا إحنا ما قسمونا مالت الكلية الصناعية كلنا شالونا وين حطونا بتيكساس في أوستن تكساس، وبعمارة وحدة مُتى انتعلم إنجليزي بالله عليك؟[المحميد يضحك].
ففي فترة قعدنا في تكساس شفنا ماكو فايدة، انروح الفصل نرجع دح سوالف وتطبّخ، فكان،
وياي آنا أتذكر عل- اا جاسم الهولي، اا أذكره بالخير يعرف إنجليزي، ويانا في ال، فقلت له يا معوّد حاجهم خل يودونا مكان ثاني انتعلم إنجليزي، فحاجاهم هو اا حاجى احنا كان المسؤول، أمريكي قبل لا يت- يتكوّت المكان المكتب الثقافي قبل لا يتكوّت، فكلمهم جاسم الله يذكره بالخير ويت الموافقة ورحنا أوريغون كربالس في أوريغون، دخلنا اا اا جامعة اا أوريغون قسم ال اا تعليم اللغة الإنجليزية English Institute [يسعل] إهناك بدينا التعليم صح ولا في في في أوستن بس نطبّخ، رايحين رادين بس وبدت المسيرة.اا طيب اا أول ما وصلت نيو يورك تتذكر شنو كان انطباعك عن المدينة؟
متدوده شنو.
إي.
متدوده وو والدنياا غير وو وأوادم غير وو هذا شارع ااه برودواي ما برودواي هذيلا،
والليتاات والأوادم وال ش شي مبهر.هذا في أي سنة كان؟
في الخمسة وستين.
إي إي قعدتوا أيام في نيو يورك ولا على طول-؟
لا قعدنا يمكن أربع تيام بنيو يورك.
إي إي.
اا أربع تيام بنيو يورك على ما ير- يرتبون شغلنا يعني، تالي رحنا ااا أوستن تكساس،
بس تجربة اا كانت فظيعة يعني.اا طيب شلون شلون انتقلتوا من نيو يورك لي تكساس؟
طيارة.
إي.
إي طيارة، بعيدة.
إي.
ضرب رايح يالله توصل، آخر الدنيا، بس كانت تجربة وايد اا زينة تعلمنا فيها وايد
شغلات والله، في أمريكا تعلمنا وايد شغلات، وأهم شي تعلمناه الواحد يعتمد على روحه، يعني خاصة لما ابتدينا نتنقل عاد وكل واحد يروح مكان، ماكو إلا انت يعني بعد م، ماكو الربع وياك والهذا، فتعابل روحك يعني اتّعلم إنجليزي غصبن عليك، ااا اا تحجي غصبن عليك لأنك تبي تعيش، اتذاكر غصبن عليك عشان- مو عشان بس النجاح، تبي تحجي، لأن حنّا رحنا هني طرمان، ما نعرف إنجليزي، وأخذت ست شهور منا يعني، ست شهور والله.اا ست شهور كنتوا بس تتعلمون لغة في أوريغون صح-؟
إي إي إي إي-
إي-
لأ انتقلنا من أوريغن رحناا تالي ودوناااا ميشيغن، ميشيغن كنت بروحي، ودخلت قسم
داخلي، آنا وياي ثلاثة- وياي أثنين أمريكان في ال في الغرفة، إهني احتكيت فيهم عدل، بس لما نروح المعهد نلقى أوادم من جميع الجنسيات، بس في الداخلي ماكو إلا انت وياهم يعني لازم اتّعلم منهم يعني.اا وهني في ميشيغن كنت قاعد تكمل تتعلم اللغة الإنجليزية ولا كنت ق-؟
إي الإنجليزية إي عقبها عاد بدوا اا يعني اا وين تروح آنا رحت ااا ااا college في
مسكيغ بميشيغن، عشان للهندسة، اا إي، تميت فيها تقريبا، سنة ما قدرت أمشي، ما ما قدرت أمشي، هذا اللي خلاني عاد أدور لي صرفة، بس هو مثل ما قلت اا انتقلت اا في الإجازة ااا اكتشفت وش أبي آنا.إي اا الإخراج وين درستها و-؟
اا اا اا في اا كاليفورنيا، في لوس أنجلوس، مم.
ااا ش شلون كانت الحياة في كاليفورنيا مقارنةً بالولايات اللي كنت قاعد فيها قبل؟
لا وناسة وو فيها ع اا عرب وايد وفيها، شاسمه في- وو فيها كويتيين وايد، فيها
كويتيين وايد ترا اا انت م ما اتّخيل شكثر فيها كويتيين، فتجربة تجربة اا، اا وايد وايد رائعة، اا بس الحين لو تقول لي روح أمريكا أقول لك مابي.ليش؟
بس شيوديني ثمانتعش ساعة-
[المحميد يضحك]-
ما أربعتعش ساعة في الطيارة.
إي اا طيب شنو كانت س- طبيعة الدراسة الإخراج؟
نظري، وعملي يعني ما تدرسه في الفصل تنفذه اا في اا استوديو صغير يعني ستو- مو
ستوديو جبير ستوديو صغير يعني بو كامرتين وهذا يعلمونك شلون تشتغل وشلون، وت- و واتّنقل تشتغل مثلا اا في في في ال اا في في في الإضاءة تشتغل في الكامرات تشتغل في تضبيط الكامرات تشتغل في الديكور تشتغل في، إي اا يعني يعلمونك كل كل كل شي كل شي كل شي له علاقة في اا الإخراج ويخلونك تخرج بروجكت، نهاية كل كورس، تسوي بروجكت ت ت تخرجها انت، ااا بس اا طول الوقت شغال يعني اا ماكو راحة، يعني ماكو راحة إلا بالويكند طول ما اا الأسبوع وانت بس تشتغل.اام هل ك كان فارق معاك يعنيي شعورك تجاه الدراسة لما بلشت تدرس إخراج؟
إيي وايد، وايد حسيت إن حياة هذي هذي اللي أبيها آنا.
مم.
هذا اللي أبيه، بس العجيب إنك انت لما تدرس هناك وتيي الكويت، انت ااا يعلمونك
ااااا، اشلون اتّواصل مع اا السينما مع ال الفيديو مع شلون اتّواصل معاهم، تيي الكويت غير، غير تبتدي اتّعلم من ربعك يعلمونك، شلون اا تسوي الشغلة يعني اللي قبلك اللي اا مخرجين فيضل الضاحي والجماعة ال اا عسى الله يطول أعمارهم يعلمونك ياخذون بيدك يعني.بس ش- شنو تقصد إن الأمور تختلف- تختلف من أي ناحية؟
تختلف ال المصطلحات اللي انت اتّحجى فيها، لأن احنا ما نستعمل اللغة ال الإنجليزية
في شغلنا، اا تستعمل اا اا اللهجة ف اا، سبحان الله مج- مجهزين ااا الر- اا الربع م يعني ع- يعلمونك شلون تحاجي الفيديو شلون تحاجي ااا السينما شلون تحاجي السيشيو شلون تحاجي داخل الستوديو شلون تحاجي ال [يسعل] ال المصورين شلون، هناك كله خو كله بالإنجليزي، إهني كله ب اا بالعربي نصه كويتي بعد اا ، فتع- تع اتعوّد مت- مع ال مع السنين تنسى يعني تنسى حتى الإنجليزي.اا طيب سؤال لما اا لما اكتشفت إن صار عندك رغبة إن انت تحول من الهندسة إلى
الإخراج اا هل تخصص الإخراج يعني مثلا كان مدرج على قائمة التخصصات عند وزارة التربية والتعليم؟ ولا كان في تساهل إن انت شنو تخصص-لا في تساهل اا تساهل لأن ك- اا كلمناهم ووافقوا عليه يعني ما، عاد ما أدري عاد إذا
في هذا ولا ما في ما أدري.مم.
لأن تمت العملية كلها هناك يعني مو هني، ف وو سهالات يعني قلت لك أول كل شي سهل،
يعني حتى حتى بالتيلفون تسوي شغلك.اا طيب اا جم كانت المدة اللي أخذتها في دراسة الإخراج؟
أربع سنين.
إي، وو شنو كانت ال يعني مثلا ش- شلون كنت تقضي وقتك اا خارج ساعات الدراسة يعني في أمريكا؟
انتيمع م اا الربع انتيمع ويا الربع، نطلع نسهر، نروح السينما نروح اا بس ااا في في
فترة كانوا يودونا يورونا shows شلون اتّصور وهذا وو، فهذا ونسة يعني جنك داش فلم، وتشوف فنانين كبار يعني أتذكر آنا منهم Sammy Davis اا كان عنده show.آه.
في ااه رحناله وورونا شلون الشغل وشلون البروفات وشلون.
التقيت فيه شخصيا؟
لا لا يورونا-
إي-
احنا ما التقينا فيه-
إي إي-
لا لا يورونا، بس كان هو اللي يغني وو ي، يدير الشو، في في اسمه اا Hollywood
Palace ال الشو اسمه هوليوود بالاس، فتشوف يعني- ودونا ال ااا يونيفيرسال تدش الستوديوهات يصورون مسلسلات ويصورون- يعني يورونك يعني، اشلون شلون ال اا ال الشغل يعني، بس ما ن- انت ما اتّعاطى وياهم يعني انت ما، انت اتّعاي ويا اللي يايبك، يعني ما لك ش- علاقة فيهم ما يعني ما تكلم لا حتى حتى مصور ما تكلمه، إي، بس وكنا لا- ومشت، وصارت ذكريات.مم، اا هل كان في أماكن معينة كنت تحب تروح لها في كاليفورنيا؟
آنا أحب القهاوي، نروح نقعد بقهاوي في هوليوود س- ستريت أكو قهاوي نقعد فيها- نطالع
اا قعدة وكعكعة وضحك و، بس ما ولا ب الباجي ااه، ماكو بالبيت اا ال المدرسة البيت المدرسة البيت، [صوت قداحة].اا انت قلت لي إن كأن في ميشيغن كنت اا قاعد في سكن داخلي، اا ف-
إي إي.
وو في كاليفورنيا وين كنت ساكن؟
لأ سكنا فشقة.
إي.
مم، اا سكنا بشقة، اا لأن ماكو داخلي عندهم، المدرسة اللي احنا فيها ما فيها داخلي
فسكنا بشقق- والشقة أحسن بعد من الداخلي.مم.
أتذكر سكنت انا في ستوديو صغير، ماكو اا دار وحدة فيها قنفة مثل هذي جذي إهي فراشك
واهي قعدتك واهي كل شي وكرمك الله حمام ومطيبخ صغيّر بس.و كنت ساكن بروحك؟
ها؟
كنت ساكن بروحك؟
إي، ساكن بروحي إي- لأن اا أصلا حتى لو بيسكن وياي واحد اا ب ما نقدر اا انتحرك.
[المحميد يضحك].
صغيّر مكان صغيّر شزينه، اا اا مكان صغيّر اا ال اللي أجاره تسعين دولار.
أوه.
بعد اا يي شدعوه فيلا.
هذا وقتها كان غالي ولا رخيص؟
لا زين تسعين دولار زين، ما لك شغل بالكهربا ما لك شغل في الماي ما لك شغل في ها، فزين.
مم، أستاذ حاب نوقف تسجيل ناخذ استراحة؟
ناخذ استراحة ويا ليت اا اا إن إن نشوف لنا موعد ثاني.
آه إنشا- تبي أوقف تماما يعني-؟
إي والله إي إي والله يا ليت-
إي حاضر حاضر خلاص أوقفه الحين، إي بلش يسجل اا آنا عبدالعزيز المحميد واليوم نسجل
اا الجلسة الثالثة مع الأستاذ بدر بورسلي في منزله الكائن في منطقة مشرف اا ت- اليوم يوم الأثنين والتاريخ ثلثتعش اا ديسمبر ألفين وواحد وعشرين والساعة حاليا عشر وو ثنعش دقيقة تقريبا صباحا، اام أستاذ اا تعطينا إذن شفهي بتسجيل المقابلة؟إي تفضل إي.
دام فضلك، اا أستاذ في الجلسة اللي فاتت تكلمنا يعني في الغالب عن مرحلة دراستك في
الولايات المتحدة الأمريكية وو اا بعدين عودتك إلى الكويت وو اا يعني عملك في المجال الفني في كتابة اا بعض ال اا بعض الأغاني اللي تسجلت وتغنت-مم-
اا قبل لا ننتقل حق المرحلة اللي بعدها اا عندك أي إضافة على المرحل- مرحلة الدراسة
في الولايات المتحدة-؟لا لا ماكو ولا شي ماكو شي-
ما في شي إي-
لا-
طيب أستاذ تكلمني عن اا لما رديت من الدراسة في الولايات المتحدة وصلت الكويت اا
قلت لي إن اا اشتغ- بلشت تشتغل في وزارة الإعلام صح-؟إي إي.
إي إي.
في في التلفزيون.
إي ممكن تحدثني عن تجربتك في العمل في وزارة الإعلام و بنفس الوقت يعني انت في نفس
الوقت كنت قاعد تشتغل تكتب في كتابة الأغاني وجذي-إي إي وأكتب إي وأكتب إي-
إي-
إي أكتب،
00:12:00آنا أصلا رحت اا درست هال هذا، ل اا لأنه قريب من شي آنا أحبه، اللي هي الكتابة اا لما رجعت تعرف دائما لما تيي وظيفة يحطونك في مرحلة ااه، اتّعود عالمكان اتّعود علىىى اا اا العمل طريقة العمل، لأن ما تدرسه انت شي أكاديمي ناس أكاديميين يعلمونك، بس لما إتيي ااا ال للواقع اا أكو ناس اا حرفيين، ااا اتّعامل معاهم، فأول ما ييت حطوني أتذكر في ااا أنفذ البرنامج العام بمعنى إنك اتيي انت الصبح مثلا، تفتتح المحطة، وت- اا و وتنفذ البرنامج اللي موجود على ورق أمامك اللي يشوفونه الناس، هم ما يشوفونك انت ولا يدرون منهو اللي قاعد يسويه، بس أكو واحد يسمونه اا اا اا اا منفذ البرنامج العام، فتبتدي إهني التجربة الأولى حيث إن ال كل مصطلحات اللي انت مثلا درستها في اا في خارج البلاد، اا ماهي نفس المصطلحات اللي اتزاولها ااا في وطنك وفي مكان عملك، تختلف وايد، فحتى ما اتّخربط يعلمونك أول ما تمسك يكون وياك ناس اا واحد اا من المخرجين، يدربك على شلون تشتغل وتبتدي شوي شوي شوي شوي شوي شوي إلين اتّم انت لوحدك تيي وعارف تجيّك على هذا وتجيّك على ذي وتجيّ ك على كل شي جاهز وهذا وت ت تطلع في اااه السلام اا اا ال الوطني أو أو في الفترة هذي و اا و اا كان السلام الأميري اللي آنا اشتغلت فيها، و ااا تبتدي عاد، القرآن ال ال ال ال ال جدامك انت هذي و و واتّواصل اا مع ااا ال اا قسم ال التليسي- تيليسينما و الفيد- اا الفيديو، وال ااه ك- وال ااه كامرات والدنيا كلها اتّواصل معاها، وت- تمشي شغلك كله طول اليووم إليين تسكر المحطة.بس ميخالف أستوقفك أبي أسأل شنو تقصد إن تفتتح المحطة وتصكرها؟
اا ال اا تبتدي المحطة يعني ت ااه السلام الأميري يعني معناته المحطة اا انفتحت،
لأن ما كان ذاك الوقت لما ييت أشتغل آنا البث أربعة وعشرين ساعة، الساعة ثنعش بالكثير وحدة يسكت يصكون ال اا القنوات وما كان في إلا ثلاث قنوات، اا لا والله قناة وحدة بعد مو ثلاث، تالي اا اطلعت مالت الرياضة والثانية اسمه، ف اا فهذي اا ال المعنى فيها، افتتاح فيقول لك افتتاح المحطة عليك باجر الجدول عندك وانت عارف اليوم الفلاني واليوم الفلاني واليوم الفلاني انت اللي تيي الصبح وتش- تشغل هالسوالف، عقبها تيي م مرحلة ثانية، اللي هي اا التنفيذ إنك تنفذ برنامج، بمعنى إنك انت مثلا تشتغل مساعد مخرج، فترة من الزمن مع اا مع المخرجين اتّعلم منهم، اا اشلون ااا يرتبون عملهم شلون ااه اا يشرف عالإضاءة شلون يشرف على الديكور شلون شلون شلون ت- انت وياه اتّعلم منه، اا ع عقب- الفترة اللي وراها إتييك فترة إنك انت والله سين من المخرجين غايب بإجازة مثلا تستلم برنامجه، وتنفذه، اسمك ما يطلع على الشاشة أبدا في الفترة هذي، ااا يطلع اسم المخرج الأصلي انت منفذ، إلين توصل مرحلة ال يصير برنامج لك خاص فيك، وهني تبتدي استقلاليتك في برنامجك شلون تسويه شلون تدخل البرنامج هذا عاد اا ابتكاراتك انت و، و ااا واستعدادك اا لهالسالفة ذي، ال ال ال الفترة ااا يتني آنا فترة اا أخرج أغاني، قلت لك آنا أحب أكتب أغاني فكنت أخرج أغاني وأخرجت أغلب أغاني عبدالكريم وعبد اا مصطفى أحمد ووو و عبدالمحسن المهنا ذاك الوقت وغريد الشاطئ الله يرحمه و ال الجماعة كلهم ال اا شاسمه، وو ذاك الوقت كان في حرية أكثر إنك انت تروح ت- تختار الأغنية اللي انت تبيها تسويها، ما أدري الحين شلون بس أول جذي، وبدت مسيرتي مع مع ها- مع ال اا الإخراج.بس ميخالف أسئلك عن-
اا ااه-
السنوات إهيا في أي سنة انت دخلت وزارة الإعلام؟
آنا أول مرة دخلت س- اا تقريبا في نهاية ثمانية وستين [صوت الباب يُفتح] واستمريت
[صوت الباب يُغلق] اا دخلت ثمانية وستين واستمرييت إليين، سنة كاملة تقريبا في تحت التدريب، من، أحد داخل علينا ما عليه.تبي نوقف التسجيل؟
لا لا لا لا-
إي [يخلي ريقه].
اااا السنة ااا اا في التنفيذ تقريبا وسنة تقريبا في ااه تنفيذ البرنامج العام،
وبعدين بديت ش- أشتغل شغلي آنا اااا يعني كان أول برنامج سويته اسمه العالم الراقص، أتذكر، واستمريت أخرج أغاني وبرامج إلين يت فترة اا اا أخرجت برنامج سهرة مع أمينة الشراح الله يذكرها بالخير، وهذا البرنامج كان اا مر عليه كذا مخرج يعني، وبرنامج مشاهَد يوم الخميس بالليل والعالم ك كانوا أول يقعدون بالت- عند التلفزيون يطالعون التلفزيون أغاني ومقابلات و منوع، واستمريت فيه والله مدة اا طويلة، وتنقلت بعدين ااا أخرج مجلة التلفزيون وأخرج اا يعني عدة برامج عدة برامج اا يعني مو برنامج واحد ومستمر فيه، ااا س إي- بعدين اتجهت اتجاه ما أدري شلون يعني ليما الحين ماني عارف شلون آنا اتجهت له يعني إن بديت أهتم اا في الموروث الشعبي [صوت استكانة شاي] فأتذكر إني اا في ليالي رمضان كان يُذاع لي برنامج عن الألعاب الشعبية في الكويت، وكان بإشراف رحمة الله عليه الأستاذ ااا أيوب حسين ااه التشكيلي الرائع ال المعروف، و وبديت أهتم في كل شي، فيه ااا ريحة ال اا الموروث الشعبي، يعني حتى أتذكر سويت برنامج ااا، س سميته الليلة عندنا سمرة، والله أتذكر زين، واستمرت الحياة جذي مدة طويلة إلييين، ما أدري أي سنة بالضبط ما أتذكر أي سنة، اا كان لي صار الصيف يطلبون منا اا اا يعني مس- مسؤولك المباشر اللي هو رئيس قسمك أو المراقب الر- اا اا قسمك إنك تسوي سهرات في الصيف، على شان تونس الناس اللي ما يسافرون يعني اللي ما ما يروحون مكان يعني اللي قاعدين بالكويت، فاخترت آنا، أسوي سهرات خارج الستوديو، وهم بذهني سالفة ه- الموروث هذا، العجيب إن تصوير في شهر سبعة تقريبا س شهر سبعة كانت إي تصوير، شهر سبعة موت حر، وصادف اختياري إني أصور عند خباز، فتخيل إنك داخل اا بال اا بهالحر وو، وبتسوي برنامج و وجا- ويمك تنور يشب ضو وقتة، حسيت إن لأ السالفة، المهم خلصت اا ال التصوير وهذا الحلقة الثانية كانت في الجبرة جبرة الخضرا وهم حر موت حر، اا ت شسوي الحين؟ آنا كنت شايف برنامج فأمريكا، يعيدون الأبيض والأسود، أحنا في سنة السبعين صار عندنا التلفزيون ملون، ف قلت ليش ما أعيد الأبيض والأسود؟ مو حبا في ال الأبيض والأسود كثر ماهو بالستوديو، مذيع و وانت تخرج البرنامج براد شزينك، فرحت حق رئيس قسمي الله يذكره بالخير حافظ عبدالرزاق، قلت له والله آنا عندي فكرة شايفها، يعني مو إبداعي لأ شايفها آنا هذي، وودي أعيدها يعني اا بالكويت قال شنهي؟ قلت له س- أسوي بر- اا انعيد البر- اا الأبيض والأسود اللي عندنا في الكويت عندنا ااا كم هائل، قال لي والله خوش فكرة، من يقدم البرنامج؟ قلت والله يقدم برنامج أمينة الشراح، وكانت نجمة النجوم في ذاك الوقت، فرحت حق أمينة الشراح قلت لها آنا عندي برنامج جذي جذي جذي جذي، جان تقول لي لا والله اعذرني، عالم يشوفون ملون اا أبيض وأسود، وكلما قلت حق واحد قال لي جذي، شسوي الحين، ت تدري شلون، قلت له آنا أسويه آنا أقدمه، قال يالله قدمه، أول سهالات يعني ما في شي، قلت له آنا أقدمه وانا أخرجه، قال خوش، سوينا حلقة مدتها ساعة، وأُذيعت مرت مرور الكرام يعني العالم ما ما حسوا بشي يعني بس حسوا إن أكو شي أبيض وأسود يعني، اللي وراها دخلنا على اااا فترة ال اااا يعني خلاص اا انتهى مو- الموسم مالي أربع سهرات سويتهم خلصت، وعقبها بديت اا أشتغل ببرنامج مجلة التلفزيون- كمخرج، ومش- ورديت على شغلي برامجي و شغلي وال اا والليل اا يوم الخميس سهرة الخميس وو شغالين اا وكل شي عادي يعني طافت الفترة ور- آنا حمدت الله إني اا حفظت ماي ويهي بس خلصت السهرات، مرت الأيام لها شهر أو أكثر شهرين، وجان يقولون لي ترا يبيك وكيل اا ال اا التلفزيون كان ذاك الوقت اا أستاذنا الله يطول عمره اا الوزير ال الأسبق محمد السنعوسي وزير الإعلام الأسبق، إحنا العادة ما يناديك الوكيل إلا انت مسوي شي غلط يعني-[المحميد يضحك]-
مسوي خملة عودة يعني-
[المحميد يضحك].
اا فتشت بذهني وين آنا غ اا سويت شي يعني مزعج وسوي- ول- أذيت أحد ولا غلطت بشغلي
ولا، المهم رحت حق محمد السنعوسي، قال لي، أبيك تسوي برنامج أبيض وأسود، وأبيه نص ساعة كان ساعة مدته أثره هو شايفه، قلت له خلاص إنشالله من تبي اا يقدمه يعني؟ عشان أقول لهم الوكيل يقول اا يبي فلان يقدمه، ذيج الساعة محد يقول اا آنا ما هذا بيوافق، قال لي انت، قلت له آنا م اا م مو شغلتي يعني م م مو شغلتي التقديم ولا شي، قال لأ قدمه انت، وزين الحين شسوي آنا الحين ااه توهقت، ذيج س- يالله بالغصب خلصتها، وأروح حق أمين الحاج الله يذكره بالخير قلت له أمين قلت له آنا بقدم برنامج أبيض وأسود ها؟ و وأعد له وانت اخرجه، قال زين، سوينا البرنامج دورة كاملة لأ لفت انتباه الناس، البرنامج لب- اا يعني حسوا فيه غير، واهني يرجع شلون اا محمد السنعوسي الله يذكره بالخير مع حفظ الألقاب، عرف اشلون ينجّح البرنامج، قلل مدته خلى إيقاعه أسرع، اا ما ياخذ وقت، الدورة الثانية سويته ت لأ السالفة آنا س- قمت أستحلي السالفة ماكو تعب، إتيي بس وتحجي، اللي حدث، مشى البرنامج نجح، فصار اا اتجاه يديد بالنسبة لي الحين اللي أهو أقدم برامج، وبديت في تقديم البرامج، و من فضل الله اا اا كل برامجي اللي سويتها اا يعني اا وُفقت، بس كان كله بذهني الموروث الشعبي، واللهجة، اا الحفاظ عليها، فحسيت إن عندي رسالة وهالرسالة تقول إن اا مهمتك اتحافظ على هاللهجة، وتنظر للموروث، اا بعين واعية وتقدمه ل أجيال ياية، ما في مبالغة، ما فيه ااا زيادة حجي، اا ما فيه اا تلبس الأمور أكثر من ما تحتمل، تقوله على طبيعته، شكانوا يسوون تسوي، يعني لا تب- تحاول تبتكر يعني لا تحاول اتضيف على بو آنا ب بضيف عليه شخصيتي ماكو هذي المقولة اللي مالها طعم؟ بضيف- اا آنا لأ ف- كان كل تفكيري إن أقدم هالشي هالشكل، الحجي مثل ما ينقال، اا اللعبة مثل ما اتّسوّى، المثل مثل ما ينقال، الغطاية مثل ماا اا ما تنقال، ما تبتكر اا ولا تضيف، وجدت ب- الآن متعة ثانية ال- في عملية البحث، بالإضافة إلى متعة التقديم متعة اا متعة ال اا محاولة للوصول للناس أكثر، اا متعة اا البحث و اا، و اا اللهجة شلون جميلة وشلون بعض الكلمات اا عندنا ااا عربية قح وشلون االكلمات ال ال المستعارة يت وشلون دخلت وشلون وشلون، فكانت لذة وتميت أهملت سالفة الحين الإخراج، وتوجهت للتقديم، وقدمت كذا برنامج، ااا من عرضهم برامج آنا كنت أخرجها مجلة التلفزيون ما مج- اا قمت قمت آنا أقدمها يعني الإخوان يقولون تعال قدم لنا هذي تعال قدم لنا، اا ر- ربعنا المخرجين اا انت عادي قدم هالبرنامج تعال قدم و ف اا أهملت سالفة الإخراج، و وتوجهت للتقديم والإعداد، هذا نقلني عقبها، بمرحلة، اا ك اا كلش ما كانت متوقعة عندي، آنا كل همي كان اا أخدم تلفزيون الكويت وأخدم مشاهدين، وأسوي شي يسرهم يعني يونسهم... صار الغزو الله لا يعيد الشر، وانقطع كل شي، عدت إلى شي ال اا أحبه يعني، إلى الكتابة، في الفترة اللي كنت آنا أقدم فيها برامج هم أكتب أغاني، اا شي أحبه يعني ما اا، اا بس لما انقطع التلفزيون كان كل توجهي لل ااا لكاتبة اا ال الأغنية الوطنية.اا أستاذ ميخالف ما أقطع كلامك بالخير قبل لا ندش في مرحلة الغزو ميخالف نرجع على
بعض التفاصيل اا في عملك يعني في التلفزيون، ااا آنا ب بس شدني وايد اللي أهوا أول برنامج انت عملت عليه بشكل مستقل قلت لي اسمه العالم الراقص.إي.
إي اا ها- تذكر كان في أي سنة وشنو كان محتوى البرنامج-؟
ب بما- اا لأ في البدايات بس ماني عارف أي سنة، هذا العالم الراقص آنا يُهيأ لي،
الآن بعد ما اا شاسمه، نتيجة وجودي في الولايات المتحدة مدة من الزمن، وإحساسي في ال اا إيقاع إيقاع الأغنية ااا الأجنبية، فقلنا نعيده اا قلت أعيد هذا ال ال ال ال ااه، اا البرنامج مرة ثانية، أعيد اا اا البرامج اللي مخزنها آنا يمكن براسي وانا ما أدري، فكانت تعتمد على الأغنية الأجنبية كل- ذاك الوقت كان في فرق بالكويت يغنون أجنبي، في ال ااا فنادق وو هذا غي- غير الحين يعني، اا فكنا نستعين فيهم، ونسوي البرنامج ونجح تصور نجح ذاك الوقت-اا إن هذيلا-
على بساطته.
هذيلا يعني اا كويتيين يغنون أجنبي ولا أجانب يغنون أجنبي بالكويت؟
لا أج- أجانب يغنون-
إي إي.
أجانب يغنون، أجانب يغنون، وكانت جميلة السالفة.
إي، اا طيب وو ال السهرات اللي انت عملت عليها كانوا أربع سهرات موسم بعدين اا كأن
اا اا وكيل التلفزيون في ذاك الوقت طلب منك إن تقلل المدة يكون نص ساعة-إي إي إي.
ااا ت تتذكر شنو كان محتوى السهرات هذي؟
كله قلت له- قلت لك كله كانت تتك- تتكئ على الموروث.
إي.
أي شي له علاقة بالموروث- خباز جزء من حياتنا، جبرة الخضرا جزء من حياتنا، سوق
السمج سوق ااا جزء من حياتنا، يعني كله كله كله اا أشياء لها علاقة بالإنسان الكويتي يتعاطاها يومي، يعني مو مو شي جبير ولا شي، شي بسيط جدا، بس هذا اللي موجود فيك يعني ف في حياة الإنسان الكويتي هذا اللي موجود، يعني ي يا خباز يااا سوق خضرا يا سوق اللحم يا سوق ها؟ يعني الحياة اليومية تقدر تقول اا ل للناس في الكويت فهذا ااا كان م اا، اا أساس ال اا السهرات اللي سويتها في أبيض وأسود لأ قمت اا اا أتنقى أشياء، اا من اا المكتبة، اا مثل اا صفحات من تاريخ الكويت منلوجات قديمة أغاني قديمة وأقول ل ل لهم التواريخ فيها إن هذي سنة هالكثر اا سووها سنة هالكثر هذي سووها سنة هالكثر هذي- جذي، و ومشى لأن بسيط مو لأن واو وو شي يخرع وشي جبير لأ، لأن بسيط، وو واكتشفت إن كلما بسط- اا ابسطت الفكرة صارت بسيطة أو كلما اا انت حاجيت الناس ببساطة، من غير تفذلك حجي وو وإنما و اا هذا واللتي وهذا اا توصل لهم بسرعة، فوصلت لهم بسرعة بس ما يعني ما ما ماكو مو شي مبهر، بس اا يُهيأ لي شي قريب من الناس.اا عندك فكرة شنو كان شنو كانت أصداء هذي البرامج عند الناس اا عند المشاهدين؟
إي اا م آنا ك- اا في البداية ما ك- ما كنت أكتب اسمي، فلي شافوني بالشارع يقولون-
يسموني أبيض وأسود.[المحميد يضحك].
فال- بس مستانسين منه يعني.
اا ليش ما كنت تكتب اسمك؟
مم؟
ليش ما كنت تكتب اسمك؟
في البداية في السهرات ما كتبت- اا كنت أكتب اسمي، يعني أكتب بس إخراج بدر بورسلي،
خايف من الفشل.مم.
خايف من الفشل اا عشان لا فشلت ما تطيح براسي.
[المحميد يضحك] وو شنو كان شعورك تجاه التقديم وانت تقدم البرامج؟
في البداية خايف لا بالبداية- لا لا ليلحين يعني وانا اا ل اا رحت أقدم برنامج اا
أخاف، اا أخاف مو بمعنى الخوف والرعب لأ، أخاف إن إن ما يوصل للناس، يعني اا ما يوصل للناس وإذا ما وصل للناس أكيد العيب مو في الناس فيك ياللي قاعد تقدم هالشغل، فتلقى هذي الرهبة ال اا، موجودة.اا طيب اا شنو كان شعور الأهل تجاه اا الأعمال اللي كنت تقدمها في التلفزيون-؟
لا عادي تالي- دا- لا تالي صار عادي.
إي.
صار بساط حمل- أحمدي.
مم.
كا كان اا كل الأمور طيبة يعني.
بس يعني هل كان في دعم من قبلهم- معنوي؟
إحنا اا حنّا أسرة كلاسيكية يعني اا يعني عادية يعني، مادري يمكن تسمع هالحجي، مو،
مو من مو إحنا يعني مو الكويتيين يعني اا ك يعني في في في مجال هالعمل، يمكن تسمعه في أوروبا يمكن تسمعه في مصر يمكن تسمعها في لبنان إن أهلك اا واقفين و وراك وو يدفعونك للأمام ومادري شنو ها؟ إحنا ما عندنا هذي لأن حنّا طبيعة- طبيعتنا جذي طبيعتنا يشوفونك أوكي نايس يعني و ولد شزينه شحلوه، اا يعني طالع بالتلفزيون ولدهم لازم تكون حلو يعني اا-[المحميد يضحك].
ااا ولدنا شحلوه بس إنما يعني لأ سو جذي تقدم سو هذا س- يوس- لا لا محد حولك.
مم.
يعني اا يشوفونك يستانسون ولدهم بالتلفزيون.
مم.
هذي ت- اا تشوفها بمصر في هذا اا يقول لك والله اللي يقدم برامج كان الوالد
والوالدة د- يدفعوني للأمام زوجتي تدفعني للأمام اا السوالف هذي هذي ما تلقاها عندنا يعني إلا جان الحين في الفترة هذي ف فترة اا اللي احنا فيها يعني الحين واحنا نسجل يمكن بس اا أمي و خالي وو وخالي الثاني وعمي و، لا ما كان حو- ماهم حول هالسالفة يطالعونك بالتلفزيون بس.اا طيب هم بعد اا من بين الأشياء اللي ذكرت لي ياها إن انت كنت تعمل في إخراج الأغاني؟
ها؟
اا كنت تعمل في إخراج الأغاني اا تذكر شنو أول أغنية أخرجتها؟
أول أغنية قال أحبك أويلاه.
آه.
اا هذي حق مصطفى أحمد.
اا كان أي سنة؟
مادري بس اا ي ي بالث- يعني أوائل الثمانينات أو يعني أوائل اا- أو نص السبعينات ث-
نص منتصف السبعينات، إي قال أحبك أويلاه إي مصطفى أحمد.اا وو شنو كانت تجربتك في إخراج الأغاني؟
لذيذة، هم هم في في إخراج الأغاني حاولت أوظف ال ال الموروث، اا في في في الأغنية
يعني أسويها سالفة، يعني اا أسوي لها سيناريو سالفة قصة، يعني وأحيانا لأ أستعمل الفرقة الموسيقية والإضاءات وال وال وال وال وال، بس كان كله يطلع أبيض وأسود ما يطلع ملون، إلين ت- صارت الألوان ذيج الساعة، بس ال- أول ما ب- بديت في هاذيله اا لا اا ها اا اا قال اا قال أحبك اا بالملون أظنها بالملون، بس أكو أشياء بالأبيض والأسود سويتها، اا ب أحاول قد المستطاع يعني م اا كلها ثلاث كامرات فإنت تشتغل على هالثلاث كامرات تسوي سيناريو بسيط، اا وتقدمه للناس اا ب ق- قصة صغيرة تسوي لك قصة صغيرة، ناس قاعدين بقهوة ناس ب اا شغلة جذي.اا طيب سؤال ااا هل كان في اختلافات اا ف في طبيعة شغلك اا بين اا [صوت قداحة] يعني
عملك في وزارة الإعلام في التلفزيون وبين إخراج الأغاني؟كلهم حق وزارة الإعلام، كله بالتيلفزيون لأن ماكو إلا هالتلفزيون وآنا أخرجها
بهالتلفزيون وأقدمها بهالتلفزيون وبرامج أقدمها بهالتلفزيون.فطبيعة العمل نفسها ما كانت تختلف؟
اا لا لا لا لا لا لا انت تشتغل-
مم-
وو كان اا اا يعني اا الإخوان الله يذكرهم بالخير المخرجين، اللي موجودين، ناس
يشتغلون أربعة وعشرين ساعة يعني يحبون شغلهم، كان في حب بيين ال اا الموظف وال اا وال وال والجهاز كله.اا طيب بس يعني عملك في إخراج الأغاني هل مثلا فتح لك آفاق اا مم ما ما انفتحت عن
طريق العمل مثلا في التلفزيون؟اا شلونك- اا في إخراج الأغاني مو آنا أشتغل في التلفزيون وأخرج الأعمال هذي
للتلفزيون يعني-إي-
تل- التلفزيون هو ال ال المنتج.
إي.
إي، ف اا يعني من ضمن عملي، يعني مو خارج عملي لأ من ضمن عملي.
مم.
لذلك كنا نطول بالتلفزيون نيي الصبح ما نطلع إلا بالليل.
إي، اا تتذكر مثلا بعض الأمثلة للأغاني اللي أخرجتها؟
وايد وايد، ليل السهارى، اا اا اا ما درييت اا، ااه حق علية التونسية و وايد أخرجت
أغاني وايد وايد فما ت- يعني عدد جبير.اا فقط لفنانين كويتيين ولا هم بعد غير كويتيين-؟
كويتيين لا ول- كت- أخرجت ل اا ال ااا ل ااااا اا فنانين مصر وفنانين من اا، من من
تونس علية أتذكر علية تذ- اا أتذكر إني أخرجت لها و اا اا أغنيتين و- وايد اا يعني لأن ذاك الوقت إذا صار ب- ما عندك ال برنامجك في يوم محدد، باجي الأسبوع شتسوي؟ بتدور لك شغلة تسويها يعني، ما تنطر أحد يقول لك اشتغل يعني، اا اا الكل نشيط وكان عندنا ذاك الوقت ترا أستوديوهين بس، في م المبنى اللي ااا بشرق على البحر، أستوديوهين أستوديو ثلاثمية و ااه، وأستوديو اا أثنين، أستوديو واحد حق البث المب- اا البرامج بس، فما كان عندنا أستوديوهات وايد كنا نستعمل الساحة الب- اا ال ال اللي في الس- اا هذا اا في التلفزيون يبنو- يبنون فيها ديكور ون- اا ونشتغل فيها.اا إي أستاذ بالنسب- هذا بالنسبة حق عملك وو اا إنت كنت قاعد تتوجه باتجاه اا اا
أغنية وطن النهار كأن في فترة الغزو-هذا في ال ف في ال في ال في في فترة اا الغزو الله لا يعيد الشر-
إي بس ميخالف قبل لا ندخل في هذي أبي أسئلك يمكن سؤال يعني شوي عن حياتك الشخصية تتذك-
اشلون؟
اا يمكن أسئلك سؤال شوي ضمن حياتك الشخصية-
إي.
تتذكر في أي سنة تزوجت؟
00:13:00تزوجت في سنة، الواحد وسبعين.
وو عندك أبناء؟
الحمد لله-
إي.
عندي أحفاد.
آه م- الله يحفظهم.
الحمد لله.
إيي تكلمني عن تجربتك في الزواج في ذاك الوقت؟
إي ش- لا شك ناجحة-
إي-
الحمد لله، أعيش حياة سعيدة، اا أولادي عندي، أحفادي عندي أشوفهم كل يوم، مرتاح
أمور- حمد لله الحمد لله.الحمدالله.
وانت ش- شايف ي- كا- كله قاعد مستانس هني.
عسى دوم إنشالله، اا أستاذ تتذكر مثلا اا إذا سويتوا مثلا حفل زفاف ولا ملجة ولا شي-؟
اا لا لا حنّا ما- إي الملجة سويناها بالكويت.
إي.
بس زواجنا كان اا آنا اااا في ذاك اا، اا في ذاك الوقت رحت أمريكا فيت زوجتي هناك
وتزوجنا هناك.آه.
إي.
اا شلون تزوجتوا هناك؟
تزوج- عل- اا اا اا ال ملجنا هني وو تزوجنا هناك رحت طلعنا من من لوس أنجلوس رحنا
سان فرانسيسكو يعني غير.[المحميد يضحك] بس أقصد يعني سويتوا العرس هناك؟
ماكو عرس-
إي-
ولا شي تقهوينا آنا وياها ورحنا-
إي-
اا ما ما شاسمه-
إي، ااام طيب اا ش- شنو من عيال عندك؟
عندي ااا أربع أولاد وبنتين، اا اا ثلاث أولاد متزوجين، عندهم اا عيال وعندي بنت
متزوجة وعندها عيال، وبنت عندي في البيت باقي واحد ما تزوج ولا يبي يتزوج.[المحميد يضحك] الله يحفظهم لك-
الله يخليك-
اا ف في أي سنة اا يالك مولودك الأول؟
ثلاثة وسبعين.
إي اا اا تتذكر شنو كان شعورك اا-
أوووو-
إي-
وووووه مهي شايلتني الدنيا، مهي شايلتني الدنيا يعني- نعمة الله ينعم عليك في
الأولاد نعمة، اا الحمد لله حمد لله بالعكس شي يونس، شي ااا إحساس ما ينوصف يعني تقدر توصف كل شي إلا إحساسك في استقبال المولودك الأول ولا الثاني ولا الثالث ولا الرابع ولا ك- كل مولود له فرحة وله إحساس عجيييب تحس فيه، لذيذ إنك تكوّن أسرة تستقر وإذا الله أنعم عليك بعد بزوجة صالحة، حياتك تصير اا يعني ما فيها منغصات يعني الحمد لله يعني ما، اا تقعد الصبح سعيد اتنام مرتاح اا حولك أولادك تشوفهم عالغدا تشوفهم عالعشا تشوفهم ع، تتطمن عليهم، فلأ الز- الزواج نعمة، نعمة.اا هل حسيت إن كان في تحديات معينة اا لما صرت أب اا-
معلوم.
إي.
شلون توفر حق أهل- ااا الهذا الإنسان القادم، اا حياة، لازم تركض لازم ما ترتاح
لازم ما تستقر، إلين ااا توفر كل هالأشياء ل لأبنائك، ااا ما ينقصهم شي، ااه ما يحسون بضيق ما يحسون، إن يشتهون شي ما تقدر توفره فتبتدي تركض تركض تركض وإلى الآن نركض، ااا، لأن وقت ما تفكر إنك انت بس اكتفيت، ها؟ صعب اا من من تقول آنا اكتفيت في أي شي وخصوصا في حياتك العائلية، من تقول آنا اكتفيت إذاً أكو شي غلط، ف ت اا ف- والرزق إيي وياهم-إي-
كل واحد إيي إييب رزقه وياه، الحمد لله.
اا طيب تتذكر هم بعد شعورك اا أول مرة صرت فيها جد؟
أووه آنا ااا أول حفيد ااا اا ياني اا، الحين يدرس بأمريكا.
إي.
وثاني حفيد اا ياني اا ويانا في ال في الكويت موجود في الكويت، اا والباجين موجودين
اا في الكويت يعني كلهم الحمد لله، بس ال اا نعمة، نعمة نعمة نعمة نعمة ب اا، يبيلها حمد بس.اا الله يخليلك ياهم ويطول بعمرك إنشالله وعمرهم-
يخليك يخليك حبيبي يخليك-
اا طيب أستاذ نرجع مم اا مرة ثانية على اا يعني اا نهاية الثمانينات وو ندخل في
فترة الغزو العراقي.إي.
اا تتذكر اا يعني و وين كنت شنو كنت قاعد تسوي-
إيي إي-
لما لما سمعت اا-
إي آنا-
خبر الغزو؟
آنا قاعد
00:14:00بحولي... كان عندنا مكتب آنا وو، محمد جابر الله يذكره بالخير، و عيالي كانوا بفيلجا، وو وآنا ناوي إن أروح لهم يوم الخميس يعني، قعدنا الدنيا مقلوبة رحت رحت حولي، أشوف شكو شماكو يعني أشوف الربع أشوف ها، ففذاك اليوم، الضحى- الحين آنا أفكر في عيالي، اللي بفيلجا اشلون اا أييبهم، وأفكر في اا شقاعد يصير يعني ما- ماني مصدق يعني ما ما اتصدق السالفة ما اتصدق جنه واحد يي اا جنه اا حلم مزعج يعني مو، ف كل شي قمت أفكر فيه يعني ففي ذيج اللحظة يانا خبر وفاة استشهاد اا رحمة الله عليه اا الشيخ فهد الأحمد، المهم إن اا ذاك اليوم اا الله لا يعيد الشر يومم مزعج كلش فبدأ فكري في اااا يعني سبحان الله تنسى اا اا اعيالك و و بقى فكرك في وطنك، تنسى كل شي بس اتفكر في الكويت، وو هذا يمكن الشعور كلنا شعور كل أهل الكويت، بما فيهم الوافدين اللي في في الكويت اللي يايين يعيشون في الكويت اا حياة كريمة، اا كانت معاناة ااا غير، غير، اا فرحت آنا أتذكر رحت ذاك اليوم حق الوالدة ببيتها، اا بس وقعدت عندهم، هناك، إلين الله سهّل، وكان التيلفون موجود أكلم العيال، عقب ما وعينا من الصدمة كلها ااا إن هذا واقع يعني، شنسوي؟ ما تدري بس ن- آنا شخص لا حول لي ولا قوة يعني، إلين الله سهل ويوا العيال بس واستقرينا ببيتنا هني ما [يصفق يديه] ما ما ماكو شي زيادة، ذاك الوقت اا س سليمان الملا الله يذكره بالخير في قطعة- في قطعة اااا ستة بيتهم، فكان ي- يعبر الشارع شارع الغوص ونقعد اا، عند بو سالم بالديوانية برا تطل ديوانيته على ال اا شارع، وو وو وبدينا هذا هني عاد انا اا اا انغمست في كتابة أغاني اا وطنية، ااا، اا هذا يعني أقل شي أقدر أسويه يعني ب، ودي أسوي كل شي بس، مو بيدي، فانغمست في الأغاني الوطنية و، اا كتبت وطن النهار وكتبت حبيبي الوطن، وكتبت ااا نعم هنا الكويت وكتبت نويرة النوير.هذا كله خلال فترة الاحتلال؟
كله إيي إي-
إي-
إي إي إي إي إي إي إي، هذا الص- اا يعني اا السلاح الوحيد اللي عندي يعني اللي أقدر
أعبر فيه عن، اا آنا شأحس، اا حبيبي الوطن إن الوطن عاد شبنسوي، ااا وو اا وو اا في هنا الكويت نعم هنا الكويت اا، اا إن هذا اا وطني يعني لا يمكن اا، يصير غير الكويت يعني، اا بس وو وطن النهار معروفة عند اا ال الناس من فضل الله، ف اا كان هذا همنا آنا ويا س سليمان الملا و، ورحمة الله عليه راشد الخضر، وعبدالكريم عبدالقادر و، لأن هذا سلاحنا اللي حنّا نقدر نسوي سواءً آنا أو عبدالكريم أو راشد أو ااا ااا سليمان الملا يعني هذا السلاح الوحيد اللي حنّا نقدر اا نشتغل فيه والحمد لله اللي الله أعاد لنا وطنا يعني وهذا احنا آنا وانت قاعدين نسولف.الحمد لله، اا أستاذ هل واجهتوا صعوبات معينة وانتو تشتغلون ويا بعض انت وال-؟
لا ما ه- لا ما لا ما لقينا لأ، لأن كل شي ت- بالسر يعني مو، يعني مو قاعدين ااا
مثلا مكان عام ونشتغل لأ آنا أروح حق سليمان ببيتهم، وو نشتغل بسكات ووو وأطلع عادي يعني كله مشي لأنه ماا شاسمه، اا ف ب كله بالسر مع، مم ب ما ما كان شي بالعلن، لأن اا أمة لا تخاف الله، اللي دخل علينا شي اا، يعني فوق الوصف، فوق الوصف يعني، بلد آمن مطمئن بناس مرتاحين، ما ي- اا ما يملكون ااا إلا محبة الناس ما في ااا قلبهم غل على أحد لا ينظرون ل اا للناس شعندهم كل اللي ينظرونه الستر والعافية يصير فيهم جذي؟ ف اللي صار فينا شي ما ما م، الله لا يعيد الشر الله لا يعيد الشر.اا أستاذ تقدر توصف لي الحياة اليومية اا تحت الاحتلال-؟
ماكو شي ماكو شي قاعدين ماكو شي، ماكو شي ال ال لما احنا نحس إن هذا انروح آنا ويا
سليمان نقعد نشتغل شوية، بس ماكو شي اا ماكو شي لأن احنا ما اشتغلنا، اا اا ما اشتغلنا ب، حتى لما فتشونا يوا وفتشوا البيت إهني سألوني وين تشتغل طلعت لهم هوية التلفزيون، فما آنا بالتلفزيون، قال ليش ما رحت اااا اهناك بغداد حق التيلفزيون قلت شيوديني هناك؟ من يوديني بعيد، آنا هني أحسن، بس ما ما ماكو شغل يعني ماكو شغل، اا كا كا شغلنا الكويت، شغلنا وشاغلنا الكويت، شغلنا وشاغلنا أهلنا آنا كنت بعد اا إي ب- من الناس اللي يمكن وايد كان يفكر في اللي خارج الكويت، إحنا عارفين اا ال اللي قاعد يصير داخل الكويت، و إجرامهم وو خستهم وو، بس ال أهلنا اللي برا ما يدرون شالسالفة مساكين يسمعون إشاعات بس.اا هل كان في طريقة تتواصلون فيها مع أهلكم اللي برا الكويت؟
لا والله آنا اا آنا كانت اا اختي اااا برا الكويت إهي وزوجها و، وعيالها اا م ما
قدرنا ما مان- ما نعرف شلون، بس اا يعني الحمد لله الأمور تغيرت وردينا وو قعدنا وهذا احنا الحين قاعدين بفضل الله بأمان.إي.
وهذا ك- هذي الكويت يعني اا الكويت بلد أمان، يعني، محد يصدق اللي صار، كأنه حلمم
كابوس مزعج، اا يعني ما اتّخيله يعني اتّخيل كل شي إلا هذي، الحمد لله.اا طيب أستاذ اا ميخالف اا يعني أسئلك هم بعد أكثر عن هذي الفترة نهاية فترة الل
الاحتلال اا تتذكر حرب تحرير الكويت؟ 00:15:00إيي أتذكرها إي متابع أكو راديو نتابعه.
إي إي.
أكو بالراديو- اا خو التلفزيون ما عندنا إلا هذا مااا ااا ما اا مال العراق- ما ما
ما لنا شغل فيه، نتابع إي انت معلوم لازم اتّابع يعني انت عندك ما ما لك إلا الرادو.إي.
ما لك إلا الرادو حتى أتذكر اا إن اا يوم يوم يوم التحرير حتى اا، احنا قاعدين هني
أقول حق الر- اا واحد من الربع، أقول له ترا تحررت الكويت اسمع ال ال ال الهيلكوبترات، تسمع حس الهيلكوبترات قلت اا أكيد أكو شي لأن لو لو م موجودين ما خلوها تطير، بس الحمد لله، والصبح طلعنا نشوف طلعنا، بس العجيب إن طول فترة ال ال ال ال ال ال ااا الغزو الله لا يعيد الشر حتى شوارع الكويت حزينة، يعني، ولما تحررت تحس إن الشوارع تضحك، يا لروعة هذا الوطن روعة وطن عجييب، وطن عجيب.اا تقدر توصف لي شنو كانت الأجواء بعد التحرير؟
رحنا من اا طلعت أخذت عيالي ول- ب اا ش اا وصلنا ليلنا هذا المطلاع شي الله لا
يوريك، بس الحمد لله يعني تحس والله تصدق، اتحس الكويت كلها صارت نور، مع الظلما وحريجة ال ح حرقة هالآبار عسى الله يحرقهم، إلا تحس إن الكويت فيها نور، الوجه الجميل وجه الكويت الجميل، اتشوفه بكلل تقاطيعه ب ب بجماله ب ااه، بروعة ذاك ال- هالوطن اللي ما، اا يمكن احنا نزعل على ال اا اللي قاعد يصير ب اا بالكويت بعض الساعات في ال- حياتنا الأي- هالأيام، إلا إن، ترا ماكو أجمل من الكويت ما أدري بإحساسي هذا وإحساس كل كويتي إن الكويت جميلة، ف لمااا اا الله قلعهم، ردت الكويت بجمالها اا، يعني حسيت آنا الكويت كأنها كائن حي، ضاق صدره، ولما تحررت الكويت عاد ذاك الصدر الوسيع اللي يحضن الجميع، فشي جميل.اا تتذكر اا مثلا عملية إطفاء اا آبار النفط المحترقة و اا-
إيي إي-
عمليات إعادة الإعمار-؟
إيي إي إي إي إي إي-
تقدر تكلمني عنها-؟
لأ احنا ما طلعنا-
إي إي-
احنا ما طلعنا مثل- حالنا حال ب- بعض ااا كل أهل الكويت اللي قعدوا، اا اا أكيد إهي
ادخنة اا الح- هالحزة تلقى ظلما يعني، الض- الضحى العود ظلما ليل، شي، شي [صوت استكانة شاي]، شي مزعج، يعني حتى لما أتذكرها يضيق خلقك، والله العظيم [يرتشف من الشاي].هل كان لها أي آثار عليكم؟
ها؟
هل كان لها أي آثار عليكم الأدخنة هذي اللي موجودة بالأجواء؟
آثار من أي ناحية؟
اا مثلاا-
أمراض وهذا؟
إي إي.
يعني أكيد حاش بعض الناس لكن الحمدالله حنّا ما حاشنا شي، أكيد وخاصة عيالنا اللي
اللي اللي كانوا يطفون الآبار، اللي هم بالمعمعة يعني عسى الله ي، يجازيهم عنا ألف خير، أكيد تأثروا أكيد لأن اللي صار ما مو شي بسيط مو شي بسيط، كارثة بكل المقاييس، انت سبعمية بير نفط هذي موو، سبعمية عود جبريت لأ، أ- أضرمت الدنيا، يا الحمد لله.الحمدالله، اا طيب- إي اتفضل أستاذ.
إي اتفضل.
اا وو من بعد التحرير اا إلى اليوم اا شنو اا يعني مثلا شنو أعمال انت تشتغل فيها
في أي مجالات تشتغل شنو تسوي؟إي
00:16:00آنا عاد بعد اا بعد التحرير اتصل فيني خالد، خالد اا الحربان، قال لي بيكلمونك، اااه، أوربت، يبونك، قلت له ت اا خل يكلموني، فعُرض علي إني اا أشتغل عندهم [يرتشف من الشاي]، فقعدنا في اجتماعين أو ثلاثة وياهم، التقينا بمصر، واتفقنا وكل شي على إن أكون آنا اا المدير إقليمي ل ل ل لأوربت الكويت، و قدمت اا تقاعدي اا من ااا الإعلام، واشتغلت اا في أوربت أسسنا هني مكتب لأوربت وأسسنا، اا كل شي وو بدينا، بفترة يمكن، مدري جم سنة ع عشر سنين؟ أو اا أقل أكثر عشر سنين أكثر ما أدري ما مان- ناسي، في الوقت اللي كنت أقدم فيه آنا برامج لأوربت، قدمت برنامج مشوار وقدمت سهرات وقدمت اا جلسات طرب وقدمت وايد شغلات في ذاك الوقت، إلى أن يوم، التقييت فيي اا دكتور أنس الرشيد كان وزير الإعلام، قال لي حنّا اا ش اا ليش ما تيي التلفزيون؟ قلت له آنا في في أوربت قال إي كله واحد تعال، قدم عندنا، بس إنشالله ااا إنشالله خ اا لازم أرجع لهم يعني اا آنا في عقد بيني وبينهم، فقال لي برمضان نبيك برمضان، فاتصلت في اا الإخوان في الأوربت، قالوا ما تقدم انت ف في في في تلفزيون الكويت، قلت لهم هذا تلفزيون بلدي [يضحك] يه شلون ما أقدم؟ قالوا ما تقدم، عقدك ما يسمح، فكرت في الموضوع، قلت لهم خير إنشالله، فكرت في الموضوع قلت الحين آنا الحين، أُمنع من اا هذا، فتلفزيون تلفزيون بلدي هذا، اا ما يصير، قلت يا ولد قدم استقالتك، وقدم في تلفزيون الكويت، وربك يسهل الأمور، فكتبت لهم كتاب قلت لهم مشكورين، ما قصرتوا على الثقة وعلى هذا، وآنا ممنون لكم في الفترة هذي كلها اللي قضيتها معاكم ما شفت منكم إلا الخير وانا صاج عند ربي إنشالله، وقدمت في رمضان برنامج اسمه الصفاة، بس عجيب إنك لما ترجع مكانك وين ربيت وين تعلمت، مع زملائك ومع ناسك و تعرفهم وهذا فلان وهذا فلان وهذا فلان وهذا فلان، اا، ف إشتغلت اا ارمضان، أربع سهرات، بس ووو وقفت، فما ما قصر الدكتور أنس اتصل فيني مرة ثانية قال لي تعال أبيك، وقال نبيك تقدم عندنا عاد يا يا اا شاسمه، قلت له حاضر وسويت بعدين أهم برنامج سويته آنا، استمر ثلاث سنوات، برنامج حنين، بعد ثلاث سنوات انتهى عقدي ويا ال ااا الإعلام وبديت ااا أعمل يعني في في الأغنية في، اا في الأغنية و استمريت إلين يتني دعوة من اااه، صوت الخليج في قطر رحت قدمت عندهم، فأروح لهم بالسنة مرتين ثلاث أقدم عندهم، ومستمر في كتابة الأغاني مع هذا مس- ليما الحين قاضب الأغاني، وبديت أسوي نشاطات عادية يعني كلش يعني، ما هو بالزخم الأولي طبيعي، بس اا أسوي محاضرة في عمان أسوي محاضرة فيي أمسيات على قولتهم أمسية في عمان أمسية في البحرين أمسية في الكويت أمسية في ااا الدمام اا يعني، أتحرك، ولا أزال أكتب يعني لا أزال أكتب والحياة ااا وايد حلوة يعني وو وقعد أسوي شي آنا أحبه يعني قاع يعني يعني ماني زعلان إن ما عندي وظيفة مثلا ولا هذا بالعكس، اا آنا أديت قسطي للعلا يعني، ااه فبقى أسوي الشي اللي أحبه، إني أكتب غناية، اا أطلع بكل خ خمس ست شهور في مقابلة، ااا اا أروح قطر أقدم برنامج، اا دعوة تييني من اا مكان أروح جذيه، متنقل أقول أمسيات أقول شعر، وهذي الحياة.اا بالنسبة للأغاني اللي انت تكتبها الحين هذي تحتفظ فيها لنفسك ولا تُسجل هم بعد؟
لا تُسجل آنا ما ما أحتفظ لنفسي شي.
إي.
مم يعني آنا ما أكتب إلا لماا أحس إن بي- شي بيطلع يعني، لأن م- شالفايدة إني آنا
أكتب وو أحطه عندي يعني.مم.
اا، أك- اا أحيانا أكتب لي آنا جذي مثلا و اا أحباب أقعد وياهم وأقولها إي اا
أسويها وايد هذي، وو مستعيض عن ها الحين اا يعني تشوف الحين الحين حتى كل شي تقدم كل شي صار غير، يعني الآن في إنستغرام انت موجود وخلاص فيعني كأنك في مع الناس كل يوم، إي.إي، اا طيب أستاذ ال ااا أول شي حاب نوقف تبي تاخذ أدوية ولا؟
أخذت أدويتي أخذت.
إي أوكي، اا بالنسبة حق المجالات اللي انت كنت تعمل فيها اا سواء كان تلفزيون ولا
إخراج ولا كتابة أغاني، اا اشلون تشوف اا هذي المجالات تغيرت مع الوقت؟لا تغيرت اا، لأن التقنيات تغيرت، روح جديدة يت، شباب متعلم، متخصص فيها، كل هذا
يغير، اا اا التطورات في الل في في الحيا- في حياتنا، سوشال ميديا وانت رايح كلها لها تأثير، تأثير وايد على على على وسائل الإعلام الرسمية أو التقليدية مثل ما يحبون يسمونها، وو هذااا، الهذا شي ااا، مو غريب يعني ما لازم نستغرب إن اا تسوي شغلة من هالنوع اتشوف شغلة من هالنوع اتشوف شغلة من- الحياة جذي الحياة جذي، إي، انت كل يوم تفج التلفزيون اتعلم شي، انت وانت قاعد ابّيتكم اتطق جذي وييه توصل العالم كله وانت قاعد بالبيت، حنّا أول ماكو إلااا ت تلفزيون الكويت ومشخال عشان تطلع البصرة-[المحميد يضحك].
حا ت ت تقدم وا- تقدم وايد- آنا نسيت لا أقول لك-
إي-
في في في معمعة هال ال ال ال ال اا اا السوالف، ااا اللي اللي اللي اللي مرت علي
وانا في التيلفزيون مثلا أو في اا في الأمسيات أو في هذا نسيت أقول لك شي مهم، بالنسبة لي مهم، اا يت فترة آنا كنت أقدم في إذاعة الكويت البرنامج الثاني أقدم برامج، كان عندي برنامج اسمه كلمة راس ت- استمررر اا مدة طويلة إليين بعد التحرير، إلين اختلفت آنا ويا الوكيل اا اا مال الإذاعة السابق، اا فهد المبارك، اختلفت وياه وو وو وخرت، كنت قدمت وايد برنا- برامج في الإذاعة قدمت مسابقات في الإذاعة، قدمت سهرات مع اا السيدة ألطاف العيسى، في رمضان، قد- وايد برامج قدمتها في الإذاعة، وحبيت الإذاعة يعني حبيتها إذاعة الإذاعة تونس.اا كنت تعمل في الإذاعة بنفس الوقت اللي كنت تعمل فيه في التلفزيون وإخراج الأغاني وهذا-؟
إي إي إي إي إي إي إي-
إي إي-
إي إي إي-
إي-
ولا هامني أحد رااايح-
إي شلون كنت توفق بين كل هذا؟
قلت لك أول الواحد يعني اا الو- نشط لدرجة إن يشتغل طول أيام الأسبوع، وما يحس
بالتعب لأنه يشتغل، تتعب بس توقف، بس توقف عن مزاولة ااا اا مثل الرياضة إذا وقفت عن الرياضة تتعب، بس طول ما انت تلعب رياضة انت زين، نفس الشي العمل طول ما انت تعمل مخك شغال أصلا مخك يبتكر ويبدع وووو، ويحاول وو وانت تحاول اا، إحنا جيل، يى في فترة يمكن من أهم فترات ال ال اا الكويت، في قمة ااا توهج الكويت، في كل الميادين، اا في الرياضة في الأدب في الأغانيي في ال ااث- إذاعة في التلفزيون، كانت الكويت محج، ااا ل عقول، ف اا الكل نشيط فكنا كل شي نسوي، وو ولا ننتظر اا ترا طرق المعاش، ما تسوي هالسوالف كلها على شان ااا فلوس، يعني ما تخرج أغاني لأنك تبي فلوس ويعطونك أو فوق معاشك أو تروح تقدم برامج عشان يعطونك ااا فوق معاشك لا لا لا تقدمها لأنك انت تبي تسوي جذي، ومستانس، خاصة لما تكون انت موظف في الإعلام، اللي يجي من برا الإعلام أكيد ياخذ مكافآته ومن حقه، بس انت موظف، الحين اا مثل ما فهمت من بعض الربع اا المخرج ما يخرج- ياخذ راتب، بس ما يخرج برنامج إلا ماخذ- حاط يبي مكافأة ونفس الشي المعد ونفس الشي اللي يقدم كلهم جذي الحين.مم.
أول لأ ماكو هذا وكنا في حالة توهج الكويت كلها كانت في حالة توهج، محد محد قاعد
اااا حاط ريل على ريل الكل يشتغل.اا بس شنو باعتقادك كان السبب إن يعني وقت جيلكم اا يعني كا كانت ال اا-
توهج الكويت-
إي-
الكويت كانت اا اااا، كل شي، الأدب، شعر، الإعلام، الغناء، المسرح، الصحة، الأشغال
ال [يضحك] كل ما في الكويت كان متوهج.بس شنو مختلف الحين في هالأيام اللي-
والله عاد هذي ما أدري يبيلها واحد اا-
إي-
عنده علم اا ال الاجتماع عشان يعرف اا يحلل هالسالفة هذي آنا شخصيا ما أعرف، بس
أعرف الفترة اللي آنا كنت أشتغل فيها في وزارة الإعلام كانت خلية نحل، محد فاضي حق القيل والقال، محد فاضي حق فلان طول وفلان قصير، محد فاضي هذا عطوه وهذا ما عطوه، كل واحد قاضب شغله، وو اا وو ومهتم بشغله، لما سووا فرقة التلفزيون، حدث كانت، حدث فني في في الخليج كله، أغاني الل اا ال ال اا المعاهد الخاصة في المسرح، اللي يسوونها المدارس كانت المدارس، اا ت اا تبدع، ففي التعليم عندنا إبداع في كل شي عندنا إبداع، للأسف الحين ماكو شي من هذا.إي،
00:17:00اا طيب أستاذ آنا حاب أسألك عن اا ال ال السنتين الأخيرتين، اا شنو كانت تجربتك مع جائحة كورونا؟ها؟
شنو كانت تجربتك [صوت قداحة] مع جائحة كورونا؟
مزعجة لا شك، ولكن فيها بعض الحسنات، إنك تقعد ويا أهلك أكثر، اا تقعد ويا عيالك
أكثر، ااا أربعة وعشرين ساعة عارف شكو شماكو ببيتك، أول ماخذتك الدنيا، تركض، أضر أضرت فينا اقتصاد أضرت فينا سياسة أضرت فينا تعليم أضرت فينا صحة وأضرت فينا، يعني ال للأسف سنتين اا اا الأولاد لا يدرسون ولا يسوون شي النتيجة شنهي، شوفة عينك، يروحون الجامعة ما يعرفون يكتبون أساميهم، اا اا كل شي تردى، بس الواحد دائما يتأمل، ولا يفقد الأمل في الإنسان الكويتي، لأنه خلّاق مبدع سوى الكويت من ماكو شي، الإنسان اا الآباء المؤسسين سووا الكويت ما عندهم شي لا عندهم نفط ولا عندهم هذا ولا عندهم هذا، بس خ- سووا شي أصبح مزار دار مدار الكويت كلهم إيون الكويت، فخلاقين أهل الكويت خلاقين، اا اا عطوهم الفرصة بس، وتشوف وتشوف شي اا عجب، ف ااا اا كورونا أثرت علينا يعني أثرت علينا بشكل فضيع، اا بشكل ااا أتعب كل شي أتعب الإنسان نفسه يعني، يعني شوف الهم بعد اا الحكرة بالبيت هذي ااا تئذي تئذي، خاصة ال ب ال مثلنا متعود يطلع ويروح وإيي وهذا ما ما تدخل جمعية ما تدخل هذا ما تدخل ذي ما اا طعم ما تطعم مادري شنهو، صارت يعني يع- اا اا الحين تونا بدينا انتنفس طلعولنا بسالفة يديدة توك يعني، بس آنا دائما مؤمن بالإنسان الكويتي اا اا إن إنه قادر يسوي شي، وإن لو ع- أُعطي الفرصة الصح يعطيك شي، اا عطه الفرصة وحاسبه بعدين، إحنا لا نعطي فرصة ولا نحاسب بعدين، هذي مشكلتنا اليومين.مم، اا طيب شنو كانت طبيعة حياتك اليومية خلال فترة الحظر؟
ماكو والله قاعد في البيت مجابل عيالي ومجابل، هذا، ما مم ما أروح مكان، ما أروح
مكان ااا خ خرعونا ياخوك، ال لا تطلعون إلى هذا اللي ياي ياك الذيب ياك وليده ياك-[المحميد يضحك]-
يعني شي، شي، وبعدين اا لا تنسى الحين في التلفزيونات الناس تشوف في الباجي البلدان
يطلعوون ويروحون وإيون وانت يقولون لك اقعد، فأما إنك ااا تنفجر وأما إنك تستسلم، إلى الوضع انت فيه وتقول يالله السلامة، يعني ما عندك ب اا ما عندك حل، ماكو حل.اا طيب أستاذ أحنا قعد نوصل نهاية ال مقابلة اا هل في شي في حياتك كان ودك لو إنك
سويته بطريقة مختلفة؟شلون؟
اا ه- هل كان في شي في حياتك كان ودك لو إنك سويته بطريقة مختلفة؟ أو شي تضيفه حق حياتك؟
أبد، أبد، هذا مسار اا كتبه لي رب العالمين، آنا راضي فيه، اا سعيد في اا ااا ال اا
ال النجاحات وسعيد في الفشل، اا جربت الأثنين جربت الفشل وعرفته وجربت النجاح وعرفته يمكن هذا خلى عندي توازن عاطفي جدا مريح، إني لا أزعل إذا فشلت ولا أتباهى إذا نجحت.صح لسانك أستاذ.
يسلمك.
اا في أي شي حاب تضيفه على المقابلة شي آنا نسيت أسئلك عنه-؟
انتو اللي مشكورين مشكورين يمكن انتو عطيتوني شي اا اا جميل، يوم من الأيام بتحجى فيه-
[المحميد يضحك]-
بقول إن، إنكم انتو- إنكم انتو كشباب و وجامعتكم قدروني اا هذا تقدير جبير، يمكن
آنا ما حلمت فيه.والله أستاذي آنا لي الشرف وآنا ما كان ودي هذي المقابلة تنتهي وو قعد أعصر مخي على
شان أطلع أسئلة بس على شان الوقت ما ينتهي [يضحك]-لاا هذا ب بي- مكان- مكانك أي وقت أي وقت تعال عالجاي موجود والقهوة موجودة-
ما تقصر ما تقصر مشكور-
نقعد ونسولف مو بالضرورة إلا مقابلات.
صح هم صح، أستاذي احنا نتقدم لك بالشكر الجزيل على وقتك-
لا العفو لا آنا اللي أشكركم-
وو على هذي المقابلة-
آنا اللي أشكركم يا وليدي، الشكر لكم إنكم بادرتوا وهذا شي يثلج صدري آنا، يعني لما
أشوف اا عيالنا بهالهمة والنشاط، أفرح، وانا فرحان فيك.وو آنا فرحان بعد يعطيك ألف عافية أستاذ-
حياك الله-
اا نشكرك مرة أخيرة و اا وجذي نوقف التسجيل.
00:18:00